Veitu- og hafnaráð Dalvíkurbyggðar

Á 382.fundi sveitarstjórnar þann 16.september sl., var eftirfarandi bókað:Sveitarstjórn samþykkir samhljóða með 6 atkvæðum ofangreinda afgreiðslu byggðaráðs og samþykkir þá tillögu að þeim tveimur tilboðum sem bárust vegna útboðs á vatnstanki Upsa verði hafnað þar sem tilboðin eru langt yfir kostnaðaráætlun.Einnig samþykkir sveitarstjórn samhljóða að verkefnið verði boðið út að nýju og að vinnuhópurinn yfirfari útboðslýsinguna.

Á 384.fundi sveitarstjórnar þann 18.nóvember sl., var eftirfarandi bókað:Til máls tók:Freyr Antonsson, sem leggur til að sveitarstjórn samþykki einnig að taka tilboði í djúpdælu og niðursetningu hennar í ÁRS-32 á sama tíma.Fleiri tóku ekki til máls.Sveitarstjórn samþykkir samhljóða með 7 atkvæðum ofangreinda afgreiðslu veitu- og hafnaráðs um að taka tilboði frá HD ehf. hvað varðar niðursetningu á djúpdælu á Hamri og að taka tilboði í djúpdælu og niðursetningu hennar í ÁRS-32 á sama tíma.

Farið var yfir stöðu mála á þessu verkefni. Búið er að mynda fráveitukerfi á Hauganesi, Árskógssandi og 1.áfanga á Dalvík.

Fyrir fundinum liggur útreikningur á jöfnun húshitunarkostnaðar fyrir árið 2025. Í honum er tekið tillit til breytinga á gjaldskrám Orkusölunnar, Rarik og Hitaveitu Dalvíkur og er gjaldið nú 429 kr/m3 húss. Bréf til útsendingar lögð fyrir og er heildargreiðsla ársins 2025 kr. 4.333.155.-

Þann 25.september sl., var auglýst eftir umsóknum um styrki til fráveituframkvæmda, umsóknarfrestur var til og með 30.nóvember sl.Styrkhæfar fráveituframkvæmdir eru framkvæmdir við safnkerfi fráveitna, hreinsivirki, dælustöðvar og útrásir. Einnig framkvæmdir við hreinsun ofanvatns, svo sem til að draga úr mengun af völdum örplasts en rannsóknir hafa sýnt að megnið af örplastmengun berst til sjávar með ofanvatni. Meðal skilyrða fyrir að fráveituframkvæmd teljist styrkhæf er að kostnaður hafi fallið til eftir 1. janúar 2020.Kostnaður við útboð, fjármagns- og lántökukostnaður og kaup á löndum og lóðum vegna framkvæmda í fráveitumálum teljast ekki styrkhæf. Sama gildir um hefðbundið viðhald og endurbætur á eldri fráveitukerfum. Þó eru endurbætur á eldri kerfum styrkhæfar ef tilgangurinn með endurbótunum er að kerfin standist gildandi kröfur laga og reglugerða.Dalvíkurbyggð sendi ekki inn umsókn.

Sveitarstjóri fór yfir stöðu á rekstri veitna og hafna frá janúar til október 2025.

Með fundarboði fylgdi tölvupóstur frá Hafnasambandi Íslands þar sem vakin er athygli því að vegna nýlegra lagabreytinga hafa tollyfirvöld verið að óska eftir tæknilegum upplýsingum um rafrænt eftirlit í höfnum og í sumum tilfellum óskað eftir beintengingu í rafrænt eftirlit. Stjórn Hafnasambandsins hefur fjallað um málið og með tölvupósti frá þeim fylgdi minnisblað um nýlegar lagabreytingar varðandi rafrænt eftirlit í höfnum og aðgang að því. Einnig fylgjdi með leiðbeiningar varðandi fyrirspurnir um aðgang tollyfirvalda að rafrænu eftirliti hafna.

Fyrir fundinum liggja upplýsingar um fund sem Hafnasamband Íslands átti með efnahags- og viðskiptanefnd Alþingis þann 4.nóvember sl. og minnisblað sem Hafnasambandið fékk Lex lögmannsstofu til að vinna um tollafrelsi fyrir erlend farþegaskip á Ísland.

Lögð fram drög að fundaáætlun veitu- og hafnaráðs fyrir árið 2026.