Íþrótta- og æskulýðsráð

Íþrótta- og æskulýðsfulltrúi kynnti tímaramma vegna starfs- og fjárhagsáætlunargerðar fyrir árið 2016-2019.

Reglur um hvatagreiðslur voru ræddar þó aðallega um lágmarkstíma viðkomandi frístundastarfs sem verður styrkhæft.

Í reglunum segir að til að teljast styrkhæft starf þarf starfsemin að ná yfir eina önn eða að lágmarki 10 vikur og þá aldrei minna en ein æfing í viku. Undantekning frá þessu eru sundnámskeið eða námskeið sem kennd eru á skemmri tíma en eru a.m.k. 20 klst.

Styttri námskeið ná alla jafna ekki að uppfylla þessi skilyrði og njóta því börn sem stunda slík námskeið ekki styrkja fyrir það.

Íþrótta- og æskulýðsráð samþykkir að gera breytingar á reglunum sem tekur á undantekningum á tímaramma námskeiða. Íþrótta- og æskulýðsfulltrúa falið að útfæra reglurnar miðað við umræður á fundinum og leggja fyrir ráðið á næsta fundi.

Íþrótta- og æskulýðsráð samþykkir að gjaldskrár hækki að jafnaði um 3% þó þannig að það námundist við heppilegar tölur.
Einnig er samþykkt að gjald fyrir tjaldsvæðið í Árskógi verði innifalið í leigu þegar húsnæðið er leigt út og að öryrkjar utan Dalvíkurbyggðar greiði kr. 200 í sund.

Íþrótta- og æskuýðsfulltrúi lagði fram tillögu að 3% hækkun launa nemenda Vinnuskóla Dalvíkurbyggðar sumarið 2016:

Íþrótta- og æskulýðsráð samþykkir tillöguna og að laun nemenda hækki um 3% og verði eftirfarandi árið 2016:
8. bekkur kr. 474
9. bekkur kr. 548
10. bekkur kr. 657

Undir þessum lið sat Viktor Már Jónasson forstöðumaður Víkurrastar.
Farið var yfir starfs- og fjárhagsáætlun málaflokksins.

Með fundarboði fylgdi tillaga sviðsstjóra að skiptingu fjárhagsramma. Er tillagan innan samþykkts fjárhagsramma þegar búið er að taka tillit til kr. 8.629.000 færslu á ramma vegna breytinga á bókuðum kostnaði Vinnuskóla.
Ramminnn er eftirfarandi:

Rammi (290269-8460 169)
281.969.200

Íþrótta- og æskulýðsráð
5.067.000
Æskulýðsfulltrúi
12.197.000
Heilsueflandi Dalvíkurbyggð
1.500.000
Leikvellir
-
Sumarnámskeið
150.000
Vinnuskóli
10.800.000
Víkurröst félagsmiðstöð
18.900.000
Íþróttamiðstöð
138.073.000
Ungmennaráð
485.000
Rimar
8.419.000
Árskógur
12.500.000
Sundskáli Svardæla
4.000.000
Styrkir v/ æskulýðsmála
68.825.000
Sparkvöllur
1.053.000

Samtals
281.969.000

Íþrótta- og æskulýðsráð samþykkir tillögu sviðsstjóra á skiptingu fjárhagsramma eins og hún liggur fyrir.

Farið var yfir samninga við íþróttafélögin. Íþrótta- og æskulýðsfulltrúa falið að senda íþróttafélögum drög að samningunum til umsagnar og yfirlestrar.