285. fundur

2. desember 2016 kl. 08:15 - 09:45

í Upsa á 3. hæð í Ráðhúsi Dalvíkur

Nefndarmenn

Haukur Arnar Gunnarsson Formaður

Helga Íris Ingólfsdóttir Varaformaður

Karl Ingi Atlason Aðalmaður

Guðrún Anna Óskarsdóttir Aðalmaður

Starfsmenn

Börkur Þór Ottósson Sviðstjóri

Fundargerð ritaði:

Börkur Þór Ottósson sviðsstjóri Umhverfis- og tæknisviðs

Dagskrá

1.

Beiðni um umsögn, undanþága frá ákvæðum friðlýsingar

Málsnúmer 201610055

Til kynningar umsögn vegna undanþágu frá ákvæðum friðlýsingar vegna fyrirhugaðrar brúargerðar við Hánefsstaðarreit.

Lagt fram til kynningar.

2.

Nature reserve kayak adventure

Málsnúmer 201611101

Með innsendi erindi dags. 15. nóvember 2016 óskar Freyr Antonsson fyrir hönd Artic Sea Tours eftir leyfi til starfrækja kayak ferði á Svarfaðardalsá samkvæmt meðfylgjandi gögnum.

Umhverfisráði líst vel á hugmyndina en áður en leyfi er gefið út óskar ráðið eftir að umsækjandi afli umsagna frá friðlandsnefnd Friðlands Svarfdæla og Veiðifélagi Svarfaðardalsár.
Einnig óskar ráðið eftir upplýsingum um hvort fyrirhugað sé að vera með aðstöðu á svæðinu og ef svo er, hvar verður hún þá staðsett?

3.

Friðland Svarfdæla Verndar- og stjórnunaráætlun 2017-2026

Málsnúmer 201611002

Til kynningar drög að verndar- og stjórnunaráætlun fyrir Friðland Svarfdæla frá Umhverfisstofnun dags. 03. nóvember 2016.

Umhverfisráði Dalvíkurbyggðar líst vel á drögin og gerir ekki athugasemdir.

4.

Deiliskipulag fyrir jörðina Skáldalæk ytri, Svarfaðardal.

Málsnúmer 201606032

Deiliskipulagstillagan var auglýst í skv. 1. mgr. 41. gr. skipulagslaga nr. 123/2010 þann 12. nóvember 2016 með athugasemdafresti til 25. nóvember 2016. Engin athugasemd barst á auglýsingatíma.

Umhverfisráð samþykkir tillöguna og felur sviðsstjóra umhverfis- og tæknisviðs að senda Skipulagsstofnun hana til yfirferðar ásamt samantekt um málsmeðferð. Geri Skipulagsstofnun ekki athugasemdir við samþykkta tillögu skal sviðsstjóri auglýsa gildistöku deiliskipulagsins í B-deild Stjórnartíðinda.
Samþykkt samhljóða með fimm atkvæðum

5.

Losun og geymsla á hænsnaskít við Ytra-Holt.

Málsnúmer 201612001

Til umræðu losun og geymsla á hænsnaskít í námu við Ytra-Holt.

Þar sem náman við Ytra-Holt er ekki viðurkenndur urðunarstaður getur umhverfisráð ekki sætt sig við að náman sé notuð sem slík. Matfugli ber að finna varanlega lausn á losun hænsnaskíts frá sínum rekstri.
Umhverfisráð Dalvíkurbyggðar leggur áherslu á að við endurnýjun á starfsleyfi frá HNE verði gerðar skýrar kröfur um meðhöndlun á úrgangi frá starfseminni.
Samþykkt með fimm atkvæðum.