Sveitarstjórn

Til afgreiðslu:2. liður a)2. liður b) sérliður á dagskrá.7. liður.2.10. liður sér liður á dagskrá.

Til afgreiðslu:7. liður.8. liður.

Til afgreiðslu:2. liður a).3. liður a) og 3. liður b).5. liður.6. liður; sér liður á dagskrá.9. liður.

Til afgreiðslu:2. liður.

Til afgreiðslu:12. liður.

Til afgreiðslu:1. liður sér liður á dagskrá, með fyrirvara um að umsögn HNE liggi fyrir.

Til afgreiðslu:3. liður.4. liður.5. liður.6. liður, sér liður á dagskrá.7. liður.8. liður.9. liður.10. liður.13. liður, sér liður á dagskrá.

Til afgreiðslu:1. liður.3. liður.

Til afgreiðslu:3. liður.

Á 898. fundi byggðaráðs þann 28. febrúar 2019 var meðal annars eftirfarandi bókað:"Nú liggur fyrir samþykkt tilboð að upphæð kr. 12.791.950 frá Tréverki ehf. í framkvæmdir við umrædd baðherbergi. Ætlunin er að senda inn umsókn í Framkvæmdasjóð aldraða fyrir 11. mars n.k. vegna þessara framkvæmda en metnar eru ekki miklar líkur á að framlag komi úr sjóðnum. Stjórn Dalbæjar óskar eftir 7 m.kr. styrk frá Dalvíkurbyggð vegna þessara endurbóta. Til umræðu ofangreint.b) Byggðaráð samþykkir samhljóða með 3 atkvæðum viðauka nr. 7/ 2019 að upphæð kr. 7.000.000 við deild 02400 og að honum sé mætt með lækkun á handbæru fé. Vísað til umfjöllunar og afgreiðslu sveitarstjórnar. "Enginn tók til máls.

Á 126. fundi landbúnaðarráðs þann 14. mars 2019 var eftirfarandi bókað:"Til umræðu breytingar á samþykktum um hunda og kattahald í Dalvíkurbyggð. Landbúnaðarráð Dalvíkurbyggðar hefur hér með endurskoðað samþykktir um hunda og kattahald og felur sviðsstjóra að senda samþykktirnar til umsagnar HNE og í framhaldinu til staðfestinga viðkomandi ráðuneytis. Samþykkt með fimm atkvæðum. "Enginn tók til máls.

Á 316. fundi umhverfisráðs þann 15. mars 2019 var eftirfarandi bókað:"Til umræðu erindi frá íbúum við Hringtún og Miðtún vegna grenndarkynningar lóðanna Hringtún 17 og 19. Á fundi sínum 19. febrúar 2019 fól sveitarstjórn sviðsstjóra umhverfis- og tæknisviðs að grenndarkynna óverulegt frávik á deiliskipulagi lóðanna Hringtún 17 og 19. Breytingin fólst í stækkun á byggingarreitum, aukningar á byggingarmagni og að heimilt sé að byggja parhús í stað einbýlishúsa á lóðunum við Hringtún 17 og 19 samkvæmt meðfylgjandi uppdrætti nr. 1 frá arkitektastofunni form ráðgjöf dags. 04.02.2019. Send voru út grenndarkynningargögn á sjö næstu nágranna og þeim kynnt tillagan og gefinn frestur til að gera skriflegar athugasemdir við tillöguna til umhverfisráðs innan fjögurra vikna, eða til miðvikudagsins 20. mars 2019. Þann 5. mars 2019 barst sviðsstjóra umhverfis- og mannvirkjasviðs sameiginlegt athugasemdarbréf vegna breytingartillögunnar frá átta næstu nágrönnum Hringtúns 17 og 19. Megininntak athugasemda nágrannanna lítur að túlkun á 43. gr. skipulagslaga þ.e.a.s. hvort fyrrgreinda breytingartillögu eigi að túlka sem óverulega breytingu sem er grenndarkynnt eða sem almenna deiliskipulagsbreytingu með málsmeðferð skv. 1. mgr. 43. gr. skipulagslaga. Einnig gera nágrannarnir athugasemdir við breytingu á húsgerðum þ.e.a.s úr einbýlishúsum yfir í parhús. Einnig bárust erindi frá eigendum að Hringtúni 21 og 30 ásamt Miðtúni 3 og 4 þann 14. mars. Umhverfisráð leggur til að tekið verði tillit til athugasemda nágranna um að eðlilegra sé að breytingartillagan lúti málsmeðferð skv. 1. mgr. 43. gr. skipulagslaga og verði auglýst sem deiliskipulagsbreyting. Umhverfisráð telur að almennt séð sé ekki vera grundvallarmun á yfirbragði parhúsa og einbýlishúsa nema að því leyti að hús geta verið ólík í útliti. Væntanlega munu parhús ekki breyta yfirbragði hverfisins svo fremi sem þau verða í svipuðum mælikvarða og sú byggð sem komin er. Aukning umferðar vegna tveggja viðbótaríbúða er óveruleg og breytir ekki stöðu nágranna í neinum grundvallaratriðum. Umhverfisráðs leggur einnig til að gerðar verði eftirtaldar breytingar á grenndarkynntri tillögu á lóðum nr. 17 og 19 við Hringtún: 1. Að heildarbyggingarmagn á lóðum nr. 17 og 19 verði aukið úr 260 m² í 300 m². 2. Að lóð nr. 17 við Hringtún verði stækkuð um 94.3 m² á kostnað lóðar nr. 19. 3. Að byggingarreitir lóða nr. 17 og 19 við Hringtún séu stækkaðir um 1 m til vesturs. 4. Að norðurmörk byggingarreits lóðar nr. 17 við Hringtún verði færð um 2 m til suðurs, og verði eftir breytingu 5 m frá norðurlóðarmörkum í stað 3 m. 5. Að suðurmörk byggingarreits lóðar nr. 17 við Hringtún verði færð til suðurs um 4.2 m. 6. Að byggingarreit lóðar nr. 19 við Hringtún verði hliðrað um 4.2 m til suðurs. 7. Að austurmörk byggingarreita verði óbreytt miðað við gildandi deiliskipulag. Umhverfisráð felur sviðsstjóra að auglýsa deiliskipulagstillöguna í samræmi við 1. mgr. 43. gr. skipulagslaga með ofantöldum breytingum frá áður grenndarkynntri tillögu. Samþykkt samhljóða með fimm atkvæðum. " Til máls tók:Katrín Sigurjónsdóttir sem leggur fram eftirfarandi tillögu að afgreiðslu á þessum lið:"Sveitarstjórn samþykkir að fresta afgreiðslu á tillögu umhverfisráðs um breytingu á deiliskipulagi vegna Hringtúns. Sveitarstjórn vísar því til umhverfisráðs að fara vel yfir og kortleggja öll svæði á Dalvík við þegar tilbúnar götur þar sem hægt væri að koma fyrir minni eignum, fjölbýli, par-og raðhúsum. Tillögurnar yrðu lagðar fyrir byggðaráð og niðurstöður færu í framhaldinu í almenna kynningu. Rökstuðningur:Það er stefna sveitarstjórnar að fjölga íbúum í Dalvíkurbyggð. Í lið 24 verður til afgreiðslu ný húsnæðisáætlun Dalvíkurbyggðar 2019-2027.Þar kemur fram að áætluð fjölgun í sveitarfélaginu um 25 íbúa kallar á um 10 nýjar íbúðir og er þörfin áætluð þannig:3 fjölbýli6 par-og raðhús1 einbýliEftirspurn í nýbyggingum undanfarin ár hefur verið mest í minni eignir og eins og er er engin skipulögð lóð laus fyrir parhús eða raðhús á Dalvík.Þetta hamlar framþróun á byggingarmarkaði og því áríðandi að leitað sé lausna."Einnig tóku til máls:Gunnþór Eyfjörð Gunnþórsson.Guðmundur St. Jónsson.Fleiri tóku ekki til máls.

Á 316. fundi umhverfisráðs þann 15. mars 2019 var eftirfarandi bókað:"Með innsendu erindi dags. 13. mars 2019 óskar Vigfús Björnsson fyrir hönd Hörgársveitar eftir umsögn Dalvíkurbyggðar vegna breytingar á aðalskipulagi sveitarfélagsins. Breytingin lýtur að íbúðarsvæði, efnistökusvæði og verslunar- og þjónustusvæði sem skilgreind verða í landi Glæsibæjar. Alls nær skipulagsbreytingin til 33,2 ha lands. Umhverfisráð Dalvíkurbyggðar gerir ekki athugasemdir við framlögð gögn. Samþykkt með fimm atkvæðum. "Enginn tók til máls.

Á 900. fundi byggðaráðs þann 14. mars 2019 var eftirfarandi bókað:"Á 899. fundi byggðaráðs þann 7. mars s.l. var eftirfarandi bókað: Á 310. fundi sveitarstjórnar þann 19. febrúar s.l. var eftirfarandi samþykkt: Sveitarstjórn samþykkir samhljóða með 7 atkvæðum ofangreinda afgreiðslu byggðaráðs um að fela sveitarstjóra að ganga til samninga við VSÓ Ráðgjöf ehf á grundvelli tilboðs að því gefnu að húsnæðisáætlunin muni uppfylla ákvæði reglugerðar um húsnæðisáætlanir sveitarfélaga nr. 1248 frá 21.desember 2018.Með fundarboði byggðaráðs fylgdu frá VSÓ drög að húsnæðisáætlun fyrir Dalvíkurbyggð. Til umræðu ofangreint. Byggðaráð samþykkir samhljóða með 3 atkvæðum að óska eftir að ofangreind drög verði yfirfarin innanhúss á milli funda.Með fundarboði byggðaráðs fylgdu uppfærð drög frá VSÓ eftir yfirferð starfsmanna innanhúss. Byggðaráð samþykkir samhljóða með 3 atkvæðum ofangreinda tillögu að húsnæðisáætlun Dalvíkurbyggðar og vísar henni til afgreiðslu í sveitarstjórn. "Til máls tóku:Katrín Sigurjónsdóttir.Guðmundur St. Jónsson.Fleiri tóku ekki til máls.

Gunnþór Eyfjörð Gunnþórsson kom inn á fundinn að nýju kl. 16:56 og tók við fundarstjórn.