145. fundur

5. mars 2025 kl. 08:15 - 11:50

í Upsa á 3. hæð í Ráðhúsi Dalvíkur

Nefndarmenn

Benedikt Snær Magnússon formaður

Gunnar Kristinn Guðmundsson varaformaður

Silja Pálsdóttir aðalmaður

Gunnlaugur Svansson aðalmaður

Starfsmenn

Halla Dögg Káradóttir veitustjóri

Fundargerð ritaði:

Halla Dögg Káradóttir Veitustjóri

Dagskrá

1.

Norðurorka - Kynning jarðhitaleitar

Málsnúmer 202502081

Sigurveig Árnadóttir verkefnastjóri rannsókna og viðhalds á Veitu og tæknisviði Norðurorku kynnti verkefnið.

Veitu- og hafnarráð þakkar Sigurveigu Árnadóttur fyrir greinargóða kynningu á stöðu jarðhitaleitar í Þorvaldsdal. Vegna áhuga á virkjunarframkvæmdum í Þorvaldsdal þarf að huga að frekari rannsóknum í dalnum, áður og ef til framkvæmda kemur í dalnum.

2.

Eimur - kynning á starfsemi og verkefnum

Málsnúmer 202501135

Ottó Eíasson framkvæmdastjóri Eims kynnti starfsemi og verkefni fyrirtækisins.

Veitu og hafnaráð þakkar Óttó Elísassyni fyrir góða kynningu á starfssemi Eims.

3.

ÍSOR kynning á stöðu jarðhitarannsókna Dalvíkurbyggð

Málsnúmer 202304061

Veitustjóri kynnir gögn frá ÍSOR varðandi frekari vatnsöflun Dalvíkurbyggðar.

Lagt fram til kynningar.

4.

Íslandsturnar - Vatnstankur - Brimnesborgir

Málsnúmer 202502011

Íslandsturnar óska eftir leyfi og leigu á aðstöðu fyrir loftnet á vatnstanki við Brimnesborgir.

Veitu og hafnarráð samþykkir með 4 atkvæðum leigusamning og viðaukasamning vegna búnaðar frá Nova á þak vatnstanks við Brimnesborgir, með þeim breytingum að í viðaukasamningi í grein 6.4 sé talað um samningsaðila en ekki leigutaka, að í leigusamningi sé talað um töfluskáp í stað 2-4fm og að hvorugur samningurinn sé framseljanlegur. Veitustjóra er falið að fá bæjarlögmann til að koma breytingum inn í samningana og lesa þá yfir, áður en til samþykktar sveitarstjórnar kemur.
Samþykkt með 4 atkvæðum.

5.

Varnargarður í á við Bakka

Málsnúmer 202305017

Veitustjóri leggur til að gerðar verði ráðstafanir til að verja vatnslögn yfir á í samráði við landeigendur ef lögn telst vera í hættu.

Veitustjóra er falið að komast að því hver sverleikinn á lögninni er yfir ánna og hver dýptin niður á lögnina er. Veitustjóri kemur með upplýsingar á næsta fund ráðsins.
Samþykkt með 3 atkvæðum

6.

Staða verkefna

Málsnúmer 202501021

Veitustjóri fer yfir stöðu verkefna.

Veitustjóra er falið að fara yfir verkefnalista hitaveitunnar, og meta hvort hægt sé að ráðast í öll verkefni á þessu ári, og þá hvort hægt sé að fresta hluta af verkefnum, eins og t.d. nýju dæluhúsi á Hamri og nýta frekar fjármuni í að klára að setja djúpdælu á Birnunesborgir, svo hægt sé í framhaldinu að fá gögn um hvað holan getur gefið af sér.
Samþykkt með 3 atkvæðum.

Veitu- og hafnaráð Dalvíkurbyggðar