Grænfáni og hæ hó jibbý jei.

Í dag afhenti Gísli Bjarnason, sviðsstjóri fræðslu- og menningarsviðs, Krílakoti alþjóðlega viðurkenningu Grænfánans fyrir hönd Landverndar. Viðurkenninguna fær Krílakot fyrir góða frammistöðu í menntun til sjálfbærni og fyrir að leggja sitt af mörkum til þess að bæta og efla umhverfismál innan skólans og í nærsamfélaginu. Þetta er í sjöunda sinn sem skólinn hlýtur viðurkenningu Grænfánans.  Ágústa skólastjóri tók við viðurkenningunni og Grænfánanum var svo flaggað með hjálp nokkurra nemenda, allur nemendahópurinn fylgdist með flögguninni og fékk fræðslu um hvað litirnir og myndirnar í fánanum tákna. Eftir athöfnina var svo haldið í hina árlegu skrúðgöngu í tilefni af þjóðhátíðardeginum. Þrammað var í hæ hó stemmningu, íslenska fánanum veifað og svo var sungið við Ráðhúsið og Dalbæ.