Stjórn Leiguíbúða Dalvíkurbyggðar hses

Undir þessum lið kom á fund stjórnar Ágúst Hafsteinsson, frá Form Ráðgjöf ehf., kl. 14:00.Á 10. fundi stjórnar þann 22. maí s.l. var eftirfarandi bókað:"Á fundinum var farið yfir framvindu mála hvað varðar undirbúning framkvæmda, hönnunar og útboðs frá fundi stjórnar þann 3. maí s.l. Rætt um hvaða möguleikar eru í boði hvað varðar til dæmis val á byggingarefni, umsjón með framkvæmdinni, útboð og/eða val á verktökum.Stjórn samþykkir samhljóða með 3 atkvæðum að fela Berki Þór að fá nánari upplýsingar frá hönnuði um undirbúning framkvæmda hvað varðar val á byggingaefni og næstu skref. Valkostum sé stillt upp í samanburði. Einnig að unnið verði áfram að hönnunarsamningi við Form ráðgjöf ehf."Á fundinum var rætt um þær upplýsingar sem Ágúst hefur unnið að á milli funda og samanburð á byggingaleiðum. Ágúst vék af fundi kl. 15:32.

Á 10. fundi stjórnar þann 22. maí s.l. var eftirfarandi bókað:"Tekin fyrir frétt af vef Samgöngu- og sveitarstjórnarráðuneytisins, dagsett þann 9. maí 2018, þar sem fram kemur að gefin hefur verið út ný reglugerð um starfsemi Fasteignasjóðs Jöfnunarsjóðs sveitarfélaga. Þar er m.a. kveðið á um skilyrði þess að veittir séu styrkir til sveitarfélaga úr sjóðnum en sjóðurinn hefur það hlutverk að hafna aðstöðu sveitarfélaga við uppbyggingu eða breytingar á fasteignum sem nýttar eru í þjónustu við fatlað fólk með miklar og/eða sértækar stuðningsþarfir. Umsóknir sveitarfélaga um styrki á þessu ári skulu hafa borist Jöfnunarsjóði sveitarfélaga eigi síðar en 1. júní n.k.Stjórnin samþykkir samhljóða með 2 atkvæðum að fela framkvæmdastjóra að afla nánari upplýsinga hjá Jöfnunarsjóði um umsóknarferli í Fasteignasjóðinn."Guðrún Pálína gerði grein fyrir símafundi sem hún og sviðstjóri félagsmálasviðs áttu með Guðna Geir Einarssyni, sérfræðingi, þriðjudaginn 29. maí s.l. hjá Jöfnunarsjóði sveitarfélaga, um ofangreint. Fram kom að búið væri að gera ráð fyrir framlagi sjóðsins í samkomulagi á milli Leiguíbúða Dalvíkurbyggðar hses og Íbúðalánasjóðs þannig að ekki kæmi til viðbótarframlag úr Fasteignasjóðnum.