Atvinnumála- og kynningarráð

49. fundur 06. desember 2019 kl. 08:00 - 10:30 í Múla á 3. hæð í Ráðhúsi Dalvíkur

Nefndarmenn

Sigríður Jódís Gunnarsdóttir formaður
Tryggvi Kristjánsson varaformaður
Snæþór Arnþórsson aðalmaður
Júlíus Magnússon aðalmaður
Sigvaldi Gunnlaugsson varamaður

Starfsmenn

Íris Hauksdóttir starfsmaður

Fundargerð ritaði: Íris Hauksdóttir Þjónustu- og upplýsingafulltrúi

Dagskrá

Hólmfríður M. Sigurðardóttir, aðalmaður, boðaði forföll.
Sigvaldi Gunnlaugsson, varamaður, sat fundinn í hennar stað.

1.Sóknaráætlun Norðurlands Eystra 2020-2024

Málsnúmer 201911112 Vakta málsnúmer

Á aðalfundi Eyþings þann 15. nóvember sl. var samþykkt ný sóknaráætlun fyrir Norðurland eystra 2020-2024. Sóknaráætlun er stefnuskjal sem felur í sér stöðumat landshlutans, framtíðarsýn og markmið í tilgreindum málaflokkum ásamt skilgreindum leiðum að markmiðunum. Áhersluflokkarnir í sóknaráætluninni eru atvinnumál og nýsköpun, menning og umhverfismál. Áætlunin tekur mið af heimsmarkmiðum Sameinuðu þjóðanna um sjálfbæra þróun og einstök markmið og aðgerðir tengd við tilheyrandi heimsmarkmið.

Farið yfir sóknaráætlun og úttekt á framlögum til rannsókna og nýsköpunar. Ljóst er að hlutur Norðurlands eystra er mjög rýr í úthlutun úr opinberum sjóðum. Málin rædd.

Þjónustu- og upplýsingafulltrúa falið að afla upplýsinga um úthlutanir síðustu ára. Ákveðið að taka málefni sóknaráætlunar upp á dagskrá ráðsins með reglubundnum hætti.

2.Umsókn um byggðakvóta fiskveiðiársins 2019/2020

Málsnúmer 201910144 Vakta málsnúmer

Til umfjöllunar staða mála varðandi byggðakvóta fiskveiðiársins 2019-2020, vísað til ráðsins frá byggðaráði.

Búið er að sækja um byggðakvóta fyrir fiskveiðiárið 2019-2020 en ekki er enn komin úthlutun fyrir byggðarlögin í sveitarfélaginu.

Búið er að boða hagsmunaaðila vegna byggðakvótans á umræðufund, þriðjudaginn 10. desember á 3. hæð ráðhúss kl. 16.00.
Fundurinn var auglýstur á heimasíðu sveitarfélagsins og samfélagsmiðlum í vikunni.

3.Kynning á afþreyingu í Dalvíkurbyggð

Málsnúmer 201912011 Vakta málsnúmer

Á fundi ráðsins með ferðaþjónustuaðilum í Dalvíkurbyggð í Bergi 2. október 2019 var rætt um gerð stutts kynningarmyndbands á afþreyingu í Dalvíkurbyggð.

Til umræðu á fundinum núna þátttaka Dalvíkurbyggðar í verkefninu.

Þjónustu- og upplýsingafulltrúa falið að skoða möguleika aukins samstarfs aðila á vettvangi ferðamála.

4.Atvinnulífskönnun 2019

Málsnúmer 201909136 Vakta málsnúmer

Farið yfir frumniðurstöður úr Atvinnulífskönnuninni 2019.

Lagt fram til kynningar

5.Heimsóknir í fyrirtæki 2019

Málsnúmer 201901022 Vakta málsnúmer

Til umræðu næsti samráðsfundur við atvinnulífið skv. atvinnustefnu, bændur.

Ákveðið að boða bændur á fund ráðsins í febrúar.

6.Fundargerðir AFE 2019

Málsnúmer 201904003 Vakta málsnúmer

Lagðar fram til kynningar fundargerð stjórnar AFE nr. 40 og fundargerð aukaaðalfundar AFE

Lagðar fram til kynningar

7.Fundagerðir stjórnar Markaðsstofu Norðurlands

Málsnúmer 201912025 Vakta málsnúmer

Fundargerð stjórnar Markaðsstofu Norðurlands lögð fram til kynningar