44. fundur

5. júní 2014 kl. 12:00 - 14:00

í Múla á 3. hæð í Ráðhúsi Dalvíkur

Nefndarmenn

Freyr Antonsson Formaður

Þóra Rósa Geirsdóttir Varaformaður

Hlín Torfadóttir Aðalmaður

Hildur Ösp Gylfadóttir Sviðstjóri

Starfsmenn

Fundargerð ritaði:

Hildur Ösp Gylfadóttir Sviðstjóri Fræðslu- og menningarsviðs

Dagskrá

1.

Samkomuhúsið Höfði í Svarfaðardal; beiðni um aðkomu sveitarfélagsins

Málsnúmer 201405020

Tekið var fyrir erindi frá Ungmennafélaginu Atla, dagsett 28. apríl 2014, þar sem óskað er eftir styrk til endurbóta á Samkomuhúsnæðinu Höfða í Svarfaðardal.

Menningarráð lítur málið jákvæðum augum og vísar því til skoðunar hjá byggðaráði við gerð fjárhagsáætlunar 2015.

2.

Styrkbeiðni og beiðni um sýningarhald

Málsnúmer 201405150

Tekin var fyrir styrkbeiðni, dagsett 19. maí 2014, vegna sýningar Leikhópsins Lottu á Hróa Hetti.

Menningarráð samþykkir að greiða félaginu umbeðinn styrk að upphæð 15.000 kr. og vísar því á lið 05-81-9145.

3.

17. júní 2014

Málsnúmer 201406014

Undir þessum lið sat Gísli Rúnar Gylfason íþrótta- og æskulýðsfulltrúi fundinn.

Farið var yfir drög að dagskrá vegna 17. júní hátíðarhalda en starfshópur með upplýsingafulltrúa, forstöðumanni Víkurrastar og íþrótta- og æskulýðsfulltrúa ber veg og vanda að hátíðarhöldunum. Fram komu hugmyndir fyrir næsta ár.

Menningarráð þakkar fyrir upplýsingarnar.

4.

Tónlistarhátíðin Bergmál

Málsnúmer 201404111

Tekin var fyrir styrkbeiðni frá Menningarfélaginu Bergi vegna Tónlistarhátíðarinnar Bergmáls.

Menningarráð samþykkir að styrkja hátíðina um 200.000 kr. og vísar því á lið 05-81-9145