129. fundur

26. september 2019 kl. 09:00 - 11:00

í Múla á 3. hæð í Ráðhúsi Dalvíkur

Nefndarmenn

Jón Þórarinsson formaður

Ingunn Magnúsdóttir varaformaður

Hildur Birna Jónsdóttir aðalmaður

Sigvaldi Gunnlaugsson varamaður

Starfsmenn

Börkur Þór Ottósson sviðsstjóri

Fundargerð ritaði:

Börkur Þór Ottósson sviðsstjóri Umhverfis- og tæknisviðs

Dagskrá

1.

Fjárhagsáætlun 2020

Málsnúmer 201909100

Til umræðu fjárhagsrammi og starfsáætlun fyrir landbúnaðarmál 2020

Sviðsstjóri fór yfir fjárhagsramma og starfsáætlun landbúnaðarráðs fyrir 2020.
Landbúnaðarráð gerir ekki athugasemdir við framlögð gögn.
Samþykkt samhjóða með fjórum atkvæðum

2.

Fundargerðir fjallskiladeildar 2019

Málsnúmer 201909062

Fundargerð fjallskiladeildar Dalvíkurdeildar 2019 til umræðu.

Landbúnaðarráð Dalvíkurbyggðar getur ekki tekið innsent erindi sem fullgilda fundargerð Dalvíkurdeildar þar sem fjallskilanefndin var ekki kölluð saman vegna niðurröðunar gangnadagsverka haustið 2019.

3.

Fjallskilamál Dalvíkurdeildar

Málsnúmer 201909101

Til umræðu fjallskilamál í Dalvíkurdeild.

Fjallskilamál í Dalvíkurdeild eru óviðunandi þar sem meirihluti fjallskilanefndar fer ekki eftir auglýstu fyrirkomulagi hvað varðar göngur og réttir.
Landbúnaðarráð felur sviðsstjóra og formanni að taka saman öll þau gögn sem málið varða til áframhaldandi úrvinnslu.

4.

Upplýsingaskilti við Tungurétt

Málsnúmer 201805031

Formaður landbúnaðarráðs leggur til að komið verði upp upplýsingaskilti við Tungurétt á árinu 2020.

Landbúnaðarráð leggur til að fjármagn verði tryggt til uppsetningar á upplýsingaskilti við Tungurétt 2020.
Samþykkt samhljóða með fjórum atkvæðum

5.

Viðhald og endurbætur á fjallgirðingum í Dalvíkurbyggð

Málsnúmer 201909102

Til umræðu endurbætur og viðhald fjallgirðinga í Dalvíkurbyggð

Landbúnaðarráð felur sviðsstjóra að sækja um styrki til ráðuneyta í janúar 2020 til niðurrifs og förgunar á gömlum og ónýtum girðingum í sveitarfélaginu.
Ráðið leggur jafnframt til að gert sé ráð fyrir kr. 500.000,- til þessa verkefnis á lið 13210-4936 við gerð fjárhagsáætlunar 2020.
Samþykkt samhljóða með fjórum atkvæðum