Stjórn Leiguíbúða Dalvíkurbyggðar hses

Undir þessum lið mættu á fundinn Vigfús Sigurðsson frá Mannvit og Þorsteinn Björnsson frá Dalvíkurbyggð kl. 10:00.Kristján E. Hjartarson, eftirlitsmaður á verkstað, mætti til fundarins kl. 10:40.Á 40. fundi stjórnar Leiguíbúða Dalvíkurbyggðar hses þann 16. október 2019 var eftirfarandi bókað:"Umræður um stöðu framkvæmda í Lokastíg. Undirverktaki Kötlu hefur sagt sig frá verkinu og er farinn frá því. Verkmenn frá Kötlu ehf. vinna nú að því að loka syðra húsinu. Ólíklegt er að Katla ehf. standi undir því að ljúka verkinu á grundvelli undirritaðs samnings við Leiguíbúðir Dalvíkurbyggðar hses.Stjórn Leiguíbúða Dalvíkurbyggðar hses samþykkir samhljóða með 3 atkvæðum að tekin verði verkstaða á verkstað í Lokastíg miðað við stöðu framkvæmda í dag. Einnig að tekin verði birgðastaða á efni sem komið er á staðinn. Skoðað verði með stöðu á pöntun á innréttingum. Í þessa úttekt fari Börkur Þór Ottósson fyrir hönd stjórnar Leiguíbúðanna, Kristján Hjartarson eftirlitsmaður á verkstað og Elías Þór Höskuldsson byggingarstjóri Kötlu ehf.Magntekin staða liggi fyrir eigi síðar en nk. þriðjudag, 22. október."Farið var yfir úttekt Barkar, Kristjáns og Elíasar. Stöðu framkvæmda, birgðastöðu og áætlun um hvað er komið og hvað vantar þ.e. stöðuskýrslu frá Kristjáni. Einnig áætlun frá Mannvit um kostnað við að ljúka verkinu.Vigfús, Þorsteinn og Kristján viku af fundi kl. 11:40.

Tekið fyrir erindi frá Elektro Co ehf. dagsett 18.10.2019, beiðni um upplýsingar um útboðsferil og verksamning sem gerður var um byggingu húsanna í Lokastíg 3-17.a) Í fyrsta lagi er óskað eftir því hvort að í útboðsferlinu hafi verið farið eftir lögum um opinber innkaup.b) Í öðru lagi er óskað eftir því hvort að í útboðsgögnum eða verksamningi sé kveðið á um keðjuábyrgð hjá verkkaupa sem í þessu tilfelli er þá Dalvíkurbyggð.Farið yfir fyrirspurnina og málið rætt.