Fara í efni

Sveitarstjórn

282. fundur
28. júní 2016 kl. 16:15 - 00:00
í Upsa á 3. hæð í Ráðhúsi Dalvíkur
Nefndarmenn
Guðmundur St. Jónsson Aðalmaður
Valdís Guðbrandsdóttir Aðalmaður
Bjarni Theódór Bjarnason Aðalmaður
Gunnþór Eyfjörð Gunnþórsson Aðalmaður
Heiða Hilmarsdóttir Aðalmaður
Valdemar Þór Viðarsson Aðalmaður
Pétur Sigurðsson Varamaður
Starfsmenn
Guðrún Pálína Jóhannsdóttir Ritari
Fundargerð ritaði:
Guðrún Pálína Jóhannsdóttir sviðsstjóri fjármála- og stjórnsýslusviðs
Kristján Guðmundsson boðaði forföll og varamaður hans Pétur Sigurðsson mætti í hans stað.
Dagskrá
1.
Byggðaráð Dalvíkurbyggðar - 777, frá 19.05.2016
Málsnúmer 1605010F
1.1 Skólastarf í Árskógi
Gunnþór Eyfjörð Gunnþórsson vék af fundi undir þessum lið kl. 13:05 vegna vanhæfis. Lilja Björk Ólafsdóttir, varamaður hans, sat fundinn í hans stað undir þessum lið. Varaformaður Kristján Guðmundsson tók við fundarstjórn undir þessum lið.

Undir þessum lið komu á fund byggðaráðs kl. 13:05 kjörnir fulltrúar í fræðsluráði; Lilja Björk Ólafsdóttir, formaður, Steinunn Jóhannsdóttir, varaformaður, Felix Rafn Felixson, Kristinn Ingi Valsson og Auður Helgadóttir.

Hlynur Sigursveinsson, sviðsstjóri fræðslu- og menningarsviðs, tók þátt í fundinum undir þessum lið í gegnum síma.

Á 203. fundi fræðsluráðs þann 13. apríl 2016 var eftirfarandi bókað:
"Skýrsla starfshóps um eflingu og framtíð Árskógarskóla og starfsemi í Árskógi lögð fram til kynningar af fulltrúum í starfshópnum. Skýrslan fylgdi fundarboði.
Skýrsla og kynning vinnuhópsins rædd og aðilar sammála um að halda áfram leik- og grunnskólastarfi við Árskógarskóla samkvæmt núverandi skipulagi enda sé það forsenda þess að efla og styrkja búsetu á Árskógsströnd. Fræðsluráð tekur undir tillögu vinnuhópsins um að við innritun barna í leik- og grunnskóla verði foreldrum kynntir allir þeir valkostir sem í boði eru í sveitarfélaginu. Það kallar á einfaldari og aðgengilegri framsetningu á heimasíðu Dalvíkurbyggðar. Fræðsluráð leggur til að ákvörðum um fyrirkomulag á rekstri félagsheimilisins Árskógar verði vísað til íþrótta-og æskulýðsráðs sem skoði málið samhliða vinnu við starfs- og fjárhagsáætlun á komandi hausti. Fræðsluráð þakkar vinnuhópnum fyrir vel unnnin störf."

Á 78. fundi íþrótta- og æskulýðsráðs þann 3. maí 2015 var eftirfarandi bókað:
"Á 204. fundi fræðsluráðs var lagt til að ákvörðum um fyrirkomulag á rekstri félagsheimilisins Árskógar yrði vísað til íþrótta-og æskulýðsráðs sem skoði málið samhliða vinnu við starfs- og fjárhagsáætlun á komandi hausti. Skýrsla starfshóps um eflingu og framtíð Árskógarskóla og starfsemi í Árskógi lögð fram til kynningar. Íþrótta- og æskulýðsráð samþykkir að taka málið samhliða gerð starfs- og fjárhagsáætlunar í haust. "


Á 205. fundi fræðsluráðs þann 13. maí 2015 var eftirfarandi bókað:
"Á fundi sveitarstjórnar þann 4. maí s.l. samþykkti sveitarstjórn samhljóða með 7 atkvæðum að vísa þessu máli aftur til fræðsluráðs til endurskoðunar.
Fræðsluráð tók aðra umræðu um málið og stendur við fyrri ákvörðun sína sem var tekin að vel athuguðu máli og vísar málinu áfram til byggðaráðs. Nauðsynlegt er að eyða allri óvissu um framtíð Árskógarskóla."

Til umræðu ofangreint.

Auður vék af fundi kl. 13:58.

Hlynur vék af fundi kl. 14:02.

Steinunn, Felix og Kristinn Ingi viku af fundi kl. 14:03.




 a) Byggðaráð samþykkir samhljóða með 3 atkvæðum að leggja til við sveitarstjórn að skólastarf í Árskógarskóla verði áfram með sama skipulagi og verið hefur skólaárið 2016-2017.
b) Byggðaráð samþykkir samhljóða með 3 atkvæðum að leggja til við sveitarstjórn að áfram verði leitað leiða til að efla starfsemina í Árskógarskóla/Árskógi.

Lilja Björk vék af fundi kl. 14:23. Niðurstaða Til máls tók:
Gunnþór Eyfjörð Gunnþórsson, sem gerði grein fyrir vanhæfi sínum hvað þennan lið varðar og vék af fundi kl. 16:19.

1. liður a): Sveitarstjórn samþykkir samhljóða með 6 atkvæðum afgreiðslu byggðaráðs, Gunnþór tekur ekki þátt í atkvæðagreiðslu vegna vanhæfis.
1. liður b): Sveitarstjórn samþykkir samhljóða með 6 atkvæðum afgreiðslu byggðaráðs, Gunnþór tekur ekki þátt í atkvæðagreiðslu vegna vanhæfis.
1.2 Útboð vátrygginga 2016
Gunnþór Eyfjörð Gunnþórsson kom inn á fundinn að nýju undir þessum lið kl. 14:24.

Á 772. fundi byggðaráðs þann 31. mars 2016 var eftirfarandi bókað:
"Á 738. fundi byggðaráðs þann 18. júní 2015 var eftirfarandi niðurstaða bókuð:
'Byggðaráð samþykkir samhljóða með 2 atkvæðum að samningur við VÍS verði framlengdur í samræmi við ákvæði samningsins og hugað verði að útboði á næsta ári.'

Til umræðu ofangreint.

Í starfs- og fjárhagsáætlun 2016 er gert ráð fyrir útboði á vátryggingum sveitarfélagsins.


Byggðaráð samþykkir samhljóða með 3 atkvæðum að hafinn verði undirbúningur að útboði á vátryggingum sveitarfélagsins og felur framkvæmdastjórn að koma með tillögur að vinnuhóp og hvert skuli leita með ráðgjöf."

Sviðsstjóri fjármála- og stjórnsýslusviðs gerði grein fyrir þeim upplýsingum sem aflað hefur verið um útboð vátrygginga sveitarfélaga sem og umfjöllun framkvæmastjórnar.

Til umræðu ofangreint. a) Byggðaráð samþykkir samhljóða með 3 atkvæðum að leitað verði til ráðgjafa vegna útboðs á vátryggingum sveitarfélagins og felur sveitarstjóra og sviðsstjóra fjármála- og stjórnsýslusviðs að senda verðfyrirspurn í samræmi við umræður á fundinum.
b) Byggðaráð samþykkir samhljóða með 3 atkvæðum að framkvæmdastjórn verði vinnuhópur sveitarfélagsins í tengslum við útboðið og kalli þá til aðra starfsmenn ef þess þarf. Niðurstaða Gunnþór kom inn á fundinn að nýju undir þessum lið kl. 16:20.

2. liður b): Sveitarstjórn samþykkir samhljóða með 7 atkvæðum afgreiðslu byggðaráðs.
1.3 Trúnaðarmál
Bókað í trúnaðarmálabók.
1.4 Fjárhagsáætlun 2017-2020; tímarammi. Byrjun á undirbúningi fyrir vinnu við fjárhagsáætlun.
Með fundarboði fylgdi drög að tímaramma vegna undirbúnings á vinnu við fjárhagsáætlun 2017-2020.

Einnig rætt um fjárhagsramma og fjárhagsáætlunarferlið.

Miðað við niðurstöður ársreiknings 2015 þá er lagt til að byggðaráð, fagráð, stjórnendur og starfsmenn nýti tímann frá maí - ágúst til að fara gaumgæfilega yfir starfsemi og rekstur sveitarfélagsins. Þannig verði þjónustustig sveitarfélagsins yfirfarið vs. fjölda íbúa og möguleikar á hagræðingu í rekstri kannaðir.

Ofangreint yrði þá til þess að í stað þess að fjárhagsrammar yrðu staðfestir af sveitarstjórn fyrir almenn sumarleyfi þá seinkar þeim verkþætti í ferlinu, áætlað í enda ágúst. Byggðaráð samþykkir samhljóða með 3 atkvæðum tillögu að tímaramma eins og hann liggur fyrir.
1.5 Frá samtökum garðyrkju- og umhverfisstjóra sveitarfélaga; Minningarreitur um Árna Steinar Jóhannsson.
Tekið fyrir erindi frá samtökum garðyrkju- og umhverfisstjóra sveitarfélaga, bréf dagsett þann 6. maí 2016, móttekið 10. maí 2016, þar sem fram kemur að tilgangur þessa bréfs er að kanna hug byggðaráðs til samstarfs og hugsanlegs styrks til að minnast Árna Steinars Jóhannssonar, landslagsarkitekts, sem lést 1. nóvember 215.

SAMGUS vill heiðra minningu frumkvöðulsins Árna Steinars í heimabæ hans. Hugmyndin er að gerður verði áningarstaður með bekk og gróðri umhverfis og þar verði einnig söguskilti um Árna Steinar. Hugmyndin hefur ekki verið útfærð eða staðsett en rætt hefur verið um umhverfi lækjarins við Karlsrauðatorg, við æskuheimili hans á Dalvík.

Byggðaráð tekur jákvætt í ofangreint erindi og vísar því til umhverfisráðs/umhverfis- og tæknisviðs til frekari skoðunar sem og til gerðar starfs- og fjárhagsáætlunar 2017-2020.
1.6 Frá Sýslumanninum á Norðurlandi eystra; Skeið - umsókn um rekstrarleyfi
Tekið fyrir erindi frá Sýslumanninum á Norðurlandi eystra, bréf dagsett þann 11. maí 2016, þar sem fram kemur að Myriam Dalstein, kt. 191171-2179, Skeið, 621. Dalvík, sækir um endurnýjun á rekstrarleyfi til sölu gistingar og veitingu veitinga á Gistihúsinu Skeið; flokkur III.

Fyrir liggur umsögn slökkviliðsstjóra. Byggðaráð gerir ekki athugasemdir við ofangreinda umsókn.
1.7 Frá BHS ehf; Aðalfundarboð 2016
Tekið fyrir bréf frá BHS, móttekið þann 17. maí 2016, þar sem boðað er til aðalfundar BHS fimmtudaginn 26. maí 2016 kl. 20:00 á kaffistofunni að Fossbrún 2. Byggðaráð samþykkir samhljóða með 3 atkvæðum að sveitarstjóri sæki fundinn f.h. Dalvíkurbyggðar.
1.8 Frá Menningarfélaginu Bergi ses; Aðalfundarboð 2016
Tekið fyrir bréf frá Menningarfélaginu Bergi ses, dagsett þann 17. maí 2016, þar sem stjórn Menningarfélagsins Bergs ses. boðar til aðalfundar félagsins, fimmtudaginn 2. júní 2016, kl. 16:00 í menningarhúsinu Bergi. Byggðaráð samþykkir samhljóða með 3 atkvæðum að fela Valdemar Þór Viðarssyni að sækja fundinn f.h. Dalvíkurbyggðar. Niðurstaða Fleiri tóku ekki til máls um fundargerðina og annað þarfnast ekki afgreiðslu.
2.
Byggðaráð Dalvíkurbyggðar - 778, frá 26.05.2016
Málsnúmer 1605011F
2.1 Framkvæmdir og viðhald við sundlaug Dalvíkur
Undir þessum lið komu á fund byggðaráðs Börkur Þór Ottósson, sviðsstjóri umhverfis- og tæknisviðs, og Gísli Rúnar Gylfason, íþrótta- og æskulýðsfulltrúi, kl. 13:00.

Til umræðu staða mála varðandi hönnun og undirbúning á endurbótum við sundlaugina á Dalvík.

Stýrihóp vegna endurbóta á sundlaug skipa: Sviðsstjóri umhverfis- og tæknsviðs, íþrótta- og æskulýðsfulltrúi, formaður byggðaráðs og Þórunn Andrésdóttir, aðalmaður í íþrótta- og æskulýðsráði. Stýrihópurinn hefur komið saman í 7 skipti.

Gísli Rúnar vék af fundi kl.13:40.
2.3 Frá Markaðsstofu Norðurlands; Flugklasinn Air66N - áfangaskýrsla
Tekið fyrir erindi frá Markaðsstofu Norðurlands, bréf dagsett þann 19. maí 2016, er varðar stöðu mála hvað varðar starf Flugklasans Air66N. Lagt fram til kynningar.
2.4 Ársreikningur 2015; Listi yfir birgja 2015
Sviðsstjóri fjármála- og stjórnsýslusviðs kynnti lista yfir helstu birgja Dalvíkurbyggðar 2015 sem fylgigagn með birtingu ársreiknings 2015, sbr. fyrri ár. Byggðaráð samþykkir samhljóða með 2 atkvæðum listann eins og hann liggur fyrir til birtingar á heimasíðu Dalvíkurbyggðar með ársreikningi 2015.
2.5 Fjárhagsáætlun 2017-2020; fjárhagsáætlunarvinnan - tillögur
Á 777. fundi byggðaráðs þann 19. maí 2016 var eftirfarandi bókað:
"Með fundarboði fylgdi drög að tímaramma vegna undirbúnings á vinnu við fjárhagsáætlun 2017-2020. Einnig rætt um fjárhagsramma og fjárhagsáætlunarferlið. Miðað við niðurstöður ársreiknings 2015 þá er lagt til að byggðaráð, fagráð, stjórnendur og starfsmenn nýti tímann frá maí - ágúst til að fara gaumgæfilega yfir starfsemi og rekstur sveitarfélagsins. Þannig verði þjónustustig sveitarfélagsins yfirfarið vs. fjölda íbúa og möguleikar á hagræðingu í rekstri kannaðir. Ofangreint yrði þá til þess að í stað þess að fjárhagsrammar yrðu staðfestir af sveitarstjórn fyrir almenn sumarleyfi þá seinkar þeim verkþætti í ferlinu, áætlað í enda ágúst.
Byggðaráð samþykkir samhljóða með 3 atkvæðum tillögu að tímaramma eins og hann liggur fyrir."

Á samráðs- og upplýsingafundi stjórnanda þann 24. maí s.l. var ofangreint til umræðu.

Til umræðu ofangreint. Byggðaráð samþykkir samhljóða með 2 atkvæðum að boða til stjórnsýslunefndarfundar sem fyrst þar sem línurnar um hvernig farið verði í þessa vinnu verða lagðar.
Byggðaráð samþykkir samhljóða með 2 atkvæðum að fela sveitarstjóra og sviðsstjóra fjármála- og stjórnsýslusviðs að útfæra tillögur inn á fund stjórnsýslunefndar.
2.6 Frá 198. fundi félagsmálaráðs þann 12. apríl 2016; Öldungarráð
Undir þessum lið komu á fund byggðaráðs Eyrún Rafnsdóttir, sviðsstjóri félagsmálasviðs, Kolbrún Pálsdóttir og Þorgerður Sveinbjarnardóttir, fulltrúar eldri borgara í Dalvíkurbyggð, kl. 14:53.

Á 774. fundi byggðaráðs þann 28. apríl 2016 var eftirfarandi bókað:

Undir þessum lið kom á fund byggðaráðs Eyrún Rafnsdóttir, sviðsstjóri félagsmálsviðs, kl. 13:00. Á 198. fundi félagsmálaráðs þann 12. apríl 2016 var eftirfarandi bókað: "Umfjöllun um öldungaráð var lögð fyrir á 190 fundi félagsmálaráðs þann 10. september 2015 þar sem bókað var: "Félagsmálaráð vill standa vel að undirbúningi þessa ráðs og felur starfsmönnum félagsmálasviðs að afla frekari upplýsinga og móta tillögur samkvæmt umræðum á fundi." Starfsmenn leggja til að skipaðir verði 2 sveitarstjórnarmenn í ráðið og 3 fulltrúar frá félagi eldri borgara. Starfsmenn leggja einnig til að kynning á ráðinu verði lögð fyrir byggðarráð þar sem taka þarf ákvarðanir um stjórnskipun ráðsins. Félagsmálaráð vísar málinu til byggðarráðs og óskar eftir því að félagsmálastjóri fylgi málinu eftir. " Til umræðu ofangreint. Eyrún vék af fundi kl. 13:26.
Byggðaráð samþykkir samhljóða með 2 atkvæðum að fá fulltrúa úr hópi eldri borgara í sveitarfélaginu til að koma á fund byggðaráðs og ræða með hvaða hætti samráði við eldri borgara er best fyrir komið í stjórnsýslu sveitarfélagsins."

Til umræðu ofangreint.

Eyrún, Kolbrún og Þorgerður viku af fundi kl. 15:12.

 Í samræmi við umræður á fundinum þá samþykkir byggðaráð samhljóða með 2 atkvæðum að leggja til við sveitarstjórn að falla frá hugmyndum um sérstakt Öldungaráð. Þess í stað hittu fulltrúar eldri borgara (3 fulltrúar) í Dalvíkurbyggð byggðaráð á fundum, t.d. í mars og í september ár hvert. Byggðaráð felur sveitarstjóra að gera drög að samkomulagi í samræmi við ofangreint.
2.7 Ásholt 4b; kauptilboð
Tekið fyrir kauptilboð í Ásholt 4b, fastanúmer 215-6671, dagsett þann 24.maí 2016, frá Páli Barna Szabo að upphæð kr. 9.500.000, en Páll er með forkaupsrétt sem leigjandi skv. reglum sveitarfélagsins þar um. Byggðaráð samþykkir samhljóða með 2 atkvæðum ofangreint tilboð eins og það liggur fyrir og söluna á eigninni. Niðurstaða Enginn tók til máls og annað þarfnast ekki afgreiðslu.
3.
Byggðaráð Dalvíkurbyggðar - 779, frá 07.06.2016
Málsnúmer 1606001F
3.1 Vinnuhópur vegna nýtingu á húsnæði Víkurrastar, sbr. hugmyndir um Frístundahús.
Undir þessum lið komu á fund byggðaráðs Hlynur Sigursveinsson, sviðsstjóri fræðslu- og menningarsviðs, og Gísli Rúnar Gylfason, íþrótta- og æskulýðsfulltrúi, kl. 13:00.

Á 758. fundi byggðaráðs þann 12.11.2015 var eftirfarandi bókað:

"Á fundi stjórnsýslunefndar þann 9. nóvember s.l. var lagt til að byggðaráð myndi skipa í vinnuhóp hvað varðar nýtingu á húsnæði "Gamlaskóla" og Víkurrastar. Í starfsáætlun fræðslu- og menningarsviðs fyrir árið 2016 kemur eftirfarandi fram: "Skoðað verður samstarf um að Víkurröst verði rekið sem alhliða frístundahús og möguleikar á frekara samstarfi Frístundar og Víkurrastar." Tillaga að vinnuhópum: Stýrihópur:Gunnþór Eyfjörð Gunnþórsson, Gísli Rúnar Gylfason og sviðstjóri fræðslumála Rýnihópur:Stýrihópur kallar til aðila í rýnihóp.
Byggðaráð samþykkir samhljóða með 3 atkvæðum ofangreinda tillögu að vinnuhóp og felur Bjarna Th. Bjarnasyni, sveitarstjóra, að gera drög að erindisbréfi."

Á fundinum var til umfjöllunar tillögur ofangreinds stýrihóps vegna nýtingu á húsnæði "Gamla skóla" og Víkurrastar.

Tillögur stýrihópsins eru eftirfarandi helstar:
a) Flutningur á Tónlistarskóla Dalvíkurbyggðar.
Það er tillaga stýrihópsins að Tónlistarskólinn verði færður úr Gamla - skólanum í Víkurröst og að Frístund verði færð í Dalvíkurskóla.
b) Framkvæmdir í Víkurröst vegna flutnings Tónlistarskóla og Frístundar; kostnaðaráætlun um 10 m.kr.
c) Möguleg framtíðarnýting á Gamlaskóla; 1) Sala á skólanum til þriðja aðila, 2) húsnæðið leigt út til 3ja aðila og 3) skólinn verði nýttur sem safnahús fyrir öll söfn Dalvíkurbyggðar.

Hlynur og Gísli Rúnar viku af fundi kl. 13:48. a) Byggðaráð samþykkir samhljóða með 2 atkvæðum að fela stýrihópnum að vinna áfram að þeim hugmyndum sem fram koma í ofangreindri skýrslu hópsins.
b) Byggðaráð samþykkir samhljóða með 2 atkvæðum að leggja til við fræðsluráð að stefnt verði að því að starfsemi Frístundar (1. - 4. bekkjar skólavistun) verði flutt yfir í Dalvíkurskóla frá og með skólaárinu 2016/2017.
c) Byggðaráð samþykkir samhljóða með 2 atkvæðum að vísa ofangreindum tillögum til gerðar starfs- og fjárhagsáætlunar 2017-2020.
d) Byggðaráð tekur undir þær hugmyndir sem fram hafa komið að Víkurröst verði tómstunda- og frístundahús Dalvíkurbyggðar.
3.2 Frá forstöðumanni bóka- og héraðsskjalasafns; Breyting í bókhaldi
Tekið fyrir erindi frá forstöðumanni bóka- og héraðsskjalasafns, bréf dagsett þann 27. maí 2016, þar sem óskað er eftir heimild til að flytja af liðum í fjárhagsáætlun 2016; af 05310-4390 kr. 200.000 og 05310-4685 kr. 200.000 og yfir á launalið 05310-1010.

Um er að ræða vinnu vegna skráningar á gömlum ljósmyndum í Fotostation. Byggðaráð samþykkir samhljóða með 2 atkvæðum að vísa ofangreindu til umsagnar sviðsstjóra fræðslu- og menningarsviðs sem og að fá samantekt á því hver staða skráninga á ljósmyndum í Héraðsskjalasafni Svarfdæla er og hvernig framhaldið er áætlað.
3.3 Frá sveitarstjóra; Samkomulag á milli Róta bs. og sveitarfélagsins Skagafjarðar vegna flutnings á verkefnum
Tekið fyrir drög að samningi vegna flutnings verkefna frá Rótum bs. til Sveitarfélagsins Skagafjarðar, sbr. rafpóstur til stjórnarmanna Róta bs. dagsettur þann 8. maí 2016.


 Afgreiðslu frestað þar til frekari upplýsingar liggja fyrir.
3.4 Frá Sýslumanninum á Norðurlandi eystra; Rekstrarleyfi - Áholt 3
Tekið fyrir erindi frá Sýslumanninu á Norðurlandi eystra, bréf dagsett þann 1. júní 2016, þar sem óskað er umsagnar um umsókn frá Elvari Reykjálín, kt. 261254-7199, um nýtt rekstrarleyfi til sölu heimagistingar að Ásholti 3, 621. Dalvík; Flokkur I. Byggðaráð gerir ekki athugasemdir við umsóknina.
3.5 Frá Sýslumanninum á Norðurlandi eystra; Sognstún 1 (Vegamót) umsókn um rekstrarleyfi
Tekið fyrir erindi frá Sýslumanninum á Norðurlandi eystra, bréf dagsett þann 30. maí 2016, þar sem óskað er umsagnar um umsókn frá Bjarna Gunnarssyni, kt. 030763-2119, fyrir hönd KAS ehf. kt. 471186-1129, um nýtt rekstrarleyfi til sölu gistinga að Sognstúni 1, 620. Dalvík; flokkur II. Byggðaráð gerir ekki athugasemdir við umsóknina.
3.6 Mánaðarlegar stöðuskýrslur fyrir fagráð og byggðaráð
Með fundarboði byggðaráðs fylgdi:
a) Yfirlit yfir þróun útsvarstekna Dalvíkurbyggðar 2016.

Greitt útsvar til Dalvíkurbyggðar janúar - maí 2016 er 3,52% hærra en fyrir sama tímabil árið 2015, á verðlagi hvors árs fyrir sig. Til samanburðar þá hefur launavísitala hækkað um 13,35% frá apríl 2015 til apríl 2016.
Til samanburðar þá eru launagreiðslur Dalvíkurbyggðar ásamt launatengdum gjöldum og fundaþóknunum 9,61% hærri fyrir tímabilið janúar - apríl 2016 í samanburði við sama tímabil árið 2015, eða um 28 m.kr. hærri. Þar af eru um 14,7 m.kr. vegna uppeldis- og fræðslumála. Hluti af þessum 28 m.kr. eru leiðréttingar inn á árið 2015 vegna nýrra kjarasamninga það sem af er árs, s.s. BHM, Landssamband slökkviliðs- og sjúkraflutningsmanna.


b) Yfirlit yfir þróun framlaga úr Jöfnunarsjóði sveitarfélaga fyrir árin 2013-2016.

Heildarframlög úr Jöfnunarsjóði til Dalvíkurbyggðar árið 2015 voru kr. 391.700.617 en árið 2014 kr. 382.982.741. Breytingin er kr. 8.717.876 eða 2,287%. Útgjaldaframlagið lækkaði um kr. 9.478.061 á milli áranna 2014 og 2015 eða um 5,1%.

Fyrirspurn varðandi ofangreint hefur verið sent til Jöfnunarsjóðs sveitarfélaga.

c) Mánaðarlegar stöðuskýrslur.

Byggðaráð fékk senda mánaðarlega stöðuskýrslu í rafrænni áskrift þann 2. júní s.l.

Til umræðu ofangreint.

 Lagt fram til kynningar.
3.7 Frá Thorp; Stefnumótandi vinnufundur sveitarstjórnar um ferðaþjónustu
Tekið fyrir bréf frá Thorp ehf. consulting, móttekið 26. maí 2016, þar sem fram kemur að mörg sveitarfélög standa nú frammi fyrir áskorunum tengdum ferðaþjónustu, sem fyrir nokkrum árum voru óþekktar, og að sum sveitarfélög hafa ákveðið að hefja markvissa stefnumótunarvinnu til að mæta þessum áskorunum. Thorp ehf. hefur unnið með nokkrum sveitarfélögum og ferðaþjónustufyrirtækjum að undanförnu að mótun og framkvæmd slíkra verkefna. Dalvíkurbyggð stendur nú þessi þjónusta til boða. Lagt fram til kynningar.
3.8 Frá Gásakaupstað ses; Aðalfundarboð 2016
Tekið fyrir bréf frá Gásakaupstað ses., dagsett þann 27. maí 2016, þar sem boðað er til aðalfundar föstudaginn 10. júní n.k. kl. 15:00 á Akureyri. Lagt fram til kynningar. Niðurstaða Enginn tók til máls um fundargerðina og annað þarfnast ekki afgreiðslu.
4.
Byggðaráð Dalvíkurbyggðar - 780, frá 16.06.2016.
Málsnúmer 1606009F
4.1 Ósk um skráningu lögheimilis
Undir þessum lið komu á fund byggðaráðs Börkur Þór Ottósson, sviðsstjóri umhverfis- og tæknisvið, Helga íris Ingólfsdóttir, varaformaður umhverfisráðs, Sigurður Hafsteinn Pálsson og Svanfríður Jónsdóttir, kl. 8:15.

"Á 278. fundi umhverfisráðs þann 10. júní 2016 var eftirfarandi bókað:
Með innsendu erindi dags. 27. apríl 2016 óska þau Sigurður Hafsteinn Pálsson og Svanfríður Jónsdóttir eftir afstöðu umhverfisráðs til breytinga á deiliskipulagi frístundabyggðarinnar að Hamri.
Með vísan í minnisblað frá PACTA lögmönnum þá sér umhverfisráð Dalvíkurbyggðar sér ekki fært um að veita leyfi til breytinga á gildandi skipulagi svæðisins. Umrædd breyting á skipulagi myndi binda hendur sveitarfélagsins um ókomna tíð, þar sem afar erfitt væri í ljósi jafnræðissjónarmiða að afgreiða sambærilegar umsóknir ekki með sama hætti. Samþykkt með fimm atkvæðum. "

Til umræðu ofangreint.

Börkur Þór, Sigurður Hafsteinn og Svanfríður viku af fundi kl.08:45.
Helga Íris vék af fundi kl. 08:54.
 Lagt fram til kynningar.
4.2 Frá sviðsstjóra umhverfis- og tæknisviðs; beiðni um viðauka vegna viðbyggingu við Krílakot, eldri hluti, vs. þak tónlistarskóla.
Tekið fyrir erindi frá sviðsstjóra umhverfis- og tæknisviðs, bréf dagsett þann 14. júní 2016, þar sem óskað er eftir tilflutningi á fjármagni vegna breytinga á eldri hluta Krílakots. Gert er ráð fyrir að kostnaðurinn verði kr. 6.350.000. Við útboð á nýbyggingunni lá ekki ljóst fyrir hvernig þær breytingar sem gerðar verða á eldri húnæsði kæmu til með að verða.

Þar sem gert er ráð fyrir að kr. 13.000.000 fari í endurbætur á þaki Tónlistarskólans á 32200-11602 og alls óvíst hvort að fara á í þá framkvæmd er lagt til að kr. 6.350.000 fari yfir á 31120-4610. Ef ekki er vilji byggðaráðs að falla frá fyrirhuguðum framkvæmdum við Tónlistarskólann óskar undirritaður eftir viðauka að sömu upphæð.

Til umræðu ofangreint.

 a) Byggðaráð samþykkir samhljóða með 3 atkvæðum að verða við beiðni sviðsstjóra umhverfis- og tæknisviðs að setja kr. 6.350.000 á lið 31120-4610 þannig að rekstrarkostnaður Eignasjóð hækkar um þá upphæð.
b) Byggðaráð samþykkir samhljóða með 3 atkvæðum að fresta framkvæmdum við þak á tónlistaskóla að upphæð kr. 13.000.000, að teknu tilliti til þess kostnaðar sem þegar er fallin til vegna hönnunar á þaki og undirbúningi á útboði, þar til ákvörðun hefur verið tekin um framtíðarnýtingu Gamla skóla og Víkurrastar. Liður 32200-11602 lækkar þá um allt að 13,0 m.kr. Niðurstaða 2. liður a); Sveitarstjórn samþykkir samhljóða með 7 atkvæðum afgreiðslu byggðaráðs.
2. liður b); Sveitarstjórn samþykkir samhljóða með 7 atkvæðum afgreiðslu byggðaráðs.
4.4 Frá innanríkisráðuneytinu; Greiðslur til sveitarfélaga vegna forsetakosninga 2016
Tekið fyrir rafbréf frá innanríkisráðuneytinu, dagsett þann 7. júní 2016, þar sem fram kemur að með 14. gr. laga nr. 162/2006 var ákveðið að greiða skuli úr ríkissjóði nauðsynlegan kostnað sem sveitarfélög bera af kosningum á vegum ríkisins við störf undirkjörstjórna og hverfiskjörstjórna, ef við á, og fyrir kjörgögn, áhöld, húsnæði til kjörfunda og atkvæðakassa, eins og rakið er í c-lið 123. gr. laga um kosningar til Alþingis nr. 24/2000.

Greiðslur fyrir þátt sveitarfélaganna í forsetakosningunum sem fram eiga að fara 25. júní nk. verða eftirfarandi:

1. Fyrir hvern kjósanda á kjörskrá, eins og fjöldi þeirra var í lok kjördags, 580 kr., sbr. 27. gr. laga nr. 24/2000.
2. Fyrir hvern kjörstað sem sveitarstjórn ákvað, 430.000 kr., sbr. 1. mgr. 68. gr. laga nr. 24/2000.

Sveitarfélög geta óskað eftir greiðslu hjá innanríkisráðuneytinu með því að senda reikning, gíróseðil eða greiðslutilmæli, enda verði því sendar framangreindar upplýsingar um kjósendur og kjörstaði í hverju sveitarfélagi, staðfestar af kjörstjórn sveitarfélagsins.

Lagt fram til kynningar.
4.5 Forsetakosningar 2016; framlagning og staðfesting kjörskrár.
Á 281. fundi sveitarstjórnar þann 17. maí 2016 var eftirfarandi samþykkt samhljóða með 7 atkvæðum:

"201605093 Umboð til byggðarráðs Dalvíkurbyggðar til að staðfesta kjörskrá vegna forsetakosninga sem fram fara þann 25. júni 2016 og fullnaðarumboð til að úrskurða um athugasemdir.

Sveitarstjórn samþykkir að veita byggðarráði fullnaðarumboð til að ganga frá kjörskrá vegna forsetakosninga sem fram fara þann 25. júní 2016. Jafnframt veitir sveitarstjórn byggðarráði fullnaðarumboð til að úrskurða um athugasemdir sem kunna að berast vegna framlagðrar kjörskrár, sbr. ákvæði 27. gr. VI. kafla laga um kosningar til Alþingis nr. 24 frá 16. maí 2000 með síðari breytingum."

Á fundinum var kjörskráin lögð fram, alls eru 1.326 á kjörskrá.

 Byggðaráð samþykkir samhljóða með 3 atkvæðum framlagða kjörskrá skv. ofangreindu.
4.6 Frá leikhópnum Lottu; Leyfi til sýningarhalds og styrkbeiðni
Tekið fyrir erindi frá leikhópnum Lottu, rafbréf dagsett þann 1. júní 2016. Tilgangur bréfsins er þríþættur:


a) Í fyrsta lagi að sækja um leyfi til að fá að sýna á kirkjutúninu þann 5. ágúst klukkan 16.00.

b) Í öðru lagi að sækja um styrk vegna póstdreifingar og ferðakostnaðar að upphæð 18.000 kr.-

c) Í þriðja lagi er óskað eftir að sýningin verði kynnt á vefsíðum bæjarins og miðlum sem bærinn sér sér fært að auglýsa hana í. Einnig eru vel þegnar allar ábendingar um bæjarblöð eða vefmiðla sem sérstaklega eru ætlaðar svæðinu.
Byggðaráð samþykkir samhljóða með 3 atkvæðum:
a) að vísa beiðni um leyfi til sýningarhalds í kirkjubrekkunni til umhverfis- og tæknisviðs.
b) að hafna beiðni um styrk.
c) að vísa beiðni um kynningu á vefmiðlum Dalvíkurbyggðar til upplýsingafulltrúa til skoðunar. Niðurstaða Til máls tóku:
Valdís Guðbrandsdóttir.
Bjarni Th. Bjarnason.


6. liður b); Sveitarstjórn samþykkir samhljóða með 7 atkvæðum afgreiðslu byggðaráðs.
4.7 Frá Grifflu ehf.; Gjöf til þjóðar
Tekið fyrir erindi frá Grifflu ehf., rafbréf dagsett þann 13. júní 2016, þar sem fram kemur að í smíðum er notendavæn rafræn útgáfa af öllum Íslendingasögunum. Sögurnar eru 42 talsins og tilgangur útgáfunnar er að auka lestur og bæta aðgengi þjóðarinnar að þessum dýrmæta menningararfi okkar.

Hugmyndin er sú að allir landsmenn geti hlaðið bókunum frítt niður í tölvur, spjaldtölvur eða farsíma (Android, Kindle og Apple tæki). Stefnt er að því að opna á áberandi hátt (blaðamannafundur, auglýsingar ofl.) fyrir streymið í haust.

Leitað er eftir stuðningi frá Dalvíkurbyggð til að koma þessu í framkvæmd: frjálsum framlögum eða upphæð sem miðast við fjölda nemenda. Nafn sveitarfélagsins mun koma skýrt fram sem stuðningsaðili þegar verkefnið verður kynnt opinberlega og einnig verður útbúið sérstakt merki/logo sem sveitarfélagið getur notað á heimasíðu og/eða í öðru kynningar- og markaðsefni sínu. Í viðhenginu má finna stutt kynningarmyndband.



 Byggðaráð samþykkir samhljóða með 3 atkvæðum að hafna ofangreindu erindi.
4.8 Frá Sýslumanninum á Norðurlandi eystra; Rekstrarleyfi Hafnarbraut 22-24
Tekið fyrir erindi frá Sýslumanninum á Norðurlandi eystra, bréf dagsett þann 9. júní 2016, þar sem óskað er umsagnar um umsókn Silju Pálsdóttur, kt. 100371-3329, fyrir Arctic Sea Tours ehf., kt. 430611-0620, en um er að ræða nýtt rekstraleyfi til sölu veitinga á Arctic Sea Tours ticket office, Hafnarbraut 22-24, 620. Dalvík, flokkur II.

 Byggðaráð gerir ekki athugasemdir við umsóknina með fyrirvara um afgreiðslu byggingafulltrúa og slökkviliðsstjóra.
4.9 Frá Sýslumanninum á Norðurlandi eystra; Rekstrarleyfi Ytri-Vík
Tekið fyrir erindi frá Sýslumanninum á Norðurlandi eystra, bréf dagsett þann 9. júní 2016, þar sem óskað er umsagnar um umsókn Marinó Sveinssonar, kt. 110971-5759, fyrir hönd Sportferða ehf. kt. 590594-2299, Melbrún 2, 621. Dalvík, vegna endurnýjunar á rekstrarleyfi til sölu gistinga í frístundahúsum Ytri- Vík/Sportferðir/Sporttours, 621. Dalvík; flokkur II. Byggðaráð gerir ekki athugasemdir við umsóknina með fyrirvara um afgreiðslu byggingafulltrúa og slökkviliðsstjóra.
4.10 Frá Varasjóði Húsnæðismála; Umsókn um framlag
Tekinn fyrir rafpóstur dagsettur þann 13. júní 2016 frá Varasjóði húsnæðismála þar sem fram kemur að ráðgjafarnefnd um Varasjóð húsnæðismála hefur samþykkt að ráðstafa 40 milljónum króna til greiðslu á framlögum vegna sölu félagslegra íbúða sveitarfélaga á almennum markaði. Ráðstafað verður að hámarki 20 milljónum vegna ársins 2016 og 20 milljónum á árinu 2017, samkvæmt reglugerð nr. 656/2002 og vinnureglum sjóðsins.

Sveitarfélög geta sótt um framlag frá og með 1. júlí 2016 vegna sölu félagslegra íbúða á almennum markaði þegar félagslegt húsnæði hefur staðið autt í viðkomandi sveitarfélagi og lítil eftirspurn er eftir húsnæði til leigu.



 Byggðaráð fagnar ofangreindri ákvörðun ráðgjafarnefndar um Varasjóð húsnæðismála, þar sem þetta er skref í rétta átt, og felur sviðsstjóra fjármála- og stjórnsýslusviðs að endurnýja umsóknir vegna íbúða sem seldar voru á árinu 2015 og senda inn nýjar umsóknir vegna íbúða sem seldar hafa verið það sem af er árs 2016.
4.11 Frá Sambandi íslenskra sveitarfélaga; Könnun á kjörum sveitarstjórnarmanna
Með fundarboði byggðaráðs fylgdi könnun á kjörum sveitarstjórnarmanna og framkvæmdastjóra sveitarfélaga 2016 sem unnin er af Sambandi íslenskra sveitarfélaga. Lagt fram til kynningar.
4.13 Frá nefndasviði Alþingis; Til umsagnar tillaga til þingsályktunar um framkvæmdaáætlun í málefnum innflytjenda 2016-2019, 765. mál.
Tekinn fyrir rafpóstur frá nefndasviði Alþingis, dagsettur þann 13. júní 2016, þar sem allsherjar- og menntamálanefnd Alþingis óskar umsagnar um tillögu til þingsályktunar um framkvæmdaáætlun í málefnum innflytjenda 2016-2019, 765. mál. Óskað er eftir umsögn eigi síðar en 25. júlí n.k. Lagt fram til kynningar.
4.14 Útboð vátrygginga 2016; verðfyrirspurn vegna ráðgjafar
Á 777. fundi byggðaráðs þann 19. maí 2016 var meðal annars eftirfarandi bókað:
a") Byggðaráð samþykkir samhljóða með 3 atkvæðum að leitað verði til ráðgjafa vegna útboðs á vátryggingum sveitarfélagins og felur sveitarstjóra og sviðsstjóra fjármála- og stjórnsýslusviðs að senda verðfyrirspurn í samræmi við umræður á fundinum. b) Byggðaráð samþykkir samhljóða með 3 atkvæðum að framkvæmdastjórn verði vinnuhópur sveitarfélagsins í tengslum við útboðið og kalli þá til aðra starfsmenn ef þess þarf. "

Verðfyrirspurn vegna ráðgjafar og umsjónar vegna útboðs á vátryggingum fyrir Dalvíkurbyggðar var send út þann 1. júní s.l. til Ríkiskaupa og Consello. Frestur til að svara var í síðasta lagi 7. júní s.l. kl. 16:00.

Á fundinum voru kynnt svör frá ofangreindum aðilum. Byggðaráð samþykkir samhljóða með 3 atkvæðum að gengið verði til samninga við Consello.
4.15 Fyrirtækjaþing Atvinnumála- og kynningaráðs 2014; húsnæðismál.
Með fundarboði byggðaráðs fylgdi skýrsla Atvinnuþróunarfélags Eyjafjarðar "Greinargerð um húsnæðismál við utanverðan Eyjafjörð" sem unnin var af Valtýr Sigurbjarnarsyni í mars 2016. Skýrslan var kynnt á ársfundi AFE þann 9. júní s.l.

Ofangreint skýrsla var til umjöllunar á 20. fundi atvinnumála- og kynningaráðs þann 15. júní s.l. og eftirfarandi var meðal annars bókað:


"Atvinnumála- og kynningaráð samþykkir samhljóða með 3 atkvæðum að leggja til við byggðaráð að óskað verði eftir, til að fá heildaryfirsýn, frá Sambandi íslenskra sveitarfélaga samantekt á því hvaða leiðir eru sveitarfélögum færar til þess að örva húsnæðismarkaðinn og fjölga valkostum á leiguhúsnæði á landsbyggðinni, hvort sem það er sveitarfélögin ein og sér sem standa að málum og/eða í samstarfi við aðra aðila, s.s. ASÍ,Búseta. Í framhaldinu verði skoðað hvort ástæða sé til þess að setja á laggirnar sérstakan vinnuhóp um húsnæðismarkaðinn í Dalvíkurbyggð. "


 Byggðaráð samþykkir samhljóða með 3 atkvæðum að taka undir afgreiðslu atvinnumála- og kynningarráðs.
4.16 Frá Greiðri leið ehf.; fundargerð aðalfundar
Tekin fyrir fundargerð frá aðalfundi Greiðar leiðar ehf. þann 10. maí 2016.

Sveitarstjóri vék af fundi undir þessum lið kl. 10:58 til annarra starfa. Lagt fram til kynningar.
4.17 Frá stjórn Eyþings, 279. fundur stjórnar.
Tekin fyrir fundargerð stjórnar Eyþings nr. 279 frá 20. apríl 2016. Lagt fram til kynningar.
4.18 Frá Sambandi íslenskra sveitarfélaga; 839. fundur stjórnar Sambandsins.
Tekin fyrir fundargerð stjórnar Sambands íslenskra sveitarfélaga nr. 839 frá 27. maí 2016. Lagt fram til kynningar. Niðurstaða Fleiri tóku ekki til máls um fundargerðina og annað þarfnast ekki afgreiðslu.
5.
Byggðaráð Dalvíkurbyggðar - 781, frá 23.06.2016
Málsnúmer 1606010F
Til afgreiðslu:1. liður a).3. liður.5. liður.
5.1 Frá 20. fundi atvinnumála- og kynningaráðs þann 20.06.2016; Tillaga um gerð hvatasamnings við Erlent ehf.
Guðmundur St. Jónsson vék af fundi undir þessum lið kl. 13:04 vegna vanhæfis.

Á 20. fundi atvinnumála- og kynningaráðs þann 20. júní s.l. var eftirfarandi bókað:
"Á 19. fundi atvinnumála- og kynningarráðs þann 4. maí síðastliðinn var eftirfarandi bókað: "Atvinnumála- og kynningarráð samþykkir með fjórum atkvæðum að ráðið muni leggja til við byggðaráð að gerður verði hvatasamningur við Erlent ehf. Atvinnumála- og kynningarráði er ljóst að fjárhæðir vegna hvatasamnings eru ekki á fjárhagsáætlun þessa árs. Áður en að gengið verður frá samningsdrögum þarf Erlent ehf að leggja fram nánari útlistun á gjöldum til Dalvíkurbyggðar sem til falla á næstu þremur árum. Afgreiðslu frestað til næsta fundar." Með fundarboði atvinnumála- og kynningarráðs fylgdu frekari gögn og upplýsingar í samræmi við ofangreint.
Erlent ehf hefur nú skilað inn umbeðnum gögnum. Atvinnumála- og kynningarráð samþykkir með þremur atkvæðum að leggja eftirfarandi til við byggðaráð: Gerður verði þriggja ára samningur við Erlent ehf. þar sem heildarupphæð samnings verði að hámarki 4.143.750, greidd út í þremur greiðslum, í fyrsta skipti í mars 2017 vegna ársins 2016 að því gefnu að Erlent ehf. uppfylli ákvæði samnings milli fyrirtækisins og sveitarfélagsins."

Með fundarboði byggðaráðs fylgdu drög að hvatasamningi við Erlent ehf.
Til umræðu ofangreint.
a) Byggðaráð samþykkir samhljóða með 2 atkvæðum ofangreinda tillögu að hvatasamningi og vísar honum til afgreiðslu í sveitarstjórn.
b) Byggðaráð samþykkir samhljóða með 2 atkvæðum að vísa til gerðar fjárhagsáætlunar 2017-2020 að gert sé ráð fyrir ofangreindum hvatasamningi í fjárhagsáætlun.
c) Byggðaráð lýsir yfir ánægju með frumkvöðlastarf Erlent ehf. og óskar fyrirtækinu velfarnaðar. Niðurstaða Til máls tók:
Guðmundur St. Jónsson, sem gerði grein fyrir vanhæfi sínu hvað þennan lið varðar og vék af fundi við umfjöllum og afgreiðslu, kl. 16:32.


1. liður a): Sveitarstjórn samþykkir samhljóða með 6 atkvæðum afgreiðslu byggðaráðs, Guðmundur St. Jónsson greiðir ekki atkvæði vegna vanhæfis.
5.2 Frá atvinnu- og nýsköpunarráðuneytinu; Ósk um umsögn vegna máls Þrastar Karlssonar.
Guðmundur St. Jónsson kom inn á fundinn að nýju undir þessum lið kkl. 13:12.

Á 771. fundi byggðaráðs þann 17. mars 2016 var eftirfarandi bókað:
"Undir þessum lið kom á fund byggðaráðs Þorsteinn K. Björnsson, sviðsstjóri veitu- og hafnasviðs, kl. 13:00. Á 688. fundi byggðaráðs þann 16. janúar 2014 var eftirfarandi bókað: "4. 201310135 - Frá Þresti Karlssyni; Ósk um nánari skýringar á heimæðareikningi vegna Snerru. Undir þessum lið koma á fund byggðaráðs Þorsteinn K. Björnsson, sviðsstjóri veitu- og hafnasviðs, kl. 9:14. Tekið fyrir erindi frá Þresti Karlssyni, dagsett þann 6. janúar 2014, er varðar athugasemdir við reikning vegna heimaæðagjalda og samskipti bréfritara við stjórnsýslu Dalvíkurbyggðar. Óskað er eftir að byggðaráð svari skriflega f.h. stjórnsýslu Dalvíkurbyggðar atriðum sem tiltekin eru í erindinu. Sviðsstjóri veitu- og hafnasviðs gerði grein fyrir ofangreindu máli. Byggðarráð samþykkir samhljóða með 3 atkvæðum að fela sveitarstjóra að svara ofangreindu erindi." Með fundarboði byggðaráðs fylgdi erindi frá Þresti Karlssyni, bréf dagsett þann 5. mars 2016, og varðar ítrekaða ósk til sveitarfélagsins um nánari skýringar á heimaæðareikningi vegna Snerru Svarfaðardal, fastanúmar 209-852. Til umræðu ofangreint. Þorsteinn vék af fundi kl. 13:25.
Byggðaráð samþykkir samhljóða með 3 atkvæðum að fela sveitarstjóra að svara erindinu í samræmi við umræður á fundinum. "

Með fundarboði byggðaráðs fylgdi erindi frá atvinnu- og nýsköpunarráðuneytinu, bréf dagsett þann 13. júní 2016, þar sem fram kemur að ráðuneytinu hefur borist meðfylgjandi erindi frá Þresti Karlssyni, vegna ágreinings hans við Hitaveitu Dalvíkur/Dalvíkurbyggð, varðandi heimæðarreikning. Ráðuneytið óskar hér með eftir umsögn Hitaveitu Dalvíkur um framangreint erindi, eigi síðar en 15. júlí n.k. Byggðaráð samþykkir samhljóða með 3 atkvæðum að vísa ofangreindu erindi til veitu- og hafnaráðs til umsagnar, með fyrirvara að ráðið fundi fyrir 15. júlí n.k.
Byggðaráð samþykkir samhljóða með 3 atkvæðum að umsögn verði gerð í samráði við lögmann sveitarfélagsins. Niðurstaða Guðmundur St. Jónsson kom inn á fundinn að nýju undir þessum lið kl. 16:33.
5.3 Frá Sýslumanninum á Norðurlandi eystra; Rekstrarleyfi - Bræðraskemman Völlum
Tekið fyrir erindi frá Sýslumanninum á Norðurlandi eystra, bréf dagsett þann 20. júní 2016, þar sem óskað er umsagnar um umsókn Bjarna Óskarssonar, kt. 041158-4929, fyrir hönd HF Vellir ehf., kt. 630394-2799. Um er að ræða nýtt rekstrarleyfi til sölu veitinga í Skemmu/Hlöðu að Völlum, 621. Dalvík.

 Byggðaráð gerir ekki athugasemdir við umsóknina með fyrirvara um umsögn byggingafulltrúa, en umsögn slökkviliðsstjóra liggur fyrir.
5.4 Frá Þjóðskrá Íslands; Fasteignamat 2017
Tekið fyrir bréf frá Þjóðskrá Íslands, bréf dagsett þann 14. júní 2016, þar sem fram kemur að fasteignamat allra fasteigna er endurmetið 31. maí ár hvert. Nýtt fasteignamat tekur gildi 31. desember n.k.

Breyting á fasteignamati á milli áranna 2016 og 2017 í Dalvíkurbyggð að meðaltali verður 3% og breyting á lóðarmati verður 5%.

Sömu tölur fyrir landið allt eru annars vegar 7,8% og 8,0%.

 Lagt fram til kynningar.
5.5 Útboð vátrygginga 2016; drög að samningi við Consello
Á 780. fundi byggðaráðs þann 16. júní 2016 var eftirfarandi bókað:
"Á 777. fundi byggðaráðs þann 19. maí 2016 var meðal annars eftirfarandi bókað: a") Byggðaráð samþykkir samhljóða með 3 atkvæðum að leitað verði til ráðgjafa vegna útboðs á vátryggingum sveitarfélagins og felur sveitarstjóra og sviðsstjóra fjármála- og stjórnsýslusviðs að senda verðfyrirspurn í samræmi við umræður á fundinum. b) Byggðaráð samþykkir samhljóða með 3 atkvæðum að framkvæmdastjórn verði vinnuhópur sveitarfélagsins í tengslum við útboðið og kalli þá til aðra starfsmenn ef þess þarf. " Verðfyrirspurn vegna ráðgjafar og umsjónar vegna útboðs á vátryggingum fyrir Dalvíkurbyggðar var send út þann 1. júní s.l. til Ríkiskaupa og Consello. Frestur til að svara var í síðasta lagi 7. júní s.l. kl. 16:00. Á fundinum voru kynnt svör frá ofangreindum aðilum.
Niðurstaða Byggðaráð samþykkir samhljóða með 3 atkvæðum að gengið verði til samninga við Consello. "

Með fundarboði byggðaráðs fylgdi drög að samningi við Consello.
 Byggðaráð samþykkir samhljóða með 3 atkvæðum samninginn eins og hann liggur fyrir.
5.6 Frá sviðsstjóra fjármála- og stjórnsýslusviðs; Fjárhagsáætlun 2016; heildarviðauki I
Sviðsstjóri fjármála- og stjórnsýslusviðs lagði fram og kynnti heildarviðauka I við fjárhagsáætlun 2016 með þeim viðaukum sem samþykktir hafa verið það sem af er árs.

Einnig er lagðir til eftirfarandi viðaukar:

a) Flutningur á áætlun deildar 08100, heilbrigðiseftirlit, yfir á málaflokk 03, skv. nýjum reikningsskilareglum sveitarfélaga, alls kr. 1.634.000 að deild 08100 og yfir á málaflokk 03.
b) Flutningur á framlögum Jöfnunarsjóðs af deild 04210 yfir á málaflokk 00, skv. nýjum reikningsskilareglum, alls kr. -27.000.000.
c) Hækkun á uppfærslu lífeyrisskuldbindinga ársins 2016 í samræmi við niðurstöður ársins 2015, kr. 23.369.000 hækkun. Var kr. 30.636.000 og verður kr. 54.005.000, málaflokkur 22.
d) Breyting á áætlaðri verðbólguspá skv. endurskoðun á Þjóðhagsspá í febrúar 2016. Samkvæmt fjárhagsáætlunarlíkani er gert ráð fyrir 3,2% verðbólgu. Endurskoðun í febrúar 2016 spáir 2,5% verðbólgu, verðbólga nú mælist 1,7%.
e) Endurskoðun á launaáætlunum 2016 í samræmi við nýja kjarasamninga sem nú liggja fyrir. Byggðaráð samþykkir samhljóða með 3 atkvæðum tillögu að fjárhagsáætlunarlíkani eins og það liggur fyrir með heildarviðauka I, með ofangreindum tillögur að viðaukum a) - d).
e) Frestað.
5.7 Frá Þjóðskrá Íslands; Breyting á kjörskrá.
Tekið fyrir erindi frá Þjóðskrá Íslands, bréf dagsett þann 21. júní 2016, er varðar ábendingu um leiðréttingu kjörskrá vegna nýs ríkisfangs svo leiðrétta megi kjörskrá Dalvíkurbyggðar skv. 4. mgr. 27. gr. laga nr. 24/2000 um kosningar til Alþingis, sbr. 1. gr. laga nr. 36/1945 um framboð og kjör forseta Íslands. Byggðaráð samþykkir samhljóða með 3 atkvæðum að Arkadiusz Sobczak, kt. 030185-3239, Bárugötu 2, 620 Dalvík, verði tekin inn á kjörskrá.
5.9 Heimsóknir byggðaráðs í stofnanir og fyrirtæki Dalvíkurbyggðar, kl. 14:40.
a) Heimsókn í Vatnsveitu og Fráveitu.

Eftir fund byggðaráðs fór byggðaráð ásamt sviðsstjóra fjármála- og stjórnsýslusviðs í heimsókn í vatnsveitu og fráveitu þar sem sviðsstjóri veitu- og hafnasvið sýndi og kynnti helstu svæði og byggingar og starfsemina þar.

Þorsteinn vék af fundi kl. 15:50. Lagt fram til kynningar. Niðurstaða Fleiri tóku ekki til máls um fundargerðina og annað þarfnast ekki afgreiðslu.
6.
Atvinnumála- og kynningarráð - 20, frá 15.06.2016
Málsnúmer 1606008F
6.1 Frá Erlent ehf.; Hvatasamningur, umsókn.
Á 19. fundi atvinnumála- og kynningarráðs þann 4. maí síðastliðinn var eftirfarandi bókað:

"Atvinnumála- og kynningarráð samþykkir með fjórum atkvæðum að ráðið muni leggja til við byggðaráð að gerður verði hvatasamningur við Erlent ehf. Atvinnumála- og kynningarráði er ljóst að fjárhæðir vegna hvatasamnings eru ekki á fjárhagsáætlun þessa árs.

Áður en að gengið verður frá samningsdrögum þarf Erlent ehf að leggja fram nánari útlistun á gjöldum til Dalvíkurbyggðar sem til falla á næstu þremur árum.

Afgreiðslu frestað til næsta fundar."

Með fundarboði atvinnumála- og kynningarráðs fylgdu frekari gögn og upplýsingar í samræmi við ofangreint. Erlent ehf hefur nú skilað inn umbeðnum gögnum.

Atvinnumála- og kynningarráð samþykkir með þremur atkvæðum að leggja eftirfarandi til við byggðaráð:

Gerður verði þriggja ára samningur við Erlent ehf. þar sem heildarupphæð samnings verði að hámarki 4.143.750, greidd út í þremur greiðslum, í fyrsta skipti í mars 2017 vegna ársins 2016 að því gefnu að Erlent ehf. uppfylli ákvæði samnings milli fyrirtækisins og sveitarfélagsins.
6.2 Fyrirtækjaþing 2014; húsnæðismarkaðurinn.
Á 17. fundi atvinnumála- og kynningarráðs þann 2. mars síðastliðinn var meðal annars eftirfarandi bókað:


"Sviðsstjóri fjármála- og stjórnsýslusviðs upplýsti á fundinum að samkvæmt rafpósti dagsettum þann 8. febrúar 2016 frá framkvæmdastjóra AFE þá hefur Valtýr Sigurbjarnarson verið ráðinn í það verkefni hjá AFE að taka saman upplýsingar um stöðu á fasteignamarkaði í Eyjafirði og horfur á næstu misserum. Niðurstaðan á geta gagnast sveitarstjórnarmönnum við að meta stöðuna á fasteignamarkaði gagnvart íbúum og atvinnulífi, bæði á sínum nærsvæðum og í Eyjafirði öllum. Reiknað er með að verkefnið taki mánuð í vinnslu."

Skýrslan er komin út og er meðfylgjandi fundarboði ráðsins. Voru niðurstöður hennar kynntar af Valtý Sigurbjarnasyni á ársfundi AFE þann 9.júní síðastliðinn og verður hún aðgengileg á heimasíðu AFE.

Skýrslan er jafnframt til umfjöllunar á fundi byggðaráðs á morgun. Atvinnumála- og kynningaráð samþykkir samhljóða með 3 atkvæðum að leggja til við byggðaráð að óskað verði eftir, til að fá heildaryfirsýn, frá Sambandi íslenskra sveitarfélaga samantekt á því hvaða leiðir eru sveitarfélögum færar til þess að örva húsnæðismarkaðinn og fjölga valkostum á leiguhúsnæði á landsbyggðinni, hvort sem það er sveitarfélögin ein og sér sem standa að málum og/eða í samstarfi við aðra aðila, s.s. ASÍ,Búseta. Í framhaldinu verði skoðað hvort ástæða sé til þess að setja á laggirnar sérstakan vinnuhóp um húsnæðismarkaðinn í Dalvíkurbyggð. Niðurstaða Enginn tók til máls um fundargerðina og ekkert þarfnast afgreiðslu.
7.
Félagsmálaráð - 199, frá 10.05.2016.
Málsnúmer 1605004F
7.1 Trúnaðarmál
Trúnaðarmál 201605069 Bókað í trúnaðarmálabók
7.2 Trúnaðarmál
Trúnaðarmál 201605068 Bókað í trúnaðarmálabók
7.3 Trúnaðarmál
Trúnaðarmál 201605064 Bókað í trúnaðarmálabók
7.4 Trúnaðarmál
Trúnaðarmál 201605065 Bókað í trúnaðarmálabók
7.5 Trúnaðarmál
Hildur Birna Jónsdóttir vék af fundi vegna vanhæfis kl 9:10

Trúnaðarmál - 201605063

Hildur Birna Jónsdóttir kom inn á fundinn aftur kl 9:20 Bókað í trúnaðarmálabók
7.6 Trúnaðarmál
Trúnaðarmál - 201605059 Bókað í trúnaðarmálabók
7.7 Trúnaðarmál
Trúnðarmál - 201605062 Bókað í trúnaðarmálabók
7.8 Mánaðarlegar stöðuskýrslur fyrir fagráð og byggðaráð
Lagður var fram tölvupóstur dags. 20/4 2016 frá sviðsstjóra fjármála- og stjórnsýslusviðs Dalvíkurbyggðar þar sem lagt er til að farið verði á hverjum fundi fagráða yfir bókfærða stöðu fjárhagsáætlunar fyrir árið 2016. Lagt fram til kynningar
7.9 Greiðsla vegna félags og tómstundastarfs á Dalbæ fyrir aldraða
Lagt var fram erindi frá forstöðumanni Dalbæjar dags. 22/4 2016 vegna þátttöku sveitarfélagsins í félags- og tómstundastarfi á Dalbæ. Félagsmálaráð samþykkir með 4 greiddum atkvæðum erindið. Tekið af lið 02-40-9145.
7.10 Samstarfssamningur
Lögð var fram til kynningar tillaga að samstarfssamningi milli Dalvikurbyggðar og Fjallabyggðar um málefni fatlaðra 2016. Félagsmálaráð fagnar því að komin sé á samvinna við Fjallabyggð í málefnum fatlaðra. Ljóst er að mörg verkefni eru framundan og ber þar helst að nefna þörf á búsetu og atvinnuúrræðum fyrir fötluð ungmenni. Niðurstaða Til máls tóku:
Valdís Guðbrandsdóttir.
Bjarni Th. Bjarnason.
7.11 Félagsþjónustuskýrsla málefna fatlaðra 2015
Lögð var fram til kynningar félagsþjónustuskýrsla Hagstofu Íslands dags. 18/3 2016 vegna málefna fatlaðra árið 2015. Erindinu var frestað á síðasta fundi ráðsins Lagt fram til kynningar
7.12 Boð um þátttöku í verkefni gegn ofbeldi
Tekið var fyrir erindi frá Jafnréttisstofu dags. 27/4 2016 þar sem fram kemur að Jafnréttisstofa vinni að umsókn um verkefnastyrk frá Evrópusambandinu til að styrkja samstarf þegar kemur að ofbeldi gegn konum og börnum. Sveitarfélögum, lögreglunni, heilsugæslunni, skólum og öðrum sem vinna með kynbundið ofbeldi og afleiðingar þess á Norðurlandi eystra er boðið til að taka þátt í verkefninu. Félagsmálaráð samþykkir þátttöku í þessu verkefni með öllum greiddum atkvæðum.
7.13 449. mál til umsagnar um stofnun embættis umboðsmanns flóttamanna
Tekið var fyrir erindi frá nefndarsviði Alþingis dags. 22/4 2016 þar sem óskað er umsagnar um þingsályktun um stofnun embættis umboðsmanns flóttamanna, mál nr. 449 Lagt fram til kynningar
7.14 728. mál til umsagnar um frumvarp til laga um útlendinga
Tekið var fyrir erindi frá nefndarsviði Alþingis dags. 22/4 2016 þar sem Allsherjar og menntamálanefnd Alþingis sendir til umsagnar frumvarp til laga um útlendinga, 728. mál Lagt fram til kynningar
7.15 Stöðumat fjárhags fyrir árið 2016
Lagt var fram stöðumat fjárhagsáætlunar fyrir fyrstu 3 mánuði ársins 2016. Stöðumat var lagt fram til kynningar. Félagsmálaráð vill skoða reglur um sérstakar húsaleigubætur betur á næsta fundi. Niðurstaða Fleiri tóku ekki til máls um fundargerðina og ekkert þarfnast afgreiðslu.
8.
Félagsmálaráð - 200, frá 16.06.2016.
Málsnúmer 1606007F
8.1 Trúnaðarmál
Trúnaðarmál - 201605086 Bókað í trúnaðarmálabók
8.2 Trúnaðarmál
Trúnaðarmál 201605080 Bókað í trúnaðarmálabók
8.3 Trúnaðarmál
Trúnaðarmál - 201606060 Bókað í trúnaðarmálabók
8.4 Trúnaðarmál
Trúnaðarmál - 201606061 Bókað í trúnaðarmálabók
8.5 Trúnaðarmál
Trúnaðarmál - 201606062 Bókað í trúnaðarmálabók
8.6 Trúnaðarmál
Trúnaðarmál - 201606065 Bókað í trúnaðarmálabók
8.7 Trúnaðarmál
Trúnaðarmál - 201606056 Bókað í trúnaðarmálabók
8.8 Upplýsingar um orlofsstaði fyrir fatlað fólk og orlofsmál
Lagt var fram bréf frá Velferðarráðuneytinu dags. 2. júní 2016 með leiðbeiningar vegna orlofsmála fatlaðs fólks. Í bréfinu kemur fram að Félags- og húsnæðismálaráðherra skipaði starfshóp í byrjun árs til að fara yfir orlofsmál fatlaðs fólks. Verkefni hópsins er að kanna möguleika á að setja umgjörð eða sérstakar reglur um þá þjónustu sem veitt er fötluðu fólki í dag. Á grundvelli þessarar vinnu hefur ráðherra samþykkt leiðbeiningar vegna sumardvala fyrir fatlað fólk og er óskað eftir því að þjónustuveitendur taki mið af þeim vegna sumarorlofsmála fatlaðs fólks. Félagsmálaráð bendir á að í bréfi dags. 2.júní 2016 frá Velferðarráðuneyti eru lagðar fram leiðbeiningar vegna orlofsmála fatlaðs fólks sem eru afrakstur starfshóps sem ráðuneytið skipaði fyrr á árinu. Vakin er athygli á því að sé þessum leiðbeiningum framfylgt geti þeim fylgt aukinn kostnaður fyrir sveitarfélagið ásamt því að vera erfitt í framkvæmd.
8.9 Til umsagnar tillaga til þingsályktunar um framkvæmdaáætlun í málefnum innflytjenda 2016-2019, 765. mál.
Lagt var fram til kynningar erindi frá Nefndarsviði Alþingis mál nr. 765 dags. 13. júní 2016. Óskað er umsagnar um þingsályktun um framkvæmdaáætlun í málefnum innflytjenda 2016-2019, 765. mál. Lagt fram til kynningar Niðurstaða Enginn tók til máls um fundargerðina og ekkert þarfnast afgreiðslu.
9.
Fræðsluráð - 206, frá 14.06.2016
Málsnúmer 1606005F
9.1 Málefni tónlistarskóla
Hlynur Sigursveinsson, sviðsstjóri kynnti stöðuna í sameiningarmálum tónlistarskólanna í Dalvíkurbyggð og Fjallabyggð. Fræðsluráð þakkar Hlyni fyrir upplýsingarnar.
9.2 Innra mat skóla 2016
Með fundarboði fylgdu skýrslur um innra mat Tónlistarskóla Dalvíkurbyggðar, Árskógarskóla, Krílakots og Kátakots sem og Dalvíkurskóla fyrir skólaárið 2015-2016. Einnig fylgdu matsáætlanir fyrir næsta skólaár frá leik- og grunnskóla.

Gunnþór Eyfjörð Gunnþórsson skólastjóri Árskógarskóla kynnti sjálfsmatsskýrslu Árskógarskóla fyrir skólaárið 2015-2016.

Drífa Þórarinsdóttir skólastjóri Káta- og Krílakots kynnti sjálfsmatsskýrslu leikskólans fyrir skólaárið 2015-2016.



 Fræðsluráð þakkar skólastjórunum fyrir greinargóðar skýrslur og hvetur stjórnendur til að halda áfram góðu starfi skólanna. Skýrslur Tónlistarskóla Dalvíkurbyggðar og Dalvíkurskóla verða teknar fyrir á næsta fundi ráðsins.
9.3 Grænfáninn
Með fundargerð fylgdu skýrslur Dalvíkurskóla, Krílakots, Kátakots og Árskógarskóla um Grænfánaverkefnið vegna umsókna um flöggun Grænfána vorið 2016. Allir skólarnir flögguðu Grænfána 26. maí 2016. Fræðsluráð þakkar skólastjórunum upplýsingarnar og lýsir ánægju sinni með þá vinnu sem skólarnir leggja í að uppfylla þær kröfur sem felast í þátttöku í Skóla á grænni grein (Grænfánaverkefnið).
9.4 Kostnaður vegna námsgagna fyrir Samb. Ísl. Sveitarfélaga
Með fundarboði fylgdi bréf frá Sambandi íslenskra sveitarfélaga þar sem tilmælum er beint til skólanefnda og skólaskrifstofa að þær kanni framkvæmd innkaupa á námsgögnunum í sínu sveitarfélagi og hlut foreldra í þeim kostnaði. Einnig að beina því til skólastjóra að halda kostnaði foreldra í lágmarki. Sviðsstjóri hefur aflað upplýsinga hjá skólastjórum Árskógarskóla og Dalvíkurskóla um hvernig að þessu er staðið og sýnist ekki tilefni til að ætla að það sem foreldrar þurfa að greiða sé verulega íþyngjandi. Fræðsluráð hvetur skólastjórnendur til að vera vakandi fyrir að kostnaður við námsgögn sé innan hóflegra marka.
9.5 Námsárangur
Með fundarboði fylgdu tvær fundargerðir starfshóps um bættan námsárangur í Dalvíkurskóla. Dóróþea Reimarsdóttir, starfsmaður fræðslusviðs, gerði grein fyrir stöðu þessarar vinnu. Fræðsluráð þakkar starfshópnum og starfsmönnum skólans þá vinnu sem þeir hafa lagt af mörkum í vetur.
10.
Íþrótta- og æskulýðsráð - 79, frá 07.06.2016
Málsnúmer 1606002F
10.1 Ósk um launalaust leyfi vegna náms
Telma Björg Þórarinsdóttir hefur óskað eftir launalausu leyfi frá störfum við íþróttamiðstöð Dalvíkurbyggðar í eitt ár, eða frá 1.september 2016 til 1. september 2017 vegna náms við háskólabrú Keilis á Akureyri. Sótt er um með fyrirvara um að af námi verði, en enn á eftir að ná lágmarksfjölda svo af náminu verði, það mun skýrast um miðjan júní.
Íþrótta- og æskulýðsráð samþykkir umsóknina samhljóða.
10.2 Umsókn um afnot af Íþróttamiðstöð 21.-23. apríl 2017
Á vordögum 2017 hyggst Karlakór Dalvíkur standa fyrir svokölluðu Heklumóti hér á Dalvík. Um er að ræða kóramót norðlenskra karlakóra, og má reikna með ca. 10-12 karlakórum, með allt að 350 söngmenn, auk maka og annarra gesta.
Óskað er eftir því að fá afnot af Íþróttahúsinu á Dalvík dagana 21.-23. apríl 2017 í þessu skyni. Nánar tiltekið er þetta föstudagur til sunnudags, næstu helgi eftir páska. Mótið sjálft er ætlunin að fari fram á laugardeginum 22. apríl, og mun standa að mestu leyti frá morgni til kvölds. Daginn áður þarf að undirbúa aðstæður, m.a. með því að setja upp svið og söngpalla, svo og stóla fyrir gesti og áheyrendur.
Íþrótta- og æskulýðsráð samþykkir umsóknina samhljóða og felur íþrótta- og æskulýðsfulltrúa nánari útfærslu á leigu við Karlakór Dalvíkur.
10.3 Mánaðarlegar stöðuskýrslur fyrir fagráð og byggðaráð
Íþrótta- og æskulýðsfulltrúi gerði grein fyrir stöðu miðað við fjárhagsáætlun ársins. Rekstur er í góðum málum í heild og ekkert sem þarf að gera sérstaklega grein fyrir eins og staðan er í dag. Niðurstaða Enginn tók til máls um fundargerðina og ekkert þarfnst afgreiðslu.
11.
Landbúnaðarráð - 105, frá 15.06.2016
Málsnúmer 1605013F
11.1 Uppsögn á starfi fjallskilastjóra
Með bréfi dags. 27. maí 2016 tilkynnir Sylvía Ósk Ómarsdóttir að hún segi sig frá fjallskilastjórastarfi Svarfaðardalsdeildar. Landbúnaðarráð þakkar Sylvíu Ósk Ómarsdóttur vel unnin störf og leggur til að Árni Sigurður Þórarinsson Hofi verði nýr fjallskilastjóri Svarfaðardalsdeildar og Kristín Sigurhanna Sigtryggsdóttir Hofi til vara.
Samþykkt með fimm atkvæðum.
11.2 Endurskoðun á samningi Umhverfisstofnunar og sveitarfélaga um refaveiðar 2014 - 2016
Til kynningar endurskoðun á samningi umhverfisstofnunar og sveitarfélaga um refaveiðar 2014-2016. Lagt fram til kynningar.
11.3 Mánaðarlegar stöðuskýrslur fyrir fagráð og byggðaráð
Lagt fram til kynningar. Landbúnaðarráð fagnar framlögðum upplýsingum.
11.4 Umsókn um búfjárleyfi
Freyr Antonsson vék af fundi 08:55.

Með innsendu erindi dags. 7. júní 2016 óskar Jón Emil Gylfason eftir búfjárleyfi fyrir 18 hross samkvæmt meðfylgjandi gögnum. Landbúnaðarráð gerir ekki athugasemdir við að veita umbeðið leyfi og felur sviðsstjóra að veita leyfi.
Samþykkt með fjórum atkvæðum.
11.5 Endurskoðun á reglum um kattahald
Til umræðu endurskoðun á samþykkt um kattahald í Dalvíkurbyggð. Landbúnaðarráð þakkar þeim Alfred og Val fyrir greinargóða yfirferð á málinu og felur sviðsstjóra og umhverfisstjóra að sjá til þess að framfylgja þeim ákvæðum sem fram koma í samþykkt um kattahald frá 2. janúar 2013 og kanna samstarf við Akureyrarbæ varðandi dýravörslu.
Samþykkt með fjórum atkvæðum. Niðurstaða Enginn tók til máls um fundargerðina og annað þarfnast ekki afgreiðslu.
12.
Menningarráð - 57, frá 17.03.2016
Málsnúmer 1603007F
12.1 Sjávarútvegssaga Dalvíkurbyggðar.
Jóhann Antonsson kom á fund Menningarráðs til að ræða útgáfu á Sjávarútvegssögu Dalvíkurbyggðar kl 08:15

Jóhann Antonsson kom á fundinn undir fyrsta dagskrárlið og fór yfir hvað hann hefur ritað í gegnum árin í Norðurslóð, Fiskidagsblaðið og á öðrum vettvangi um sjávarútvegssögu Dalvíkurbyggðar. Einnig hefur hann viðað að sér ýmsum heimildum með viðtölum við aðila sem tengjast/tengdust sjávarútvegi í Dalvíkurbyggð og samferðamönnum þeirra. Fram kom að það er heilmikið efni til en jafnframt var á það bent að það eru göt í núverandi heimildasöfnun sem þarf að skoða. Jóhann sér fyrir sér að heimildarsöfnun verði þannig háttað að hægt verði að skrifa bók uppúr þeim heimildum sem hann hefur yfir að ráða og úr þeirri rannsóknarvinnu sem ráðast þyrfti í. Í framhaldinu væri hægt að nýta þær til að setja upp sýningu/safn um sjávarútvegssögu Dalvíkur/Íslands.

Jóhann Antonson vék af fundi kl. 09:03
 Menningarráð er sammála um að nú þurfi að hafa hraðar hendur varðandi gagnaöflun og viðtöl við núlifandi fólk sem komið hefur að sjávarútvegssögu Dalvíkurbyggðar. Það er tillaga ráðsins að öll viðtöl verði hljóðrituð. Þá var lögð áhersla á að samhliða gagnaöflun þurfi að móta skýran ramma utan um verkefnið. Skoðað verði að skipta verkefninu upp í c.a. 3 áfanga, t.d. að fyrsti áfangi verði gagnaöflun, viðtöl og gerð vinnuramma um verkefnið (þar með talið tímarammi og kostnaðaráætlun), annar áfangi verði ritun verksins og þriðji áfangi verði útgáfa verksins. Ráðið leggur til að Jóhann Antonsson verði fenginn til að vinna að gagnaöflun og taka viðtöl á þessu ári. Kostnaði er vísað á lið 05810-9145.

Þá var rætt að komið yrði á fót ritnefnd sem stýrði verkefninu og var sviðsstjóra fræðslu- og menningarsvið falið að skoða það mál.
12.2 Umsókn um styrk úr Menningar- og viðurkenningarsjóði
Umsækjandi er Svardælskur Mars og ábyrgðaraðili er Svanfríður Inga Jónasdóttir. Tekin var fyrir umsókn að fjárhæð 220 þúsund krónur vegna málþings í Bergi þann 20. mars n.k. Menningarráð samþykkti styrkveitingu að fjárhæð 150 þúsund krónur. Vísað á lið 05810-9145.
12.3 Umsókn um styrk úr Menningar- og viðurkenningarsjóði
Umsækjandi og ábyrgðaraðili er Jóhannes Jón Þórarinsson. Tekin var fyrir beiðni um 400 þúsund króna styrkveitingu til skrásetningar á minjum í Skíðadal. Það var niðurstaða ráðsins að hafna þessari beiðni þar sem þegar er búið að skrá þessar minjar.
12.4 Umsókn um styrk úr Menningar- og viðurkenningarsjóði
Umsækjandi og ábyrgðaraðili er Íris Hauksdóttir. Tekin var fyrir beiðni um styrk að fjárhæð 170 þúsund vegna vinnu við að koma söngefni og sögum á íslensku á internetið fyrir börn. Ekki verður séð að verkefnið falli undir þau megin markmið sem sjóðurinn starfar eftir. Því er beiðninni hafnað.
12.5 Umsókn um styrk úr Menningar- og viðurkenningarsjóði
Umsækjandi er Karlakór Dalvíkur og ábyrgðaraðili er Sigurður Hafsteinn Pálsson. Tekin var fyrir beiðni um 250 þúsund króna styrk. Samþykkt var styrkveiting að fjárhæð 220 þúsund krónur og vegur þar þungt undirbúningur að kóramóti Heklu árið 2017. Vísað á lið 05810-9145.
12.6 Umsókn um styrk úr Menningar- og viðurkenningarsjóði
Undir þessum lið vék Valdimar Þór Viðarsson af fundi vegna vanhæfis kl. 09:05, kom aftur inn á fund kl. 09:20.

Umsækjandi er Menningarfélagið Berg/Klassík og ábyrðaraðili er Gréta Guðleif Arngrímsdóttir. Tekin var fyrir umsókn um 200 þúsund króna styrkveitingu. Samþykkt var styrkveiting að fjárhæð 170 þúsund krónur. Vísað á lið 05810-9145.
12.7 Umsóknir í menningarsjóð Dalvíkurbyggðar 2016
Umsækjandi er Mímiskórinn-kór eldri borgara og ábyrgðaraðili er Félag eldriborgara. Tekin var fyrir beiðni um 200 þúsund króna styrkveitingu. Samþykkt var styrkveiting að fjárhæð 150 þúsund krónur. Vísað á lið 05810-9145.
12.8 Umsóknir í menningarsjóð Dalvíkurbyggðar 2016
Umsækjandi er Sveinn E. Jónsson-Hollvinir Látra-Bjargar og ábyrgðarmaður er Sveinn E. Jónsson. Tekin var fyrir beiðni um 1 milljón króna styrkveitingu. Samþykkt var styrkveiting að fjárhæð 500 þúsund krónur þar sem verkefnið stuðlar að menningartengdri ferðamennsku. Vísað á lið 05810-9145.
12.9 Ósk um styrk vegna 100 ára afmælis Kristjáns Eldjárns
Undir þessum lið vék Kristján Hjartarson af fundi vegna vanhæfis kl. 09:50, kom aftur inn á fund kl. 10:05

Umsækjandi er Sögufélag Svarfdæla og ábyrgðaraðili er Hjörleifur Hjartarson. Tekin var fyrir beiðni um styrkveitingu. Samþykkt var styrkveiting að fjárhæð 200 þúsund krónur. Vísað á lið 05810-9145. Niðurstaða Til máls tóku:
Valdís Guðbrandsdóttir.
Valdemar Þór Viðarsson.


Fleiri tóku ekki til máls um fundargerðina og annað þarfnast ekki afgreiðslu.
13.
Ungmennaráð - 11, frá 09.06.2016
Málsnúmer 1606006F
13.1 Vinabæjarmót 2016
Farið yfir ferðaáætlun vegna ferðar á vinabæjarmót í Lundi.
13.2 17. júní hátíðarhöld 2016
Íþrótta- og æskulýðsfulltrúi kynnti áætlaða dagskrá fyrir 17. júní hátíðarhöld. Ungmennaráð gerir ekki athugasemdir við dagskrána. Niðurstaða Enginn tók til máls um fundargerðina og ekkert þarfnast afgreiðslu.
14.
Umhverfisráð - 278, frá 10.06.2016
Málsnúmer 1606004F
14.1 Tillaga að breytingu á Aðalskipulagi Dalvíkurbyggðar 2008-2020, Atvinnu- og íbúasvæði Árskógssandi, Dalvíkurbyggð.
Lögð fram tillaga að breytingu á aðalskipulagi Dalvíkurbyggðar 2008-2010, þéttbýlismörkum á Árskógssandi og nýju verslunar- og þjónustusvæði.


 Umhverfisráð felur sviðsstjóra umhverfis- og tæknisviðs að kynna íbúum sveitarfélagsins og hagsmunaaðilum drögin skv. 2. mgr. 30. gr. skipulagslaga nr. 123/2010.
Samþykkt með fimm atkvæðum.
14.2 Deiliskipulag Árskógssandi
Lögð fram drög að deiliskipulagi atvinnu- og íbúðasvæðis á Árskógssandi ásamt greinargerð.

 Umhverfisráð felur sviðsstjóra umhverfis- og tæknisviðs að kynna íbúum sveitarfélagsins og hagsmunaaðilum drögin skv. 4. mgr. 40. gr. skipulagslaga nr. 123/2010.
Samþykkt með fimm atkvæðum.
14.3 Deiliskipulag Skáldalæk-Ytri
Til kynningar skipulagslýsing móttekin dags. 9. júní 2016 vegna deiliskipulags fyrir jörðina Skáldalæk ytri, en eftir landskipti eru áform um að vinna deiliskipulag fyrir fjögur frístundahús á þessum reit. Sviðsstjóra umhverfis- og tæknisviðs er falið að leita umsagnar um skipulagslýsinguna hjá umsagnaraðilum og Skipulagsstofnun og að kynna hana almenningi í samræmi við 30. gr. skipulagslaga nr. 123/2010.
Samþykkt með fimm atkvæðum.
14.4 Ósk um skráningu lögheimilis
Með innsendu erindi dags. 27. apríl 2016 óska þau Sigurður Hafsteinn Pálsson og Svanfríður Jónsdóttir eftir afstöðu umhverfisráðs til breytinga á deiliskipulagi frístundabyggðarinnar að Hamri. Með vísan í minnisblað frá PACTA lögmönnum þá sér umhverfisráð Dalvíkurbyggðar sér ekki fært um að veita leyfi til breytinga á gildandi skipulagi svæðisins.
Umrædd breyting á skipulagi myndi binda hendur sveitarfélagsins um ókomna tíð, þar sem afar erfitt væri í ljósi jafnræðissjónarmiða að afgreiða sambærilegar umsóknir ekki með sama hætti.
Samþykkt með fimm atkvæðum. Niðurstaða Til máls tók:
Bjarni Th. Bjarnason, sem leggur fram eftirfarandi tillögu:

„Sveitarstjórn ákveður að fresta afgreiðslu þar til frekari gagnaöflun vegna málsins hefur farið fram.“


Sveitarstjórn samþykkir samhljóða með 7 atkvæðum ofangreinda tillögu sveitarstjóra.
14.5 Rekstrarleyfi - Áholt 3
Til kynningar umsögn byggingarfulltrúa vegna nýs rekstrleyfis að Ásholti 3, Hauganesi. Umhverfisráð gerir ekki athugasemdir við umsögn byggingarfulltrúa.
Samþykkt með fimm atkvæðum.
14.6 Sognstún 1 (Vegamót) umsókn um rekstrarleyfi
Til kynningar umsögn byggingarfulltrúa vegna nýs rekstarleyfis að Sognstúni 1, Dalvík Umhverfisráð gerir ekki athugasemdir við umsögn byggingarfulltrúa.
Samþykkt með fimm atkvæðum.
14.7 Kynning á lokaverkefni Önnu Kristínar Guðmundsdóttur í umhverfisskipulagi
Kynning á lokaverkefni Önnu Kristínar Guðmundsdóttur í umhverfisskipulagi. Umhverfisráð þakkar Önnu Kristínu fyrir glæsilega kynningu og leggur til að sveitarstjórn óski eftir að fá samskonar kynningu.
14.8 Umhirða við Sandskeið og aðliggjandi svæði
Til umræðu umhirða við Sandskeið og aðliggjandi svæði. Umhverfiráð Dalvíkurbyggðar felur sviðs- og umhverfisstjóra ásamt formanni ráðsins að funda með verktökum við Sandskeið og kynna fyrir þeim hver stefna ráðsins er í umhverfismálum við Sandskeið og hvaða áætlun er í gangi til að framfylgja henni.
Samþykkt með fimm atkvæðum.
14.9 Umsókn um lóð til leigu við Karlsbraut 3, Dalvík
Með rafpósti dags. 1. júní 2016 óska þau Arnheiður Hallgrímsdóttir og Páll Ómar Jóhannesson eftir að taka á leigu lóðina Karlsbraut 3, Dalvík. Afgreiðslu frestað til næsta fundar.
Sviðsstjóra falið að afla nánari upplýsingar um hver fyrirhuguð notkun umsækjenda er á lóðinni.
14.10 Framkvæmdir á vegum Umhverfis- og tæknisviðs sumarið 2016
Lögð fram tillaga sviðsstjóra að breytingum á framkvæmdaráætlun 2016. Umhverfisráð óskar eftir nánari útfærslu á framkvæmdum við Svarfaðarbraut sunnan Mímisvegar, en að öðru leyti samþykkir ráðið framlagðar tillögur.
Samþykkt með fimm atkvæðum.
14.11 Umsókn um byggingarleyfi fyrir þjónustuhús við ferjubryggjuna á Árskógssandi.
Fyrir hönd Vegagerðarinnar sækir Kristján E. Hjartarsson um byggingarleyfi fyrir þjónustuhús við ferjubryggjuna á Árskógssandi. Umhverfisráð frestar afgreiðslu umsóknarinnar og felur sviðsstjóra að koma sjónarmiðum hverfisnendar Hríseyjar á framfæri við veitu- og hafnarráð Dalvíkurbyggðar og Vegagerðina.
Samþykkt með fjórum atkvæðum.
14.12 Umsókn um stöðuleyfi fyrir hönd Svavars Sigurðssonar
Með erindi dags. 25. maí 2016 óska þau Ingibjörg Þórlaug Þorsteinsdóttir og Sigurður Tryggvi Konráðsson eftir stöðuleyfi fyrir 20 feta gám á Árskógssandi samkvæmt meðfylgjandi gögnum. Umhverfisráð felur sviðsstjóra að veita umbeðið stöðuleyfi til eins árs og einnig að kanna hug næstu nágranna áður en leyfið er gefið út.
Samþykkt með fimm atkvæðum. Niðurstaða Til máls tók:
Pétur Sigurðsson, sem gerði grein fyrir vanhæfi sínu hvað þennan lið varðar og vék af fundi við umfjöllun og afgreiðslu kl. 16:48.

Sveitarstjórn samþykkir samhljóða með 6 atkvæðum afgreiðslu umhverfisráðs, Pétur Sigurðsson tekur ekki þátt í atkvæðagreiðslu vegna vanhæfis.
14.13 Umsókn um uppsettningu á auglýsingaskiltum
Með rafpósti dags. 25. maí 2016 óska þau Júlíus Garðar Júlíusson og Gréta Guðleif Arngrímsdóttir eftir leyfi til uppsetningar á þremur skiltum samkvæmt meðfylgjandi gögnum. Umhverfisráð Dalvíkurbyggðar samþykkir að veita umrætt leyfi til eins árs.
Samþykkt með fimm atkvæðum.
14.14 Umsókn um byggingarleyfi vegna viðbyggingar við Öldugötu 22, Árskógsströnd
Fyrir hönd Bruggsmiðjunar Kalda ehf óskar Agnes Anna Sigurðardóttir eftir byggingarleyfi vegna viðbyggingar við Öldugötu 22, Árskógssandi samkvæmt meðfylgjandi gögnum Umhverfisráð Dalvíkurbyggðar gerir ekki athugasemdir og felur sviðsstjóra að veita umbeðið leyfi.
Samþykkt með fimm atkvæðum. Niðurstaða Til máls tók:
Pétur Sigurðsson, sem gerði grein fyrir vanhæfi sínu hvað þennan lið varðar og vék af fundi við umfjöllun og afgreiðslu kl. 16:48.

Sveitarstjórn samþykkir samhljóða með 6 atkvæðum afgreiðslu umhverfisráðs, Pétur Sigurðsson tekur ekki þátt í atkvæðagreiðslu vegna vanhæfis.

Pétur Sigurðsson kom inn á fundinn að nýju kl. 16:50 en liðir 14.12 og 14.14 voru teknir til umfjöllunar og afgreiðslu að Pétri fjarstöddum. Pétur tók þátt í umfjöllun og afgreiðslu á lið 14.13.


Fleiri tóku ekki til máls um fundargerðina og annað þarfnast ekki afgreiðslu.
15.
Veitu- og hafnaráð Dalvíkurbyggðar - 48, frá 18.05.2016
Málsnúmer 1605009F
15.1 Fundargerðir 2016
Fyrir fundinum lá 384. fundargerð fundar stjórnar Hafnasambands Íslands sem haldinn var 29. apríl sl.

 Lögð fram til kynningar.
15.2 Boðun á hafnasambandsþing 2016
Hafnasambandsþing verður haldið á Ísafirði dagana 13. og 14. október nk. Þess er óskað að sveitarstjórnir/hafnastjórnir tilkynni skrifstofu Hafnasambands Íslands um kjör fulltrúa á Hafnasambandsþingið eigi síðar en 15. september nk. Veitu- og hafnaráð leggur til að formaður og yfirhafnavörður sæki þingið.
15.3 Deiliskipulag Dalvíkurhafnar og aðliggjandi svæða
Deiliskipulag Dalvíkurhafnar og aðliggjandi svæða er komið í auglýsinga- og kynningaferil. Ráðsmenn kynntu sér fyrirliggjandi gögn og þá vinnu sem framundan er til þess að deiliskipulagstillagan verði staðfest. Einnig fór ráðið yfir þær fyrirspurnir sem fram komu á kynningarfundi um fyrirliggjandi deiliskipulagstillögu. Veitu- og hafnaráð lýsir yfir ánægju með að deiliskipulagstillagan sé komin í auglýsingu.
15.4 Framkvæmdir veitu- og hafnasviðs 2016.
Nú er að hefjast framkvæmdatími ársins og fór sviðstjóri um stöðu hvers verkefnis sem er til framkvæmda á veitu- og hafnasviði. Lagt fram til kynningar.
15.5 Virkjunarsvæði í Dalvíkurbyggð.
Á fund ráðsins var mættur Bjarni Gautason,útibússtjóri Ísor á Akureyri. Bjarni kynnti þær rannsóknir sem framkvæmdar hafa verið í Dalvíkurbyggð. Veitu- og hafnaráð þakkar Bjarna Gautasyni fróðlegar upplýsingar sem hann veitti á fundinum. Niðurstaða Enginn tók til máls um fundargerðina og annað þarfnast ekki afgreiðslu.
16.
Veitu- og hafnaráð Dalvíkurbyggðar - 49, frá 07.06.2016
Málsnúmer 1606003F
16.1 Fundargerðir 2016
Fyrir fundinum lá fundargerð 385. fundar stjórnar Hafnasambands Íslands sem haldinn var 17. maí sl.á Húsavík.

 Veitu- og hafnaráð tekur undir ályktun fundar Hafnasambandsins sem fram kemur í 5. tl. fundargerðarinnar um landtengingu skipa og kostnað vegna þess.
16.2 Deiliskipulag Árskógssandi
Með bréfi sem dagsett er 19. maí 2016, frá sviðsstjóra umhverfis- og tæknisviðs, er óskað eftir umsögn veitu- og hafnaráðs vegna lýsingar deiliskipulagstillögu og á aðalskipulagsbreytingu á Árskógssandi í Dalvíkurbyggð.

Í bréfinu kemur eftirfarandi fram; "Skipulagsgerðin felur í sér breytingu á aðalskipulagi þar sem þéttbýlismörkum verður breytt og nýtt svæði fyrir verslun og þjónustu, svæði 708-V, verður vestan svæðis 703-A.

Helstu viðfangsefni við gerð deiliskipulagsins eru fyrirhugaðar stækkanir á bjórverksmiðju og afmörkun nýrra lóða fyrir fjölbreytta athafnastarfsemi. Einnig er stefnt að uppbyggingu alhliða ferðaþjónustu, m.a. gistiskálum, veitingaaðstöðu og annarri þjónustustarfsemi á vesturhluta svæðisins og er mörkum þéttbýlisuppdráttar breytt þess vegna."
 Veitu- og hafnaráð gerir ekki athugasemdir við lýsingu á fyrirhugaðri aðalskipulagsbreytingu og deiliskipulagstillögu á Árskógssandi í Dalvíkurbyggð.
16.3 Fjárhagsáætlun 2017, undirbúningsvinna
Á 12. fundi Stjórnsýslunefndar var lagður fram tímarammi við gerðar fjárhagsáætlunar fyrir fjárhagsárið 2017. Auk þess voru kynntar tillögur að niðurskurði í rekstri hjá öllum málaflokkum og B - hluta fyrirtækjum sveitarfélagsins. Veitu- og hafnaráð felur sviðsstjóra og formanni að vinna að tillögum sem verða lagðar fyrir ráðið.
16.4 Framkvæmdir veitu- og hafnasviðs 2016.
Á síðasta fundi ráðsins gafst sviðsstjóra ekki tími til að kynna stöðu allra framkvæmda ársins og er því þessi liður tekinn upp að nýju. Lagt fram til kynningar.
16.5 IFAT, kynning á ferð á sýningu í Munchen.
Sviðsstjóri veitu- og hafnasviðs fór á sýninguna IFAT í Munchen. Á sýningu voru kynntar nýjungar á lausnum fráveitu og vatnsveitu auk ýmiss annars sem tengist umfangi og umsvifum sveitarfélaga. Veitu- og hafnaráð þakkar upplýsingarnar. Niðurstaða Enginn tók til máls um fundargerðina og ekkert þarfnast afgreiðslu.
17.
Frá stjórn Dalbæjar; fundargerð stjórnar frá 23.05.2016.
Málsnúmer 201602099
Til máls tók:Guðmundur St. Jónsson.
Fleiri tóku ekki til máls um fundargerðina og ekkert þarfnast afgreiðslu.
19.
Fjárhagsáætlun 2016; heildarviðauki I. Til afgreiðslu.
Málsnúmer 201606074
Á 781. fundi byggðaráðs þann 23. júní 2016 var eftirfarandi bókað:"Sviðsstjóri fjármála- og stjórnsýslusviðs lagði fram og kynnti heildarviðauka I við fjárhagsáætlun 2016 með þeim viðaukum sem samþykktir hafa verið það sem af er árs. Einnig er lagðir til eftirfarandi viðaukar: a) Flutningur á áætlun deildar 08100, heilbrigðiseftirlit, yfir á málaflokk 03, skv. nýjum reikningsskilareglum sveitarfélaga, alls kr. 1.634.000 að deild 08100 og yfir á málaflokk 03. b) Flutningur á framlögum Jöfnunarsjóðs af deild 04210 yfir á málaflokk 00, skv. nýjum reikningsskilareglum, alls kr. -27.000.000. c) Hækkun á uppfærslu lífeyrisskuldbindinga ársins 2016 í samræmi við niðurstöður ársins 2015, kr. 23.369.000 hækkun. Var kr. 30.636.000 og verður kr. 54.005.000, málaflokkur 22. d) Breyting á áætlaðri verðbólguspá skv. endurskoðun á Þjóðhagsspá í febrúar 2016. Samkvæmt fjárhagsáætlunarlíkani er gert ráð fyrir 3,2% verðbólgu. Endurskoðun í febrúar 2016 spáir 2,5% verðbólgu, verðbólga nú mælist 1,7%. e) Endurskoðun á launaáætlunum 2016 í samræmi við nýja kjarasamninga sem nú liggja fyrir. Byggðaráð samþykkir samhljóða með 3 atkvæðum tillögu að fjárhagsáætlunarlíkani eins og það liggur fyrir með heildarviðauka I, með ofangreindum tillögur að viðaukum a) - d). e) Frestað."Með fundarboði sveitarstjórnar fylgdi tillaga að heildarviðauka I við fjárhagáætlun 2016. Helstu niðurstöður eru:Rekstrarniðurstaða A-hluta, kr. 12.231.000 afgangur.Rekstrarniðurstaða A- og B- hluta, kr. 95.025.000 afgangur.Handbært fé frá rekstri fyrir A- og B- hluta, kr. 276.183.000.Fjárfestingar fyrir A- og B- hluta, kr. 305.595.000.Söluverð seldra rekstrarfjármuna fyrir A- og B- hluta, kr. 31.200.000.Lántaka fyrir A- og B- hluta, kr. 150.000.000.Afborganir langtímalána fyrir A- og B- hluta, kr. 123.542.000.Til máls tók:Bjarni Th. Bjarnason.
Sveitarstjórn samþykkir samhljóða með 7 atkvæðum heildarviðauka I við fjárhagsáætlun 2016 eins og hann liggur fyrir.
20.
Frá Önnu Guðnýju Karlsdóttur; Beiðni um lausn úr veitu- og hafnaráði. Til afgreiðslu.
Málsnúmer 201605133
Tekið fyrir erindi frá Önnu Guðnýju Karlsdóttur, rafbréf dagsett þann 26. maí 2016, þar sem fram kemur í bréfi dagsettu þann 20. maí 2016, að Anna Guðný óskar eftir lausn frá veitu- og hafnaráði frá og með 1. júlí 2016.Til máls tók:Bjarni Th. Bjarnason.
Sveitarstjórn samþykkir samhljóða með 7 atkvæðum að veita Önnu Guðnýju lausn frá störfum sem aðalmaður í veitu- og hafnaráði.
21.
Kosningar í nefndir og ráð skv. Samþykkt um stjórn Dalvíkurbyggðar nr. 206/2013, 46. gr. með síðari breytingum. Til afgreiðslu.
Málsnúmer 201606113
a) Kosning aðal- og varamanns í veitu- og hafnaráðTil máls tók Bjarni Th. Bjarnason sem leggur fram eftirfarandi tillögu:Aðalmaður í stað Önnu Guðnýjar Karlsdóttur; Hólmfríður Skúladóttir.Varamaður í stað Hólmfríðar Skúladóttur; Heiða Hilmarsdóttir.b) Kosning í byggðaráð - 3 aðalmenn og 3 varamenn.Til máls tók Bjarni Th. Bjarnason, sem leggur fram eftirfarandi tillögu um óbreytt byggðaráð:Formaður: Gunnþór Eyfjörð Gunnþórsson (D)Varaformaður: Kristján Guðmundsson (B) Guðmundur St. Jónsson (J) Varamenn: Heiða Hilmarsdóttir (B) Lilja Björk Ólafsdóttir (D)Valdís Guðbrandsdóttir (J)Fram kom að Valdemar Þór Viðarsson kemur að nýju inn í byggðaráð frá og með 1. júlí 2016, sbr. fyrri samþykkt sveitarstjórnar, sem varamaður að nýju en Lilja Björk Ólafsdóttir er tímabundið sem varamaður í byggðaráði vegna fæðingarorlofs Valdemars.Fleiri tóku ekki til máls.
a) Ekki komu fram aðrar tillögur og eru því Hólmfríður og Heiða réttkjörnar.
b) Ekki komu fram aðrar tillögur og eru því Gunnþór, Kristján, Guðmundur, Heiða, Lilja og Valdís réttkjörin.

22.
Tillaga um frestun funda sveitarstjórnar vegna sumarleyfa 2016. Til afgreiðslu
Málsnúmer 201606120
Til máls tók forseti sveitarstjórnar sem leggur fram eftirfarandi tillögu, sem fylgdi fundarboði.Tillaga um frestun funda sveitarstjórnar:Með vísan til 8. gr. í Samþykkt um stjórn Dalvíkurbyggðar samþykkir sveitarstjórn að fresta fundum sínum í júlí og ágúst 2016.Jafnframt er byggðarráði Dalvíkurbyggðar falin fullnaðarafgreiðsla þeirra mála, sem það telur nauðsynlegt að fái afgreiðslu, sbr. 31. gr. V. kafla Samþykkta um stjórn Dalvíkurbyggðar, frá og með 29. júní 2016 til og með 31. ágúst 2016.
Sveitarstjórn samþykkir samhljóða með 7 atkvæðum ofangreinda tillögu forseta um sumarleyfi sveitarstjórnar.
23.
Sveitarstjórn - 281, til kynningar.
Málsnúmer 1605008F
Lagt fram til kynningar.