Menningarráð

Farið var yfir gögn sem eru undir gagnagáttinni, s.s. lög, gildi fræðslu- og menningarsviðs, siðareglur, reglugerðir og samþykktir, starfsáætlun og erindisbréf. Þessi gögn munu áfram vera aðgengileg kjörnum fulltrúum á gagnagáttinni.
Einnig var farið yfir ritun fundargerða, hæfi og vanhæfi, fjárhagsáætlanaferli og fleira sem snýr að störfum nefndamanna.

Farið var yfir erindisbréf menningarráðs.
Menningarráð samþykkir bréfið eins og það liggur fyrir og vísar því til afgreiðslu sveitarstjórnar.

Hildur Ösp Gylfadóttir sviðsstjóri fræðslu- og menningarsviðs var kjörinn ritari menningarráðs með öllum greiddum atkvæðum.

Menningaráð hefur fundað 6-8 skipti á ári. Ákveðið var að miða við að fundir ráðsins verði haldnir á þriðjudögum klukkan 8:15.

Með fundarboði fylgdi bréf frá Degi Atlasyni, dagsett 20. maí 2014 , en áður hafði erindinu verið vísað úr byggðaráði til íþrótta- og æskulýðsráðs sem vísaði því aftur til byggðaráðs og byggðaráð nú til Menningarráðs. Þar óskar hann eftir styrk vegna verkefnis sem heitir Fenris 2014 með Leikhópnum Sögu á Akureyri. Felst verkefnið m.a. í sýningarferð um Ísland, Danmörku og til Færeyja.

Menningarráð telur umsóknina afar spennandi en telur hana falla illa að reglum sjóðsins og vísar henni því aftur til byggðaráðs með ósk um jákvæð viðbrögð.
Menningarráð gerir í framhaldi af því tillögu til byggðaráðs um að settur verði liður inn í fjárhagsáætlun fyrir skapandi sumarstarf fyrir ungt fólk. Slíkt gæti verið góð viðbót við menningarflóru sveitarfélagsins og fyrir ungt listafólk.