Sveitarstjórn

Á 277. fundi umhverfisráðs þann 13. maí 2016 var eftirfarandi bókað:"Lögð fram tillaga að breytingum á aðalskipulagi hafnarsvæðis á Dalvík ásamt umhverfisskýrslu. Á breytingarblaðinu er einnig gert ráð fyrir vegtengingu á milli Böggvisbrautar og Upsa yfir Brimnesá. Einnig lagðir fram minnispunktar frá opnum íbúafundi sem haldin var 10.05.2016 Umhverfisráð felur sviðsstjóra umhverfis- og tæknisviðs að senda Skipulagsstofnun tillöguna til athugunar skv. 3. mgr. 30. gr. skipulagslaga nr. 123/2010. Að fenginni umsögn Skipulagsstofnunar skal auglýsa tillöguna skv. 31. gr. sömu laga. Samþykkt samhljóða með fimm atkvæðum." Enginn tók til máls.

Á 277. fundi umhverfisráðs þann 13. maí 2016 var eftirfarandi bókað:"Lögð fram tillaga að deiliskipulagi Dalvíkurhafnar og aðliggjandi svæða ásamt umhverfisskýrslu og minnispunktum frá opnum íbúafundi sem haldin var 10.05.2016. Umhverfisráð felur sviðsstjóra umhverfis- og tæknisviðs að auglýsa tillöguna skv. 41. gr. skipulagslaga nr. 123/2010. Samþykkt með 4 atkvæðum,Helga Íris Ingólfsdóttir situr hjá.Helga Íris óskar eftir að eftirfarandi verði bókað: 1. Skipulagsuppdráttur er í mkv. 1:10.000. Æskilegt væri að helstu framkvæmdarsvæði væru sýnd á nákvæmari uppdráttum svo allir skilmálar skili sér með skýrum hætti. 2. Mörkun skipulagssvæðisins tel ég að nái of langt til suðurs. Skipuleggja ætti byggð við Sandskeið með þeirri byggð sem þar er sunnan við. 3. Ekki eru færð nægilega sterk rök fyrir landfyllingu norðan við ferjubryggju ( 1.3). Æskilegt væri að strandlínan fengi að halda sér, en að gert yrði ráð fyrir aðgengi almennings. Samþykkt samhljóða með fjórum atkvæðum."Enginn tók til máls.

Á 280. fundi sveitarstjórnar þann 4. maí 2016 var eftirfarandi bókað:"Á 47. fundi veitu- og hafnaráðs þann 27. apríl 2016 var eftirfarandi bókað: "Á síðasta fundi ráðsins var eftirfarandi fært til bókar. "Veitu- og hafnaráð felur sviðsstjóra að senda endurskoðuð drög til lögfræðings Dalvíkurbyggðar til yfirferðar." Nú hefur Ásgeir Örn Blandon Jóhannsson, lögfræðingur Dalvíkurbyggðar, yfirfarið drög að Samþykktum um fráveitu og rotþrær í Dalvíkurbyggð. Athugasemdir hans snéru einungis að minniháttar orðalagsbreytingum. Veitu- og hafnaráð samþykkir samhljóða að senda Samþykkt um fráveitu og rotþrær í Dalvíkurbyggð til sveitarstjórnar til endanlegrar samþykktar. " Enginn tók til máls. Sveitarstjórn samþykkir samhljóða með 7 atkvæðum að vísa tillögu að Samþykktum um fráveitu og rotþrær í Dalvíkurbyggð til síðari umræðu í sveitarstjórn. "Enginn tók til máls.

Með fundarboði sveitarstjórnar fylgdi eftirfarandi tillaga:Tillaga vegna forsetakosninga laugardaginn 25. júní 2016.a)Umboð til byggðarráðs Dalvíkurbyggðar til að staðfesta kjörskrá vegna forsetakosninga sem fram fara þann 25. júni 2016 og fullnaðarumboð til að úrskurða um athugasemdir.Sveitarstjórn samþykkir að veita byggðarráði fullnaðarumboð til að ganga frá kjörskrá vegna forsetakosninga sem fram fara þann 25. júní 2016. Jafnframt veitir sveitarstjórn byggðarráði fullnaðarumboð til að úrskurða um athugasemdir sem kunna að berast vegna framlagðrar kjörskrár, sbr. ákvæði 27. gr. VI. kafla laga um kosningar til Alþingis nr. 24 frá 16. maí 2000 með síðari breytingum.b)Ákvörðun sveitarstjórnar um fjölda kjördeilda og kjörstaði vegna forsetakosninga laugardaginn 25. júní 2016, sbr. 10. gr. III. kafla laga um kosningar til Alþingis nr. 24 frá 16. maí 2000 og sbr. 68. gr. XIII. kafla laga um kosningar til Alþingis með síðari breytingumSbr. 10. gr og 68. gr. laga um kosningar til Alþingis nr. 24 frá 16. maí 2000 með síðari breytingum samþykkir sveitarstjórn eina kjördeild í Dalvíkurbyggð og verður hún í Dalvíkurskóla, líkt og verið hefur undanfarnar kosningar. Enginn tók til máls.