Dalvíkurbyggð - Dalvíkurbyggð

268. fundur

21. apríl 2015 kl. 16:15 - 18:45

í Upsa á 3. hæð í Ráðhúsi Dalvíkur

Nefndarmenn

Heiða Hilmarsdóttir Aðalmaður

Bjarni Theódór Bjarnason Aðalmaður

Gunnþór Eyfjörð Gunnþórsson Aðalmaður

Valdemar Þór Viðarsson Aðalmaður

Valdís Guðbrandsdóttir Aðalmaður

Kristján Hjartarson Varamaður

Þórhalla Karlsdóttir Varamaður

Starfsmenn

Guðrún Pálína Jóhannsdóttir Ritari

Fundargerð ritaði:

Guðrún Pálína Jóhannsdóttir sviðsstjóri fjármála- og stjórnsýslusviðs

Guðmundur St. Jónsson boðaði forföll og varamaður hans, Kristján Eldjárn Hjartarson, mætti í hans stað.
Kristján Guðmundsson boðaði forföll og varamaður hans, Þórhalla Karlsdóttir, mætti í hans stað.

Í upphafi fundar gerði forseti grein fyrir breytingum á liðum sem eru til afgreiðslu, viðbótargögnum með máli 201503155 og máli 201502067 í 187. fundargerð félagsmálaráðs.
Jafnframt gerði forseti grein fyrir ósk sveitarstjóra um að bæta við einu máli á dagskrá sem yrði þá 15.liður, mál númer 201410286; Málefni Róta bs. um málefni fatlaðra. Ekki voru gerðar athugasemdir við að bæta máli 201410286 á dagskrá.

Dagskrá

Byggðaráð Dalvíkurbyggðar - 729, frá 26.03.2015.

Málsnúmer 1503016F

Til afgreiðslu í sveitarstjórn:2. liður a).2. liður b).4. liður.8. liður, beiðni um viðauka.9. liður.10. liður.11. liður.12. liður.

1.1 Frá 267. fundi sveitarstjórnar þann 17. mars 2015; Gjaldskrár 2015; tillaga félagsmálaráðs að hækkun / breytingu á leigugjaldi íbúða.

Á 267. fundi sveitarstjórnar þann 17. mars 2015 var samþykkt samhljóða að vísa tillögu félagsmálaráðs frá 185. fundi þann 12. febrúar s.l. um hækkun húsaleigu leiguíbúða um 15% ef einstaklingar eru með tekjur yfir tekju- og eignamörkum til byggðaráðs til umfjöllunar.

Ofangreint til umræðu. Frekari umfjöllun og afgreiðslu frestað til næsta fundar.

1.2 Frá 267. fundi sveitarstjórnar þann 17. mars 2015; Gagnaveita Dalvíkurbyggðar.

Undir þessum lið kom á fund byggðarráðs Þorsteinn K. Björnsson, sviðsstjóri veitu- og hafnasviðs, kl. 13:27.

Á 267. fundi sveitarstjórnar þann 17. mars 2015 var samþykkt samhljóða sú tillaga að vísa tillögu veitu- og hafnaráðs frá 26. fundi ráðsins þann 10. mars 2015 um að ganga til samninga við Tengir hf. um lagningu ljósleiðara í Dalvíkurbyggð á grundvelli fyrirliggjandi samningsdraga til byggðarráðs.

Með fundarboði byggðarráðs fygldi einnig erindi frá sviðsstjóra veitu- og hafnasviðs, dagsett þann 25. mars 2015, þar sem eftirfarandi kemur fram:
"Gagnaveita Dalvíkurbyggðar, í fjárhagsáætlun yfirstandandi árs er gert ráð fyrir fjárheimildum vegna gagnaveitu á tveimur stöðum, annars vegar undir rekstri á bókhaldslykli 47-42-4320 er gert ráð fyrir kr. 6.500.000,- og hins vegar á fjárfestingalykli 48-19-11504 en þar er gert ráð fyrir kr. 4.000.000,-.
Óskað er eftir því að þessar fjárhæðir verði sameinaðar undir fjárfestingalykli 48-19-11503, en hann er án vsk."

Þorsteinn vék af fundi kl.13:54. a) Byggðarráð samþykkir samhljóða með 3 atkvæðum samninginn eins og hann liggur fyrir og vísar honum til umfjöllunar og afgreiðslu sveitarstjórnar.
b) Byggðarráð samþykkir samhljóða með 3 atkvæðum beiðni sviðsstjóra veitu- og hafnasviðs á breytingu á fjárhagsáætlun þannig að kr. 3.500.000 verði fluttar af lið 48-19-11504 og á lið 47-42-4320; alls kr. 10.000.000 árið 2015 vegna áfanga #1. Niðurstaða Sveitarstjórn samþykkir samhljóða með 7 atkvæðum lið 1.2. a)
Sveitarstjórn samþykkir samhljóða með 7 atkvæðum lið 1.2. b)

1.3 Húsabakki.

Á 720. fundi byggðaráðs þann 11. febrúar 2014 var eftirfarandi samþykkt:
"Byggðarráð samþykkir samhljóða með 3 atkvæðum beiðni stjórnar Húsabakka ehf. um að draga til baka fyrri ákvörðun um uppsögn á leigusamningi á milli Dalvíkurbyggðar og Húsabakka ehf. Ný ákvörðun um framhald leigusamnings verði tekin eftir viðræður við stjórn Húsabakka ehf., í síðasta lagi 1. júní 2015.
Byggðarráð samþykkir samhljóða með 3 atkvæðum að fela sveitarstjóra að leita eftir viðræðum við forsvarsmenn Húsabakka ehf. og að sveitarstjóri leiði þær viðræður fyrir hönd Dalvíkurbyggðar.
Byggðarráð ítrekar fyrri bókun sína um vilja til að framlengja samning um Rima til 1. júní 2015 og verði hann tekinn til endurskoðunar í viðræðum um samninginn við Húsabakka.
Byggðarráð ítrekar afstöðu sína um vilja til að selja húsnæði Húsabakka."

Til umræðu ofangreint. Byggðarráð samþykkir samhljóða með 3 atkvæðum að óska eftir forsvarsmönnum Húsabakka ehf. á fund byggðarráðs.

1.4 Frá 190. fundi fræðsluráðs þann 19. mars 2015; Frá Nýsköpunarkeppni grunnskólanemenda; Formleg beiðni um styrk.

Undir þessum lið vék formaður byggðarráðs af fundi kl. 14:21 vegna vanhæfis og Heiða Hilmarsdóttir tók við fundarstjórn.

Á 190. fundi fræðsluráðs þann 18. mars 2015 var eftirfarandi bókað:
"3. Formleg beiðni um styrk - 201502074
Tekin var fyrir beiðni um styrk frá Nýsköpunarkeppni grunnskólanna dagsett 11. febrúar 2015 þar sem óskað er eftir styrk til að mæta kostnaði við keppnina. Skólar sveitarfélagsins hafa ekki verið að taka þátt í keppninni en hún er áhugaverð og getur hvatt til sköpunar sem er lykilþáttur í skólastarfi.

Fræðsluráð leggur til að verkefnið verði styrkt um 45.000 kr. og vísar þeirri beiðni til byggðaráðs þar sem þetta er ekki inni í fjárhagsáætlun ráðsins.

Jafnframt leggur fræðsluráð til að grunnskólar sveitarfélagsins taki þátt í keppni"
Byggðarráð samþykkir samhljóða með 2 atkvæðum að hafna ofangreindri beiðni á þeim forsendum að byggðarráði er ekki kunnugt um að grunnskólar Dalvíkurbyggðar séu þátttakendur í keppninni og hafi ekki verið.
Byggðarráð tekur undir hvatningu fræðsluráðs að hugað verði að þátttöku í keppninni og fræðsluráð hugi að því síðar að styrkja verkefnið og gera þá ráð fyrir því í starfs- og fjárhagsáætlun málaflokksins.

Gunnþór kom á fundinn að nýju kl.14:41. Niðurstaða Til máls tók:
Gunnþór Eyfjörð Gunnþórsson, sem gerði grein fyrir vanhæfi sínu og s vék af fundi undir þessum lið kl. 16:25 vegna vanhæfis við umfjöllun og afgreiðslu.

Sveitarstjórn samþykkir afgreiðslu byggðaráðs með 5 atkvæðum, Þórhalla Karlsdóttir situr hjá og Gunnþór Eyfjörð greiðir ekki atkvæði vegna vanhæfis.

1.5 Frá Dalvíkurskóla; Beiðni um styrk vegna Skólahreystis.

Guðmundur St. Jónsson vék af fundi kl. 14:43 vegna vanhæfis.

Tekið fyrir erindi frá Ásu Fönn Friðbjarnardóttur f.h. Dalvíkurskóla, rafpóstur dagsettur þann 12. mars 2015, þar sem fram kemur að lið Dalvíkurskóla vann Norðurlandskeppnina í Skólahreysti og mun liðið fara þann 22. apríl n.k. til Reykjavíkur og keppa þar. Til þess að þetta verði mögulegt þá þarf skólinn styrk til að borga meðal annars rútu/r. Óskað er eftir styrk að upphæð kr. 200.000 upp í rútukostnað. Byggðarráð óskar liði Dalvikurskóla til hamingju með árangurinn.
Byggðarráð samþykkir samhljóða með 2 atkvæðum að fá nánari upplýsingar frá skólastjóra um ofangreint erindi í samræmi við umræður á fundinum.

Guðmundur kom inn á fundinn að nýju kl. 14:48.

1.6 Frá Kvenfélaginu Tilraun; Ósk um styrk vegna 100 ára afmælis Tilraunar.

Tekið fyrir erindi frá Kvenfélaginu Tilraun, bréf dagsett þann 16. mars 2015, þar sem félagið fer þess á leit við byggðarráð að það leggi fram kostnað við umbrot og prentun á 100 ára afmælisriti félagsins, allt að kr. 600.000. Kostnaðaráætlun frá 2013 hljóðar upp á kr. 2.170.000, auglýsingatekjur eru kr. 345.000, styrkir kr. 700.000 og félagið hefur lagt út kr. 1.225.000.

Til umræðu ofangreint. Byggðarráð frestar afgreiðslu á erindinu og óskar eftir nánari upplýsingar um tekjur og gjöld vegna verkefnsins sem og óskað er eftir ársreikningi félagsins.

1.7 Frá Jafnréttisstofu; Útgáfa dagatals ársins 2015.

Tekið fyrir bréf frá Jafnréttisstofu, dagsett þann 6. febrúar 2015, þar sem fram kemur að Jafnréttisstofa hefur gefið út dagatal fyrir árið 2015 þar sem þess er minnst að hundrað ár eru liðin frá því að konur fengu í fyrsta skipti kosningarétt og óskað er eftir að dagatalið verði sett á áberandi stað á vinnustöðum Dalvíkurbyggðar.

Lagt fram til kynningar.
Byggðarráð hvetur vinnustaði sveitarfélagsins að setja dagatalið á áberandi stað.

1.8 Frá sviðsstjóra umhverfis- og tæknisviðs; Ósk um viðauka vegna framkvæmda.

Tekið fyrir erindi frá sviðsstjóra umhverfis- og tæknisviðs, bréf dagsett þann 10. mars 2015 þar sem óskað er eftir viðauka við fjárhagsáætlun vegna hönnunar og framkvæmda á eftirfarandi verkum:
Hönnun og útboð á viðbyggingu við Krílakot kr. 10.866.456 án vsk, 32-13-11860.
Hönnun og útboð vegna breytinga við sundlaug Dalvíkur kr. 2.035.000 án vsk, 32-13-11860.

Endurbætur á Ungó:
Samkvæmt tilboði frá Tréverk kr. 1.514.343 án vsk.
Samkvæmt tilboði frá Tréverk kr. 1.405.099 án vsk.
Samkvæmt tilboði frá Júlíusi Viðarssyni kr. 1.318.439 án vsk.

Samtals kr. 5.318.541 með vsk. Til frádráttar kæmi kr. 1.500.000 sem eru eftirstöðvar styrks frá Minjastofnun.

Um er að ræða verkþætti sem gert var ráð fyrir í fjárhagsáætlun 2014 en náðist ekki að klára á árinu. Samtals beiðni að upphæð kr. 16.719.997 að teknu tilliti til styrks að upphæð kr. 1.500.000 Byggðarráð samþykkir samhljóða með 3 atkvæðum ofangreinda beiðni um viðauka og vísa honum til gerðar viðauka og breytingu á handbæru fé.
Byggðarráð óskar eftir að fá sviðsstjóra umhverfis- og tæknisviðs á næsta fund byggðarráðs.

1.9 Frá sviðsstjóra umhverfis- og tæknisviðs; Tilboð í niðurrif á Skíðabraut 2; Beiðni um viðauka.

Tekið fyrir erindi frá sviðsstjóra umhverfis- og tæknisviðs, bréf dagsett þann 23. mars 2015, þar sem gert er grein fyrir tilboðum sem bárust í niðurrif á Skíðabraut 2 á Dalvik. Á 261. fundi umhverfisráðs þann 13. mars var lagt til að tilboði Steypustöðvar Dalvíkur ehf. yrði tekið. Að fenginni reynslu við slík verk má gera ráð fyrir einhverjum aukakostnaði en tilboðið var kr. 745.000. Sótt er um viðauka vegna þessarar framkvæmdar kr. 900.000 á lið 09-29-4396. Byggðarráð samþykkir samhljóða með 3 atkvæðum viðauka að upphæð kr. 745.000; vísað til gerðar viðauka og lækkunar á handbært fé.

1.10 Frá sviðsstjóra umhverfis- og tæknisviðs; Viðbygging við Krílakot; skipun stýrihóps / bygginganefndar.

Tekið fyrir erindi frá sviðsstjóra umhverfis- og tæknisviðs, bréf dagsett þann 23. mars 2015, þar sem fram kemur ósk um stofnun stýrihóps / rýnihóps vegna viðbyggingar við Krílakot en samkvæmt samþykkt um fjárhagsáætlunarferli Dalvíkurbyggðar skal byggðaráð taka ákvörðun um skipun og samsetningu vinnuhópa. Jafnframt þarf að liggja fyrir hvort vinnuhópar séu launaðir. Sviðsstjóri telur mikilvægt að slíkur hópur sé skipaður hið fyrsta þar sem fyrir liggur að taka þurfi ákvarðandir um hin ýmsu atriði sem snúa að frágangi viðbyggingarinnar áður en til útboðs kemur.

Byggðarráð samþykkir samhljóða með 3 atkvæðum að eftirtaldir skipi stýrihópinn:
Börkur Þór Ottósson, sviðsstjóri umhverfis- og tæknisviðs.
Haukur A. Gunnarsson, formaður umhverfisráðs.
Drífa Þórarinsdóttir, leikskólastjóri.
Bjarni Th. Bjarnason, sveitarstjóri.

Byggðarráð samþykkir samhljóða með 3 atkvæðum að formaður umhverfisráðs fá greitt fyrir fundi en aðrir í hópnum eru starfsmenn sveitarfélagsins. Kappkosta skal að halda fundi á dagvinnutíma.

1.11 Frá Eignarhaldsfélaginu Brunabótafélag íslands; Styrktarsjóður EBÍ 2015

Á 727. fundi byggðarráðs þann 26. febrúar 2015 var eftirfarandi bókað:
"Tekið fyrir bréf frá Eignarhaldsfélaginu Brunabótafélags Íslands, dagsett þann 12. febrúar 2015, þar sem auglýst er eftir umsóknum í Styrktarsjóð EBÍ. Umsóknarfresturinn er til aprílloka.
Byggðarráð samþykkir samhljóða með 2 atkvæðum að vísa ofangreindu erindi til framkvæmdastjórnar til skoðunar. "

Framkvæmdastjórn hefur fjallað um málið og eitt verkefni hefur verið tilnefnt sem er ritun Útgerðarsögu Dalvíkurbyggðar. Byggðarráð samþykkir samhljóða með 3 atkvæðum að sótt verði um styrk vegna gagnaöflunar og undirbúnings fyrir mögulega ritun á Útgerðarsögu Dalvíkurbyggðar.

1.12 Frá Sýslumanninum á Akureyri; Umsókn um leyfi í Brekkuseli.

Tekið fyrir erindi frá Sýslumanninum á Akureyri, bréf dagsett þann 12. mars 2015, þar sem fram kemur að Óskar Óskarsson, kt. 060664-3589, sækir um fyrir hönd Skíðafélags Dalvíkur, kt. 490381-0319, nýtt rekstrarleyfi til sölu gistingar og veitingu veitinga í Brekkuseli 620. Dalvík.

Rekstrarleyfi/gististaður: flokkur III

Samkvæmt 10. gr. laga um veitinga- og gististaði nr. 85/2007 og 23. gr. reglugerðar nr. 585/2007 er óskað umsagna bæjarstjórnar um umsókn þessa.

Með fundarboði fylgdi umsögn slökkviliðsstjóra Dalvíkurbyggðar og sviðsstjóra umhverfis og tæknisviðs sem gera ekki athugasemdir við að umrætt leyfi sé veitt. Byggðarráð gerir ekki athugasemdir við ofangreinda umsókn.

1.13 Frá 8. fundi atvinnumála- og kynningarráðs þann 11. mars 2015; Tékklisti og ferlar vegna verkefna

Á 8. fundi atvinnumála- og kynningarráðs þann 11. mars 2015 var eftirfarandi bókað:
"4. Tékklisti og ferlar vegna verkefna - 201503058
Til umfjöllunar drög að tékklista og vinnureglum innanhúss er varða verkefni sem þarfnast aðkomu fleiri en eins sviðs.

Á vinnufundi, sem haldinn var 13. janúar, var unninn tékklisti fyrir slík verkefni en að þeirri vinnu komu sviðsstjóri umhverfis- og tæknisviðs, sviðsstjóri veitu- og hafnasviðs, sviðsstjóri fjármála- og stjórnsýslusviðs og upplýsingafulltrúi.

Fjallað hefur verið um málið á 6. fundi atvinnumálanefndar og 723. fundi byggðaráðs.
Atvinnumála- og kynningarráð samþykkir samhljóða mað 5 atkvæðum að óska eftir umsögnum annarra fagráða á vegum Dalvíkurbyggðar og framkvæmdastjórnar."

Með fundarboði byggðaráðs fylgdi ofangreindur tékklisti. Byggðarráð gerir ekki athugasemdir við ofangreindan tékklista.
Lagt fram.

1.14 Frá Sambandi íslenskra sveitarfélaga; XXIX. landsþing sambandsins.

Tekið fyrir erindi frá Sambandi íslenskra sveitarfélaga, dagsett þann 2. mars 2015, þar sem fram kemur að samkvæmt 7. gr. samþykkta Sambands íslenskra sveitarfélaga eru landsþingsfulltrúar sveitarfélagsins, formenn og framkvæmdastjórnar landshlutasamtaka sveitarfélaga og framkvæmdastjórar sveitafélaga hér með boðaðir til XXIX. landsþings sambandsins föstdaginn 17. apríl n.k.

Aðalfulltrúar Dalvíkurbyggðar eru:
Gunnþór Eyfjörð Gunnþórsson og Valdís Guðbrandsdóttir.
Varafulltrúar Dalvíkurbyggðar eru:
Heiða Hilmarsdóttir og Kristján Guðmundsson. Lagt fram til kynningar.

1.15 Frá Slysavarnarfélaginu Landsbjörg; Ályktun um björgunarstörf.

Tekið fyrir bréf frá Slysavarnarfélaginu Landsbjörgu, dagsett þann 25. febrúar 2015, þar sem fram kemur að stjórn Slysavarnarfélagsins Landsbjargar þakkar sveitarstjórn Dalvíkurbyggðar þann áhuga og þá umhyggju sem hún sýnir störfum félagsins sem og slysavarna-, leitar- og björgunarmálum í heildinni. Ályktun Dalvíkurbyggðar hefur verið lögð fyrir stjórn SL sem og fyrir landsstjórn björgunarsveita. Fram kemur jafnframt að það sé sérstaklega ánægjulegt og þakkarvert að opinberir aðilar eins og sveitarstjórn Dalvíkurbyggðar sjái sér fært að taka þátt í slíku samstarfi og styðja við bakið á slíkum verkefnum og er öðrum til fyrirmyndar. Lagt fram til kynningar.

1.16 Frá Eyþingi; Umsögn um frumvarp til fólksflutninga

Tekið fyrir bréf frá Eyþingi, rafpóstur dagsettur þann 12. mars 2015, þar sem upplýst er um umsögn Eyþings um frumvarp til laga um fólksflutninga á landi í atvinnuskyni, 504. mál. Lagt fram til kynningar.

1.17 Frá nefndasviði Alþingis; Til umsagnar tillaga til þingsályktunar um seinkun klukkunnar og bjartari morgna, 338. mál.

Tekið fyrir rafpóstur frá nefndasviði Alþingis,dagsettur þann 26. febrúar 2015, þar sem óskað er umsagnar eigi síðar en 18. mars s.l. um tillögu til þingsályktunar um seinkun klukkunar og bjartari morgna, 338. mál. Lagt fram til kynningar.

1.18 Frá Sambandi íslenskra sveitarfélaga; 825. og 826. fundir stjórnar.

Tekið fyrir rafpóstar frá Sambandi íslenskra sveitarfélaga, dagsettir þann 20. febrúar og 4. mars 2015 er innihalda fundargerðir stjórnar Sambandsins nr. 825 og nr. 826. Lagt fram til kynningar.

1.20 Frá 66. fundi íþrótta- og æskulýðsráðs þann 3. mars 2015; Frá Skíðafélagi Dalvíkur og Gólfklúbbnum Hamar; ráðning framkvæmdastjóra.

Frestað.

1.21 Frá Fiskideginum mikla; Vegna minnisstöpla Fiskidagsins mikla við Byggðasafnið Hvol.

Frestað. Niðurstaða Fleiri tóku ekki til máls og annað þarfnast ekki afgreiðslu.

Byggðaráð Dalvíkurbyggðar - 730, frá 30.03.2015.

Málsnúmer 1503018F

2.1 Frá 66. fundi íþrótta- og æskulýðsráðs þann 3.3.2015; Skíðafélag Dalvíkur og Golfklúbburinn Hamar; ráðning á sameiginlegum framkvæmdastjóra.

Undir þessum lið sat fundinn Valdís Guðbrandsdóttir, varamaður Guðmundar St. Jónssonar, vegna vanhæfis Guðmundar.

Á 66. fundi íþrótta- og æskulýðsráð þann 3. mars 2015 var eftirfarandi bókað:
"Tekið fyrir erindi frá Golfklúbbnum Hamri og Skíðafélagi Dalvíkur um sameiginlegan framkvæmdarstjóra félaganna. Félögin ásamt fulltrúum Dalvíkurbyggðar hafa fundað undanfarið með það að markmiði að kanna samstarfsmöguleika þessarra félaga. Nú óska GHD og SD formlega eftir því að slíkt samstarf verði að veruleika og kostnaðarskipting verði þannig að félögin greiði 1/3 af kostnaði og Dalvíkurbyggð 2/3 árið 2016. Þegar hefur sveitarfélagið úthlutað fjármagni til Skíðafélagsins til ráðningar á framkvæmdastjóra og myndi því Skíðafélagið greiða kostnaðinn á árinu 2015.
Áætlaður kostnaður Dalvíkurbyggðar vegna ársins 2016 er 5.336.000 og rúmast það ekki inn í ramma sviðsins og vísar ráðið því erindinu til afgreiðslu byggðaráðs.
Starf framkvæmdastjóra mun aðallega felast í umsjón og markaðssetningu íþróttasvæðana en ekki í félagsstarfinu. Íþrótta- og æskulýðsráð vill einnig árétta að stefnt er að því að félögin beri í framtíðinni kostnað af stöðugildinu.
Íþrótta- og æskulýðsráð samþykkir erindið með fjórum atkvæðum. Jónína Guðrún Jónsdóttir sat hjá."

Til umfjöllunar ofangreint.
Byggðarráð samþykkir samhljóða með 3 atkvæðum að fresta afgreiðslu og óskar eftir forsvarsmönnum Skíðafélags Dalvíkur og Golfklúbbsins Hamars á næsta fund, ásamt íþrótta- og æskulýðsfulltrúa, sviðsstjóra fræðslu- og menningarsviðs og formanni íþrótta- og æskulýðsráðs.
Byggðarráð óskar eftir upplýsingum hvaða forsendur eru á bak við upphæðina kr. 5.336.000 og hver er staðan á komandi samningum við íþrótta- og æskulýðsfélögin.

2.2 Frá Fiskideginum mikla: Vegna minnisstöpla Fiskidagsins mikla við Byggðasafnið Hvol

Undir þessum lið sat fundinn Valdís Guðbrandsdóttir, varamaður Guðmundar St. Jónssonar, vegna vanhæfis Guðmundar.

Tekið fyrir erindi frá Fiskideginum mikla, bréf dagsett þann 23. mars 2015, þar sem fram kemur ósk um að Dalvíkurbyggð formlega taki við og sjái um minnisstöpla við Byggðasafnið Hvol vegna heiðrunar Fiskidagsins mikla.

Einnig er óskað eftir að minnisstöplunum verði breytt í samræmi við fyrri umræðu og er vísað í meðfylgjandi teikningu frá fyrrverandi garðyrkjustjóra frá tveimur árum. Einnig kemur fram sú beiðni um að nýtt fyrirkomulag minnisstöpla yrði vígt á 15 ára afmæli Fiskidagsins mikla í ár.

Til umræðu ofangreint. Afgreiðslu frestað.

Byggðarráð samþykkir samhljóða með 3 atkvæðum að fá Júlíus Júlíussoo, umhverfisstjóra og sviðsstjóra umhverfis- og tæknisviðs á fund byggðaráðs.

Valdís Guðbrandsdóttir vék af fundi undir þessum lið kl.12:39.

2.3 Málefni Róta bs. um málefni fatlaðra.

Guðmundur St. Jónsson kom á fundinn undir þessum lið kl. 12:42.

Tekin til umfjöllunar drög að tillögu að sameiginlegri bókun frá fulltrúa Fjallabyggðar í stjórn Róta bs. og fulltrúa Dalvíkurbyggðar í stjórn Róta bs., sem er sveitarstjóri, til að leggja fram á fundi stjórnar Róta bs. á morgun. Byggðarráð gerir ekki athugasemdir við drögin sem kynnt voru.

Byggðaráð Dalvíkurbyggðar - 731, frá 09.04.2015.

Málsnúmer 1504001F

Til afgreiðslu í sveitarstjórn:2. liður, a) gjaldskrár og b) vinnuhópur.3. liður.6.liður.7. liður9. liður.14. liður.

3.2 Frá 267. fundi sveitarstjórnar þann 17.03.2015; 185. fundur félagsmálaráðs þann 12.2.2015, tillaga að hækkun og breytingum á gjaldskrá Félagslegra íbúða.

Undir þessum lið kom Eyrún Rafnsdóttir, sviðsstjóri félagsmálasviðs, á fund byggðaráðs kl. 13:30.

Á 267. fundi sveitarstjórnar þann 17. mars 2015 var samþykkt að vísa tillögu félagsmálaráðs frá 185. fundi þann 12. febrúar 2015 um hækkun og breytingu á leigu Félagslegra íbúða til umfjöllunar í byggðaráði.

Tillaga félagsmálaráðs um gjaldskrár 2015 er svo hljóðandi:
"Félagsmálaráð leggur til að hækka gjaldskrár um 3.4% yfir heildina, bæta við fastagjaldi í heimilisþjónustu og hækka húsaleigu um 15% ef einstaklingar eru með tekjur yfir tekju- og eignamörkum leiguíbúða. Einnig að bæta við sektargjaldi í lengdri viðveru og sumarfjöri. Einnig verður framfærslukvarði fjárhagsaðstoðar hækkaður um 3,4%. "

Til umfjöllunar ofangreint.

Eyrún vék af fundi kl. 13:50. Byggðaráð samþykkir samhljóða með 3 atkvæðum að húsaleiga á leiguíbúðum Félagslegra íbúða hækki um 3,4%. Byggðaráð samþykkir ekki að hækka húsaleigu um 15% ef einstaklingar eru með tekjur yfir tekju - og eignamörkum leiguíbúða.
Byggðaráð samþykkir samhljóða með 3 atkvæðum að stofna vinnuhóp til að fara yfir málefni Félagslegra íbúða er varðar leigu og sölu. Vinnuhópinn skipa; Bjarni Th. Bjarnason, Guðmundur St. Jónsson og Guðrún Pálína Jóhannsdóttir.
Niðurstaða Til máls tóku:
Þórhalla Karldóttir.
Bjarni Th. Bjarnason.
Gunnþór Eyfjörð Gunnþórsson,

a) Sveitarstjórn samþykkir samhljóða með 7 atkvæðum afgreiðslu byggðaráðs hvað varðar lið 3.2. gjaldskrár.
b) Sveitarstjórn samþykkir með 6 atkvæðum afgreiðslu byggðaráðs hvað varðar lið 3.2. vinnuhópur, Þórhalla Karlsdóttir greiðir atkvæði á móti.

3.3 Frá 66. fundi íþrótta- og æskulýðsráðs þann 3.3.2015; Frá Skíðafélagi Dalvíkur og Golfklúbbnum Hamar; ráðning á sameiginlegum framkvæmdastjóra.

Guðmundur St. Jónsson vék af undi kl. 13:59 vegna vanhæfis og Valdís Guðbrandsdóttir kom á fundinn í hans stað.

Undir þessum lið komu á fund byggðaráðs Kristinn Ingi Valsson, formaður íþrótta- og æskulýðsráðs, Hildur Ösp Gylfadóttir, sviðsstjóri fræðslu- og menningarsviðs, Gísli Rúnar Gylfason, íþrótta- og æskulýðsfulltrúi, Snæþór Arnþórsson og Björgvin Hjörleifsson frá Skíðafélagi Dalvíkur og Gísli Bjarnason og Bjarni Jóhann Valdimarsson frá Golfklúbbnum Hamar kl. 14:00.

Á 730. fundi byggðaráðs þann 30. mars 2015 var eftirfarandi bókað:
"Frá 66. fundi íþrótta- og æskulýðsráðs þann 3.3.2015; Skíðafélag Dalvíkur og Golfklúbburinn Hamar; ráðning á sameiginlegum framkvæmdastjóra. - 201403206
Undir þessum lið sat fundinn Valdís Guðbrandsdóttir, varamaður Guðmundar St. Jónssonar, vegna vanhæfis Guðmundar.

Á 66. fundi íþrótta- og æskulýðsráð þann 3. mars 2015 var eftirfarandi bókað:
"Tekið fyrir erindi frá Golfklúbbnum Hamri og Skíðafélagi Dalvíkur um sameiginlegan framkvæmdarstjóra félaganna. Félögin ásamt fulltrúum Dalvíkurbyggðar hafa fundað undanfarið með það að markmiði að kanna samstarfsmöguleika þessarra félaga. Nú óska GHD og SD formlega eftir því að slíkt samstarf verði að veruleika og kostnaðarskipting verði þannig að félögin greiði 1/3 af kostnaði og Dalvíkurbyggð 2/3 árið 2016. Þegar hefur sveitarfélagið úthlutað fjármagni til Skíðafélagsins til ráðningar á framkvæmdastjóra og myndi því Skíðafélagið greiða kostnaðinn á árinu 2015.
Áætlaður kostnaður Dalvíkurbyggðar vegna ársins 2016 er 5.336.000 og rúmast það ekki inn í ramma sviðsins og vísar ráðið því erindinu til afgreiðslu byggðaráðs.
Starf framkvæmdastjóra mun aðallega felast í umsjón og markaðssetningu íþróttasvæðana en ekki í félagsstarfinu. Íþrótta- og æskulýðsráð vill einnig árétta að stefnt er að því að félögin beri í framtíðinni kostnað af stöðugildinu.
Íþrótta- og æskulýðsráð samþykkir erindið með fjórum atkvæðum. Jónína Guðrún Jónsdóttir sat hjá."

Til umfjöllunar ofangreint.
Byggðarráð samþykkir samhljóða með 3 atkvæðum að fresta afgreiðslu og óskar eftir forsvarsmönnum Skíðafélags Dalvíkur og Golfklúbbsins Hamars á næsta fund, ásamt íþrótta- og æskulýðsfulltrúa, sviðsstjóra fræðslu- og menningarsviðs og formanni íþrótta- og æskulýðsráðs.
Byggðarráð óskar eftir upplýsingum hvaða forsendur eru á bak við upphæðina kr. 5.336.000 og hver er staðan á komandi samningum við íþrótta- og æskulýðsfélögin"

Með fundarboði byggðaráðs fylgdu gögn frá íþrótta- og æskulýðsfulltrúa sem svör við spurningum byggðaráðs.

Til umræðu ofangreint.

Kristinn Ingi, Hildur Ösp, Gísli Rúnar, Snæþór, Björgvin, Gísli og Bjarni Jóhann viku af fundi kl. 14:25. Byggðaráð samþykkir samhljóða með 3 atkvæðum ofangreinda tillögu íþrótta- og æskulýðsráðs og samþykkir að gert verði ráð fyrir kr. 5.336.000 í fjárhagsramma fyrir árið 2016 inn á málaflokk 06 vegna starfs sameiginlegs framkvæmdastjóra.

3.4 Frá Fiskideginum mikla; Vegna minnisstöpla Fiskidagsins mikla við Byggðasafnið Hvol

Guðmundur St. Jónsson sat ekki fundinn undir þessum lið vegna vanhæfis, Valdís Guðbrandsdóttir sat fundinn undir þessum lið í hans stað.

Undir þessum lið komu á fund byggðaráðs Valur Þór Hilmarsson, umhverfisstjóri og Júlíus Júliusson, framkvæmdastjóri Fiskidagsins mikla, kl. 14:37.

Á 730. fundi byggðaráðs þann 30. mars 2015 var eftirfarandi bókað:
"Frá Fiskideginum mikla: Vegna minnisstöpla Fiskidagsins mikla við Byggðasafnið Hvol - 201503172
Undir þessum lið sat fundinn Valdís Guðbrandsdóttir, varamaður Guðmundar St. Jónssonar, vegna vanhæfis Guðmundar.

Tekið fyrir erindi frá Fiskideginum mikla, bréf dagsett þann 23. mars 2015, þar sem fram kemur ósk um að Dalvíkurbyggð formlega taki við og sjái um minnisstöpla við Byggðasafnið Hvol vegna heiðrunar Fiskidagsins mikla.

Einnig er óskað eftir að minnisstöplunum verði breytt í samræmi við fyrri umræðu og er vísað í meðfylgjandi teikningu frá fyrrverandi garðyrkjustjóra frá tveimur árum. Einnig kemur fram sú beiðni um að nýtt fyrirkomulag minnisstöpla yrði vígt á 15 ára afmæli Fiskidagsins mikla í ár.

Til umræðu ofangreint.
Afgreiðslu frestað.

Byggðarráð samþykkir samhljóða með 3 atkvæðum að fá Júlíus Júlíussoo, umhverfisstjóra og sviðsstjóra umhverfis- og tæknisviðs á fund byggðaráðs. "

Til umfjöllunar ofangreint.

Valur Þór og Júlíus viku af fundi kl. 14:57. Byggðaráð samþykkir samhljóða með 3 atkvæðum að fela umhverfisstjóra, Valdísi Guðbrandsdóttur og Heiðu Hilmarsdóttur ásamt 2 - 3 fulltrúum frá Fiskideginum mikla að skoða hugmyndir að nýrri staðsetningu á hafnarsvæðinu, í samráði við Hafnarstjóra.

Guðmundur St. Jónsson kom inn á fundinn að nýju kl. 15:01.

3.5 Trúnaðarmál

Bókað í trúnaðarmálabók.

3.6 Frá 8. fundi atvinnumála- og kynningarráðs frá 11.03.2015; Flugklasinn Air 66N - viðauki 2015 vegna aðildar Dalvíkurbyggðar.

Á 8. fundi atvinnumála- og kynningaráðs þann 11. mars 2015 var eftirfarandi bókað:

"Flugklasinn Air 66N - erindi til sveitarstjórnar - 201503018
Tekið fyrir erindi frá Markaðsskrifstofu ferðamála á Norðurlandi, sent 2. mars 2015 í tölvupósti, þar sem óskað er eftir áframhaldandi stuðningi við flugklasaverkefnið Air 66N.

Markaðsskrifstofa Norðurlands hefur um árabil haft umsjón með starfi Flugklasans Air 66N en markmið klasans er að koma á beinu millilandaflugi um Akureyrarflugvöll allt árið um kring. Klasinn var stofnaður árið 2011 og eru stofnaðilar ríflega 20 ferðaþjónustufyrirtæki og 10 sveitarfélög. Meðfylgjandi erindinu er yfirlit yfir starf klasans fram til þessa.

Dalvíkurbyggð hefur verið aðili að verkefninu frá upphafi. Óskað er eftir samningi við sveitarfélagið til þriggja ára (2015-2017), að upphæð 300 kr á hvern íbúa árlega í þessi þrjú ár.

Atvinnumála- og kynningarráð samþykkir samhljóða með 5 atkvæðum að Dalvíkurbyggð verði áfram aðili að þessu verkefni og leggur til við byggðaráð að gerður verði viðauki við fjárhagsáætlun 2015 við deild 13/41 að upphæð um 560.000.-

Atvinnumála- og kynningarráð óskar eftir því að fá verkefnisstjóra flugklasans á næsta fund ráðsins til að fá frekari kynningu á verkefninu. "

Til umræðu ofangreint.

Byggðaráð samþykkir samhljóða með 3 atkvæðum ofangreinda beiðni um viðauka við fjárhagsáætlun 2015 við deild 13-41 að upphæð kr. 560.000. gegn því skilyrði að öll sveitarfélög á starfssvæðinu taki þátt í þessu verkefni. Viðaukanum verði mætt með lækkun á handbæru fé.

3.7 Frá sviðsstjóra fjármála- og stjórnsýslusviðs; Beiðni um viðauka við fjárhagsáætlun 2015 vegna uppfærslu á NAV.

Tekið fyrir erindi frá sviðsstjóra fjármála- og stjórnsýslusviðs, bréf dagsett þann 8. apríl 2015, þar sem óskað er eftir viðauka við fjárhagsáætlun 2015 að upphæð kr. 350.000 á deild 32-19 vegna uppfærslu á NAV bókhalds - og upplýsingakerfi þar sem forsendubreytingar hafa orðið frá því í september í fyrra þegar unnið var að starfs- og fjárhagsáætlun 2015-2018.
Fram kemur að reynt verður að finna svigrúm á móti eins og hægt er en ekki liggur fyrir enn að svo gæti orðið. Byggðaráð samþykkir samhljóða með 3 atkvæðum ofangreinda beiðni um viðauka að upphæð kr. 350.000 á deild 32-19. Viðaukanum verði mætt með lækkun á handbæru fé- nema að hægt verði að finna svigrúm á móti eins og fram kemur í erindinu.

3.8 Frá sviðsstjóra fjármála- og stjórnsýslusviðs; Vinnureglur um tilkynningu slysa í vinnu og utan vinnu - drög.

Tekið fyrir frá sviðssjóra fjármála- og stjórnsýslusviðs drög að vinnureglum um tilkynningu slysa í vinnu og utan vinnu. Fram kom á fundinum að drögin hafa verið send öllum stjórnendum sveitarfélagsins og launafulltrúa til umsagnar.
Byggðaráð gerir ekki athugasemdir við að ofangreindar vinnureglur verði hluti af stjórnendahandbók, eins og þær liggja fyrir.

3.9 Frá Sýslumanninum á Norðurlandi eystra; Umsögn um leyfi að Karlsá.

Tekið fyrir erindi frá Sýslumanninum á Norðurlandi eystra, bréf dagsett þann 27. mars 2015, þar sem óskað er umsagnar sveitarstjórnar um umsókn frá Jökli Bergmann, kt. 110876-3199, fyrir hönd Tröllaskaga ehf. kt. 640203-2930, til sölu gistingar og veitingu veitinga í Karlsá gistiheimili. Sótt er um rekstrarleyfi fyrir gististað í flokki III.

Byggðaráð gerir ekki athugasemdir við umsóknina.

3.10 Frá Umhverfisstofnun; Stjórnunar- og verndaráætlun Friðlands Svarfdæla

Tekið fyrir erindi frá Umhverfisstofnun, dagsett þann 24. mars 2015, þar sem fram kemur að hagsmunaaðilum er tilkynnt með bréfi þessu að stefnt er að gerð verndar- og stjórnunaráætlunar fyrir Friðland Svarfdæla og mun vinnan hefjast á vormánuðum 2015.

Lagt fram til kynningar.

3.11 Frá forsætisráðuneytinu; Fundur um málefni þjóðlendna.

Tekið fyrir erindi frá Forsætisráðuneytinu, bréf dagsett þann 25. mars 2015, þar sem fram kemur að ráðuneytið hyggst halda fund fimmtudaginn 21. maí 2015 kl.14.00 á Akureyri. Efni fundarins eru málefni þjóðlenda og er nú haldinn í þriðja sinn. Lagt fram til kynningar.

3.12 Frá Lánasjóði sveitarfélaga; Aðalfundur Lánasjóðs sveitarfélaga ohf. 2015

Tekið fyrir rafpóstur frá Lánasjóði sveitarfélaga ohf. dagsettur þann 30. mars 2015, þar sem boðað er til aðalfundar vegna ársins 2014 föstudaginn 17. apríl 2014 kl. 15:30 í Kópavogi. Allir sveitarstjórnarmenn eiga rétt á að sækja aðalfundinn svo og fulltrúar fjölmiðla. Lagt fram til kynningar.

3.13 Frá Sambandi íslenskra sveitarfélaga; 827. fundur stjórnar Sambandsins.

Lögð fram til kynningar 827. fundargerð stjórnar Sambands íslenskra sveitarfélaga frá 27. mars 2015, sbr. rafpóstur frá 1. apríl 2015. Lagt fram til kynningar.

3.14 Frá Kvenfélaginu Tilraun; Ósk um styrk vegna 100 ára afmælis Tilraunar

Á 729. fundi byggðaráðs þann 26. mars 2015 var eftirfarandi bókað:

"Frá Kvenfélaginu Tilraun; Ósk um styrk vegna 100 ára afmælis Tilraunar. - 201503137
Tekið fyrir erindi frá Kvenfélaginu Tilraun, bréf dagsett þann 16. mars 2015, þar sem félagið fer þess á leit við byggðarráð að það leggi fram kostnað við umbrot og prentun á 100 ára afmælisriti félagsins, allt að kr. 600.000. Kostnaðaráætlun frá 2013 hljóðar upp á kr. 2.170.000, auglýsingatekjur eru kr. 345.000, styrkir kr. 700.000 og félagið hefur lagt út kr. 1.225.000.

Til umræðu ofangreint.
Byggðarráð frestar afgreiðslu á erindinu og óskar eftir nánari upplýsingar um tekjur og gjöld vegna verkefnisins sem og óskað er eftir ársreikningi félagsins"

Með fundarboði byggðaráðs fylgdi rafpóstur frá Þóru Rósu Geirsdóttur, dagsettur þann 8. apríl 2015, til sveitarstjóra þar sem fram kemur að tilgangur erindis Kvenfélagsins Tilraunar dagsettu þann 16. mars s.l. hafi verið að minna á 100 ára afmæli félagsins. Byggðaráð samþykkir samhljóða með 2 atkvæðum að hafna ofangreindu erindi, Heiða Hilmarsdóttir situr hjá.
Byggðaráð samþykkir samhljóða með 2 atkvæðum að gefa Kvenfélaginu Tilraun afmælisgjöf í tilefni af 100 ára afmæli félagsins, Heiða Hilmarsdóttir situr hjá. Vísað á lið 21-50-4924. Niðurstaða Sveitarstjórn samþykkir samhljóða með 6 atkvæðum afgreiðslu byggðaráðs, Heiða Hilmarsdóttir situr hjá.

Fleiri tóku ekki til máls um fundargerðina og annað þarfnast ekki afgreiðslu.

Atvinnumála- og kynningarráð - 9, frá 26.03.2015.

Málsnúmer 1503020F

4.1 Heimsóknir í fyrirtæki.

Atvinnumála- og kynningarráð hefur það að stefnu sinni að heimsækja fyrirtæki í sveitarfélaginu eða að fá hópa fyrirtækja í heimsókn til sín.

Að þessu sinni var farið í heimsókn í fyrirtækið Ekta fisk kl. 13:00.

Elvar Reykjalín, eigandi Ektafisks tók á móti ráðinu, sýndi þeim fyrirtækið og sagði frá rekstri þess og helstu verkefnum.
Atvinnumála- og kynningarráð þakkar Elvari fyrir móttökurnar.

4.2 Flugklasinn Air 66N - erindi til sveitarstjórnar

Á 8. fundi atvinnumála- og kynningarráðs var eftirfarandi bókað:

"Tekið fyrir erindi frá Markaðsskrifstofu ferðamála á Norðurlandi, sent 2. mars 2015 í tölvupósti, þar sem óskað er eftir áframhaldandi stuðningi við flugklasaverkefnið Air 66N.

Markaðsskrifstofa Norðurlands hefur um árabil haft umsjón með starfi Flugklasans Air 66N en markmið klasans er að koma á beinu millilandaflugi um Akureyrarflugvöll allt árið um kring. Klasinn var stofnaður árið 2011 og eru stofnaðilar ríflega 20 ferðaþjónustufyrirtæki og 10 sveitarfélög. Meðfylgjandi erindinu er yfirlit yfir starf klasans fram til þessa.

Dalvíkurbyggð hefur verið aðili að verkefninu frá upphafi. Óskað er eftir samningi við sveitarfélagið til þriggja ára (2015-2017), að upphæð 300 kr á hvern íbúa árlega í þessi þrjú ár.

Atvinnumála- og kynningarráð samþykkir samhljóða með 5 atkvæðum að Dalvíkurbyggð verði áfram aðili að þessu verkefni og leggur til við byggðaráð að gerður verði viðauki við fjárhagsáætlun 2015 við deild 13/41 að upphæð um 560.000.-

Atvinnumála- og kynningarráð óskar eftir því að fá verkefnisstjóra flugklasans á næsta fund ráðsins til að fá frekari kynningu á verkefninu."

Í tölvupósti sem barst 26. mars 2015 frá Markaðsskrifstofu Norðurlands er boðað til fundar vegna millilandaflugs um Akureyrar -og Egilsstaðaflugvöll. Að fundinum standa Markaðsskrifstofa Norðurlands, Atvinnuþróunarfélag Eyjafjarðar, Atvinnuþróunarfélag Þingeyinga, Samtök Sveitarfélaga á Norðurlandi Vestra, Eyþing, Austurbrú og Fjórðungssamband Vestfirðinga.

Í fundarboðinu kemur fram að opnun nýrrar gáttar inn í landið er eitt brýnasta hagsmunamál þjóðarinnar.

Á fundinum er upplýst að sveitarstjóri, sviðsstjórar og upplýsingafulltrúi Dalvíkurbyggðar munu fara á fundinn. Atvinnumála- og kynningarráð fagnar því að þessi fundur verði haldinn og þar með samráðsvettvangur um málefni millilandaflugs um Akureyrar- og Egilsstaðaflugvöll.

Ennfremur fagnar ráðið skipun starfshóps á vegum forsætisráðuneytisins en hans hlutverk er að kanna möguleikann á því að koma á reglubundnu millilandaflugi um Akureyri og Egilsstaði.

Beint millilandaflug um Akureyri og Egilsstaði kæmi til með að styrkja samkeppnisstöðu fyrirtækja og efla atvinnulíf í þessum landshlutum.

4.3 Upplýsingamiðstöð Dalvíkurbyggðar; starfssemin 2015.

Á 8. fundi atvinnumála- og kynningarráðs var eftirfarandi bókað:

"Á 727. fundi byggðaráðs Dalvíkurbyggðar var eftirfarandi bókað:

Á 726. fundi byggðarráðs þann 12. febrúar s.l. var meðal annars eftirfarandi bókað:
"Byggðarráð samþykkir samhljóða með 3 atkvæðum að leggja til að bæta við einum mánuði hvað varðar opununartíma Upplýsingarmiðstöðvar þannig að gert verði ráð fyrir opnun júní - september og/eða eða í 4 mánuði og felur sviðsstjóra og Upplýsingafulltrúa að leggja fyrir byggðarráð útfærslu og beiðni um viðbótarheimild."

Með fundarboði byggðarráðs fylgdi minnisblað frá sviðsstjóra fjármála- og stjórnsýslusviðs þar sem óskað er eftir viðauka að upphæð kr. 394.944 vegna launa- og launatengdra gjalda, deild 13-60. Gerður er fyrirvari um opnunartíma júní - september þar sem ekki liggur fyrir hver verður ráðinn í starfið.

Upplýsingafulltrúi upplýsti á fundinum að búið er að ræða við forstöðumann bóka- og héraðsskjalasafns um áframhaldandi samstarf sem og framkvæmdastjóra Bergs.

Margrét vék af fundi kl. 14:09.
Byggðarráð samþykkir samhljóða með 3 atkvæðum ofangreinda beiðni um viðauka að upphæð kr. 394.000 á deild 13-60 og lækkun á lið 21-40-4391 á móti. "

Til upplýsingar.

Upplýsingafulltrúi og sviðsstjóri fjármála- og stjórnsýslusviðs upplýstu ráðið um stöðu ráðningarmála en auglýst var eftir starfsmanni í 70% starfshlutfall í 4 mánuði. Lagt fram til kynningar.

4.4 Atvinnustefna Dalvíkurbyggðar

Á 8. fundi atvinnumála- og kynningarráðs var eftirfarandi bókað:

"Á 1. fundi atvinnumála- og kynningarráðs þann 10. júlí 2014 var eftirfarandi bókað:

Atvinnumála- og kynningarráð tekur jákvætt í gerð atvinnustefnu og felur upplýsingafulltrúa að undirbúa jarðveginn.

Upplýsingafulltrúi leggur fyrir ráðið drög að áætlun um hvernig hægt væri að nálgast verkefnið.

Á 6. fundi atvinnumála- og kynningarráðs var meðal annars bókað:
Á fundinum kynnti upplýsingafulltrúi vinnuskjal er inniheldur vegavísir að því hvernig nálgast má þetta verkefni.
Atvinnumála- og kynningarráð mun halda áfram að vinna að þessu verkefni.

Til umræðu hugmyndir Atvinnumála- og kynningarráðs um inntak Atvinnustefnu fyrir Dalvíkurbyggð og lagðar línur fyrir hvernig á að vinna að verkefninu. Atvinnumála- og kynningarráð samþykkir með þremur atkvæðum að fela upplýsingafulltrúa að vinna að samantekt um hver möguleg aðkoma Dalvíkurbyggðar gæti verið að atvinnuuppbyggingu í sveitarfélaginu. Útgangspunkturinn væri hvað sveitarfélagið má og má ekki í því sambandi. Einnig að taka saman hvað sveitarfélagið er nú þegar að gera varðandi aðkomu að atvinnulífinu. Niðurstaða Til máls tók:
Valdís Guðbrandsdóttir.

Fleiri tóku ekki til máls um fundargerðina og ekkert þarfnast afgreiðslu.

Félagsmálaráð - 186, frá 25.03.2015.

Málsnúmer 1503010F

5.1 Leiðbeiningar um gerð siðareglana og hlutverk siðanefndar

Félagsmálastjóri lagði fram erindi dags. 30. janúar 2015 frá Sambandi íslenskra sveitarfélaga um leiðbeiningar um gerð siðareglna og hlutverk siðanefndar. Lagt fram til kynningar. Niðurstaða Til máls tók:
Valdís Guðbrandsdóttir.
Bjarni Th. Bjarnason.

5.2 Frumvarp til laga um orlof húsmæðra (afnám laganna), 339. mál.

Félagsmálastjóri lagði fram erindi dags. 20. febrúar 2015 frá nefndarsviði Alþingis. Allsherjar- og menntamálanefnd Alþingis sendir til umsagnar frumvarp til laga um orlof húsmæðra (afnám laganna), 339. mál. Félagsmálaráð gerir ekki athugasemdir við frumvarpið.

5.3 Beiðni um fjárstuðning við forvarnarstarf SMAN-hópsins á árinu 2015

Erindi barst frá Saman hópnum dags. 15. mars 2015 þar sem óskað er eftir fjárstuðningi við forvarnarstarf SAMAN hópsins á árinu 2015. SAMAN hópurinn er samstarfsvettvangur frjálsra félagasamtaka, stofnana og sveitarfélaga sem láta sig varða forvarnir og velferð barna. Leiðarljós í starfi hópsins eru niðurstöður rannsókna sem sýna mikilvægi og áhrifamátt foreldra í forvörnum. Félagsmálaráð leggur til að keyptir verði seglar um útivistareglur og þeim dreift til grunnskólabarna í 1. og 6. bekk. Einnig að styrkja samtökin um 20.000,- krónur tekið af lið 02-80-9145.

5.4 Hjólasöfnun

Félagsmálastjóri leggur fram erindi dags 19. mars 2015 frá Barnaheill-Save the Children á Íslandi sem áætlar að hefja von bráðar hjólasöfnun sína í fjórða sinn. Markmið hjólasöfnunarinnar er að börn í félagslega eða fjárhagslega erfiðri stöðu eignist reiðhjól. Almenningur er hvattur til að gefa reiðhjól sín til söfnunarinnar. Öllum félagsþjónustum sem og barnaverndarnefndum á landinu er boðið að taka þátt í verkefninu með því að fá send til sín umsóknareyðublöð og gera þannig skjólstæðingum allra sveitarfélaga kleift að sækja um hjól úr söfnuninni. Lagt fram til kynningar.

5.5 Ofbeldi gegn fötluðum konum - bæklingur

Erindi barst 19. mars 2015 frá Þroskahjálp, landssamtökunum þar sem þeir kynna bæklinginn: Ofbeldi gegn fötluðum konum en hann var unninn í tengslum við rannsóknina Ofbeldi gegn fötluðum konum og aðgengi þeirra að stuðningsúrræðum. Í bæklingum er stutt samantekt um niðurstöður rannsóknarinnar og upplýsingar um hvert fatlaðar konur geta leitað ef þær verða fyrir ofbeldi. Félagsmálaráð lýsir yfir ánægju sinni með þetta vandaða og þarfa framtak hjá Þroskahjálp.

5.6 Aldursdreifing í sveitarfélögum

Félagsmálastjóri lagði fram erindi dags. 18. mars 2015 frá Sambandi íslenskra sveitarfélaga. Hag- og upplýsingarsvið sambandsins hefur útbúið excel-líkan sem sýnir á myndrænu formi aldursdreifingu hjá sveitarfélögunum fyrir árin 1998 og 2015. Félagsmálaráð lýsir yfir áhyggjum yfir þessari þróun í aldursdreifingu.

5.7 Rannsókn á aðstæðum innflytjenda á íslenskum vinnumarkaði

Félagsmálastjóri lagði fram erindi dags 10. mars 2015 frá Símenntunarmiðstöð Eyjafjarðar. Símey stendur að rannsókn á aðstæðum erlendra ríkisborgara á íslenskum vinnumarkaði. Tilgangur með rannsókninni er að skoða ástæður þess að hlutfall erlendra ríkisborgara á atvinnuleysisbótum er mun hærra en hlutfall þeirra sem íbúa. Vonast er eftir því að niðurstöður þessarar rannsóknar muni gera aðilum vinnumarkaðarins kleift að bregðast við þessu ástandi með það að markmiði að sú þekking og hæfni sem til staðar er í landinu nýtist samfélaginu til framdráttar. Lagt fram til kynningar.

5.8 Hvernig þak yfir höfuðið- ráðstefna

Félagsmálastjóri lagði fram erindi dags. 12. mars 2015 frá Þroskahjálp þar sem kynnt er ráðstefna með yfirskriftinni Hvernig þak yfir höfuðið. Ráðstefnan er haldin 14. apríl n.k. og er ætlað að benda á fjölbreyttar leiðir við uppbyggingu og rekstur húsnæðis ætluðu fötluðu fólki. Lagt fram til kynningar.

5.9 Sexting - forvarnir

Félagsmálastjóri kynnti fyrir nefndarmönnum áhugavert erindi sem félagsþjónustan býður upp á, fyrir nemendur í 5. - 10. bekk grunnskólanna næstkomandi fimmtudagsmorgun jafnframt sem foreldrafræðsla verður um sama erindi í hádeginu á fimmtudag. Um er að ræða fræðslu um Sexting sem er enskt orð sem samanstendur af orðunum sexual og texting. Um er að ræða kynferðisleg smáskilaboð, oft ljósmyndir sem sýna nekt eða eru með kynferðislegum undirtóni. Skilaboðin eru yfirleitt ætluð einni manneskju, þótt raunin sé sú að sexting myndir fari í mörgum tilvikum á flakk. Um fræðsluna sér Þórdís Elva Þorvaldsdóttir, höfundur verðlaunamyndanna "Fáðu já" og "Stattu með þér". Félagsmálaráð fagnar framtakinu og hvetur foreldra og aðra sem áhuga hafa að mæta á fyrirlesturinn.

5.10 Heimilisofbeldi og samvinna við lögreglu

Félagsmálastjóri lagði fyrir nefnd til kynningar samstarfsyfirlýsingu lögreglunnar á Akureyri og Akureyrarkaupstaðar um verklagsreglur vegna heimilisofbeldis. Lagt fram til kynningar.

5.11 Virkjum hæfileikana

Félagsmálastjóri lagði fram erindi dags. 26. febrúar 2015 frá Vinnumálastofnun Norðurlands eystra þar sem kynnt er samstarfsverkefni Vinnumálastofnunar, Öryrkjabandalags Íslands og Landssamtakanna Þroskahjálp, sem hefur það að markmiði að skapa störf fyrir atvinnuleitendur með skerta starfsgetu. Verkefnið er byggt upp með svipuðum hætti og önnur slík sem Vinnumálastofnun hefur staðið fyrir undanfarin ár s.s. Liðsstyrkur og sumarstörf fyrir námsmenn. Í verkefninu felast möguleikar á stuðningi við ráðningu á starfsfólki frá starfsráðgjöfum Vinnumálastofnunar. Með hverjum ráðningarsamningi geta launagreiðendur fengið endurgreiddan hluta af launum og launatengdum gjöldum í samræmi við vinnusamninga öryrkja. Lagt fram til kynningar.

5.12 Tékklisti og ferlar vegna verkefna

Félagsmálastjóri lagði fram erindi frá Atvinnu- og kynningarmálanefnd um tékklista vegna erinda sem þarfnast samvinnu sviða. Lagt fram til kynningar.

5.13 Gjaldskrár 2015

Félagsmálastjóri lagði fram erindi frá sveitarstjórn fundi nr. 267 sem vísaði hækkun á gjaldskrám sviðsins aftur til ráðsins Félagsmálaráð furðar sig á afgreiðslu málsins þar sem eina athugasemdin frá Sveitastjórn var um eina gjaldskrá en ekki allar í heild sinni.

5.14 Sumarvinna 2015

Trúnaðarmál - 201503139 Bókað í trúnaðarmálabók

5.15 Fundargerðir þjónustuhóps

Félagsmálastjóri lagði fram fundargerðir þjónustuhóps Róta bs. Lagt fram til kynningar.

5.16 Trúnaðarmál

Trúnaðarmál - 201503168 Bókað í trúnaðarmálabók

5.17 Trúnaðarmál

Trúnaðarmál 201503183 Bókað í trúnaðarmálabók

5.18 Trúnaðarmál

Trúnaðarmál 201503184 Bókað í trúnaðarmálabók Niðurstaða Fleiri tóku ekki til máls um fundargerðina og ekkert þarfnast afgreiðslu.

Félagsmálaráð - 187, frá 14.04.2015.

Málsnúmer 1504003F

Til afgreiðslu í sveitarstjórn:9. liður.8.liður.

6.1 Trúnaðarmál

Trúnaðarmál 201503208 Bókað í trúnaðarmálabók

6.2 Trúnaðarmál

Trúnaðarmál 201504046 Bókað í trúnaðarmálabók

6.3 Trúnaðarmál

Trúnaðarmál 201504063 Bókað í trúnaðarmálabók

6.4 Trúnaðarmál

Trúnaðarmál 201504062 Bókað í trúnaðarmálabók

6.5 Styrktarfélag barna með einhverfu

Félagsmálastjóri lagði fram bréf frá Styrktarfélagi barna með einhverfu dags. 30. mars 2015. Félagið hefur það að markmiði að vekja athygli á einhverfu og styðja við málefni er varða einhverf börn með fjáröflunum og frjálsum framlögum. Engin yfirbygging er á rekstri félagsins, allt starf unnið í sjálfboðavinnu og söfnunarfé rennur óskert til málstaðarins. Blár dagur var 10. apríl síðastliðinn. Í upphafi hvers árs velur Styrktarfélag barna með einhverfu eitt málefni til að styrkja með því fjármagni sem safnast það árið en allt styrktarfé rennur óskipt til málefnisins. Í ár mun allt styrktarfé renna óskipt til námskeiðahalda fyrir einhverf börn og aðstandendur í samráði við Greiningar- og ráðgjafastöð ríkisins. Fyrirtæki eru hvött til að leggja sitt af mörkunum með frjálsum framlögum. Félagsmálaráð samþykkir að veita styrk að upphæð 20.000,- krónur af lið 02-80-9145.

6.6 Funda- og minnisbækur til sölu

Erindi barst í tölvupósti dags. 31.03.2015 frá Sjálfsbjörgu, sem leitar til fyrirtækja eftir stuðningi við fjármögnum félagsins. Sjálfsbjörg er að selja pakka með minnis- og fundarbókum sem og penna Félagsmálaráð hafnar erindinu.

6.7 Fundur um rekstur og framtíð göngudeildar SÁÁ

Félagsmálastjóri lagði fram tölvubréf frá Eyþingi dags. 10. apríl 2015. Fundur verður haldinn um rekstur göngudeildar SÁÁ á Akureyri, þýðingu hennar og starfsemi SÁÁ fyrir byggð og mannlíf á starfssvæði Eyþings. Óskað er eftir fulltrúa sveitarfélagsins á fundinn. Lagt fram til kynningar.

6.8 Heimilisofbeldi og samvinna við lögreglu

Félagsmálastjóri kynnti fund er hún átti með lögreglustjóra og fulltrúum lögreglu á Norðurlandi eystra í átaki gegn heimilisofbeldi. Á þessum fundi var óskað samstarfs milli félagsþjónustu og lögreglu vegna þessa máls. Heimilisofbeldi er skilgreint sem ofbeldi sem einstaklingur verður fyrir af nákomnum, þ.e. gerandi og þolandi eru skyldir, tengdir eða hafa sögu um tengsl. Ofbeldið getur verið líkamlegt, andlegt og/eða kynferðislegt og felur í sér valdbeitingu eða hótun um valdbeitingu.
Samstarf lögreglu og félagsþjónustu felur í sér að þegar tilkynnt er um heimilisofbeldi hefur lögreglan samband við bakvakt félagsþjónustu sem mætir á staðinn með lögreglu ávallt er börn búa á heimilinu sem og á heimili þar sem engin börn búa samþykkti báðir aðilar aðkomu félagsþjónustu. Lögreglan sér um rannsókn máls en starfsmaður félagsþjónustu hlúir að viðkomandi og kynnir rétt sinn eða aðstoðar við að fjarlægja geranda/þolanda eftir aðstæðum. Lögreglan í útkalli og starfsmaður félagsþjónustu heimsækja aftur heimilið 7-14 dögum síðar. Félagsmálaráð leggur til að sveitarfélagið beiti sér fyrir átakinu gegn heimilisofbeldi í samvinnu við lögregluna á Norðurlandi eystra. Málinu vísað til sveitarstjórnar. Niðurstaða Til máls tók:
Þórhalla Karlsdóttir, sem gerði grein fyrir vanhæfi sínu og vék af fundi kl. 17:03 við umfjöllun og afgreiðslu á þessum lið.
Kristján E. Hjartarson.
Bjarni Th. Bjarnason.
Valdís Guðbrandsdóttir.

Sveitarstjórn samþykkir samhljóða með 6 atkvæðum tillögu félagsmálaráðs um samvinnu við lögregluna á Norðurlandi eystra, meðfylgjandi drög að samstarfsyfirlýsingu á milli lögreglunnar á Norðurlandi eysta og Dalvíkurbyggðar og felur sveitarstjóra að ganga frá undirritun fyrir hönd Dalvíkurbyggðar, Þórhalla Karlsdóttir tekur ekki þátt í atkvæðagreiðslu vegna vanhæfis.

Þórhalla kom inn á fundinn að nýju kl. 17:10.

6.9 Gjaldskrár 2015

Félagsmálastjóri lagði fram bókum byggðarráðs frá dags. 9. apríl 2015.
Á 267. fundi sveitarstjórnar þann 17. mars 2015 var samþykkt að vísa tillögu félagsmálaráðs frá 185. fundi þann 12. febrúar 2015 um hækkun og breytingu á leigu Félagslegra íbúða til umfjöllunar í byggðaráði.

Tillaga félagsmálaráðs um gjaldskrár 2015 er svo hljóðandi:
"Félagsmálaráð leggur til að hækka gjaldskrár um 3.4% yfir heildina, bæta við fastagjaldi í heimilisþjónustu og hækka húsaleigu um 15% ef einstaklingar eru með tekjur yfir tekju- og eignamörkum leiguíbúða. Einnig að bæta við sektargjaldi í lengdri viðveru og sumarfjöri. Einnig verður framfærslukvarði fjárhagsaðstoðar hækkaður um 3,4%. "

Til umfjöllunar ofangreint.

Eyrún vék af fundi kl. 13:50.
Byggðaráð samþykkir samhljóða með 3 atkvæðum að húsaleiga á leiguíbúðum Félagslegra íbúða hækki um 3,4%. Byggðaráð samþykkir ekki að hækka húsaleigu um 15% ef einstaklingar eru með tekjur yfir tekju - og eignamörkum leiguíbúða.
Byggðaráð samþykkir samhljóða með 3 atkvæðum að stofna vinnuhóp til að fara yfir málefni Félagslegra íbúða er varðar leigu og sölu. Vinnuhópinn skipa; Bjarni Th. Bjarnason, Guðmundur St. Jónsson og Guðrún Pálína Jóhannsdóttir.
Félagsmálaráð óskar eftir að starfsmaður félagsmálasviðs verði hluti af vinnuhóp sem fer yfir málefni Félagslegra íbúða, þar sem félagsmálasvið sér um utanumhald félagslegra íbúða í Dalvíkurbyggð. Niðurstaða a) Til máls tóku:
Gunnþór Eyfjörð Gunnþórsson.
Þórhalla Karlsdóttir.
Bjarni Th. Bjarnason, sem leggur til eftirfarandi tillögu:
"Legg til að sveitarstjórn samþykki gjaldskrártillögu félagasmálaráðs eins og þær liggja fyrir að undanskildu sektargjaldi í gjaldskrá fyrir Lengda viðveru fyrir fatlaða einstaklinga í 4. bekk og eldri fyrir 2015."

Sveitarstjórn samþykkir samhljóðameð 7 atkvæðum ofangreinda tillögu Bjarna.

b) Sveitarstjórn samþykkir samhljóða með 4 atkvæðum að hafna tillögu félagsmálaráðs, Þórhalla Karlsdóttir greiðir atkvæði með tillögu félagsmálaráðs, Valdís Guðbrandsdóttir og Kristján E. Hjartarson sitja hjá.

6.10 Fjárhagsáætlun 2015

Félagsmálastjóri fór yfir rauntölur fjárhagsáætlunar frá áramótum til dagsins í dag. Lagt fram til kynningar. Félagsmálastjóra falið að senda bréf til byggðarráðs samkvæmt umræðum á fundinum.

6.11 Forvarnarstefna

Vinnuhópur um forvarnir kynntu nefndarmönnum hugmyndir sínar að kynningu á forvarnarstefnunni- fund með öllum samstarfsaðilum og áætlun um fræðslu í forvarnarmálum. Lagt fram til kynningar. Niðurstaða Til máls tók:
Valdís Guðbrandsdóttir.

Fleiri tóku ekki til máls um fundargerðina og annað þarfnast ekki afgreiðslu.

Fræðsluráð - 190, frá 18.03.2015.

Málsnúmer 1503001F

7.1 Hlutverk og starfsemi ungmennaráðs Dalvíkurbyggðar.

Undir þessum lið voru boðaðir fulltrúar úr Ungmennaráði Dalvíkurbyggðar til að kynna starfsemi ráðins.

Fulltrúar úr Ungmennaráði Dalvíkurbyggðar mættu ekki á fundinn.

7.2 Ytra mat á grunnskólum

Farið var yfir skýrslu sem Námsmatsstofnun gerði fyrir Mennta- og menningarmálaráðuneytið síðasta haust í framhaldi af úttekt á Dalvíkurskóla. Jafnframt var farið yfir úrbótaáætlun sem stjórnendur Dalvíkurskóla unnu í kjölfar skýrslunnar. Fræðsluráð óskar skólanum og starfsfólki til hamingju með þá fjölmörgu þætti sem komu vel út í matinu.

Eftir samráð við skólastjóra leggur fræðsluráð til að skipaður verði þriggja manna vinnuhópur um bættan námsárangur skólans. Skólastjóri mun koma með tillögu um 2 fulltrúa þess vinnuhóps en kennsluráðgjafi verður fulltrúi fræðsluskrifstofu í vinnuhópnum.

7.3 Formleg beiðni um styrk

Tekin var fyrir beiðni um styrk frá Nýsköpunarkeppni grunnskólanna dagsett 11. febrúar 2015 þar sem óskað er eftir styrk til að mæta kostnaði við keppnina. Skólar sveitarfélagsins hafa ekki verið að taka þátt í keppninni en hún er áhugaverð og getur hvatt til sköpunar sem er lykilþáttur í skólastarfi. Fræðsluráð leggur til að verkefnið verði styrkt um 45.000 kr. og vísar þeirri beiðni til byggðaráðs þar sem þetta er ekki inni í fjárhagsáætlun ráðsins.

Jafnframt leggur fræðsluráð til að grunnskólar sveitarfélagsins taki þátt í keppninni.

7.4 Frumvarp til laga um Menntamálastofnun.

Tekið var fyrir erindi frá nefndasviði Alþingis, dagsett 28. janúar 2015.

Í erindinu er óskað eftir umsögn um frumvarp til laga um Menntamálastofnun.

Engar ábendingar.

7.5 Leiðbeiningar um gerð siðareglana og hlutverk siðanefndar

Farið var yfir leiðbeiningar um gerð siðareglna og hlutverk siðanefndar, frá siðanefnd Sambands íslenskra sveitarfélaga.

Lagt fram. Niðurstaða Enginn tók til máls um fundargerðina og ekkert þarfnast afgreiðslu.

Fræðsluráð - 191, frá 08.04.2015.

Málsnúmer 1503019F

Til afgreiðslu í sveitarstjórn:2. liður.

Til afgreiðslu í sveitarstjórn:<br />2. liður.<br />

8.1 Skólastefna Dalvíkurbyggðar

Með fundarboði fylgdu drög að innleiðingaráætlunum Árskógarskóla, Dalvíkurskóla og Káta- og Krílakots vegna nýrrar skólastefnu. Innleiðingaráætlun Tónlistarskóla kemur síðar.

Fræðsluráð óskar eftir umsögnum um áætlanirnar frá starfshópi um gerð skólastefnunnar.

8.2 Skóladagatöl 2015-2016

Skóladagatöl fyrir skólaárið 2015-2016 fylgdu með fundarboði.

Dagatölin eru samræmd að mestu leyti og skipulagsdagar leik- og grunnskóla að mestu samræmdir. Sameiginlegur starfsdagur í stofnunum sveitarfélagsins verður e.h. 29. janúar 2016.

Á dagatali Kríla-/Kátakots og Árskógarskóla eru 2 skipulagsdagar settir á 4. og 6. maí 2016 (í kringum Uppstigningardag) en skólarnir loka báðir á hádegi 3. maí. Þetta er gert vegna þess að starfsfólk beggja skóla stefnir á að fara í námsferð á þessum tíma.

Fræðsluráð samþykkir skóladagatölin eins og þau liggja fyrir.

Drífa Þórarinsdóttir og Gunnþór Eyfjörð Gunnþórsson véku af fundinum klukkan 09:00. Niðurstaða Til máls tóku:
Gunnþór Eyfjörð Gunnþórsson, sem gerði grein fyrir vanhæfi sínu og vék af fundi við umfjöllunar og afgreiðslu á þessum lið kl. 17:12.
Valdís Guðbrandsdóttir.
Bjarni Th. Bjarnason.
Þórhalla Karlsdóttir.

Sveitarstjórn samþykkir með 6 atkvæðum afgreiðslu fræðsluráðs, Gunnþór tekur ekki þátt í afgreiðslu vegna vanhæfis.

Gunnþór kom á fundinn að nýju kl. 17:16.

8.3 Námsárangur

Á síðasta fundi fræðsluráðs var ákveðið að setja á stofn starfshóp til að vinna að bættum námsárangri. Mesta áherslan verður fyrst um sinn á Dalvíkurskóla en aðrir skólar munu koma að verkefninu eftir því sem tilefni gefst til.

Gísli Bjarnason skólastjóri Dalvíkurskóla gerði grein fyrir þeirri vinnu sem hefur átt sér stað frá síðasta fundi ráðsins. Fyrir hönd fræðsluskrifstofunnar verða Helga Björt Möller/Dóróþea Reimarsdóttir í hópnum en fulltrúar Dalvíkurskóla í hópnum hafa ekki verið tilnefndir. Aðilar frá öðrum skólum verða kallaðir að borðinu þegar og ef ástæða er til.

Fundargerðir hópsins verða svo kynntar í fræðsluráði þegar þær liggja fyrir.

Niðurstaða Til máls tóku:
Valdís Guðbrandsdóttir.
Þórhalla Karlsdóttir.
Bjarni Th. Bjarnason.

8.4 Ytra mat á grunnskólum

Með fundarboði fylgdi uppfærð úrbótaáætlun vegna ytra mats sem Mennta- og menningarmálaráðuneytið lét framkvæma á Dalvíkurskóla síðasta haust.

Fræðsluráð samþykkir úrbótaáætlunina eins og hún liggur fyrir og felur Gísla Bjarnasyni, skólastjóra Dalvíkurskóla að ganga frá skilum.

Gísli Bjarnason og Margrét Magnúsardóttir véku af fundinum kl: 09:20.

8.5 Tékklisti og ferlar vegna verkefna

Lagt fram til kynnningar. Niðurstaða Fleiri tóku ekki til máls um fundargerðina og annað þarfnast ekki afgreiðslu.

Menningarráð - 49, frá 18.03.2015.

Málsnúmer 1503007F

9.1 Umsóknir í menningarsjóð Dalvíkurbyggðar 2015

Teknar voru til afgreiðslu umsóknir sem bárust menningarsjóði Dalvíkurbyggðar í framhaldi af auglýsingu. Alls bárust 19 umsóknir að upphæð kr. 6.800.000 en úthlutað var að þessu sinni kr. 1.870.000 til eftirtalinna verkefna:

Salka Kvennakór Vor- og jólatónleikar í Dalvíkurbyggð 150.000
Ingibjörg Hjartardóttir Ritun og upplestur úr nýrri sakamálasögu 100.000
Sögufélag Svarfdæla
Ritun bókar, Íslandssaga frá byggðars Svarfaðard. 200.000
Byggðasafnið Hvoll
Sýning v/ 100 ára afmælis kosningarétts kvenna
100.000
Menningarfélagið Berg
Klassík í Bergi
100.000
Edik ehf
Heimildam. BROTIÐ, tónlist og úrvinnsla 150.000
Jón Arnar Kristjánsson
Sýning myndlistaverka
30.000
Stjarnan Glerverkstæði
Sýning á glerlistaverkum í Bergi
50.000
Baldur Þórarinsson
Ljósmyndasýning
70.000
Karlakór Dalvíkur
Tónleikahald í vor
150.000
Menningarfélagið Berg
Sýning á verkum Leifs Breiðfjörð
150.000
Ösp Eldjárn
Styrkur til tónleikahalds í Dalvíkurbyggð
100.000
Héraðsskjalasafn Svarf.
Skráning á ljósmyndum
100.000
Helga Íris Ingólfsd.
Bók um skipulags- og byggðaþróun Dalvíkur
200.000
Kristinn Arnar Hauksson
Ljósmyndasýning í Bergi
70.000
Kristjana Arngrímsd.
Fjórar söngvökur í Tjarnarkirkju 150.000

Niðurstaða Enginn tók til máls um fundargerðina og ekkert þarfnast afgreiðslu.

10.

Menningarráð - 50, frá 19.03.2015.

Málsnúmer 1503008F

10.1 Framtíðarnýting á Ungó og Sigtúni

Fundarmenn hófu fundinn á heimsókn í Ungó og Sigtún þar sem forsvarsmenn Leikfélags Dalvíkur og Bakkabræðraseturs tóku á móti ráðinu.

Í framhaldinu var haldið í Ráðhús Dalvíkur og rætt um heimsóknina og framtíðarnýtingu á húsnæðinu.

Menningarráð þakkar kærlega fyrir móttökurnar. Niðurstaða Til máls tóku:
Valdís Guðbrandsdóttir.
Valdemar Þór Viðarsson.
Kristján E. Hjartarson.

10.3 Ársreikningur 2013 og fjárhagsáætlun 2015, vegna Menningarfélagsins Bergs

Frestað.

10.4 Minnisvarði um Látra- Björgu

Frestað en ákveðið var að þiggja boð Sveins Jónssonar um kynningu á næsta fundi ráðsins.

10.5 17. júní 2015

Undir þessum lið komu Gísli Rúnar Gylfason íþrótta- og æskulýðsfulltrúi og Margrét Víkingsdóttir upplýsingafulltrúi á fundinn, kl: 10:35

Farið var yfir fyrirkomulag við hátíðarhöld á 17. júní. Ræddar voru ýmsar hugmyndir að dagskrá og viðburðum og var m.a. ákveðið að setja upp hugmyndabanka í grunnskólunum.

Gísla og Margréti þökkuð koman á fundinn og véku þau af fundi 11:10 Niðurstaða Fleiri tóku ekki til máls um fundargerðina og ekkert þarfnast afgreiðslu.

11.

Landbúnaðarráð - 96, frá 09.04.2015.

Málsnúmer 1503014F

Til afgreiðslu í sveitarstjórn:2. liður.3.liður.

11.1 Leiðbeiningar um gerð siðareglana og hlutverk siðanefndar

Tekið fyrir erindi frá Sambandi íslenskra sveitarfélaga, dagsett 30. janúar 2015. Leiðbeiningar eru meðfylgjandi erindinu.

Siðanefnd Sambands íslenskra sveitarfélaga sem starfar skv. 29. gr. sveitarstjórnarlaga nr. 138/2011 hefur útbúið fræðslurit um hvað sveitarstjórnir þurfa að hafa í huga við gerð og endurskoðun siðareglna. Ritið ber heitið 'Leiðbeiningar um gerð siðareglna og hlutverk siðanefndar'. Lagt fram til kynningar.

11.2 Fjallskil og göngur 2015

Til umræðu niðurstaða skoðanakönnunar um dagsetningu fyrir fjallskil og göngur haustið 2015 Á 95. fundi landbúnaðarráðs var ákveðið að gera skoðanakönnun meðal sauðfjábænda um dagsetningar gangna og rétta 2015. Um var að ræða fyrstu eða aðra helgi september.
Vilji sauðfjárbænda var afgerandi í þessari skoðanakönnun, en 66 % völdu aðra helgi í september.

Landbúnaðarráð leggur til að fyrstu göngur í Svarfaðardalsdeild, Dalvíkurdeild og Árskógsdeild verði helgina 11. til 13. september og seinni göngur í öllum deildum viku síðar eða um helgina 18. til 20. september.

Hrossasmölun og eftirleit í Skíðadalsafréttum verði 2. og 3. október.

11.3 Göngur 2015

Með bréfi dags. 24. mars 2015 óskar Zophonías Jónmundsson eftir leyfi til að ganga fyrstu göngur síðustu helgina í ágúst (29-30 ágúst 2015). Vegna beiðni frá Zophoníasi Jónmundssyni um að fá að framkvæma fyrstu göngur 29. og 30. ágúst 2015, samþykkir landbúnaðarráð Dalvíkurbyggðar þá beiðni með þeim skilyrðum að Zophonías sjái til þess að minnst þrjú dagsverk verði lögð til á Ytra-Holtsdal samhliða fyrstu göngum á Syðra-Holtsdal þann 11. september 2015. Tekið skal fram að seinni göngur eru á sama tíma á öllum gangnsvæðum helgina 18.-20. september 2015. Niðurstaða Til máls tók:
Bjarni Th. Bjarnason sem leggur fram eftirfarandi tillögu:
"Lagt er til að þessum lið sé vísað til baka til landbúnaðarráðs og leitað verði leiða til að ná meiri sátt um þetta mál."
Kristján E. Hjartarson.

Sveitarstjórn samþykkir samhljóða með 7 atkvæðum ofangreinda tillögu Bjarna.

11.4 Fjallgirðingar 2015

Til umræðu breytingar á fyrirkomulagi við viðhald fjallgirðinga í Dalvíkurbyggð. Undirbúningur fyrir fund með landeigendum á Árskógssandi sem haldinn verður 13:00 í dag. Niðurstaða Fleiri tóku ekki til máls um fundargerðina og annað þarfnast ekki afgreiðslu.

12.

Umhverfisráð - 262, frá 10.04.2015.

Málsnúmer 1503017F

Til afgreiðslu í sveitarstjórn:6. liður.8. liður.9. liður.10. liður.11. liður.17. liður.18. liður.

12.1 Ályktun um björgunarstörf

Til kynningar svar SL við ályktun Dalvíkurbyggðar um björgunarmál. Umhverfisráð þakkar svarbréfið vegna ályktunar um björgunarmál í Dalvíkurbyggð.

12.2 Leiðbeiningar um gerð siðareglana og hlutverk siðanefndar

Siðanefnd Samband íslenskra sveitarfélaga sem starfar skv. 29. gr. sveitarstjórnarlaga nr. 138/2011 hefur útbúið meðfylgjandi fræðslurit um hvað sveitarstjórnir þurfa að hafa í huga við gerð og endurskoðun siðareglna. Ritið ber heitið 'Leiðbeiningar um gerð siðareglna og hlutverk siðanefndar'.
Reynt var að setja leiðbeiningarnar upp á einfaldan og skýran hátt og notast við dæmi til að vekja fólk til umhugsunar. Vonast siðanefndin til þess að leiðbeiningarnar veki upp jákvæða umræðu um siðamál og að hún nýtist kjörnum fulltrúum í sinni vinnu. Lagt fram til kynningar.

12.3 Tékklisti og ferlar vegna verkefna

Til umfjöllunar drög að tékklista og vinnureglum innanhúss er varða verkefni sem þarfnast aðkomu fleiri en eins sviðs.

Á vinnufundi, sem haldinn var 13. janúar, var unninn tékklisti fyrir slík verkefni en að þeirri vinnu komu sviðsstjóri umhverfis- og tæknisviðs, sviðsstjóri veitu- og hafnasviðs, sviðsstjóri fjármála- og stjórnsýslusviðs og upplýsingafulltrúi. Umhverfisráð fagnar framtakinu.

12.4 Til umsagnar, tillaga til þingsályktunar um að draga úr plastpokanotkun, 166. mál.

Óskað er eftir umsögn umhverfisráð á tillögu til þingsályktur um að draga úr plastpokanotkun, 166. mál. Umhverfisráð Dalvíkurbyggðar gerir ekki athugasemdir við þingsályktunina.

12.5 Fundargerðir 2015

Til kynningar fundagerðir Heilbrigðiseftirlits Norðurlands frá 14. janúar,4. febrúar og 4. mars ásamt ársreikningi 2014. Ráðið hefur kynnt sér fundagerðir og ársreikning 2014 og gerir ekki athugasemdir.

12.6 Leyfi til uppsetningar á yfirtendrunargámi

Með innsendu erindi dags. 18. mars 2015 óskar Vilhelm Anton Hallgrímsson slökkviðisstjóri eftir leyfi til uppsettningar á yfirtendrunargámi samkvæmt meðfylgjandi gögnum.
Umsögn Friðlandsnefndar fylgir umsókn. Umhverfisráð leggur til að staðsetning yfirtendrunargámsins verði í malarnámuni í Hálshorni og felur sviðsstjóra að leita umsagnar Friðlandsnefndar varðandi þá staðsetningu.
Umrætt leyfi veitt í malarnámu með fyrirvara um jákvæð viðbrögð Friðlandsnefndar. Niðurstaða Sveitarstjórn samþykkir með 6 atkvæðum afgreiðslu umhverfisráð, Þórhalla Karlsdóttir greiðir atkvæði á móti.

12.7 Umsögn sambandsins - tillaga að landsskipulagsstefnu

Tekinn fyrir rafpóstur frá Sambandi íslenskra sveitarfélaga, dagsettur þann 30. janúar 2015, þar sem kynnt er umsögn Sambandsins til Skipulagsstofnunar um tillögu að landsskipulagsstefnu 2015-2026. Lagt fram til kynningar.

12.8 Umsókn um malartöku 2015

Með innsendu erindi dags. 25. mars óska þau Gunnhildur Gylfadóttir og Hjálmar Herbertsson ábúendur að Steindyrum eftir leyfi til malartekju samkvæmt meðfylgjandi gögnum. Með fyrirvara um jákvæðar umsagnir frá Veiðimálastofu gerir umhverfisráð ekki athugasemdir við umsóknina og felur sviðsstjóra að afgreiða umbeðið leyfi.

12.9 Umsókn um leyfi til malartöku 2015

Með innsendu erindi dags. 24. mars óskar Þór Ingvason, Bakka, eftir leyfi til malartekju samkvæmt meðfylgjandi gögnum. Með fyrirvara um jákvæðar umsagnir frá Veiðimálastofu gerir umhverfisráð ekki athugasemdir við umsóknina og felur sviðsstjóra að afgreiða umbeðið leyfi. Niðurstaða Til máls tók:
Gunnþór Eyfjörð Gunnþórsson, sem gerði grein fyrir vanhæfi sínu hvað umfjöllun og afgreiðsl um þennan lið varðar, Gunnþór vék af fundi kl. 17:39 við umfjöllun og afgreiðslu á þessum lið.

Sveitarstjórn samþykkir afgreiðslu umhverfisráð með 6 atkvæðum, Gunnþór Eyfjörð Gunnþórssn tekur ekki þátt í atkvæðagreiðslu vegna vanhæfis.

Gunnþór kom inn að fundinn að nýju kl. 17.40.

12.10 Umsókn um malartekju í landi Grundar, Svarfaðardal

Með innsendu erindi dags. 24. mars óskar Friðrik þórarinsson, Grund, eftir leyfi til malartekju samkvæmt meðfylgjandi gögnum. Með fyrirvara um jákvæðar umsagnir frá Veiðimálastofu gerir umhverfisráð ekki athugasemdir við umsóknina og felur sviðsstjóra að afgreiða umbeðið leyfi.

12.11 Bakkavarni við Svarfaðardalsá.

Með innsendu erindi dags. 24. mars óskar undirritaður eftir framkvæmdarleyfi fyrir hönd landeigenda samkvæmt meðfylgjandi gögnum. Með fyrirvara um jákvæðar umsagnir frá Veiðimálastofu gerir umhverfisráð ekki athugasemdir við umsóknina og felur sviðsstjóra að afgreiða umbeðið leyfi.

12.12 Deiliskipulag sumarhúsasvæðis í landi Hamars.

Til kynningar bréf frá Skipulagsstofnun dag. 24. mars 2015 vegna deiliskipulags í landi Hamars. Umhverfisráð hefur kynnt sér bréfið og undrar sig á þeim athugasemdum sem fram koma í bréfinu þar sem ýtarleg skráning fornminja er til fyrir sveitarfélagið. Sviðsstjóra falið að fylgja málinu eftir.

12.13 Stjórnunar- og verndaráætlun Friðlands Svarfdæla

Til kynningar Umhverfisráð Dalvíkurbyggðar fagnar vinnu vegna verndar- og stjórnunaráætlunar fyrir Friðland Svarfdæla.

12.14 Umsögn vegna nýs rekstrarleyfis á Karlsá

Til kynningar umsögn vegna rekstarleyfis að Karlsá. Lagt fram til kynningar.

12.15 Umsókn um leyfi í Brekkuseli

Til kynningar umsagnir vegna rekstrarleyfis í Brekkuseli Lagt fram til kynningar.

12.16 Innkomið erind vegna staðsettningu vegar og hraða umferð.

Til umræðu erindi dagsett 4. desember 2014 frá eigendum Másstaða. Umhverfisráð þakkar innsent erindi.
Í vinnslu er umferðaröryggisáætlun fyrir sveitarfélagið og felur ráðið umhverfisstjóra að útfæra hraðalækkandi úrbætur við Másstaði. Einnig er sviðsstjóra falið að ræða við Vegagerðina um hugsanlega úrbætur á þessu svæði.

12.17 Umsókn um byggingarleyfi

Með bréfi dags. 07.apríl 2015 óskar Kristján Eldjárn Hjartarsson fyrir hönd eigenda að Skíðabraut 6, Dalvík eftir byggingarleyfi samkvæmt meðfylgjandi gögnum. Umhverfisráð samþykkir innsend gögn með fyrirvara um að umsækjandi skili inn vottun á gæðastjórnunarkerfi og eins að sérteikningar af viðbyggingu verði lagðar inn.
Ráðið felur sviðsstjóra að grendarkynna fyrirhugaðar framkvæmdir fyrir næstu nágrönnum. Niðurstaða Til máls tók:
Kristján Hjartarson, sem gerði grein fyrir vanhæfi sínu hvað varðar umfjöllun og afgreiðslu á þessum lið og vék af fundi kl. 17:38 undir þessum lið.

Sveitarstjórn samþykkir með 6 atkvæðum afgreiðslu umhverfisráðs, Kristján E. Hjartarson tekur ekki þátt í atkvæðagreiðslu vegna vanhæfis.

Kristján kom inn að fundinn að nýju kl. 17:39.

12.18 Ósk um leyfi til breytinga á Grundargötu 3, Dalvík.

Með innsendum rafpósti dag. 6. apríl 2015 óskar Anton Ingvason eftir leyfi til breytinga á Grundargötu 3, Dalvík, samkvæmt meðfylgjandi gögnum. Umhverfisráð gerir ekki athugasemdir við innsenda umsókn og felur sviðsstjóra að veita umbeðið leyfi.

12.19 Deiliskipulag Árskógssandi

Til umræðu deiliskipulag á Árskógsströnd Ráðið hefur kynnt sér fyrirliggjandi gögn og gerir ekki athugasemdir. Niðurstaða Til máls tóku:
Gunnþór Eyfjörð Gunnþórsson.
Kristján E. Hjartarson.
Bjarni Th. Bjarnason.

13.

Veitu- og hafnaráð Dalvíkurbyggðar - 27, frá 25.03.2015.

Málsnúmer 1503011F

Til afgreiðslu í sveitarstjórn:Liður 13.1.

13.1 Hafnasamlag Norðurlands, samráðsfundur.

Til fundarins er boðuð stjórn Hafnasamlags Norðurlands.
Viðræður hafa verið í gangi á milli HN og HD í gegnum árin um hugsanlegt samstarf hafnanna á ýmsum sviðum. Ákveðið var að stíga frekara skref í þeim viðræðum. Sameiginlegur fundur Hafnasamlags Norðurlands og Hafnasjóðs Dalvíkurbyggðar haldinn í Ráðhúsinu Dalvík 25. mars 2015 samþykkir eftirfarandi ályktun samhljóða.

Sameiginlegur fundur stjórna HN og HD samþykkir að stofnaður verði fjögurra manna vinnuhópur, tveir frá hvorri stjórn sem hefði það verkefni að taka saman gögn sem gæfi stjórnunum glögga mynd af hugsanlegri sameiningu.

Gestir yfirgáfu fundinn kl. 18:10.

Veitu- og hafnaráð samþykkir að tilnefna Pétur Sigurðsson, formann ráðsins og Óskar Óskarsson varaformann sem fulltrúa Hafnasjóðs Dalvíkurbyggðar í ofangreindan viðræðuhóp.
Niðurstaða Sveitarstjórn samþykkir samhljóða með 7 atkvæðum ofangreinda tillögu að fulltrúum í vinnuhóp/ viðræðuhóp og að fulltrúar Dalvíkurbyggðar í vinnuhóp á launum. Vísað á deild 41-21.

Enginn tók til máls og annað þarfnast ekki afgreiðslu.

15.

Málefni Róta bs.; málefni fatlaðra.

Málsnúmer 201410286

Til máls tók:Bjarni Th. Bjarnason sem leggur fram eftirfarandi tillögu:"Samkvæmt 4.gr laga um málefni fatlaðs fólks nr. 59 frá 1992 þarf hvert þjónustusvæði að ná að lágmarki 8.000 íbúum en hægt er að fá undanþágu frá þessu á grundvelli landfræðilegra aðstæðna. Mikið óhagræði fylgir slíkum vegalengdum. Þjónustusvæði Róta bs. telur ríflega 11.000 íbúa. Sveitarstjórn samþykkir tillögu þess efnis að veita sveitarstjóra heimild til að senda inn beiðni um undanþágu til ráðherra skv. ákvæðum 4.gr. laga nr. 59 frá 1992."Greinargerð með tillögunni:"Málefni Róta bs. hafa verið í brennidepli hjá sveitarstjórnarfólki í Dalvíkurbyggð síðustu misserin vegna slæmrar stöðu sem uppi er í málefnum Róta bs. Undirritaður sem hefur verið í stjórn Róta frá því í september sl. og lýsir yfir miklum áhyggjum vegna rekstrarvanda Róta bs. Hallinn árið 2014 verður líklega á bilinu 60-80 milljónir og stefnir í 100 milljónir í ár og verður velt yfir á sveitarfélögin. Ljóst er að það rekstrarmódel sem Rætur bs. búa við virkar ekki eins og það þarf að gera. Margar ástæður mætti telja til, s.s. miklar vegalengdir á starfssvæði Róta bs., sem Jöfnunarsjóður virðist ekkert tillit taka til, og lítil samlegðaráhrif í þjónustu við fatlaða á milli byggðarlaga. Sú staða sem uppi er í byggðasamlaginu er með öllu óviðunandi fyrir aðildarsveitarfélögin.Samkvæmt 4.gr laga um málefni fatlaðs fólks nr. 59 frá 1992 þarf hvert þjónustusvæði að ná að lágmarki 8.000 íbúum en hægt er að fá undanþágu frá þessu á grundvelli landfræðilegra aðstæðna. Þjónustusvæði Róta bs. telur ríflega 11.000 íbúa. Sveitarstjórnarfólk í Dalvíkurbyggð og Fjallabyggð hefur rætt um það sín á milli hvort nú ætti að láta reyna á slíka beiðni um undanþágu sem nefnd er í 4.gr. ofangreindra laga enda er klárlega um samlegðaráhrif að ræða í málefnum fatlaða á milli sveitarfélaganna. Skrefin sem þarf að stíga eru í fyrsta lagi að sækja um undanþágu og það þá gert í samfloti með Fjallabyggð sem framtíðarsamstarfsaðila um málefni fatlaða. Ef undanþága er veitt þá þarf sveitarstjórn að ákveða um úrsögn úr Rótum bs. og þarf sú úrsögn að gerast með 6 mánaða fyrirvara og miðast við áramót samkvæmt samþykktum Róta bs."Einnig tóku til máls:Gunnþór Eyfjörð Gunnþórsson.Kristján E. Hjartarson.Valdís Guðbrandsdóttir.Þórhalla Karlsdóttir.Fleiri tóku ekki til máls.Sveitarstjórn samþykkir með 6 atkvæðum ofangreinda tillögu sveitarstjóra og að félagsmálaráð verði upplýst um málið svo fljótt sem verða má, Þórhalla situr hjá.

16.

Sveitarstjórn - 267, frá 17.03.2015.Til kynningar.

Málsnúmer 1503009F

Lagt fram til kynningar.