Hafa samband

Héraðsskjalasafn Svarfdæla Ljósmyndir Ljósmyndasöfn Gömul- og horfin hús Gömul- og horfin hús

Gömul- og horfin hús

236 stk.
30.06.2021

Hér má sjá brot af þeim húsum sem eitt sinn stóðu í Dalvíkurbyggð og/eða hafa tekið breytingum í gengum árin. Sögu húsanna líkur aldrei meðan þau standa og minnig þeirra lifir í ljósmyndunum sem varðveittar eru. Stuðst er að miklu leiti við Húsaskráningu Byggðasafnsins Hvols sem skráð var af Kristjáni E. Hjartarsyni (sjá heimasíðu Hvols)

Fyrri 1 2 3 Næsta

Húsabakkaskóli í Svarfaðardal. Skólinn hóf starfsemi sína árið 1955 og þjónaði sem barna- og unglingaskóli Svarfaðardalshrepps og var einnig heimavistarskóli. Skólinn var lagður niður eftir miklar deilur árið 2005, þegar Svarfaðardalshreppur og Dalvíkurbyggð sameinuðust.
Nú er húsið í einkaeigu.

Upsir og Upsakirkja. Upsir í Svarfaðardal eru landnámsjörð og líklega hefur kirkja verið reist þar fljótlega eftir kristnitöku. Bærinn Upsir stóð í útjaðri Dalvíkur utan við Brimnesá. Upsakirkja á sér langa og viðburðaríka sögu og má þar nefna Kirkjurokið sem var fárviðri sem gekk yfir landið þann 20. september árið 1900, þar sem kirkjan fauk og brotnaði í spón ásamt fleiri kirkjum í Dalvíkurbyggð. Kirkjan var þó byggð upp og þjónaði hlutverki sínu þar til hún var lögð af þegar Dalvíkurkirkja var reist og síðar var hún rifin að mestu. Gamla forkirkjan stendur þó enn í kirkjugarðinum miðjum og kallast Upsakapella.

Valensia sem var eitt af húsum Söltunarfélagsin og stóð við Hafnarbaut. Húsið var byggð í kringum 1930.

Sólgarðar sem stóð fyrir neðan Brekku á Hafnarbaut/Sunnutún. Mynd tekin 1980

Sólgarðar. Húsið var byggt af Sveinbyrni Jóhannessyni árið 1916.

Nýja Sogn. Mynd tekin 1916.

Húsið Runnur sem stóð á horni Skíðabrautar og Grundargötu.

Gamla Sogn sem var í eigu Jóhann Jóhannssonar (f. 1875) kaupmanns. Mynd tekin 1905.

Grund í Grundargötu.

Pólstjarnan - Grundargata

Jaðar þar sem það stóð hjá Dalvík.

Kampur við Hafnarbraut. Húsið var salthús Gránufélagsins

Jaðar.
Timburhúsið var í upphafi reist á Árskógsströnd um aldamótin 1900, suður og upp af Litla-Árskógi. Þetta var nýbýli í landi Brattavalla, nefnt Brattahlíð. Húsbyggjandinn var Stefán Hallgrímsson frá Stóru-Hámundarstöðum. Húsið var svo selt árið 1908 og voru nýir eigendur góðir og mikilvirkir smiðir á Dalvík: Jóhann Jóhannsson frá Háagerði og Elías Halldórsson. Þeir rifu húsið, fluttu til Dalvíkur, endurreistu það í sameiningu í landi Brimness árið 1909, gáfu því nafnið Jaðar og bjuggu þar með fjölskyldum sínum og fleirum.
Seinni ákváðu bæjaryfirvöld á Dalvík að selja húsið til niðurrifs árið 1996 til að auka athafnarými Sæplasts við Brimnesána. Árni Helgason á Ólafsfirði eignaðist það og lét flytja það yfir til Ólafsfjarðar og út á Kleifar þar sem það nú stendur.

Götumynd af Grundargötu á Dalvík

Götumynd af Hafnarbraut, húsið sem sést næst er Kambur.

Gamla sláturhúsið séð frá höfninni.

Grund, byggt af Halldóri Sigfússyni (gjarnan kallað Dórahúsið). Grundargata 15. Mynd tekin 1975

Dröfn sem stóð á horni Skíðabrautar og Hafnarbrautar en nú er horfið. Mynd tekin 1984.

Gamla sláturhúsið á Dalvík sem var byggð sem sláturhús en fiskverkun, fyrst og fremst frysting, var þar þann tíma ársins sem slátrun var ekki

Böggvisstaðir eldra - Byggt árið 1914. Jörðin átti land að sjó og við ströndina var ágæt höfn og rekaviðarfjara. Þar myndaðist vísir að þéttbýli í lok 19. aldar sem kallaðist Böggvisstaðasandur en seinna Dalvík. Dalvíkurbær keypti jörðina af Ríkissjóði árið 1947 enda er meginhluti kaupstaðarins í Böggvisstaðalandi. Eftir að íbúðarhúsið var rifið var þar byggt allmikið loðdýrabú sem nú er ekki lengur starfandi.

Baldurshagi sem stóð við Grundargötu. Það var Þorsteinn Jónsson kaupmaður á Dalvík, sem réðst í það þrekvirki, aðeins 22 ára, að hefja íbúðarbyggingu á Böggvisstaðarsandi árin 1902-03. Helgi Ólafsson var yfirsmiður hússins. Að sögn Hjálmars Júlíussonar, en hann varð eigandi Baldurshaga ásamt Herði Kristgeirssyni eftir daga Þorsteins, voru í öllu húsinu 24 vistarverur. í kjallara var eldhús og matsalur verkafólks og þeirra sem við sjávarútveginn unnu, smíðakompa, geymslur og síðar verslun Sigurðar P. Jónssonar. Á miðhæð var verslun Þorsteins og íbúð. Þá var símstöð þar um áraraðir, en
eftir 1932 var pósthúsið flutt frá Nýjabæ út í Baldurshaga. (Norðurslóð. 2000, 4. tlb.)
Myndin er tekin um 1930. Húsið var rifið árið 2003.

Árgerði (eldra) og brúin sem þá stóð. Árgerði varð bústaður héraðslæknis 1908 þegar Sigurjón Jónsson héraðslæknir Svarfdæla settist hér að og rak dálítinn búskap með læknisstörfunum. Þá var í Árgerði nýlegt
timburhús sem stóð þar sem núverandi hús stendur. Daníel Ágústi Daníelssyni var veitt embætti
héraðslæknis 1944 og flutti til Dalvíkur. Hann vildi
endurreisa læknisbústað í Árgerði og keypti jörðina, lét rífa timburhúsið sem þar stóð og reisa í staðinn nýtískulegt hús árið 1947.
(Kristján E. Hjartarson. Byggðasafnið Hvoll: Húsaskráning)

Fyrri 1 2 3 Næsta