Ungmennaráð

Farið yfir dagskrá vinabæjarmótsins og fyrirkomulag, fulltrúar ungmenna Dalvíkurbyggðar voru ánægð með ferðina og fannst ferðin vel heppnuð. Helstu niðurstöður varðandi ungmennasamstarfið var að ungmennaráðin leggja til að efla samstarfið þeirra á milli. Ákveðið var að stofna sameiginlegt hópspjall, ákveðið var að einn úr hverju ráði hafi það hlutverk að fylgja eftir samstarfinu auk þess að skoðað verður að hafa ungmennaskipti með stykjum frá ERASMUS þar sem ungmennaráðunum gefst kostur á að heimsækja hvort annað.

Fulltrúar ungmennaráðsins telja hægt sé að innleiða margar af aðgerðunum sem voru ræddar á vinabæjarmótinu þegar kemur að því að efla raddir ungmenna. Til dæmis með óformlegri samtölum milli ungmenna og kjörinna fulltrúa og oftar boð á fundi hjá ráðum.

Samkvæmt erindisbréfi skulu kosningar vera haldnar fyrir 1. okt 2025, stefnt er á að halda ungmennaráðskosningar í félagsmiðstöðinni Dallas um miðjan september, þar sem ungmennaráð býður öllum gestum pizzur. Þð er vilji ungmennráðs að kosningarnar verði gerðar með rafrænum hætti.

Umræða skapaðist um bæjarhátíðir og að það vanti viðburð sambærilegan sjómannadeginum nema síðar um sumarið. Hvort að sveitarfélagið sjái sér fært að endurvekja fiskisúpukvöldið og jafnvel halda útitónleika í samstarfi við fyrirtæki á svæðinu.
Ungmennaráð vill aukið fjármagn til ráðsins sem myndi nýtast við viðburðahald og að bjóða upp á námskeið fyrir börn, unglinga og ungmenni t.d. fjármálafræðsla og fleira.
Það von núverandi ungmennaráðs að næsti hópur vilji endurverkja sundlaugarpartýið sem var alltaf haldið í samstarfi við félagsmiðstöðina.
Vonast er til þess að hægt sé að halda oftar sameiginlega viðburði með nemendaráði Dalvíkurskóla og Félagsmiðstöðvarinnar Dallas.