Íþrótta- og æskulýðsráð

Íþrótta- og æskulýðsfulltrúa falið að óska eftir tilnefningum frá íþróttafélögum vegna kjörs á íþróttamanni Dalvíkurbyggðar. Félögin eiga að vera búin að skila inn tilnefningum í síðasta lagi 22. nóvember ár hvert.

Íþrótta- og æskulýðsráð kýs íþróttamann ársins á næsta fundi ráðsins.

Íþrótta- og æskulýðsráðs samþykkir að kjör á íþróttamanni Dalvíkurbyggðar verður lýst við hátíðlega athöfn fimmtudaginn 4. janúar 2018 kl. 16:00.

Nú þegar hefur verið auglýst eftir umsóknum í afreks- og styrktarsjóð. Umsóknarfrestur er til 26. nóvember. Umsóknir verða teknar fyrir á næsta fundi ráðsins.

Íþrótta- og æskulýðsfulltrúi kynnti skýrslu forstöðumanns Vinnuskóla Dalvíkurbyggðar.

Tekin var fyrir ábending frá Bessa og Orra á Ingvörum varðandi hjólabrettagarð. Íþrótta- og æskulýðsráð þakkar fyrir ábendinguna.

Íþrótta- og æskulýðsráð vísaði sl. vor til umræðu við fjárhagsáætlunargerð fyrir árið 2018 hugmyndum um hjólabraut. Í vinnu við fjárhagsáætlun á síðasta fundi ráðsins misfórst að fjalla um þetta mál og óskar því íþrótta- og æskulýðsráð eftir því að sveitarstjórn kanni hvort hægt verði að gera ráð fyrir einni braut á fjárhagsáætlun fyrir árið 2018. Kostnaður við slíka braut er áætlaður kr. 5.900.000.

Íþrótta- og æskulýðsráð tók fyrir gjaldskrá íþróttamiðstöðvar og félagsmiðstöðvar. Gjaldskráin tekur breytingum miðað við neysluverðsvísitölu. Gerðar voru smávægilegar breytingar til að rúna af vísitöluhækkun.