Búsetumál fólks með fötlun

Leiguhúsnæði

Félagsþjónustan rekur 40-45 íbúðir sem sveitarfélagið á eða hefur innleyst.
Félagslegar og almennar íbúðir eru til leigu hjá Dalvíkurbyggð og umsóknareyðublöð liggja frammi á bæjarskrifstofu. Leigjendur þurfa að greiða 3ja mánaða leigu fyrirfram sem tryggingu fyrir húsnæðinu, er einstaklingar hætta að leigja íbúðina fá þeir greiðsluna til baka ásamt vöxtum og verðbótum svo framarlega sem allar greiðslur eru í skilum og í lagi sé með íbúðina.
Mat á umsóknum fer fram með stigagjöf sem byggir m.a. á félagslegum aðstæðum umsækjenda og aldri umsókna.


Húsaleigubætur

Leigjendur húsnæðis geta fengið húsaleigubætur að uppfylltum ákveðnum skilyrðum: Gerð er krafa um þinglýstan húsaleigusamning sem gildir í a.m.k. 6 mánuði. Ef húsnæðið er án eldunaraðstöðu og snyrtingar, er ekki hægt að fá húsaleigubætur. Réttur til húsaleigubóta er háður tekjum og fellur niður ef tekjur eru yfir viðmiðunarmörkum. Sækja þarf um húsaleigubætur á sérstökum eyðublöðum.
Starfsfólk Félagsþjónustunnar er bundið trúnaði.

Nánari upplýsingar veitir Arnheiður Hallgrímsdóttir í síma 460 4900 og á netfanginu heida@dalvikurbyggd.is