Ungmennaráð

Íssól Anna Jökulsdóttir og Íris Björk Magnúsdóttir tóku þátt fyrir hönd Ungmennaráðs Dalvíkurbyggðar í Ungmennaþingi SSNE sem haldið var á Dalvík 13.-14. október. Unnið er að lokaskýrslu um þingið og verður hún kynnt á næsta fundi.

Rætt um hvaða verkefni ungmennaráð sér fyrir sér að sinna.
Ráðið óskar eftir fundi með sviðsstjórum Dalvíkurbyggðar til að kynna sínar áherslur og minna á mikilvægi ráðsins. Einnig óskar ráðið eftir því að fá að koma inn á fund Byggðaráðs við fyrsta tækifæri til að kynna áherslur og mikilvægi ráðsins.
Einnig ætlar ráðið að vera með kakó og piparkökur þegar jólasveinarnir mæta á svalirnar í kaupfélaginu í desember.