31. fundur

11. apríl 2025 kl. 08:15 - 10:30

í Upsa á 3. hæð í Ráðhúsi Dalvíkur

Nefndarmenn

Gunnar Kristinn Guðmundsson formaður

Gunnþór Eyfjörð Sveinbjörnsson varaformaður

Þorvaldur Eyfjörð Kristjánsson aðalmaður

Júlíus Magnússon aðalmaður

Eiður Smári Árnason aðalmaður

Starfsmenn

Helga Íris Ingólfsdóttir deildarstjóri

Óðinn Steinsson

Fundargerð ritaði:

Helga Íris Ingólfsdóttir Deildarstjóri Eigna- og framkvæmdadeildar

Dagskrá

1.

Mánaðarlegar skýrslur 2025

Málsnúmer 202502075

Farið yfir stöðu þeirra málaflokka sem heyra undir ráðið.

2.

Framkvæmdir 2025 skv. fjárhagsáætlun

Málsnúmer 202501021

Til umræðu staða á framkvæmdum ársins.

3.

Snjómokstur og hálkuvarnir 2024

Málsnúmer 202502030

Fyrir fundinum lá samantekt og greining á kostnaði við snjómokstur og hálkuvarnir unnin af deildarstjóra og sveitarstjóra.

Umhverfis- og dreifbýlisráð þakkar starfsmönnum fyrir samantektina og verktaka fyrir góð viðbrögð. Ráðið telur að samantektin sýni að kostnaður við snjómokstur og hálkuvarnir í Dalvíkurbyggð sé ekki óeðlilega hár í samanburði við önnur nærliggjandi sveitarfélög. Skýringar á hækkun milli ára má rekja til umhleypinga í veðri, fækkun snjósöfnunarstaða í þéttbýli og kröfu um hátt þjónustustig.
Umhverfis- og dreifbýlisráð vill vekja athygli á því að í viðmiðunarreglum um snjómokstur í Dalvíkurbyggð segir að sveitarfélagið greiði ekki fyrir snjómokstur sem til hefur verið stofnað án samþykkis.
Samþykkt samhljóða með fimm atkvæðum.

4.

Sandskeið - umgengni og ásýnd svæðisins

Málsnúmer 202504021

Tekið fyrir erindi frá Gunnþóri Sveinbjörnssyni dagsett 4. apríl 2025 þar sem hann óskar eftir að tekið verði á umgengni við Sandskeið.

Umhverfis- og dreifbýlisráð tekur undir erindið. Ráðið felur deildarstjóra að halda áfram hreinsunarátaki á þessu svæði og fá Heilbrigðiseftirlitið og Byggingafulltrúa til að taka þátt. Lagt er til að komið verði á samstarfi við Hringrás um förgun á brotajárni og að sérstök áhersla verði lögð á umhverfið við Sandskeið.
Samþykkt samhljóða með fimm atkvæðum.

5.

Fjallgirðingamál 2025

Málsnúmer 202504028

Farið yfir stöðu á fjallgirðingum og hvaða viðhald á að fara í núna í sumar.

Umhverfis- og dreifbýlisráð leggur til að klárað verði að endurnýja nyrsta hluta fjallgirðingarinnar á Árskógsströnd og að haldið verði áfram við endurnýjun á fjallgirðingu ofan við Upsir og Svæði.
Samþykkt samhljóða með fimm atkvæðum.

6.

Bréf frá Félagi atvinnuveiðimanna í ref og mink

Málsnúmer 202503118

Tekinn fyrir rafpóstur dagsettur 22.03.2025 frá Bjarmalandi - félagi atvinnumanna í ref og mink. Félagið er með það markmið að samræma stefnu sveitarfélaga um veiðar og greiðslur vegna þeirra.

Lagt fram til kynningar.

7.

Netaveiði göngusilungs í sjó í Eyjafirði.

Málsnúmer 202503121

Tekið fyrir erindi frá Fiskistofu, dagsett 13. mars 2025, sem sent er á alla eigendur sjávarjarða við Eyjafjörð. Stofnunin hefur hug á að setja á bann við netaveiði göngusilungs í sjó í Eyjafirði til ársins 2029 til að vernda bleikjustofna á vatnasvæðum í firðinum.

Umhverfis- og dreifbýlisráð gerir ekki athugasemdir við fyrirhugað bann við netaveiði göngusilungs í sjó.
Samþykkt samhljóða með fimm atkvæðum.

8.

Erindi til umhverfis- og dreifbýlisnefndar Dalvíkurbyggðar

Málsnúmer 202502057

Hilmar Valur Gunnarsson frá Þekkingarneti Þingeyinga kom inn á fundinn í fjarfundi og kynnti LOFTUM skólann fyrir meðlimum ráðsins.