Stjórn Leiguíbúða Dalvíkurbyggðar hses

Vigfús Sigurðsson frá Mannvit sat fundinn undir þessum lið.Á 41. fundi stjórnar leiguíbúða Dalvíkurbyggðar hses, þann 23. október 2019, var eftirfarandi bókað:"Stjórn Leiguíbúða Dalvíkurbyggðar hses lýsir yfir áhyggjum sínum með verkstöðu framkvæmda í Lokastíg og skorar á verktaka að skila inn ítarlegri verkáætlun yfir verkið til loka framkvæmda. Óskað er eftir að verkáætlun verði tilbúin innan viku, þ.e. þriðjudaginn 29. október nk. Stjórn félagsins vill árétta tjón þess, vegna tafa á afhendingu verksins og gerir verktaka alfarið ábyrgan fyrir því tjóni sem félagið hefur orðið fyrir."Jón Ingi Sveinsson og Sveinn Elías Jónsson frá Kötlu ehf. mættu á fundinn kl. 10:30.Farið yfir gögn sem Katla ehf. leggur fram, uppfærða verkáætlun og kostnaðaráætlun Kötlu ehf.á útistandandi verkþáttum.Jón Ingi og Sveinn Elías viku af fundi að loknum viðræðum kl. 11:42.Stjórn fór yfir stöðu félagsins, gagnvart verksamningnum og stöðu framkvæmda, einnig gagnvart skuldbindingum félagsins, skjólstæðingum, lánafyrirgreiðslu o.fl.