Skipulagsráð

Á fundi sveitarstjórnar þann 28. nóvember sl. var staðfestur forgangslisti yfir deiliskipulagsvinnu í Dalvíkurbyggð. Samkvæmt listanum eru eftirfarandi svæði í fyrsta forgangi varðandi skipulagsvinnu:- Athafnasvæði við Sandskeið - Hesthúsasvæði Ytra-Holti - Hafnarsvæði Árskógssandi - Hafnarsvæði á Dalvík

Lagt fram að beiðni byggðaráðs erindi þess efnis að gerð verði breyting á Aðalskipulagi Dalvíkurbyggðar 2008-2020 og deiliskipulagi Hóla- og Túnahverfis sem felst í stækkun íbúðarbyggðar ÍB-314, fjölgun byggingarlóða, landmótun og byggingu nýrrar götu út frá Skógarhólum.Málið var áður á dagskrá skipulagsráðs þann 8. nóvember 2023.

Rætt um stöðu mála varðandi úthlutun lóða við Svarfaðarbraut 19-25. Nýtt deiliskipulag fyrir umræddar lóðir tók gildi í ágúst 2023.

Lögð fram til kynningar drög að samningi um rannsókna- og nýtingarleyfi í tengslum við áform um virkjun Þorvaldsdalsár.

Kynningu á skipulagslýsingu fyrir breytingu á Aðalskipulagi Dalvíkurbyggðar 2008-2020 vegna áforma um efnisnám við Hálsá lauk þann 30. desember sl. Engar athugasemdir bárust. Umsagnir bárust frá Fiskistofu, Hafrannsóknastofnun, Vegagerðinni, Heilbrigðiseftirliti Norðurlands eystra, Minjastofnun Íslands, Hörgársveit, Fjallabyggð, Umhverfisstofnun og Skipulagsstofnun.

Á fundi sveitarstjórnar þann 23. janúar sl. var samþykkt að gera breytingu á Aðalskipulagi Dalvíkurbyggðar 2008-2020 í tengslum við nýtt deiliskipulag fyrir miðsvæði Dalvíkur.Breytingin felur í sér eftirfarandi:- Stækkun íbúðarsvæða ÍB-302 og ÍB-303 á kostnað aðliggjandi svæða O-301 og S-304.- Stækkun miðbæjarsvæðis M-306 til norðurs á kostnað opins svæðis O-301.

Lögð fram tillaga á vinnslustigi að deiliskipulagi fyrir miðsvæði Dalvíkur, unnin af Form ráðgjöf ehf.Málið var áður á dagskrá skipulagsráðs þann 10. janúar sl.

Lögð fram endurskoðuð drög að tillögu að breytingu á deiliskipulagi atvinnu- og íbúðarsvæðis á Árskógssandi, unnin af Form ráðgjöf ehf. Breytingin gerir ráð fyrir eftirfarandi:- Lóðir nr. 31, 33 og 35 við Öldugötu verði sameinaðar í eina lóð með þremur byggingarreitum. Ný lóð verður nr. 31 við Öldugötu. - Hámarksnýtingarhlutfall sameinaðrar lóðar verði 0,55 fyrir byggingar á einni hæð og 0,6 fyrir byggingar á einni hæð með millilofti eða efri hæð. - Hámarksvegghæð bygginga verði 8 m og hámarksmænishæð verði 11 m. Meðfylgjandi eru deiliskipulagsuppdráttur og skýringarmynd.

Erindi dagsett 22. janúar 2024 þar sem Eiríkur Knútur Gunnarsson sækir um leyfi til byggingar íbúðarhúsa á jörðinni Syðra Holti. Fyrirhugað er að reisa tvö hús; annarsvegar 120 m2 íbúðarhús á einni hæð og hinsvegar 80 m2 íbúðarhús á einni eða einni og hálfri hæð.Ekki er í gildi deiliskipulag á svæðinu. Meðfylgjandi er afstöðumynd.

Erindi dagsett 27. nóvember 2023 þar sem Skipulagsstofnun óskar umsagnar Dalvíkurbyggðar um matsáætlun fyrir fyrirhugaða landfyllingu og höfn í Dysnesi í Hörgársveit. Umsagnarfrestur er veittur til 15. febrúar nk.

Erindi dagsett 18. janúar 2024 þar sem Matvælastofnun óskar eftir umsögn Dalvíkurbyggðar um umsókn Laxóss ehf. um rekstrarleyfi vegna landeldis á Árskógssandi. Málið var áður á dagskrá skipulagsráðs þann 22. júní 2022 og var afgreiðslu frestað.

Erindi dagsett 7. nóvember 2023 þar sem Vegagerðin tilkynnir um niðurfellingu Húsabakkavegar af þjóðvegaskrá.

Lögð fram drög að endurskoðuðum reglum Dalvíkurbyggðar um úthlutun lóða.

Lögð fram tillaga að breytingum á erindisbréfi skipulagsráðs þar sem m.a. er gert ráð fyrir auknum heimildum til fullnaðarafgreiðslu mála.

Lögð fram til kynningar drög að starfsáætlun framkvæmdasviðs Dalvíkurbyggðar fyrir árið 2024.

Lögð fram til kynningar drög að innviðagreiningu fyrir Dalvíkurbyggð sem unnin voru á vegum Sambands sveitarfélaga á norðurlandi eystra.

Lögð fram skýrsla fyrir málaflokk 09 fyrir janúar 2024 varðandi stöðu bókhalds í samanburði við heimildir.

Lagðar fram til kynningar fundargerðir 65. fundar dags. 22. desember 2023 og 66.fundar dags. 7. febrúar 2024, með fullnaðarafgreiðslum erinda.