Félagsmálaráð

Trúnaðarmál 201408013

Trúnaðarmál 201409043

Trúnaðarmál 20140944

Trúnaðarmál 201408098

Tekið fyrir erindi frá Byggðarráði 704 fundi dags. 21.08.2014 þar sem byggðaráð samþykkir samhljóða með 2 atkvæðum að vísa erindi frá Alþingi, 100 ára kosningarréttur kvenna, erindi frá afmælisnefnd til félagsmálráðs ásamt öðrum ráðum. Erindi þetta barst sveitarfélaginu 12. ágúst frá Ástu Ragnheiði Jóhannesdóttir framkvæmdastjóra 100 ára afmælis kosningaréttar kvenna. Sveitarfélög á landsvísu eru hvött til að minnast þeirra mikilvægu réttinda sem kosningarétturinn er með sýningum, málþingum, fyrirlestrum og öðrum viðburðum það ár. Óskað er eftir áformum sveitarfélagsins sem yrði kynnt á heimasíðu afmælisnefndarinnar í haust.

Tekið er fyrir erindi vísað úr Byggðarráði, 704 fundi dags. 21.ágúst 2014 frá Jafnréttisstofu þar sem minnt er á skyldur sveitarfélaga samkvæmt jafnréttislögum nr. 10/2008 um jafna stöðu og jafnan rétt kvenna og karla er varðar sveitarstjórnir. Byggðarráð vísar erindinu til félagsmálaráðs sem fer með jafnréttismál sveitarfélagsins. Erindi Jafnréttisstofu dags, 14.08 2014 er að minna sveitarstjórnir á að sveitarstjórnum beri að skipa jafnréttisnefndir . Hver jafnréttisnefnd skal hafa umsjón með gerð jafnréttisáætlunar fyrir sveitarstjórnir til fjögurra ára en hana á að leggja fram eigi síðar en ári eftir kosningar. Einnig skulu sveitarstjórnir sjá til þess að hlutur kynjanna sé sem jafnastur í öllum nefndum, ráðum og stjórnum á vegum sveitarfélagsins. Þegar sveitarstjórn hefur skipað jafnréttisnefnd eru þær beðnar að senda Jafnréttisstofu upplýsingar um nöfn nefndarfólks ásamt netföngum.

Tekið er fyrir erindi frá 25. júlí 2014 frá Velferðarráðuneytinu en þann 3. október 2014 er ráðstefna um Nýja hugsun og þróun í heimaþjónustu, um samþættingu félags- og heilbrigðisþjónustu. Öll Norðurlöndin hafa mótað stefnu byggða á þeirri sýn að sem flestir geti búið á eigin heimilum, óháð aldri, heilsufari og fötlun. Því hefur samþætt þjónusta við fólk á heimilum sínum aldrei verið mikilvægari en nú. Á ráðstefnunni verður skoðuð reynsla Norðurlandanna af samþættingu heimahjúkrunar og félagslegrar heimaþjónustu og lagt mat á hvernig hún mætir þörfum notenda.

Bréf barst frá Velferðarráðuneytinu 28. ágúst 2014 þar sem kynnt er nýtt sérfræðingateymi sem Félags- og húsnæðismálaráðherra hefur skipað sem veita skal sveitarfélögum ráðgjöf um hvernig best verði háttað þjónustu við einstök börn með alvarlegar þroska- og geðraskanir og fjölskyldur þeirra. Í þessu samhengi er átt við aðstæður þar sem vandinn er slíkur að fullreynt er að mati sveitarfélagsins að börnin geti áfram búið í foreldrahúsum og eru talin þurfa sérsniðin búsetuúrræði.

Tekið fyrir erindi frá Velferðaráðuneytinu dags. 29.08 2014 vegna verkefna í þingsályktun um framkvæmdaáætlun í málefnum fatlaðs fólks.Gert var ráð fyrir að þingályktunin næði til áranna 2012-2014 en sl. vor ákvað velferðarráðherra að framlengja áætlunina um tvö ár. Eitt af verkefnunum í framkvæmdaráætlun þessari er verkefni sem miðar að því að vinna gegn fordómum og félagslegri útskúfun fatlaðs fólks. Rannsóknarsetur í fötlunarfræðum var fengið til að vinna skýrslu með yfirliti og samantekt um helstu niðurstöður íslenskra rannsókna sem gerðar hafa verið á stöðu fatlaðs fólks á árabilinu 2000-2013. Skýrslan er komin út og er aðgengileg á heimasíðu ráðuneytisins.

Tekið var fyrir bréf dags. 02.07.2014 frá Sambandi Íslenskra sveitarfélaga þar sem vakin er athygli á breytingum á lögum nr. 96/2002 um útlendinga. Breytingar sem hafa áhrif á sveitarfélögin eru ákvæði um skráningarvottorð og dvalarskírteini til handa EES/EFTA borgurum og aðstandendum þeirra. Einnig hafa verið gefnar út leiðbeinandi reglur fyrir sveitarfélög um móttökuþjónustu og aðstoð við félagslega þátttöku flóttafólks. Sambandið hefur einnig unnið að greiningu á gráum svæðum milli ríkis og sveitarfélaga hvað varðar ýmsa þætti velferðarþjónustu. Meðal atriða sem komið hafa til skoðunar er endurgreiðsla á fjárhagsaðstoð sem sveitarfélög veita innflytjendum.

Félagsmálastjóri upplýsti og fór yfir fjölda íbúða í eigu sveitarfélagsins.

Félagsmálastjóri lagði fram fundargerðir þjónustuhóps um málefni fatlaðra og stjórnar Róta