Veitu- og hafnaráð Dalvíkurbyggðar

Árlega sér Isor um rannsóknir, eftirlit og skýrslugerð vegna hitaveituborhola á Birnunesborgum og Hamri. Með fundarboði fylgja samningar vegna verksins.

Tekin fyrir umsókn frá Golfklúbbnum Hamri um heimtaug fyrir heitt og kalt vatn fyrir skemmu sem á eftir að rísa. Óskað er eftir tengingu á köldu vatni í vor en á heitu vatni vorið 2023. Sviðsstjóri mun samþykkja umsóknina og fara með hana eins og fram kemur í 17. grein reglugerðar um Hitaveitu Dalvíkur.

Það hafa borist ábendingar um lykt sem kemur frá útræsi sem liggur í sjó vestan við bryggjuna á Árskógssandi í ákveðnum vindáttum. Útræsið er frá hluta byggðarinnar og á eftir að tengja þann hluta við hreinsistöðina sem er staðsett fyrir austan byggðina.

Á 1024. fundi byggðaráðs þann 7. apríl sl. var eftirfarandi bókað:"Tekið fyrir erindi frá Norðurorku hf., dagsett þann 25. mars 2022, þar sem vísað er í fund fulltrúa Norðurorku hf og Dalvíkurbyggðar þann 8. mars sl. Óskað er eftir að komið verði á fót teymi frá Dalvíkurbyggð og Norðurorku sem hafi það hlutverk að kanna samstarf um nýtingu jarðvarma og tengingu hitaveitna. Byggðaráð samþykktir samhljóða með 3 atkvæðum að leggja til við sveitarstjórn að skipað verði í ofangreint teymi í samráði við veitu- og hafnaráð og samvinna verði hafin á næstu vikum á grundvelli samningsins frá árinu 2015."

Lögð fram til kynningar fundargerð 443. fundar stjórnar Hafnasambands Íslands frá 1. apríl 2022.

Veitu- og hafnaráð hefur áður rætt um og bókað að gert verði markaðsátak fyrir Hafnir Dalvíkurbyggðar.Fyrir nokkru kom einnig upp meðal notenda hafna Dalvíkurbyggðar og þjónustuaðila að efna til sameiginlegs markaðsátaks/kynningar á aðstöðunni í Dalvíkurbyggð.Efnt var til opins kynningafundar með hagsmunaaðilum þann 27. apríl og þar ákveðið að stofna stýrihóp verkefnisins. Búið er að koma stýrihópnum á, alls fimm manns og verður fyrsti fundur hópsins á næstu dögum. Anna Lind Björnsdóttir, verkefnisstjóri, heldur utan um vinnuna.

Undanfarið hefur borið á olíusmiti við smábátahöfnina í Dalvíkurhöfn þar sem olíutankarnir eru staðsettir. Vitað er að við áfyllingu á tankanna hefur orðið óhapp sem leiddi til þess að töluvert magn af olíu lak í jarðveginn. Eins hafa tengingar lekið. Gripið hefur verið til ráðstafana til að fjarlægja mengunina í góðri samvinnu við Olíudreifingu. Einnig hefur verið óskað eftir fundi með olíufélögunum um framtíðarskipulag svæðisins og öryggisaðgerðir.