129. fundur

1. nóvember 2023 kl. 08:15 - 09:30

í Upsa á 3. hæð í Ráðhúsi Dalvíkur

Nefndarmenn

Sigmar Örn Harðarson formaður

Benedikt Snær Magnússon varaformaður

Júlíus Magnússon varamaður

Gunnþór Eyfjörð Sveinbjörnsson varamaður

Starfsmenn

Eyrún Ingibjörg Sigþórsdóttir sveitarstjóri

Fundargerð ritaði:

Eyrún Ingibjörg Sigþórsdóttir sveitarstjóri

Dagskrá

1.

ISOR kynning á stöðu jarðhitarannsókna Dalvíkurbyggð

Málsnúmer 202304061

Undir þessum lið kom inn á fundinn í gegnum Teams kl. 8:15 Auður Agla Óladóttir frá ÍSOR og fór yfir stöðu jarðhitarannsókna í Dalvíkurbyggð.

Veitu- og hafnarráð þakkar Auði Öglu Óladóttur fyrir greinargóða yfirferð á stöðu mála í Dalvíkurbyggð.
Veitu- og hafnaráð leggur til að þegar minnisblað um Merkisvík liggur fyrir að þá fyrir verði tekin ákvörðun um borun hitastigulsholu á því svæði. Jafnframt er lagt til að þegar skýrsla um niðurstöður hitastigulsborana í Skíðadal liggja fyrir verði tekin ákvörðun um framhald leitar á því svæði. Samþykkt samhljóða með 4 atkvæðum.

2.

Árskógssandshöfn, viðhald á þekju

Málsnúmer 202310082

Efni hefur runnið undan þekjunni á bryggjunni á Árskógssandshöfn með þeim afleiðingum að gat myndaðist. Búið er að steypa upp í gatið en nauðsynlegt er að skoða ástand bryggjunnar heildstætt. Sveitarstjóri hefur sent erindi þess efnis á siglingasvið Vegagerðarinnar.

Lagt fram til kynningar.

3.

Jöfnun húshitunarkostnaðar 2023

Málsnúmer 202310104

Með fundarboði fylgja gögn, útreikningur og útsend bréf frá því á árinu 2022.

Frestað til næsta fundar.

4.

Fjarlandanir og þróun í vigtunarmálum; Fiskistofa

Málsnúmer 202311003

Benedikt Snær upplýsti að á Hafnafundi sem haldinn var í Hafnarfirði þann 20.október sl. hafi komið fram að Fiskistofa sé að fara í þróunarverkefni í samstarfi við Hafnasamband Íslands um fjarvigtun í tveimur höfnum.

Veitu- og hafnarráð leggur til við sveitarstjórn að hafnir Dalvíkurbyggðar óski eftir því að taka þátt í verkefninu. Samþykkt samhljóða með 4 atkvæðum.

Veitu- og hafnaráð Dalvíkurbyggðar