Ungmennaráð

Mánudaginn 9. febrúar kl. 15.00 - 17.30 í Víkurröst, stendur Æskulýðsvettvangurinn fyrir fundi með ungu fólki og þeim sem bera ábyrgð á málefnum ungs fólks í sveitarfélaginu.

Viðfangsefni fundarins er skipt upp í fjóra flokka, menntun, íþróttir og æskulýðsmál, samfélagið mitt og listir og menning. Fundarformið skiptist upp í fjórar 20 mín lotur. Allir þátttakendur fá að koma sínum skoðunum á framfæri í öllum flokkunum.
Allt ungt fólk er velkomið, þátttaka er ókeypis og verða léttar veitingar í boði.

Ungmennaráð mun aðstoða við undirbúning á viðburðinum.
Ungmennaráð hvetur ungmenni á svæðinu að mæta á þennan fund.

Siðareglur Dalvíkurbyggðar fyrir kjörna fulltrúa voru kynntar fyrir ungmennaráði.

Forstöðumaður Víkurrastar kynnti starfsemi Víkurrastar í vetur.

Ungmennaráð leggur til að skoðað verði hvort það sé þörf á opnum húsum á Rimum í Svarfaðardal á sömu forsendum og opið hús er í Árskógi.

Ungmennaráð hefur óskað eftir því að fá að kynna tilgang og markmið ráðsins hjá öðrum ráðum Dalvíkurbyggðar. Þeir sem verða lausir hverju sinni munu fara á fundi ráðanna. Búið er að boða á fund umhverfisráðs föstudaginn 6. febrúar kl. 10:00. Einnig er búið að boða ráðið á fund íþrótta- og æskulýðsráðs kl. 9:30. Hugrún Lind Bjarnadóttir, Patrekur Óli Gústafsson og Eiður Máni Júlíusson munu mæta á þessa fundi fyrir hönd ungmennaráðs.
Sunneva Halldórsdóttir kom á fundinn undir þessum lið kl. 18:35

Hugrún Lind Bjarnadóttir var kosin formaður ungmennaráðs. Sunneva Halldórsdóttir verður áfram varaformaður.