Sveitarstjórn

Til afgreiðslu:2. liður.

4. liður, viðauki við fjárhagsáætlun 2017.

11. liður sér liður á dagskrá.

4. liður, sér liður á dagskrá.

Til afgreiðslu:1. liður.6. liður, sér liður á dagskrá.

Til afgreiðslu:1. liður.

Til afgreiðslu:4. liður.5. liður.6. liður.9. liður.11.liður, sér liður á dagskrá.12. liður, sér liður á dagskrá.13. liður, sér liður á dagskrá.14. liður

Til afgreiðslu:3. liður.4. liður.7. liður, vantar upplýsingar um breytingar á framkvæmdaáætlun..

Tekið fyrir erindi frá íbúasamtökum á Hauganesi, dagsett þann 13. september 2017, þar sem fram kemur að krafist er þess að efnt verði til borgarafundar um hestabúgarð við Árskógarskóla og félagsheimili Árskógsstrandar 29. september 2017 í Félagsheimili Árskógssands kl. 20:00. Farið er fram á að sveitarstjóri geri grein fyrir þeim ráðstöfunum sem sveitarfélagið hefur gert til stofnunar hestabúgarðs á ofangreindum stað og hvers vegna og svarir því hvers vegna beitarlandi í eigur bæjarins er ráðstafað án opinberrar auglýsingar þar sem öllum er gefinn kostur að sækja um. Verði ekki við þessu orðið munu íbúasamtökin knýja fram borgarafund á grundvelli 108. gr. sveitarstjórnarlaga.Þess er krafist að sveitarfélagið stöðvi nú þegar allar aðgerðir vegna ofangreinds málefnis og mótmælt er harðlega að tiltölulega nýlega uppgróið móland í nágrenni Hauganess sé leigt til hrossabeitar. Einnig er mótmælt harðlega byggingu hestabúgarðs á fyrirhuguðum stað. Til máls tók:Bjarni Th. Bjarnason sem leggur fram eftirfarandi tillögu:"Mál er tengjast stækkun lóðar og fyrirhugaðri byggingu hesthúss norðan Árskógarskóla eru enn í skoðun og aflað er upplýsinga og umsagna. Það er því ekki tímabært að gefa út ákveðna dagsetningu fyrir íbúafund að svo stöddu. Sveitarstjórn felur sviðsstjóra umhverfis- og tæknimála að leggja fram upplýsingar og umsagnir þegar þeirra hefur verið aflað og í framhaldinu verður tekin ákvörðun um íbúafund." Einnig tóku til máls:Guðmundur St. Jónsson.

Á 210. fundi félagsmálaráðs þann 12. september 2017 var eftirfarandi samþykkt:"Teknar voru fyrir gjaldskrár félagsmálasviðs, um heimilisþjónustu, lengda viðveru, dagmæður og fjárhagsaðstoð. Gjaldskrárnar voru hækkaðar samkvæmt neysluvísitölu miðað við septembermánuð til viðmiðunar um hækkun ársins. Lagt er til að gjaldskrár næsta árs verði hækkaðar miðað við þessa tillögu nema miklar breytingar verði á vísitölunni.Félagsmálaráð samþykkir að hækka gjaldskrár samkvæmt vísitölu um áramót 2017/2018."Enginn tók til máls.

Á 219. fundi fræðsluráðs þann 13. september 2017 var eftirfarandi bókað:"Sviðsstjóri lagði fram tillögu að gjaldskrám fræðslusviðs ársins 2018. Tillagan felur í sér 1,003% hækkun á gjaldskrám ársins 2017.Fræðsluráð samþykkir, með fimm atkvæðum, gjaldskrána fyrir árið 2018 þegar félagsheimilið Árskógur hefur verið tekið út úr gjaldskránni og skerpt hefur verið á ákvæði um afturvirka endurgreiðslu leikskólagjalda til foreldra í námi."Enginn tók til máls.

Á 113. fundi landbúnaðarráðs þann 14. september 2017 var eftirfarandi bókað:"Til umræðu og afgreiðslu gjaldskrár landbúnaðarráðs 2018.Ráðið samþykkir framlagða vísitöluhækkun á öllum gjaldskrám og einnig að greiðsla vegna refaveiða hækki samkvæmt umræðum á fundinum. Ráðið hefur þegar farið fram á hækkun framlags frá UST vegna minkaveiða. Samþykkt með fimm atkvæðum."Enginn tók til máls.

Á 293. fundi umhverfisráðs þann 1. september 2017 var eftirfarandi bókað:"Lögð fram skipulagslýsing þar sem m.a. er gerð grein fyrir viðfangsefni og helstu forsendum.Umhverfisráð felur skipulagsfulltrúa að kynna lýsinguna almenningi og hagsmunaraðilum og senda hana umsagnaraðilum. Samþykkt með fimm atkvæðum"Til máls tók Bjarni Th. Bjarnason sem leggur fram eftirfarandi tillögu:"Lagt er til að fresta ákvörðun um breytingu á aðalskipulagi við Árskógarskóla þangað til frekari gögn um málið liggja fyrir."Einnig tók til máls:Guðmundur St. Jónsson.Fleiri tóku ekki til máls.

Á 293. fundi umhverfisráðs þann 1. september 2017 var eftirfarandi bókað:"Lögð var fram skipulagslýsing á íþróttasvæði Dalvíkur, deiliskipulag og breyting á Aðalskipulagi Dalvíkurbyggðar 2008-2020 þar sem m.a. er gerð grein fyrir viðfangsefni og helstu forsendum.Umhverfisráð felur skipulagsfulltrúa að kynna lýsinguna almenningi og hagsmunaraðilum og senda hana umsagnaraðilum. Samþykkt með fimm atkvæðum."Til máls tóku:Valdís Guðbrandsdóttir.Gunnþór Eyfjörð Gunnþórsson.Valdemar Þór Viðarsson.Fleiri tóku ekki til máls.

Á 293. fundi umhverfisráðs þann 1. september 2017 var eftirfarandi bókað:"Lögð fram skipulagslýsing af deiliskipulagi Lokastígsreits þar sem m.a. er gerð grein fyrir viðfangsefni og helstu forsendum.Umhverfisráð felur skipulagsfulltrúa að kynna lýsinguna almenningi og hagsmunaraðilum og senda hana umsagnaraðilum. Samþykkt með fimm atkvæðum"Enginn tók til máls.

Á 825. fundi byggðaráðs þann 15. júní 2017 var eftirfarandi bókað:"Lögð fram skýrsla RHA um kosti og galla sameiningar Eyþings og atvinnuþróunarfélaganna í samræmi við samþykkt aðalfundar 2016. Skýrslan var kynnt á stjórnarfundi Eyþings 7. júní og var til umfjöllunar á fundi fulltrúaráðs 8. júní 2017. Hún mun síðan verða til frekari umræðu á aðalfundi Eyþings í haust að lokinni umfjöllun í sveitarstjórnum innan Eyþings.Lagt fram til kynningar."Til máls tók Bjarni Th. Bjarnason, sem leggur fram eftirfarandi tillögu:"Sveitarstjórn fagnar framkominni skýrslu sem RHA gerði fyrir EYÞING. Mikilvægt er að vinnu við sameiningu stoðstofnana á EYÞINGS svæðinu verði framhaldið. Huga skal að víðtækari sameiningu stoðstofnana en fram kemur í skýrslu RHA og má í því sambandi benda á símenntunarmiðstöðvar, Ferðamálastofu, skipulagsnefndir ofl. Samþykkt samhljóða með 7 atkvæðum."Fleiri tóku ekki til máls.

Á 831. fundi byggðaráðs þann 24. ágúst 2017 var ofangreint mál á dagskrá.Tekið fyrir erindi frá SÍS dags. 21. ágúst 2017 um „Fullnaðaruppgjör á lífeyrisskuldbindingum hjúkrunarheimila sem starfrækt eru á ábyrgð sveitarfélaga“. Í lok júní 2017 náðist samkomulag á milli SÍS og ríkisins um forsendur uppgjörs. Í erindinu kemur m.a. fram að: „Mikilvægt er að hvert og eitt sveitarfélag tilkynni fjármála- og efnahagsráðuneytinu að það hyggist ganga frá samkomulagi á grundvelli framangreinds fyrir 30. september nk. og veiti framkvæmdastjóra þess formlegt umboð til að skrifa undir samkomulag þess efnis og sönnun þess þarf að fylgja tilkynningunni til ráðuneytisins.“Til máls tók Bjarni Th. Bjarnason, sem leggur fram eftirfarandi tillögu:"Sveitarstjórn samþykkir að fela sveitarstjóra að ganga frá tilkynningu til ráðuneytisins og veitir honum jafnframt umboð til undirritunar samkomulags við ráðuneytið fyrir hönd Dalvíkurbyggðar."Fleiri tóku ekki til máls.