5. fundur

13. janúar 2023 kl. 08:15 - 11:05

í Upsa á 3. hæð í Ráðhúsi Dalvíkur

Nefndarmenn

Gunnar Kristinn Guðmundsson formaður

Gunnþór Eyfjörð Sveinbjörnsson varaformaður

Þorvaldur Eyfjörð Kristjánsson aðalmaður

Júlía Ósk Júlíusdóttir aðalmaður

Monika Margrét Stefánsdóttir varamaður

Starfsmenn

Bjarni Daníel Daníelsson sviðstjóri

Helga Íris Ingólfsdóttir

Fundargerð ritaði:

Bjarni D. Daníelsson Sviðsstjóri framkvæmdasviðs

Dagskrá

1.

Bæjarrými - ásýnd miðsvæða og skapandi sumarstörf

Málsnúmer 202301039

Til kynningar hugmyndir Önnu Kristínar Guðmundsdóttur um Bæjarrýmisverkefni fyrir Dalvíkurbyggð.

Umhverfis- og dreifbýlisráð felur framkvæmdasviði að vinna að umsókn um styrk í Bæjarrýmisverkefni fyrir Dalvíkurbyggð með Önnu Kristínu Guðmundsdóttur.
Samþykkt samhljóða með fimm atkvæðum.

Viðhengi

2023-01-11_Bæjarrými-minnisblað-AKG (1).pdf

2.

Endurskoðun á snjómokstursreglum Dalvíkurbyggðar 2023

Málsnúmer 202301037

Eigna- og framkvæmdadeild með endurskoðun á snjómokstursreglum Dalvíkurbyggðar.

Umhverfis- og dreifbýlisráð er almennt sátt með snjómokstur í sveitarfélaginu og leggur ekki til breytingar á snjómokstri í þéttbýli en vill þó bæta við forgangsmokstur á göngustígum á Dalvík. Ráðið hvetur sveitarstjórn að halda áfram að þrýsta á Vegagerðina um meiri vetrarþjónustu í dreifbýli. Einnig leggur ráðið til við sveitarstjórn að samþykkja breytingar á viðmiðunarreglum snjómoksturs í Dalvíkurbyggð sem fela í sér bætta þjónustu við heimreiðamokstur í dreifbýli skv. tillögum ráðsins.
Samþykkt samhljóða með fimm atkvæðum.

Viðhengi (6)

vidmidunarreglur_heimasida.pdf dalvik_gotur.pdf kort-arskogssandur.pdf kort-hauganes.pdf Verklagsreglur fyrir Dalvíkurbyggð 2021-2022.pdf gonguleidir-utan-gatna_dalvik.pdf

3.

Fjallgirðingamál 2022

Málsnúmer 202203007

Farið yfir stöðu fjallgirðingamála í sveitarfélaginu.

Umhverfis- og dreifbýlisráð leggur til við sveitarstjórn að álagning vegna fjallgirðina á Árskógsströnd verði óbreytt á milli ára og að fá fjallskilanefnd Árskógsstrandar á fund á haustmánuðum 2023 til að ræða framtíðarfyrirkomulag á fjallgirðingum.
Forgangsröðun á viðhaldi fjallgirðinga frestað til næstu funda.

Samþykkt samhljóða með fimm atkvæðum.

4.

Fundargerðir fjallskiladeilda 2022

Málsnúmer 202208077

Lagðar fram til kynningar fundargerðir fjallskiladeilda Dalvíkurbyggðar árið 2022.

Lagðar fram til kynningar og samþykktar.

Samþykkt samhljóða með fimm atkvæðum.

5.

Fjárhagsáætlun 2023; endurnýjun girðingar

Málsnúmer 202206054

Á 1030. fundi byggðaráðs var samþykkt að vísa ofangreindu erindi frá Berglindi Björk Stefánsdóttur, sem barst í tölvupósti dags 14 júní 2022 til umhverfisráðs vegna vinnu við fjárhagsáætlun 2023 og þriggja ára áætlun 2024-2026.Á 4. fundi Umhverfis- og dreifbýlisráð var sviðsstjóra framkvæmdasviðs falið að ræða við Berglindi, kostnaðarmeta framkvæmdina, fara yfir leigusamninga að landamerkjum og leggja aftur fyrir fund ráðsins.

Umhverfis- og dreifbýlisráð felur framkvæmdasviði að ganga til samninga við Berglindi Björk Stefánsdóttir um landamerkjagirðingu á milli Hrafnstaðakots og Ytra-Holts.
Samþykkt samhljóða með fjórum atkvæðum.