267. fundur

17. mars 2015 kl. 16:15 - 17:39

í Upsa á 3. hæð í Ráðhúsi Dalvíkur

Nefndarmenn

Heiða Hilmarsdóttir Aðalmaður

Bjarni Theódór Bjarnason Aðalmaður

Kristján Guðmundsson Aðalmaður

Gunnþór Eyfjörð Gunnþórsson Aðalmaður

Valdemar Þór Viðarsson Aðalmaður

Guðmundur St. Jónsson Aðalmaður

Valdís Guðbrandsdóttir Aðalmaður

Starfsmenn

Guðrún Pálína Jóhannsdóttir Ritari

Fundargerð ritaði:

Guðrún Pálína Jóhannsdóttir sviðsstjóri fjármála- og stjórnsýslusviðs

Dagskrá

1.

Byggðaráð Dalvíkurbyggðar - 727, frá 26.2.2015

Málsnúmer 1502009F

Til staðfestingar í sveitarstjórn liðir:1.2.1.3.1.9.

1.2 Íbúafundur í mars.

Undir þessum lið kom Margrét Víkingsdóttir, upplýsingafulltrúi, á fundinn kl. 13:41.

Á 726. fundi þann 12. febrúar s.l. var meðal annars eftirfarandi bókað:

"Byggðarráð samþykkir samhljóða með 3 atkvæðum að fela Upplýsingafulltrúa að leggja fyrir næsta fund byggðarráðs endanleg drög að dagskrá sem tekur mið að ofangreindu með nánari útfærslu. Gert er ráð fyrir að fundurinn yrði 12.mars n.k.
Byggðarráð vísar einnig ofangreindum drögum til umfjöllunar og upplýsingar í framkvæmdastjórn."

Upplýst var á fundinum að framkvæmdastjórn fjallaði um ofangreint á fundi sínum þann 16. febrúar s.l.

Með fundarboði byggðarráðs fylgdi drög að dagskrá með nánari útfærslu. Byggðarráð samþykkir samhljóða með 3 atkvæðum ofangreind drög að dagskrá með þeim breytingum sem ræddar voru á fundinum og að stefnt verði á að hafa fundinn 24. mars n.k.

1.3 Upplýsingamiðstöð Dalvíkurbyggðar 2015.

Á 726. fundi byggðarráðs þann 12. febrúar s.l. var meðal annars eftirfarandi bókað:
"Byggðarráð samþykkir samhljóða með 3 atkvæðum að leggja til að bæta við einum mánuði hvað varðar opununartíma Upplýsingarmiðstöðvar þannig að gert verði ráð fyrir opnun júní - september og/eða eða í 4 mánuði og felur sviðsstjóra og Upplýsingafulltrúa að leggja fyrir byggðarráð útfærslu og beiðni um viðbótarheimild."

Með fundarboði byggðarráðs fylgdi minnisblað frá sviðsstjóra fjármála- og stjórnsýslusviðs þar sem óskað er eftir viðauka að upphæð kr. 394.944 vegna launa- og launatengdra gjalda, deild 13-60. Gerður er fyrirvari um opnunartíma júní - september þar sem ekki liggur fyrir hver verður ráðinn í starfið.

Upplýsingafulltrúi upplýsti á fundinum að búið er að ræða við forstöðumann bóka- og héraðsskjalasafns um áframhaldandi samstarf sem og framkvæmdastjóra Bergs.

Margrét vék af fundi kl. 14:09. Byggðarráð samþykkir samhljóða með 3 atkvæðum ofangreinda beiðni um viðauka að upphæð kr. 394.000 á deild 13-60 og lækkun á lið 21-40-4391 á móti.

1.4 Innkaupareglur, endurskoðun

Á 726. fundi byggðarráðs þann 12. febrúar s.l. var meðal annars eftirfarandi bókað:
"Með fundarboði byggðarráðs fylgdu innkaupareglunum með nokkrum tillögum að breytingum og/eða ábendingum um atriði sem vert er að taka til endurskoðunar.

Lagt fram til kynningar og ofangreint verður áfram til umfjöllunar í byggðarráði."

Til umræðu ofangreint. Byggðarráð samþykkir samhljóða með 3 atkvæðum að fela sveitarstjóra og sviðsstjóra fjármála- og stjórnsýslusviðs að leggja fyrir byggðarráð tillögu að breytingum á innkaupareglunum í samræmi við það sem um hefur verið rætt.

1.5 Vátryggingar sveitarfélagsins

Á 726. fundi byggðarráðs þann 12. febrúar s.l. var meðal annars eftirfarandi bókað:
"Upplýst var á fundinum að fjallað hefur verið um ofangreint á tveimur fundum í framkvæmdastjórn og er niðurstaðan að leggja til framlengja samkomulagið við VÍS um eitt ár sem er í samræmi við 7. gr. samningsins.

Afgreiðslu frestað. Byggðarráð felur sveitarstjóra að afla nánari upplýsinga í samræmi við umræður á fundinum. "

Sveitarstjóri gerði grein fyrir þeim upplýsingum sem liggja fyrir í tengslum við þá ákvörðun hvort fara á í útboð á árinu 2015 eða 2016.

Heiða vék af fundi undir þessum lið kr. 14:35 til annarra starfa. Afgreiðslu frestað.

1.6 Frá Varasjóði húsnæðismála; Klapparstígur 1 og 3.

Tekið fyrir bréf frá Varasjóði húsnæðismála, dagsett þann 6. febrúar 2015, þar sem fram kemur að úthlutun vegna sölu á Klapparstíg 1 er kr. 3.846.465 og úthlutun vegna sölu á Klapparstíg 3 er kr. 1.614.953. Lagt fram til kynningar.

1.7 Rætur bs. og fjárhagsáætlun 2015.

Tekinn fyrir rafpóstur frá stjórn Róta bs. þar sem boðað er til upplýsinga- og umræðufundar 4. mars n.k. kl. 13:00 á Kaffi Krók Sauðárkróki vegna fjármála Róta bs. og fjárhagsáætlunar 2015 sem samþykkt var á aðalfundi Róta bs. 30. september s.l. með fyrirvara um endurskoðun þegar tekjuforsendur liggja fyrir. Stjórn Róta bs. samþykkti á fundi sínum 24. febrúar að halda upplýsinga- og umræðufund fyrir sveitarstjórnir ásamt framkvæmda- og félagsmálastjórum sveitarfélaga. Fram kemur í rafpóstinum að fjárvöntun áætlunar Róta frá því í september er um 99,6 m.kr. nú þegar úthlutun framlaga úr Jöfnunarsjóði sveitarfélaga liggur fyrir. Þess er óskað að framkvæmdastjóri komi fundarboðinu á framfæri við sína sveitarstjórn og tryggi að fulltrúar sveitarfélagsins mæti til fundarins. Lagt fram til kynningar.

1.8 Frá Eignarhaldsfélagi Brunabótafélags Íslands; Styrktarsjóður EBÍ 2015.

Tekið fyrir bréf frá Eignarhaldsfélaginu Brunabótafélags Íslands, dagsett þann 12. febrúar 2015, þar sem auglýst er eftir umsóknum í Styrktarsjóð EBÍ. Umsóknarfresturinn er til aprílloka. Byggðarráð samþykkir samhljóða með 2 atkvæðum að vísa ofangreindu erindi til framkvæmdastjórnar til skoðunar.

1.9 Frá Menntaskólanum á Laugarvatni; Styrkumsókn vegna ferðar kórs Menntaskólans að Laugarvatni til Danmerkur.

Tekið fyrir erindi frá fjáröflunarnefnd Kórs Menntaskólans að Laugarvatni, dagsett þann 3. febrúar 2015, þar sem óskað er eftir styrk frá sveitarfélaginu vegna tónleikaferðarlags kórsins til Danmerkur 22.-26. apríl n.k. Byggðarráð samþykkir samhljóða með 2 atkvæðum að hafna ofangreindri beiðni.

1.10 Frá nefndasviði Alþingis; Frumvarp til laga um farmflutninga á landi,

Tekinn fyrir rafpóstur frá nefndasviði Alþingis, dagsettur þann 19. febrúar 2015, þar sem óskað er umsagnar um frumvarp til laga um farmflutninga á landi. Umsagnir þurfa að berast eigi síðar en 6. mars n.k. Lagt fram til kynningar.

1.11 Frá nefndasviði Alþingis; Frumvarp til laga um farþegaflutninga á landi í atvinnuskyni.

Tekinn fyrir rafpóstur frá nefndasviði Alþingis, dagsettur þann 19. febrúar 2015, þar sem óskað er umsagnar um frumvarp til laga um farþegaflutninga á landi í atvinnuskyni. Umsagnir þurfa að berast eigi síðar en 6. mars n.k. Lagt fram til kynningar.

1.12 Frá Eyþingi; 263. fundur stjórnar og fundur með SSA og þingmönnum.

Lögð fram til kynningar 263. fundargerð stjórnar Eyþings frá 4. febrúar 2015 og fundargerð vegna sameiginlegs fundar stjórnar Eyþings og SSA með þingmönnum Norðausturkjördæmis 11. febrúar 2015. Lagt fram til kynningar. Niðurstaða Enginn tók til máls um fundargerðina og annað þarfnast ekki afgeiðslu.

2.

Byggðaráð Dalvíkurbyggðar - 728, frá 12.3.2015.

Málsnúmer 1503006F

Til staðfestingar liðir:2.4.

2.1 Snjómokstur og hálkuvarnir; skipulag og framkvæmd.

Undir þessum lið komu á fund byggðarráðs Valur Þór Hilmarsson, umhverfisstjóri, og Börkur Þór Ottósson, sviðsstjóri umhverfis- og tæknisviðs, kl. 13:00.

Til umræðu snjómokstur og hálkuvarnir í sveitarfélaginu, skipulag og framkvæmd á þeim verkefnum.

Viðmiðunarreglur um snjómokstur
http://www.dalvikurbyggd.is/resources/Files/Reglugerdir/umhverfis/Vidmidunarreglur-snjomoksturs-2015-i-Dalvikurbyggd.pdf

Valur Þór vék af fundi kl. 13:25 og Börkur Þór vék af fundi undir þessum lið kl. 13:25. Lagt fram.

2.3 Trúnaðarmál

Bókað í trúnaðarmálabók.

2.4 Frá Ríkiskaupum; Aðild sveitarfélaga að rammasamningum ríkisins 2015

Tekinn fyrir rafpóstur frá Ríkiskaupum, dagsettur þann 2. mars 2015, þar sem óskar er staðfestingar á aðild sveitarfélaga að rammasamningakerfi ríkisins 2015 fyrir 17. mars n.k.
Dalvíkurbyggð hefur verið aðili að rammasamningum Ríkiskaupa á undanförnum árum. Byggðarráð samþykkir samhljóða með 3 atkvæðum áframhaldandi aðild Dalvíkurbyggðar að rammasamingum Ríkiskaupa.

2.6 Frá sviðsstjóra umhverfis- og tæknisviðs; Ósk um viðauka vegna framkvæmda

Frestað.

2.7 Frá Slysavarnarfélaginu Landsbjörg; Ályktun um björgunarstörf

Frestað.

2.8 Frá Menningarfélaginu Bergi ses.; Breyting á stjórn Menningarfélagsins Bergs.

Frestað.

2.9 Frá Sambandi íslenskra sveitarfélaga; XXIX. landsþing sambandsins.

Frestað.

2.10 Frá Jafnréttisstofu; Útgáfa dagatals ársins 2015.

Frestað.

2.11 Frá nefndasviði Alþingis; Til umsagnar tillögu til þingsályktunar um seinkun klukkunnar og bjartari morgna, 338. mál.

Frestað.

2.12 Frá Sambandi íslenskra sveitarfélaga; 825. og 826. fundur stjórnar.

Frestað. Niðurstaða Enginn tók til máls um fundargerðina og annað þarfnast ekki afgreiðslu.

3.

Atvinnumála- og kynningarráð - 7, frá 4.2.2015

Málsnúmer 1502001F

3.1 Heimsóknir í fyrirtæki. Ferðaþjónustuaðilar koma í heimsókn inn á fundinn.

Atvinnumála- og kynningarráð hefur það að stefnu sinni að heimsækja fyrirtæki í sveitarfélaginu eða að fá hópa fyrirtækja í heimsókn til sín. Að þessu sinni hefur ferðaþjónustuaðilum í Dalvíkurbyggð verið boðið á fund ráðsins. Mætt á fundinn eru:
Valgerður Stefánsdóttir fyrir Húsabakka , Zophonías Antonsson fyrir Höfða , Júlíus Júlíusson Þula Bistró, Gréta Arngrímsdóttir Berg menningarhús, Kristján Hjartarson gönguferðir og leiðsagnir, Freyja Snorradóttir og Árni Júlíusson Fosshótel Dalvík, Silja Pálsdóttir Arctic Sea Tours, Laufey Eiríksdóttir bóka- og héraðsskjalasafn , Myriam Dalstein Gistiheimilið Skeið og Gísli Rúnar Gylfason, íþróttamiðstöðin og félagsheimilin. Atvinnumála- og kynningarráð þakkar þeim ferðaþjónustuaðilum sem sáu sér fært að mæta á fundinn fyrir komuna.

3.2 Hlutverk og starfsemi ungmennaráðs Dalvíkurbyggðar.

Á 4. fundi ungmennaráðs Dalvíkurbyggðar var rætt um hlutverk og starfsemi ungmennaráðsins. Þar var bókað:

Ungmennaráð felur íþrótta- og æskulýðsfulltrúa að óska eftir því að fá að kynna tilgang ráðsins inni hjá öðrum ráðum og nefndum Dalvíkurbyggðar.

Kl. 14:30 komu á fund ráðsins Patrekur Óli Gústafsson, varamaður ungmennaráðs, Eiður Máni Júlíusson, aðalmaður ungmennaráðs, og Viktor Már Jónasson, forstöðumaður Víkurrastar og starfsmaður ráðsins, og fóru yfir hlutverk og starfsemi ungmennaráðs. Atvinnumála- og kynningarráð þakkar Patreki Óla, Eiði Mána og Viktori Má fyrir kynningu á starfsemi ungmennaráðsins.

3.3 Ímynd Dalvíkurbyggðar, skv. starfsáætlun 2014.

Samkvæmt starfsáætlun fyrir fjármála- og stjórnsýslusvið fyrir árið 2014 hefur verið unnið að verkefni um ímynd Dalvíkurbyggðar. Unnið er út frá þremur þáttum: Dalvíkurbyggð sem vinnuveitandi/vinnustaður, Dalvíkurbyggð sem þjónustuveitandi, Dalvíkurbyggð sem samfélag. Skipaður var starfshópur sem unnið hefur í verkefninu frá upphafi.

Unnið hefur verið að fyrstu tveimur þáttum verkefnisins síðastliðið árið. Vinna við þriðja hluta verkefnisins, Dalvíkurbyggð sem samfélag, hófst nú í byrjun janúar en þá hélt starfshópurinn fyrsta fund sinn. Upplýsingafulltrúi kynnti niðurstöðu fundarins og næstu skref í verkefninu.

3.5 Fyrirtækjaþing 2015

Atvinnumála- og kynningarráð hefur staðið fyrir árlegum fyrirtækjaþingum nú um nokkurt skeið. Umfjöllunarefni hefur verið fjölbreytt, svo sem ferðaþjónusta, atvinnutækifæri sem tengjast höfnum, staðan í efnahagsmálum og nú síðast húsnæðismál svo eitthvað sé nefnt. Atvinnumála- og kynningarráð samþykkir að næsta fyrirtækjaþing verði haldið um miðjan apríl og umfjöllunarefnið verði samvinna og samstarf fyrirtækja.

3.6 Stefna Dalvíkurbyggðar hvað varðar auglýsingar í heimamiðlum

Á 250. fundi sveitarstjórnar Dalvíkurbyggðar staðfesti sveitarstjórn samþykkt byggðaráðs á samningi um auglýsingar í heimamiðlum fyrir árið 2014 en samningurinn komst ekki til framkvæmda. Upplýsingafulltrúi og sviðsstjóri fjármála- og stjórnsýslusviðs er falið að safna saman gögnum fyrir næsta fund ráðsins miðað við umræður á fundinum. Niðurstaða Enginn tók til máls um fundargerðina og annað þarfnast ekki afgreiðslu.

4.

Atvinnumála- og kynningarráð - 8, frá 11.3.2015

Málsnúmer 1503004F

Til afgreiðslu í sveitarstjórn liðir:4.54.9

4.1 Heimsóknir í fyrirtæki.

Atvinnumála- og kynningarráð hefur það að stefnu sinni að heimsækja fyrirtæki í sveitarfélaginu eða að fá hópa fyrirtækja í heimsókn til sín.

Að þessu sinni var farið í heimsókn í fyrirtækið Vélvirkja kl. 13:00. Gunnar Sigursteinsson, einn af eigendum Vélvirkja, tók á móti ráðinu, sýndi þeim fyrirtækið og sagði frá rekstri þess og helstu verkefnum.

Gunnari er þakkað fyrir móttökurnar og fróðlegar upplýsingar um fyrirtækið.

4.2 Fyrirtækjaþing 2014

Á 6. fundi atvinnumála- og kynningarráðs var eftirfarandi bókað:

Ráðið felur upplýsingafulltrúa að ræða við Atvinnuþróunarfélag Eyjafjarðar um greiningu á almenna húsnæðismarkaðinum í Dalvíkurbyggð.

Ráðið leggur einnig til að byggðaráð skoði hagkvæmni þess að selja íbúðir í eigu Dalvíkurbyggðar inn í sjálfseignastofnun eða leigufélag.

Ráðið beinir því til byggðaráðs að verkefni húsnæðisnefndar samkv. lögum um húsnæðismál nr. 44/1998, 13. og 14. grein, verði fundinn staður innan stjórnkerfis Dalvíkurbyggðar.

Fyrirspurn hefur verið send á Atvinnuþróunarfélag Eyjafjarðar vegna greiningar á almenna húsnæðismarkaðinum í Dalvíkurbyggð en engin svör borist enn.

Varðandi hina liðina tvo var eftirfarandi bókað á 724. fundi byggðaráðs Dalvíkurbyggðar:

Á 723. fundi byggðarráðs þann 15. janúar 2015 var tekin fyrir tilvísun frá atvinnumála- og kynningarráði að verkefni húsnæðisnefndar samkvæmt lögum um húsnæðismál nr. 44/1998, 13. og 14. gr. verði fundinn staður innan stjórnkerfis Dalvíkurbyggðar. Byggðarráð samþykkti að vísa þessum lið til umsagnar Sambands íslenskra sveitarfélaga.

Á 7. fundi atvinnumála- og kynningarráðs var eftirfarandi bókað:

Sviðsstjóri fjármála- og stjórnsýslusviðs upplýsti að samkvæmt svari Sambands íslenskra sveitarfélaga þá heyrir það til algerra undantekninga að sveitarfélögin séu að skipa og starfrækja sérstakar húsnæðisnefndir samkvæmt upplýsingum sem Sambandið hefur nýlega aflað sér. Lagaramminn gefur sveitarfélögum í raun sjálfdæmi um það hvaða leið er valin í þessu efni og nákvæmlega ekkert við því að segja að þau velji að vista verkefnin hjá öðrum nefndum og ráðum. Fram kom einnig að Sambandið reiknar með að tekin verði umræða um það í tengslum við væntanlega endurskoðun á lögum nr. 44/1998 hvort ákvæðin um lögbundin verkefni sveitarfélaga í húsnæðsmálum verði gerð almennari og tekið út að húsnæðisnefndir starfi. Sveitarfélögum yrði eftir sem áður heimilt að starfrækja slíkar nefndir ef vilji er til og þá á grundvelli 39. gr. sveitarstjórnarlaga.
Lagt fram til kynningar.

Á fundinn kom kl. 14:00 Elva Gunnlaugsdóttir, verkefnisstjóri hjá Atvinnuþróunarfélagi Eyjafjarðar, til að skoða mögulega aðkomu AFE að greiningu á almenna húsnæðismarkaðinu í Dalvíkurbyggð.

Elva víkur af fundi kl. 14:38. Atvinnumála- og kynningarráð þakkar Elvu fyrir komuna. Elva mun skoða, í samráði við annað starfsfólk Atvinnuþróunarfélags Eyjafjarðar, hvernig aðkoma AFE að þessu máli gæti verið og senda tillögur á atvinnumála- og kynningarráð.

4.3 Fyrirtækjaþing 2015

Á 7. fundi atvinnumála- og kynningarráðs var eftirfarandi bókað:

Atvinnumála- og kynningarráð hefur staðið fyrir árlegum fyrirtækjaþingum nú um nokkurt skeið. Umfjöllunarefni hefur verið fjölbreytt, svo sem ferðaþjónusta, atvinnutækifæri sem tengjast höfnum, staðan í efnahagsmálum og nú síðast húsnæðismál svo eitthvað sé nefnt.

Atvinnumála- og kynningarráð samþykkir að næsta fyrirtækjaþing verði haldið um miðjan apríl og umfjöllunarefnið verði samvinna og samstarf fyrirtækja.
Atvinnumála- og kynningarráð samþykkir að færa fyrirtækjaþingið fram í september 2015. Tíminn fram að því verður nýttur til að skipuleggja þingið, fá fyrirlesra og svo framv.

4.4 Tékklisti og ferlar vegna verkefna

Til umfjöllunar drög að tékklista og vinnureglum innanhúss er varða verkefni sem þarfnast aðkomu fleiri en eins sviðs.

Á vinnufundi, sem haldinn var 13. janúar, var unninn tékklisti fyrir slík verkefni en að þeirri vinnu komu sviðsstjóri umhverfis- og tæknisviðs, sviðsstjóri veitu- og hafnasviðs, sviðsstjóri fjármála- og stjórnsýslusviðs og upplýsingafulltrúi.

Fjallað hefur verið um málið á 6. fundi atvinnumálanefndar og 723. fundi byggðaráðs. Atvinnumála- og kynningarráð samþykkir samhljóða mað 5 atkvæðum að óska eftir umsögnum annarra fagráða á vegum Dalvíkurbyggðar og framkvæmdastjórnar.

4.5 Stefna Dalvíkurbyggðar hvað varðar auglýsingar í heimamiðlum

Á 7. fundi atvinnumála- og kynningarráðs var eftirfarandi bókað:

Á 250. fundi sveitarstjórnar Dalvíkurbyggðar staðfesti sveitarstjórn samþykkt byggðaráðs á samningi um auglýsingar í heimamiðlum fyrir árið 2014 en samningurinn komst ekki til framkvæmda.

Upplýsingafulltrúi og sviðsstjóri fjármála- og stjórnsýslusviðs er falið að safna saman gögnum fyrir næsta fund ráðsins miðað við umræður á fundinum.

Á fundinum kynntu Upplýsingafulltrúi og sviðsstjóri fjármála- og stjórnsýslusviðs þær upplýsingar sem aflað hefur verið á milli funda. Atvinnumála- og kynningarráð telur ekki þörf á að gera sérstaka auglýsingasamninga við heimamiðla. Ekki eru fordæmi fyrir slíkum samningum í öðrum sveitarfélögum svo vitað sé til eftir könnun sem var gerð.

Tölur hér að neðan sýna þróunina síðustu tvö árin:

2013 2014
Norðurslóð 544.499
616.812
DB blaðið 416.590
676.900
N4
577.958
486.293
Heildarkostnaður 5.147.199 6.471.116
vegna auglýsinga
og kynningastarfs

4.6 Upplýsingastefna, endurskoðun

Upplýsingastefna Dalvíkurbyggðar var samþykkt í bæjarstjórn Dalvíkurbyggðar 19. september 2006 og er því komin tími á endurskoðun hennar.

Markmið stefnunnar er að ramma inn upplýsingagjöf frá sveitarfélaginu í samræmi við upplýsingalög nr. 50/1996. Ný upplýsingalög tóku gildi 1. janúar 2013, lög nr. 140/2012.

Atvinnumála- og kynningarráð samþykkir með 5 atkvæðum að endurskoða upplýsingastefnu sveitarfélagsins og felur upplýsingafulltrúa og sviðsstjóra fjármála- og stjórnsýslusviðs að gera drög að endurskoðaðri stefnu.

4.7 Vefstefna, endurskoðun

Vefstefna Dalvíkurbyggðar var samþykkt á fundi bæjarstjórnar þann 8. desember 2009.

Tilgangur vefstefnunnar er að tryggja vefsetri Dalvíkurbyggðar ákveðna umgjörð. Ljóst er að þróun í vefmálum hefur verið mikil á síðustu árum og því kominn tími til að endurskoða vefstefnuna.

Atvinnumála- og kynningarráð samþykkir með 5 atkvæðum að endurskoða vefstefnu sveitarfélagsins og felur upplýsingafulltrúa og sviðsstjóra fjármála- og stjórnsýslusviðs að gera drög að endurskoðaðri stefnu.

4.8 Atvinnustefna Dalvíkurbyggðar

Á 1. fundi atvinnumála- og kynningarráðs þann 10. júlí 2014 var eftirfarandi bókað:

Atvinnumála- og kynningarráð tekur jákvætt í gerð atvinnustefnu og felur upplýsingafulltrúa að undirbúa jarðveginn.

Upplýsingafulltrúi leggur fyrir ráðið drög að áætlun um hvernig hægt væri að nálgast verkefnið.

Á 6. fundi atvinnumála- og kynningarráðs var eftirfarandi bókað:
Á fundinum kynnti upplýsingafulltrúi vinnuskjal er inniheldur vegavísir að því hvernig nálgast má þetta verkefni.
Atvinnumála- og kynningarráð mun halda áfram að vinna að þessu verkefni.

Tekinn var fyrir rafpóstur frá Þórli Víkingi Friðgeirssyni, dagsettur þann 26. febrúar 2015.
Innkominn tölvupóstur frá Þórði Víkingi Friðgeirssyni þar sem hann reifar hvort hægt væri að koma á samvinnu við Dalvíkurbyggð um stefnumörkun í ferðaþjónustu. Atvinnumála- og kynningarráð þakkar Þórði fyrir hans hugmyndir.
Lagt fram til kynningar.

4.9 Flugklasinn Air 66N - erindi til sveitarstjórnar

Tekið fyrir erindi frá Markaðsskrifstofu ferðamála á Norðurlandi, sent 2. mars 2015 í tölvupósti, þar sem óskað er eftir áframhaldandi stuðningi við flugklasaverkefnið Air 66N.

Markaðsskrifstofa Norðurlands hefur um árabil haft umsjón með starfi Flugklasans Air 66N en markmið klasans er að koma á beinu millilandaflugi um Akureyrarflugvöll allt árið um kring. Klasinn var stofnaður árið 2011 og eru stofnaðilar ríflega 20 ferðaþjónustufyrirtæki og 10 sveitarfélög. Meðfylgjandi erindinu er yfirlit yfir starf klasans fram til þessa.

Dalvíkurbyggð hefur verið aðili að verkefninu frá upphafi. Óskað er eftir samningi við sveitarfélagið til þriggja ára (2015-2017), að upphæð 300 kr á hvern íbúa árlega í þessi þrjú ár. Atvinnumála- og kynningarráð samþykkir samhljóða með 5 atkvæðum að Dalvíkurbyggð verði áfram aðili að þessu verkefni og leggur til við byggðaráð að gerður verði viðauki við fjárhagsáætlun 2015 við deild 13/41 að upphæð um 560.000.-

Atvinnumála- og kynningarráð óskar eftir því að fá verkefnisstjóra flugklasans á næsta fund ráðsins til að fá frekari kynningu á verkefninu.

Niðurstaða Til máls tóku:
Guðmundur St. Jónsson.
Heiða Hilmarsdóttir

4.10 Upplýsingamiðstöð Dalvíkurbyggðar, starfsemi og rekstur 2015.

Á 727. fundi byggðaráðs Dalvíkurbyggðar var eftirfarandi bókað:

Á 726. fundi byggðarráðs þann 12. febrúar s.l. var meðal annars eftirfarandi bókað:
"Byggðarráð samþykkir samhljóða með 3 atkvæðum að leggja til að bæta við einum mánuði hvað varðar opununartíma Upplýsingarmiðstöðvar þannig að gert verði ráð fyrir opnun júní - september og/eða eða í 4 mánuði og felur sviðsstjóra og Upplýsingafulltrúa að leggja fyrir byggðarráð útfærslu og beiðni um viðbótarheimild."

Með fundarboði byggðarráðs fylgdi minnisblað frá sviðsstjóra fjármála- og stjórnsýslusviðs þar sem óskað er eftir viðauka að upphæð kr. 394.944 vegna launa- og launatengdra gjalda, deild 13-60. Gerður er fyrirvari um opnunartíma júní - september þar sem ekki liggur fyrir hver verður ráðinn í starfið.

Upplýsingafulltrúi upplýsti á fundinum að búið er að ræða við forstöðumann bóka- og héraðsskjalasafns um áframhaldandi samstarf sem og framkvæmdastjóra Bergs.

Margrét vék af fundi kl. 14:09.
Byggðarráð samþykkir samhljóða með 3 atkvæðum ofangreinda beiðni um viðauka að upphæð kr. 394.000 á deild 13-60 og lækkun á lið 21-40-4391 á móti.

Til upplýsingar.

4.11 Leiðbeiningar um gerð siðareglana og hlutverk siðanefndar

Tekið fyrir erindi frá Sambandi íslenskra sveitarfélaga, dagsett 30. janúar 2015. Leiðbeiningar eru meðfylgjandi erindinu.

Siðanefnd Sambands íslenskra sveitarfélaga sem starfar skv. 29. gr. sveitarstjórnarlaga nr. 138/2011 hefur útbúið fræðslurit um hvað sveitarstjórnir þurfa að hafa í huga við gerð og endurskoðun siðareglna. Ritið ber heitið "Leiðbeiningar um gerð siðareglna og hlutverk siðanefndar".

Lagt fram. Niðurstaða Fleiri tóku ekki til máls um fundargerðina og annað þarfnast ekki afgreiðslu.

5.

Félagsmálaráð - 185, frá 12.2.2015

Málsnúmer 1502002F

Til staðfestingar í sveitarstjórn liðir:5.4

5.1 Hlutverk og starfsemi ungmennaráðs Dalvíkurbyggðar.

Erindi barst frá ungmennaráði Dalvíkurbyggðar um að koma inn á fund félagsmálaráðs og kynna sína starfsemi. Tilgangur ungmennaráðs er að þjálfa ungmenni í lýðræðislegum vinnubrögðum og skapa þeim vettvang til að koma á framfæri hagsmunamálum, skoðunum og áherslum ungs fólks á aldrinum 14-20 ára í Dalvíkurbyggð. Félagsmálaráð þakkar Ungmennaráði fyrir kynninguna og hlakkar til að eiga samstarf við nefndina.

5.2 Frumvarp til laga um félagsþjónustu sveitarfélaga (skilyrði fjárhagsaðstoðar), 416. mál.

Innkomið erindi frá nefndarsviði Alþingis dags 9.febrúar 2015 sl. þar sem Velferðarnefnd Alþingis sendir til umsagnar frumvarp til laga um félagsþjónustu sveitarfélaga (skilyrði fjárhagsaðstoðar), 416.mál. Félagsmálaráð finnst jákvætt að það sé verið að horfa til virkni fólks með þessu frumvarpi.

5.3 Námskeið fyrir félagsmálanefndir 2015

Erindi barst frá Sambandi íslenskra sveitarfélaga dags. 27. janúar 2015 þar sem Sambandið, í samstarfi við landshlutasamtök sveitarfélaga og velferðarráðuneytið, bjóði upp á námskeið fyrir kjörna fulltrúa sem valdir eru í félagsmálanefndir og starfsfólk félagsþjónustu. Þessi námskeið eru liður í almennu námskeiðahaldi sambandsins í kjölfar sveitarstjórnarkosninga.

Félagsmálaráð felur félagsmálastjóra að skrá ráðið á námskeiðið.

5.4 Gjaldskrár 2015

Félagsmálastjóri lagði fram gjaldskrár sviðsins, vegna leiguíbúða, heimilisþjónustu, lengdrar viðveru, sumarfjörs. Félagsmálaráð leggur til að hækka gjaldskrár um 3.4% yfir heildina, bæta við fastagjaldi í heimilisþjónustu og hækka húsaleigu um 15% ef einstaklingar eru með tekjur yfir tekju- og eignamörkum leiguíbúða. Einnig að bæta við sektargjaldi í lengdri viðveru og sumarfjöri. Einnig verður framfærslukvarði fjárhagsaðstoðar hækkaður um 3,4%. Niðurstaða Til máls tóku:
Guðmundur St. Jónsson.
Bjarni Th. Bjarnason, sem leggur til að tillögu um hækkun og breytingum á gjaldskrá Félagslegra íbúða verði vísað til byggðarráðs til umfjöllunar og að gjaldskrám félagsmálasviðs verði vísað til félagsmálaráðs að nýju.
Heiða Hilmarsdóttir.
Gunnþór Eyfjörð Gunnþórsson.

Sveitarstjórn samþykkir samhljóða með 7 atkvæðum ofangreinda tillögu Bjarna Th. Bjarnasonar.

5.5 Rekstrarkostnaður vegna félagsþjónustu sveitarfélaga 2013

Erindi barst frá Sambandi íslenskra sveitarfélaga varðandi félagsþjónustuskýrsluna að hún myndi berast á næstu misserum í rafrænu formi og verið er að bíða eftir að öll skýrslan sé tilbúin. Lagt fram til kynningar

5.6 Heilsueflandi félagsþjónusta

Erindi barst 14. janúar frá Gísla Rúnari Gylfasyni, íþrótta- og æskulýðsfulltrúa, þar sem óskað er upplýsinga um hvort:
- gerðar hafi verið stefnumarkandi breytingar á sviði félagsþjónustu sem og hvaða tækifæri félagsmálasvið sjái á framþróun/breytingum á félagsþjónustusviði þegar kemur að verkefninu Heilsueflandi samfélag.
Félagsmálastjóri kynnti fyrir félagsmálaráði hvaða verkefni unnin hafa verið á sviðinu og hvert er stefnt.

Félagsmálaráð telur að félagsþjónustusvið sé að flétta heilsueflingu inn í þjónustu við notendur sína og fagnar nýjum hugmyndum til framþróunar.

5.7 Reglur um fjárhagsaðstoð

Frestað til næsta fundar Niðurstaða Fleiri tóku ekki til máls um fundargerðina og annað þarfnast ekki afgreiðslu.

6.

Íþrótta- og æskulýðsráð - 66, frá 3.3.2015

Málsnúmer 1502010F

Til afgreiðslu í sveitarstjórn liðir:6.8

6.1 Leiðbeiningar um gerð siðareglana og hlutverk siðanefndar

Siðanefnd Samband íslenskra sveitarfélaga sem starfar skv. 29. gr. sveitarstjórnarlaga nr. 138/2011 hefur útbúið fræðslurit um hvað sveitarstjórnir þurfa að hafa í huga við gerð og endurskoðun siðareglna. Ritið ber heitið ,,Leiðbeiningar um gerð siðareglna og hlutverk siðanefndar".
Lagt fram til kynningar.

6.2 Skíðafélag Dalvíkur, framlenging á samstarfssamningi.

Tekið fyrir erindi frá Golfklúbbnum Hamri og Skíðafélagi Dalvíkur um sameiginlegan framkvæmdarstjóra félaganna. Félögin ásamt fulltrúum Dalvíkurbyggðar hafa fundað undanfarið með það að markmiði að kanna samstarfsmöguleika þessarra félaga. Nú óska GHD og SD formlega eftir því að slíkt samstarf verði að veruleika og kostnaðarskipting verði þannig að félögin greiði 1/3 af kostnaði og Dalvíkurbyggð 2/3 árið 2016. Þegar hefur sveitarfélagið úthlutað fjármagni til Skíðafélagsins til ráðningar á framkvæmdastjóra og myndi því Skíðafélagið greiða kostnaðinn á árinu 2015.
Áætlaður kostnaður Dalvíkurbyggðar vegna ársins 2016 er kr. 5.336.000 og rúmast það ekki inn í ramma sviðsins og vísar ráðið því erindinu til afgreiðslu byggðaráðs.
Starf framkvæmdastjóra mun aðallega felast í umsjón og markaðssetningu íþróttasvæðana frekar en í félagsstarfinu. Íþrótta- og æskulýðsráð vill einnig árétta að stefnt er að því að félögin beri í framtíðinni kostnað af stöðugildinu.
Íþrótta- og æskulýðsráð samþykkir erindið með fjórum atkvæðum. Jónína Guðrún Jónsdóttir sat hjá.

6.3 Vélsleði á skíðasvæðið á Dalvík

Sviðsstjóri fræðslu- og menningarsviðs og íþrótta- og æskulýðsfulltrúi gerðu grein fyrir heimild sem veitt var Skíðafélagi Dalvíkur til kaupa á vélsleða þar sem sá sem fyrir var var orðinn bilaður og óvíst hvort það borgaði sig að gera við hann, enda kominn til ára sinna. Samkvæmt styrktarsamningi við Skíðafélagið má félagið ekki ráðast í meiriháttar fjárfestingar eða skuldsetja sig án samþykkis Dalvíkurbyggðar en sleðinn verður greiddur á árunum 2015 og 2016.

6.4 Samningar við íþróttafélög 2016-2018

Farið var yfir samninga við íþróttafélögin og rætt með hvaða hætti vinna við endurnýjun fari fram. Ákveðið var að íþrótta- og æskulýðsfulltrúi boði starfshópinn og hvert íþróttafélag fyrir sig til fundar fljótlega. Rætt var um að útbúa skiptareglu til viðmiðunar um fjárhæðir í styrktarsamningum, þar verði m.a. tekið mið af stærð félags, fjölda iðkenda, iðkendatímabili, fjölda æfinga og kynjasjónarmiðum
Íþrótta- og æskulýðsráð telur mikilvægt að allir samningar verði skoðaðir frá grunni og unnið verði út frá núverandi starfsemi en ekki eingöngu út frá núverandi samningum.

6.5 Framlenging á leigusamningi vegna Rima

Sviðsstjóri fræðslu- og menningarsviðs og íþrótta- og æskulýðsfulltrúi gerðu grein fyrir stöðu á leigusamningi vegna Rima og að ekki væri búið að endurnýja formlega samning við Húsabakka ehf sem rann út um sl. áramót.
Íþrótta- og æskulýðsráð leggur áherslu á að slíkur samningur verði endurnýjaður hið fyrsta.

6.6 Vorfundur íþrótta- og æskulýðsráðs 2015

Íþrótta- og æskulýðsráð samþykkir að halda vorfund með forsvarsmönnum íþróttafélaganna 5. maí nk. kl. 16:00. Íþrótta- og æskulýðsfulltrúa er falið að boða félögin, bóka sal og veitingar. Á fundinum myndi ráðið vilja ræða stöðuna á gerð siðareglna félaganna og aðkomu félaganna að heiðursviðurkenningu íþrótta- og æskulýðsráðs. Einnig verður óskað eftir hugmyndum að umræðuefni frá félögunum.

6.7 Starfsemi félagsmiðstöðvar í Dalvíkurbyggð

Farið var almennt yfir stöðu á starfsemi félagsmiðstöðvar og 16+ starfi í Víkurröst. Heildar endurskipulagning stendur nú yfir með það að markmiði að efla fagstarf og festa Víkurröst frekar í sessi sem frístundahús. Áætlað er að þeirri vinnu ljúki í lok apríl og verður hún þá kynnt ráðinu.

6.8 Reglur um kjör á íþróttamanni ársins

Sveitarstjórn vísaði þessu máli aftur til ráðsins til frekari skoðunar.
Íþrótta- og æskulýðsráð fór yfir reglurnar og gerði skýrari vinnureglur um það með hvaða hætti atkvæði á milli valnefndar og almennrar kosningar skiptast. Niðurstaða Á fundinum voru lagðar fram upplýsingar hvað varðar dæmi um útreikninga samkvæmt reglunum.

Til máls tóku:
Bjarni Th. Bjarnason.
Guðmundur St. Jónsson.
Valdís Guðbrandsdóttir.
Gunnþór Eyfjörð Gunnþórsson.

Fleiri tóku ekki til máls um fundargerðina og annað þarfnast ekki afgreiðslu.

7.

Landbúnaðarráð - 94, frá 12.2.2015

Málsnúmer 1412010F

7.1 Fjallgirðingar 2015

Til umræðu fyrirhugaðar breytingar á þáttöku sveitarfélagsins við viðhald fjallgirðinga á Árskógsströnd. Á fundinn mættir fulltrúi Vegagerðarinnar Pálmi Þorsteinsson. Fulltrúi Vegagerðarinnar Pálmi Þorsteinsson útskýrði styrkjakerfi Vegagerðarinnar hvað varðar girðingar.
Ráðið þakkar Pálma fyrir greinargóðar upplýsingar.
Landbúnaðarráð felur sviðsstjóra að taka saman allar þær upplýsingar sem fyrir liggja og hugmyndir að nýju fyrirkomulagi varðandi fjallgirðingar og þær sendar bændum og landeigendum á Árskógsströnd til kynningar.

7.2 Siðareglur fyrir kjörna fulltrúa; endurskoðun í upphafi kjörtímabils.

Til kynningar endurskoðaðar siðareglur kjörinna fulltrúa. Ráðið hefur kynnt sér siðareglurnar og gerir ekki athugasemdir. Niðurstaða Enginn tók til máls um fundargerðina og annað þarfnast ekki afgreiðslu.

8.

Landbúnaðarráð - 95, frá 12.3.2015

Málsnúmer 1503002F

8.1 Hlutverk og starfsemi ungmennaráðs Dalvíkurbyggðar.

Erindi barst frá ungmennaráði Dalvíkurbyggðar um að koma inn á fund Landbúnaðarráðs og kynna sína starfsemi. Tilgangur ungmennaráðs er að þjálfa ungmenni í lýðræðislegum vinnubrögðum og skapa þeim vettvang til að koma á framfæri hagsmunamálum, skoðunum og áherslum ungs fólks á aldrinum 14-20 ára í Dalvíkurbyggð Landbúnaðarráð þakkar Ungmennaráði fyrir kynninguna og hlakkar til að eiga samstarf við nefndina.

8.2 Fundargerðir fjallskiladeilda 2014

Til kynningar fundargerð fjallskiladeildar Svarfdæladeildar frá 31.08.2014 Landbúnaðarráð gerir ekki athugasemd við fundagerðina.

8.3 Fjallgirðingar 2015

Til umræðu breytingar á fyrirkomulagi við viðhald fjallgirðinga í Dalvíkurbyggð. Ákveðið var að fá Ólaf Dýrmundsson ráðunaut til ráðgjafar um breytt fyrirkomulag viðhalds fjallgirðinga, gert er ráð fyrir að fá hann á næsta fund ráðsins.

8.4 Fjallskil og göngur 2015

Til umræðu ákvörðun um fjallskil og göngur haustið 2015. Ráðið felur sviðsstjóra að senda út skoðanakönnun á sauðfjárbændur í Dalvíkurbyggð um dagsetningar gangna haustið 2015.
Um er að ræða helgarnar 5.-6. september eða 12.-13. september sem fyrstu göngur. Niðurstaða Enginn tók til máls um fundargerðina og annað þarfnast ekki afgreiðslu.

9.

Menningarráð - 48, frá 5.3.2015

Málsnúmer 1501010F

9.1 Hlutverk og starfsemi ungmennaráðs Dalvíkurbyggðar.

Undir þessum lið kom fulltrúi úr ungmennaráði Dalvíkurbyggðar, Hugrún Lind Bjarnadóttir á fundinn. Hugrún kynnti hlutverk ungmennaráðs og hvatti fundarmenn til að vísa málum, sem erindi eiga við ungmenni, til umsagnar ungmennaráðs.

Menningarráð þakkar Hugrúnu kærlega fyrir kynninguna og gagnlegar umræður.

Hugrún vék af fundi 8:40

9.2 Siðareglur fyrir kjörna fulltrúa.

Með fundarboði fylgdi siðareglur kjörinna fulltrúa.

Lagt fram.

9.3 Leikfélag Dalvíkur, samningur

Undir þessum lið komu á fundinn Sonja Guðmundsdóttir og Borghildur Freyja Rúnarsdóttir úr stjórn Leikfélags Dalvíkur.

Styrktarsamningur Leikfélags Dalvíkur (LD) og Dalvíkurbyggðar er nú runninn út og hófust umræður um nýjan samning og nýtingu á húsnæðinu.

Fulltrúum Leikfélags Dalvíkur þökkuð koman á fundinn og samþykkt að heimsækja LD á næsta fundi ráðsins.

Sonja og Borghildur véku af fundi kl 10:15

9.4 Menningarstefna Dalvíkurbyggðar

Menningarráð tók til umræðu menningarstefnu Dalvíkurbyggðar.

Til kynningar.

9.5 Framtíðarnýting á Ungó og Sigtúni

Með fundarboði fylgdi fyrirspurn sem barst frá DB blaðinu um hver framtíðarsýn sveitarfélagsins er um starfsemi í Ungó.

Menningarráð vann að svari við fyrirspurninni á fundinum.

9.6 Minnisvarði um Látra- Björgu

Með fundarboði fylgdi rafbréf, dagsett 24.2.2015 frá Sveini Jónssyni til sviðsstjóra þar sem hann fjallar um sögu Látra Björgu og mikilvægi þess að vekja athygli á sögu hennar.

Menningarráð þakkar Sveini fyrir erindið og samþykkir að bjóða honum til næsta fundar ráðsins.

9.7 17. júní 2015

Menningarráð tók til umræðu 17. hátíðarhöld sveitarfélagsins.

Samþykkt var að bjóða íþrótta- og æskulýðsfulltrúa og upplýsingafulltrúa til næsta fundar ráðsins og óska eftir hugmyndum frá Ungmennaráði um hátíðarhöld.

9.8 Umsóknir í menningarsjóð Dalvíkurbyggðar 2015

Frestað til næsta fundar. Niðurstaða Enginn tók til máls um fundargerðina og annað þarfnast ekki afgreiðslu.

10.

Umhverfisráð - 261, frá 13.3.2015

Málsnúmer 1502004F

Til afgreiðslu í sveitarstjórn liðir:10.3.10.5.10.6.10.8.10.11

10.1 Innkomið erindi vegna leysinga við Böggvisbraut 16

Tekið fyrir erindi sem barst með rafpósti dags. 12.febrúar 2015 þar sem íbúi við Böggvisbraut 16 á Dalvík óskar eftir viðræðum um úrbætur vegna leysingavatns frá opnu leiksvæði. Umhverfisráð felur sviðsstjóra að gera bráðabirgðalausn fyrir vorið og varanlega lausn næsta sumar í samráði við íbúa.

10.2 Fundargerðir 2015

Til kynningar fundargerðir heilbrigðiseftirlits Norðurlands eystra frá 14. janúar og 4. febrúar 2015. Ráðið hefur kynnt sér fundagerðirnar og gerir ekki athugasemdir.

10.3 Umsókn um byggingarleyfi vegna niðurrifs á Skíðabraut 2, Dalvík

Til afgreiðslu umsókn umhverfis- og tæknisviðs fyrir hönd eignasjóðs vegna niðurrifs á Skíðabraut 2, Dalvík Umhverfisráð ákvað að greiða atkvæði um umsóknina.
Umsóknin samþykkt með fjórum atkvæðum.
Helga Íris Ingólfsdóttir greiðir atkvæði á móti og óskar eftir að eftirfarandi verði bókað:
Það er leitt að sjá á eftir rúmlega sjötíu ára gömlu húsi í gamla miðbæ Dalvíkur.
Mikilvægt er að sveitarfélagið móti sér stefnu í varðveislu gamalla húsa. Niðurstaða Til máls tóku:
Guðmundur St. Jónsson.
Bjarni Th. Bjarnason.

10.4 Leyfi til lendinga þyrlna á landi sveitarfélagsins.

Með rafpósti dags. 23.02.2015 óskar Jökull Bergmann fyrir hönd Icelandic Mountain Guide eftir leyfi til að lenda þyrlum í landi sveitarfélagsins. Umhverfiráð hefur leitað álits hlutaðeigandi aðila og hefur fengið jákvæð svör við innsendu erindi. Sviðsstjóra falið að ræða við umsækjanda um lendingar á Böggvisstaðarsandi og breytingu á lendingastað við skíðasvæði.

10.5 Deplar í Austur-Fljótum. Breyting á Aðalskipulagi 2009-2021

Til umsagnar breyting á aðalskipulagi sveitarfélagsins Skagafjarðar 2009-2021 Umhverfisráð Dalvíkurbyggðar gerir ekki athugasemdir við umræddar breytingar.

10.6 Tilboð í niðurrif á Skíðabraut 2, dalvík

Til kynningar tilboð í niðurrif á Skíðabraut 2, Dalvík. Ráðið leggur til að tilboði Steypustöðvarinnar Dalvík ehf verði tekið.

10.7 Viðbygging við Krílakot

Til kynningar niðurstöður grenndarkynningar vegna viðbyggingar við Krílakot Umhverfisráð þakkar innsendar ábendingar og felur sviðsstjóra að koma þeim á framfæri við hönnuð hússins ásamt ábendingum ráðsins.

10.8 Umsókn um byggingarleyfi

Fyrir hönd Dalvíkurbyggðar óskar AVH eftir byggingarleyfi vegna viðbyggingar við Krílakot samkvæmt meðfylgjandi gögnum. Umhverfisráð samþykkir umsóknina og felur sviðsstjóra að gefa út umbeðið leyfi. Niðurstaða Til máls tóku:
Guðmundur St. Jónsson.
Bjarni Th. Bjarnason.

10.9 Deiliskipulag Dalvíkurhafnar, endurskoðun

Á 26. fundi veitu- og hafnarráðs voru til umræðu drög að deiliskipulagi Dalvíkurhafnar og var ákveðið að leita umsagnar umhverfiráðs. Umhverfisráð saknar þess að ekki fylgi greinagerð með tillögu veitu- og hafnarráðs af deiliskipulagi Dalvíkurhafnar. Ráðið vill einnig benda á að skipulagsmál sveitarfélagsins heyra undir umhverfisráð og óskar ráðið eftir frekari samstarfi við veitu- og hafnarráð bæði vegna skipulagsvinnu og kostnaðar vegna hennar.

10.10 Endurskoðun á deiliskipulags Hólahverfis

Til umræðu athugasemdir frá íbúum vegna hugmynda að breytingum deiliskipulags hólahverfis. Umhverfisráð þakkar íbúum við Skógarhóla fyrir innsendar ábendingar.
Áframhaldandi vinnu við deiliskipulagið er frestað. Niðurstaða Til máls tóku:
Guðmundur St. Jónsson.
Bjarni Th. Bjarnason.

10.11 Skipulagsmál 2015

Til umræðu skipulagsmál og fyrirhugaðar deiliskipulagsgerðir. Ráðið leggur til að deiliskipulag á Árskógssandi verði sett í forgang ásamt öðrum skipulögum samkvæmt umræðum á fundinum. Niðurstaða Til máls tóku:
Guðmundur St. Jónsson.
Bjarni Th. Bjarnason.

Fleiri tóku ekki til máls um fundargerðina og annað þarfnast ekki afgreiðslu.

11.

Ungmennaráð - 6, frá 12.3.2015

Málsnúmer 1503005F

11.1 17. júní 2015

Menningarráð óskaði eftir hugmyndum frá ungmennaráði um hátíðarhöld á 17. júní.
Ungmennaráð leggur til að eftirfarandi verði haft í huga við undirbúning hátíðarhaldanna í ár:

Fá tónlistarmenn úr heimabyggð. Aldursskipta sundlaugarskemmtun. Fá björgunarsveitina til að vera með kynningu á sínum tækjum og tólum, t.d. bátar, bílar og kassaklifur.
Tengja skottsölu (markað) við 17. júní hátíðarhöldin. Rennibrautin, sápuboltinn og karmellukastið sem var á síðasta ári heppnaðist mjög vel og væri gott að halda í það. Bjóða bæjarbúum að skoða sjúkra-, slökkvi- og lögreglubíla og jafnvel búnað tengdan þeirra starfsemi. Tónlist í skrúðgöngu og leggja áherslu á góða auglýsingu á dagskrá.

Ungmennaráð lýsir yfir áhuga á að taka að sér verkefni á 17. júní sem fjáröflun til að geta staðið fyrir frekari verkefnum fyrir ungmenni í Dalvíkurbyggð.

11.2 Leiðbeiningar um gerð siðareglana og hlutverk siðanefndar

Siðanefnd Samband íslenskra sveitarfélaga sem starfar skv. 29. gr. sveitarstjórnarlaga nr. 138/2011 hefur útbúið fræðslurit um hvað sveitarstjórnir þurfa að hafa í huga við gerð og endurskoðun siðareglna. Ritið ber heitið ,,Leiðbeiningar um gerð siðareglna og hlutverk siðanefndar".
Lagt fram til kynningar.

11.3 Ungmennaþing ungmennaráðs Dalvíkurbyggðar 2015

Ræddar hugmyndir að því með hvaða fyrirkomulagi ungmennaþing ungemnnaráðs yrði haldið. Stefnt er að því að halda þingið í lok apríl. Ungmennaráð mun halda a.m.k. tvo vinnufundi í Víkurröst fyrir þingið. Niðurstaða Enginn tók til máls um fundargerðina og ekkert þarfnast afgreiðslu.

12.

Veitu- og hafnaráð Dalvíkurbyggðar - 25, frá 25.2.2015

Málsnúmer 1502008F

12.1 Gagnaveita Dalvíkurbyggðar

Til umræður hefur verið í veitu- og hafnaráði hvernig best verði staðið að því að tryggja íbúum Dalvíkurbyggðar öruggt netsamband. Veitu- og Hafnaráð hefur leitað til Tengis hf, en það fyrirtæki lagði ljósleiðara um Árskógsströnd og Svarfaðardal 2007. Það verk var unnið í tengslum við lagningu dreifikerfis á heitu- og köldu vatni um framangreint svæði. Fyrir liggja nú drög að samningi við Tengi hf til þriggja ára um að ljúka því verki sem hófst á árinu 2007. Með vísan til tölvupósts, sem dagsettur er 19. febrúar 2015, frá Tengi hf vegna efniskaupa vegna þeirra framkvæmda sem fyrirhugðar eru fyrir þetta ár. Veitu- og hafnaráð óskar eftir því við Tengi hf að reikna með því í ofangreindum efniskaupum að farið verið í framkvæmdir samkvæmt framkvæmaáætlun vegna gagnaveitu í Dalvíkurbyggð.

Veitu- og hafnaráð samþykkir að ganga til samninga við Tengi hf á grundvelli framlagðs draga að samningi.

12.2 Hafnasamlag Norðurlands, samráðsfundur.

Til umræðu hefur verið nú um tíma að hefja viðræður við Hafnasamlag Norðurlands (HN) um samstarf og/eða sameiningu Hafnasjóðs Dalvíkurbyggðar (HD)og HN. Fyrir fundinum lá minnisblað frá sveitarstjóra vegna undirbúnings viðræðna á milli HD og HN. Sveitarstjóra er falið að fullgera SVÓT greiningu sem unnin var á fundinum. Sviðstjóra falið að óska eftir fundi með Hafnasamlagi Norðurlands á Dalvík 25. mars nk. Niðurstaða Enginn tók til máls um fundargerðina og ekkert þarfnast afgreiðslu.

13.

Veitu- og hafnaráð Dalvíkurbyggðar - 26, frá 10.3.2015

Málsnúmer 1503003F

Til afgreiðslu í sveitarstjórn liðir:13.213.7

13.1 Hlutverk og starfsemi ungmennaráðs Dalvíkurbyggðar.

Erindi barst frá ungmennaráði Dalvíkurbyggðar um að koma inn á fund veitu- og hafnaráðs og kynna starfsemi sína. Tilgangur ungmennaráðs er að þjálfa ungmenni í lýðræðislegum vinnubrögðum og skapa þeim vettvang til að koma á framfæri hagsmunamálum, skoðunum og áherslum ungs fólks á aldrinum 14-20 ára í Dalvíkurbyggð. Enginn mætti frá ungmennaráði Dalvíkurbyggðar en þau höfðu bókað sig á fund ráðsins kl. 7:30.

13.3 Leiðbeiningar um gerð siðareglana og hlutverk siðanefndar

Siðanefnd Samband íslenskra sveitarfélaga sem starfar skv. 29. gr. sveitarstjórnarlaga nr. 138/2011 hefur útbúið meðfylgjandi fræðslurit um hvað sveitarstjórnir þurfa að hafa í huga við gerð og endurskoðun siðareglna. Ritið ber heitið "Leiðbeiningar um gerð siðareglna og hlutverk siðanefndar".
Reynt var að setja leiðbeiningarnar upp á einfaldan og skýran hátt og notast við dæmi til að vekja fólk til umhugsunar. Vonast siðanefndin til þess að leiðbeiningarnar veki upp jákvæða umræðu um siðamál og að hún nýtist kjörnum fulltrúum í sinni vinnu.

Lagt fram til kynningar.

13.4 Fundargerðir Hafnasambandsins 2015

Með rafpósti sem dagsettur er 18. febrúar 2015 barst fundargerð 372. fundar stjórnar Hafnasambands Íslands.Umræddur fundur var haldinn 13. febrúar sl.
Í viðhengi má einnig finna tillögu að landsskipulagsstefnu 2015-2026. Í henni má finna kafla sem snertir hafnirnar. Lagt fram til kynningar.

13.5 Starfsleyfisskilyrði og ný fráveitusamþykkt

Með rafpósti frá heilbrigðisfulltrúa eru kynnt neðangreind ákvæði en þau eru fengin heilbrigðisnefnd en þau fjalla um forhreinsun iðnaðarskólps og er fyrirmyndin fengin úr innahúsvinnu hjá Orkuveitu Reykjavíkur.
Heilbrigðisfulltrúi bendir á að það sé um að gera að setja þessi skilyrði inn í nýja fráveitusamþykkt Dalvíkurbyggðar. Lagt fram til kynningar.

13.6 Deiliskipulag Dalvíkurhafnar, endurskoðun

Kynnt var á fundinum ný tillaga að fyrirkomulagi innan hafnar. Veitu- og hafnaráð samþykkir að senda umrædd drög að deiliskipulagi til umsagnar umhverfisráðs.

13.7 Gagnaveita Dalvíkurbyggðar

Fyrir fundinum liggja samningsdrög við Tengi hf um lagningu ljósleiðara í Dalvíkurbyggð. Veitu- og hafnaráð leggur til við sveitarstjórn að samningurinn verði samþykktur. Niðurstaða Til máls tóku:
Bjarni Th. Bjarnason, sem leggur til að þessum lið verði vísað til byggðarráðs til umfjöllunar.
Guðmundur St. Jónsson.
Gunnþór Eyfjörð Gunnþórsson.

Sveitarstjórn samþykkir samhljóða með 7 atkvæðum ofangreinda tillögu.

13.8 Uppsögn úr starfi hafnavarðar.

Mað rafpósti, sem dagsettur er 8. mars 2015, segir Óli Þór Jóhannsson hafnavörður, upp störfum hjá Dalvíkurbyggð. Veitu- og hafnaráð þakkar óla Þór vel unnin störf fyrir Hafnasjóð Dalvíkurbyggðar og óskar honum velfarnaðar á nýjum starfsvettfangi. Niðurstaða Til máls tóku:
Guðmundur St. Jónsson.
Bjarni Th. Bjarnason.

Sveitarstjórn tekur undir þakkir veitu- og hafnaráðs til hafnavarðar.

Fleiri tóku ekki til máls um fundargerðina og annað þarfnast ekki afgreiðslu.

14.

Frá Flokkun Eyjafjörður ehf.; Samvinna í úrgangsmálum.

Málsnúmer 201503111

Tekið fyrir erindi frá Flokkun Eyjafjörður ehf., rafpóstur dagsettur þann 18. febrúar 2015, þar sem vísað er í meðfylgjandi minnisblað frá fundi 11. febrúar 2015. Minnt er á tilnefningu hvers svæðis, þ.e. austur-, mið- og vestursvæðis i starfshóp sem vinnur áfram að samstarfsmálunum og að móta umræðu við stjórnvöld.