Veitu- og hafnaráð Dalvíkurbyggðar

Á 38. hafnasambandsþingi sem haldið var í Vestmannaeyjum dagana 20. og 21. september 2012 var stjórn Hafnasambands Íslands falið að láta gera úttekt á efnahagslegum áhrifum íslenskra hafna og vægi þeirra í íslensku atvinnulífi. Starfsmaður hafnasambandsins hefur á seinustu mánuðum unnið í úttektinni sem var einnig MA-ritgerð hans í stjórnun og stefnumótun.Í úttektinni var stuðst við ársreikninga hafnasjóða og sveitarfélaga fyrir árið 2012 sem og gögn frá Hagstofu Íslands og Íslenska sjávarklasanum. Að auki var notast við SVÓT greiningu til að greina styrkleika, veikleika, ógnanir og tækifæri íslenskra hafna.Niðurstöðurnar sýna okkur að beint framlag íslenskra hafna var um 0,3% af landsframleiðslu en aftur á móti var óbeina framlag hafnanna mun meira eða rúmlega 28%. Mikilvægi íslenskra hafna fyrir íslenskt samfélag var og er því óumdeilt þó svo að deila megi um mikilvægi hverrar hafnar fyrir sig.Rétt er að það komi fram að um Hafnasjóð Dalvíkurbyggðar er fjallað á blaðsíðu 56 og 57 í skýrslunni.Afraksturinn má nálgast í heild sinni á heimasíðu Hafnasambands Íslands: http://hafnasamband.is/2014/06/24/efnahagsleg-ahrif-islenskra-hafna/

Til umræðu var móttaka gesta Hafnasambandsþigsins til Dalvíkurbyggðar. Kynntar voru hugmyndir að dagskrá kynnisferðar sem eru að koma við í Promens Dalvík, kynna hafnasvæðið og ljúka ferðinni í Menningarhúsinu Bergi þar sem Fiskidagurinn mikli verður kynntur.

Undir þessum lið var mættur Alfreð Schiöth, framkvæmdastjóri Heilbrigðiseftirlits Norðurlands Eystra.Kynntar voru þær aðgerðir sem gripið hefur verið til vegna mengunar á neysluvatni sem Vatnsveitan virkjar í Krossafjalli.

Með bréfi frá 3. júlí 2014, óskar Helgi Ásgrímsson eftir tengingu á köldu vatni og að fá leyfi til niðursetningar á rotþró, við sumarhús sem hefur fastanúmer 234-9317 í landi Skáldalækjar Ytri.

Kynntar voru fyrir ráðinu staða á framkvæmdum ársins, einnig var lagt fram 6 mánaða staða Hafnasjóðs, Hitaveitu, Vatnsveitu og Fráveitu.Til umræðu voru einnig fjárhagsáætlun ársins 2015 og þá sérstaklega fyrirhugaðar framkvæmdir þess árs.