Íþrótta- og æskulýðsráð

Undir þessum lið kom á fund Íþrótta- og æskulýðsráðs fyrir hönd Golfklúbbsins Hamars Gísli Bjarnason. Farið var yfir þær endurbætur sem golfklúbburinn hefur farið í á Víkurröst og mögulegan frádrátt félagins á leigu vegna þeirra framkvæmda samkvæmt gildandi samningi við félagið.

Íþrótta- og æskulýðsráð samþykkir með 4 greiddum atkvæðum að þær framkvæmdir sem Golfklúbburinn hefur lokið við gangi upp í leigugreiðslur út samningstímann. Jón Ingi Sveinsson greiddi atkvæði á móti. Ráðið ítrekar þó að golfklúbbnum ber að sinna minniháttar viðhaldi út samningstímann.

Undir þessum lið kom á fund Íþrótta- og æskulýðsráðs, fyrir hönd Golfklúbbsins Hamars, Gísli Bjarnason. Gísli kynnti tillögu að nýrri staðsetningu golfvallar, sunnan við Skíðasvæðið í fólkvangnum.

Gísli vék af fundi kl. 8:40 og honum þakkaðar upplýsingarnar.

Íþrótta- og æskulýðsfulltrúi kynnti stöðuna varðandi vinnuskóla sumarsins. Búið er að auglýsa eftir forstöðumanni og flokksstjórum. Unnið er að fræðsluhlutanum í samvinnu við forstöðumann Víkurrastar.
Íþrótta- og æskulýðsráð samþykkir eftirfarandi vinnufyrirkomulag fyrir nemendur vinnuskóla sumarið 2014:
Árgangur 2000 vinnur 6 vikur, 3 klukkustundir á dag.
Árgangur 1999 vinnur 9 vikur, 3 klukkustundir á dag.
Árgangur 1998 vinnur 10 vikur, 6,5 klukkustundir á dag.
Íþrótta- og æskulýðsráð leggur til að laun nemenda hækki sem svarar um 3% frá árinu 2013. Laun verða þá eftirfarandi á klukkustund:
Árgangur 2000: 447
Árgangur 1999: 516
Árgangur 1998: 619

Með fundarboði fylgdi jafnframt tillaga að gjaldskrá fyrir þjónustu vinnuskóla. Íþrótta- og æskulýðsráð samþykkir tillöguna en um er að ræða u.þ.b. 5% hækkun. Jafnframt samþykkir ráðið að gagnger endurskoðun eigi sér stað á gjaldskránni í framhaldinu.


Friðjón vék af fundi 09:15

Íþrótta- og tómstundafulltrúi gerði grein fyrir stöðu mála varðandi innleiðingu verkefnisins Heilsueflandi Dalvíkurbyggð. Sótt hefur verið um styrk í Lýðheilsusjóð til innleiðingar á verkefninu.

Íþrótta- og æskulýðsráð samþykkir að gerður verði samningur við Embætti Landlæknis um að Dalvíkurbyggð verði heilsueflandi samfélag og felur sviðssjóra og íþrótta- og æskulýðsfulltrúa að ganga frá samningi þess efnis. Einnig leggur ráðið til að starfshópurinn starfi áfram á meðan verkefnið stendur. Jafnframt lýsir íþrótta- og æskulýðsráð ánægju sinni með málþingið og starf vinnuhópsins sem og annarra sem komið hafa að verkefninu.

Skíðafélögin á Ólafsfirði og Dalvík óska eftir styrk vegna unglingameistaramót Íslands sem haldið verður dagana 28.-30 mars 2014. Íþrótta- og æskulýðsráð frestar afgreiðslu til úthlutarfundar ráðsins í desember og er óskað eftir að uppgjör vegna mótsins liggi þá fyrir. Jafnframt er íþrótta- og æskulýðsfulltrúa falið að ræða við mótsnefnd um mögulega aðstöðu í Víkurröst.

Íþrótta- og æskulýðsfulltrúi og sviðsstjóri fræðslu- og menningarsviðs lögðu fram tillögu að breytingum á reglum um hvatagreiðslur. Lagt er til að réttur til hvatagreiðslna miðist við fæðingarár, ekki fæðingardag. Upp hafa komið vandamál varðandi kerfið ef miðað er við fæðingardag, sem myndi leysast ef miðað er við fæðingarár. Gengið verður frá endurgreiðslum til foreldra barna fædd 2008 sem skráð hafa börn sín í frístundir á árinu og hafa ekki fengið hvatagreiðslur.

Íþrótta- og æskulýðsráð samþykkir breytingarnar.