Menningarráð
97. fundur
7. september 2023
kl.
08:15
-
10:35
í Múla á 3. hæð í Ráðhúsi Dalvíkur
Nefndarmenn
Lovísa María Sigurgeirsdóttir
formaður
Heiða Hilmarsdóttir
aðalmaður
Jóhann Már Kristinsson
varaformaður
Starfsmenn
Gísli Bjarnason
sviðsstjóri
Fundargerð ritaði:
Gísli Bjarnason
Sviðsstjóri fræðslu - og menningarsviðs
Dagskrá
1.
Starfsmannamál á söfnum og Menningarhúsi Berg
Björk Hólm Þorsteinsdóttir, forstöðumaður safna og Menningarhússins Berg, fer yfir stöðuna á starfsmannamálum hjá söfnum og Menningarhúsinu Berg.
Lagt fram til kynningar.
2.
Gjaldskrár 2024
Gjaldskrár hugmyndir fyrir fjárhagsárið 2024 teknar til umræðu.
Lagt fram til kynningar og umræðu.
3.
Fjárhagslegt stöðumat 2023(Málafl. 05)
Björk Hólm Þorsteinsdóttir, forstöðumaður safna og Menningarhússins Berg, fer yfir fjárhagslegt stöðumat hjá málaflokki 05.
Lagt fram til kynningar og umræðu.
4.
Vinnuhópur Gagarín
Björk Hólm Þorsteinsdóttir,forstöðumaður safna og Menningarhússins Berg, fór yfir stöðuna á verkefninu og hugmyndir um næstu skref
Lagt fram til kynningar. Menningarráð leggur til að unnið verði áfram í verkefninu.
5.
Starfs- og fjárhagsáætlun 2024 og þriggja ára áætlun 2025-2027
Drög að starfsáætlun fyrir söfn - og Menningarhússins Berg, lögð fram til kynningar fyrir Menningarráð.
Lagt fram til kynningar.
6.
Ástandsskoðun á byggðasafninu Hvoli
Björk Hólm Þorsteinsdóttir, forstöðumaður safna og Menningahússins Berg fór yfir stöðuna á varðveislu muna, vegna viðalds á húsnæði á Hvoli.
Menningarráð telur mjög brýnt að tekin verði ákvörðun um framtíðarstað Byggðasafnsins sem allra fyrst og framkvæmdir settar af stað.
7.
Fjárhagsáætlun 2024; Umsókn um styrk til greiðslu fasteignaskatts til félaga og félagasamtaka
Tekið fyrir bréf frá Sóknarnefnd Dalvíkurkirkju dags. 17.06.2023. Umsókn um styrk til greiðslu á fasteignaskatti.
Menningarráð samþykkir samhljóða með þremur atkvæðum og sviðstjóra er falið að koma erindi inn í fjárhagsáætlun fyrir fjárhagsárið 2024.
8.
Vegna fjárhagsáætlunar 2024
Tekið fyrir bréf frá Leikfélagi Dalvíkur dags. 19. júní, þar sem óskað er eftir því að sett verði fjármagn í frágang á neyðarútgangi í Ungó inn í fjárhagsáætlun 2024.
Menningarráð vísar málinu til Eigna - og framkvæmdadeildar, og óskar eftir að þetta verði gert sem fyrst.
9.
Ósk um fjármagn inn í fjárhagsáætlun fyrir Sjómannadag 2024
Tekið fyrir bréf frá Ragnheiði Rut Friðgeirsdóttur og Sigmari Erni Harðarsyni, dags. 12. júlí 2023, þar sem þau óska eftir fjármagni fyrir að halda sjómannadaginn hátíðlegan í fjárhagsáætlun fyrir fjárhagsárið 2024.
Menningarráð leggur til að gert verði ráð fyrir 400.000 kr. í að halda sjómannadag Dalvíkurbyggðar hátíðlegan.
10.
Ósk um endurskoðun á samningi varðandi húsnæðið Ungó og styrkveitingu frá Dalvíkurbyggð
Gísli Bjarnason, sviðsstjóri fræðslu - og menningarsviðs, lagði fram drög að styrktarsamningi milli Dalvíkurbyggðar og Leikfélags Dalvíkur.
Menningarráð leggur til að samningur verði samþykktur í Byggðaráði og staðfestur í sveitastjórn. Sviðstjóra falið að vinna málið til Byggðaráðs.
11.
Ósk um kaup á nýjum fjallkonubúningi
Gísli Bjarnason, sviðsstjóri fræðslu - og menningarsviðs, fór yfir stöðuna á verkefninu.
Menningarráð þakkar Ásrúnu Ingvadóttur af alhug fyrir frábæra vinnu við gerð á nýjum kirtli fjallkonubúnings Dalvíkurbyggðar og einnig þakkar menningarráð fyrir haglega unna minningarbók um gerð kirtilsins sem hún gaf sérstaklega Dalvíkurbyggð.