Íþrótta- og æskulýðsráð

Með fundarboði fylgdu reglur um hvatagreiðslur sem samþykktar voru á 47. fundi íþrótta- og æskulýðsráðs.  Jafnframt fylgdu útreikningar um iðkun og hvað áætlað er að upphæðin sem er á fjárhagsáætlun dugi fyrir hárri niðurgreiðslu. Íþrótta- og æskulýðsráð samþykkir minniháttar breytingar á reglunum og  leggur til að hvatagreiðslurnar verði 1400 kr. á mánuði samkvæmt reglunum fyrir tímabilið september til desember 2013. Við fjárhagsáætlanagerð 2014 verði upphæð þess árs ákveðin.

Með fundarboði fylgdu drög að reglum um Velferðarsjóð ungmenna en þær eru lítillega breyttar frá því að þær voru upphaflega samþykktar í íþrótta- og æskulýðsráði. Íþrótta- og æskulýðsráð samþykkir reglurnar um sjóðinn eins og þær liggja fyrir og vísar þeim til afgreiðslu sveitarstjórnar.

Sviðsstjóri og íþrótta- og æskulýðsfulltrúi fóru yfir fyrirhugaða vinnu við starfsáætlanagerð 2014  og var umræða um hvaða verkþætti íþrótta- og æskulýðsráð telur mikilvægt að verði settir í forgang á næsta ári en á næsta fundi ráðsins verður starfsáætlun að öllum líkindum til afgreiðslu. Jafnframt rætt um hvaða lykiltölur ráðið telur mikilvægt að lagðar séu fram í starfsáætlun og voru skráðir niður minnispunktar í þessu samhengi.

Sviðsstjóri og íþrótta- og æskulýðsfulltrúi kynntu þá vinnu sem farið hefur fram við að velja og skilgreina gildi fræðslu- og menningarsviðs og hver eru næstu skef en gildin eru: virðing, jákvæðni og metnaður. Íþrótta- og æskulýðsráð lýsir ánægju sinni með vinnuna og  þakkar fyrir upplýsingarnar.

Íþrótta- og æskulýðsfulltrúi fór yfir stöðu mála og hver eru næstu skref en beðið er áætlunar frá Peter W. Jessen byggingariðnfræðings hjá Verkís.

Íþrótta- og æskulýðsfulltrúi og Jóni Ingi Sveinsson fóru yfir stöðu mála og hver næstu skref eru.  Talsverð uppbygging mun eiga sér stað í sumar og  vonandi mun henni ljúka á næsta ári ef fjármagn fæst. Íþrótta- og æskulýðsráð þakkar upplýsingarnar.

Íþrótta- og æskulýðsfulltrúi kynnti  þá vinnu sem þegar hefur farið fram og hvað er framundan en stefnt er að málþingi um lýðheilsumál í sveitarfélaginu í haust. Íþrótta- og æskulýðsráð þakkar upplýsingarnar.

Íþrótta- og æskulýðsfulltrúi og formaður ráðsins upplýstu um stöðu mála og næstu skref. Íþrótta- og æskulýðsráð þakkar upplýsingarnar.