29. fundur

15. október 2020 kl. 16:00 - 17:30

í Upsa á 3. hæð í Ráðhúsi Dalvíkur

Nefndarmenn

Daníel Rosazza

Magnús Rosazza

Þröstur Ingvarsson

Þormar Ernir Guðmundsson

Rebekka Ýr Davíðsdóttir

Starfsmenn

Gísli Rúnar Gylfason starfsmaður

Fundargerð ritaði:

Gísli Rúnar Gylfason Íþrótta- og æskulýðsfulltrúi Dalvíkurbyggðar

Dagskrá

1.

Um hlutverk og tilgang ungmennaráðs sveitarfélaga - hvatning til sveitarfélaga

Málsnúmer 202008074

Tekið fyrir bréf frá Umboðsmanni barna, dagsett þann 26. ágúst 2020, þar sem því er beint til sveitarfélaga að líta til markmiðs æskulýðslaga um hlutverk og tilgang ungmennaráða og tryggja að í ungmennaráðum eigi eingöngu sæti fulltrúar ungmenna í sveitarfélaginu undir 18 ára aldri þannig að tryggt sé að sjónarmið barna fái vægi í töku ákvarðana og mótun stefnu í málefnum sem varða þau. Fram kemur að samkvæmt nýlegri rannsókn eru 44 af 51 ungmennaráðum í sveitarfélögum landsins skipuð að hluta til eða jafnvel að öllu leyti, ungu fólki sem er orðið 18 ára.

Ungmennaráð telur mikilvægt að ungmenni eldri en 18 ára fái áfram rödd í ungmennaráði. Ráðið leggur til að drög að erindisbréfi sem ungmennaráð samþykkti á fundi 25. apríl 2018 verði samþykkt. þar er aldursviðmið ungmennaráðs Dalvikurbyggðar miðað við 14-22 ára.

Viðhengi

Bréf til sveitarfélaga um ungmennaráð.pdf

2.

Kirkjubrekkan

Málsnúmer 201911042

Ungmennaráð telur að það þurfi að huga betur að eldri krökkum sem vilja renna í kirkjubrekkunni. Ráðið leggur til að samhliða vinnu við heildarsýn leiksvæða Dalvíkurbyggðar verði þetta svæði skoðað sérstaklega. Einnig leggur ráðið til að fundinn verður staður til að koma upp frisbígolfvelli í Dalvíkurbyggð.

3.

Samstarf Ungmennaráðs og eldri borgara í Dalvíkurbyggð

Málsnúmer 202010066

Óskað hefur verið eftir því að ungmennaráð komi að samfélagsmiðlakennslu fyrir eldri borgara Dalvíkurbyggðar. Ungmennaráð er tilbúið í slíkt verkefni en telur mikilvægt að bíða þar til aðstæður í samfélaginu breytist í tengslum við Covid19.

4.

Barnvæn sveitarfélög - Innleiðing Barnasáttmála Sameinuðu þjóðanna

Málsnúmer 202003065

Samkvæmt upplýsingum frá Unicef er orðið fullbókað hjá þeim í verkefnið árið 2020 en möguleiki fyrir Dalvíkurbyggð að komast inn á árinu 2021.
Byggðaráð hefur samþykkt að sækja um að Dalvíkurbyggð verði þátttakandi í verkefninu barnvænt sveitarfélag.
Lagt fram til kynningar.