Stjórn Leiguíbúða Dalvíkurbyggðar hses

Farið yfir ársreikning Leiguíbúða Dalvíkurbyggðar hses.fyrir árið 2023, sem unninn er af KPMG ehf. Tap varð á rekstri félagsins að fjárhæð kr. 10.838.988.- samkvæmt rekstarreikningi.

Lagt fram yfirlit yfir rauntölur Leiguíbúða Dalvíkurbyggðar hses. fyrir árin 2022 og 2023 og fjárhagsáætlun ársins 2025 - 2028.

Til umræðu ársfundur félagsins og boðun hans. Ársfundur hefur verið boðaður þann 27.ágúst 2024, kl. 17:00 og verður hann haldinn á 3.hæð Ráðhúss Dalvíkur í Upsa. Fundurinn var boðaður þann 9.ágúst og með fundarboði fylgdi eftirfarandi: Dagskrá fundar, Ársreikningur 2023, Rekstur hússjóðs 2023 og fundargerð ársfundar 2023.Þann 16.ágúst sl. var fjárhagsáætlun áranna 2025 - 2028 send fundarmönnum ásamt tillögu að fjárhæð leigu ársins 2025.

Þann 1.janúar 2023 tóku breytt húsaleigulög gildi (nr. 36/1994) sem höfðu bandormsáhrif á önnur lög. Má þar helst nefna lög um tekjuskatt (nr. 90/2003) og lög um húsnæðisbætur (nr. 75/2016). Stærsta breytingin snéri að skyldu leigusala sem leigja út fleiri en tvær íbúðir, um að skrá húsaleigusamning um íbúðarhúsnæði í húsnæðisgrunn HMS. Þessi breyting á einnig við um sveitarfélög og félög þeim tengdum.Þar sem leigusamningar Leiguíbúða Dalvíkurbyggðar hses., runnu út þann 1.apríl sl., voru nýir samningar skráðir rafrænt í MyIgloo/Leiguskjól. Þar með hefur félagið uppfyllt breytt húsaleigulög.

Tekið fyrir erindi frá HMS frá því í maí sl. um er að ræða árlegt eftirlit HMS og óskar stofnunin eftir að fá eftirtalin gögn send:Staðfestan ársreikning fyrir 2023, ásamt skýrslu stjórnar, áritun endurskoðenda ogupplýsingum um hvenær ársreikningurinn var samþykktur.Skýrslu um rekstur þar sem fjallað er um kaup og byggingu almennu íbúðanna, úthlutunþeirra og tekjuviðmið, ákvörðun leigufjárhæðar, notkun og fjármögnun almennu íbúðanna.Almennt skal miðað við að greinargerðin sé ekki lengri en 2-3 bls. að undanskildumfylgigögnum.Gildandi samþykktir, reglur eða upplýsingar/önnur gögn sem stofnframlagshafi telur rétt aðleggja fram vegna erindis þessa.Upplýsingar um tengilið við HMS vegna stofnframlaga. Framkvæmdarstjóri Leiguíbúða Dalvíkurbyggðar hses., upplýsti, 6.maí sl., HMS um að öll gögn verði send stofnuninni að loknum ársfundi félagsins.

Þann 1. september næstkomandi taka gildi breytingar á húsaleigulögum. Mikilvægt er fyrir leigusala að kynna sér efni þessara breytinga. Með fundarboði fylgdi yfirferð HMS, yfir helstu atriði þessara breytinga.

Dyrabjöllur hafa ekki verið að virka sem skyldi. Starfsmaður Eigna- og framkvæmdadeildar ætlar að fá Rafeyri sem sá um uppsetningu þeirra til þess að fara yfir þær.

Slökkvitæki í Lokastíg voru yfirfarin af Securitas í apríl.

Það er kominn tími á yfirferð loftræstikerfis í Lokastíg. Beiðni hefur verið send á Eigna- og framkvæmdadeild, starfsmaður ætlar að athuga merkingar á loftræstikerfinu og meta hvaða leið sé best að fara í þessu.