Veitu- og hafnaráð Dalvíkurbyggðar

Fyrir fundinum voru lagðar fram eftirfarandi fundargerðir:Fundargerð 428. fundar stjórnar Hafnasambands Íslands. Fundurinn var haldinn föstudaginn 13. nóvember 2020 og hófst hann kl. 11:00, um var að ræða fjarfund.Fundargerð 429. fundar stjórnar Hafnasambands Íslands. Fundurinn var haldinn fimmtudaginn 26. nóvember 2020 og hófst hann kl. 15:00, um var að ræða fjarfund.Fundargerð 430. fundar stjórnar Hafnasambands Íslands. Fundurinn var haldinn föstudaginn 11. desember 2020 og hófst hann kl. 11:30, um var að ræða fjarfund.

Fundargerð 431. fundar stjórnar Hafnasambands Íslands. Fundurinn var haldinn föstudaginn 22. janúar 2021 og hófst hann kl. 11:30, um var að ræða fjarfund.

Á 347. fundi Umhverfisráðs, sem haldinn var 08.01.2021 var eftirfarandi fært til bókar:"Umhverfisráð vísar framlagðri tillögu til skoðunar hjá veitu- og hafnarráði og siglingarsviði Vegagerðarinnar."Í inngangi Umhverfisráðs með ofangreinu erindi segir:"Með innsendu erindi dags. 5. janúar 2021 óskar Guðmundur Valur Stefánsson fyrir hönd Laxóss ehf. eftir að meðfylgjandi útfærsla á landfyllingu verði tekin til efnislegrar meðferðar varðandi skipulagsbreytingu."Á fundinum var kynntur uppdráttur af umræddri landfyllingu þar sem fram kemur að viðlega skipa næst hafnarmynni Árskóssandshafnar mun þrengja verulega innsiglingu skipa til hafnarinnar. Lega þessarar landfyllingar er enn í mótun hjá framkvæmdaaðila og áhrif hennar á Árskógssandshöfn hefur ekki verið metin hjá Hafnadeild Vegagerðar og því ekki mögulegt að taka afstöðu til erindisins.

Á fundinum var kynnt álagning rotþróargjalds og niðurstöður tæminga á þeim á síðustu árum. Á árinu 2020 voru settar niður 7 rotþrær á eftirtöldum stöðum: Þorsteinsstaðir, Göngustaðakot, Ytra-hvarf (íbúðarhús og fjós), Álfafell, Ásgarður og Hrafnsstaðir (tvö íbúðarhús).

Eftirfarandi kynnt á vef Umhverfis- og auðlindaráðuneytis. Opnað hefur verið fyrir umsóknir sveitarfélaga um styrki til fráveituframkvæmda. Umsóknarfrestur vegna styrkjanna er til 31. mars 2021. Skila skal inn umsóknum á rafrænu formi á eyðublaðavef Stjórnarráðsins.Skilyrði er að fráveituframkvæmdin sé áfangi í heildarlausn á fráveitumálum sveitarfélags í samræmi við áætlun sem hlotið hefur samþykki umhverfis- og auðlindaráðuneytisins. Í stefnuyfirlýsingu ríkisstjórnarinnar er kveðið á um að gera þurfi átak í fráveitumálum í samstarfi ríkis og sveitarfélaga. Í fjárlögum ársins í ár er gert ráð fyrir að 800 m.kr. verði varið til þess að styrkja sveitarfélög vegna fráveituframkvæmda, en áður hafði verið ákveðið að 200 m.kr. yrði varið til þessa vegna framkvæmda síðasta árs. Styrkhæfar fráveituframkvæmdir eru framkvæmdir við safnkerfi fráveitna, hreinsivirki, dælustöðvar og útrásir."

Sviðsstjóri fór yfir stöðu framkvæmda á veitu- og hafnasviði á árinu 2020.