Íþrótta- og æskulýðsráð

Með fundarboði fylgdi samstarfssamningur við Grjótglímufélagið um uppbyggingu á klifuraðstöðu í Víkurröst. Grjótglímufélagið sér um alla uppbyggingu og hönnun á klifurvegg, fjáröflun og styrkumsóknir. Klifuraðstaðan verður í eigu Dalvíkurbyggðar sem gefur skóla, félagsmiðstöð, frístundaheimili og golfklúbb og íbúum möguleika á að nýta sér aðstöðuna. Grjótglímufélagið skuldbindur sig til að vera með opnun fyrir almenning a.m.k. 2 sinnum í mánuði yfir vetrartímann. Íþrótta- og æskulýðsráð samþykkir samninginn og vísar honum til bæjarstjórnar til afgreiðslu 

Lögð voru fram til umfjöllunar drög um almennar reglur um styrkveitingar í Dalvíkurbyggð. Íþrótta- og æskulýðsráð telur reglurnar of ítarlegar og  flóknar  en gerir ekki athugasemdir að öðru leiti.

Íþrótta- og æskulýðsfulltrúi kynnti drög að afnotasamningi við Golfklúbbinn Hamar vegna inniaðstöðu í Víkurröst. Helstu atriði samnings eru þau að lagt er til að samningstími verði til 31. desember 2020. Golfklúbburinn mun taka að sér allt viðhald innanhús og Dalvíkurbyggð allt viðhald utanhús. Íþrótta og æskulýðsráð samþykkir afnotasamningin með breytingum sem gerðar voru á fundinum og vísar honum til afgreiðslu í bæjarstjórn.

Íþrótta- og æskulýðsfulltrúi kynnti áframhaldandi vinnu vegna reglna um notkun Íþróttamiðstöðvar aðra en íþróttastarfsemi. Helsta breytingin frá fyrri umræðu er gjaldskrá sem komin er inn í reglurnar. Íþrótta- og æskulýðsráð samþykkir reglurnar og vísar þeim til afgreiðslu í bæjarstjórn.

Íþrótta- og æskulýðsfulltrúi kynnti erindi frá mótanefnd Skíðafélags Dalvíkur vegna Jónsmóts. Mótanefndin óskar eftir stuðningi við mótshald í sundlaug. Íþrótta- og æskulýðsráð samþykkir, í ljósi sögunnar að verða við beiðninni að þessu sinni, en beinir því til mótsnefndar að gera ráð fyrir þessum kostnaði að ári.

Íþrótta- og æskulýðsfulltrúi kynnti breytingar á gjaldskrá vegna móta íþróttafélaga sveitarfélagsins í Íþróttamiðstöðinni á Dalvík. Helstu breytingar eru þær að skýra betur upp hvernig sé staðið að málum þegar íþróttafélag sveitarfélagsins halda mót utan Íþróttamiðstöðvar en vilja nýta sundlaugina. Íþrótta og æskulýðsráð samþykkir reglurnar og vísar þeim til umfjöllunar í bæjarstjórn.

Íþrótta- og æskulýðsfulltrúi kynnti breytingar á reglum vegna niðurfellingu á leigu vegna fjáraflana. Helstu takmarkanir á niðurfellingu á leigu eru ef um dansleiki er að ræða, gistingu eða að atburðir standi yfir í meira en 3 klst. Íþrótta- og æskulýðsráð samþykkti breytingar á reglum og vísar þeim til bæjarstjórnar.

a) Upplýst var um fjárhagslega bráðabirgðaniðurstöðu málaflokksins  fyrir árið 2011. b) Ferð ráðsins í Skagafjörð verður 29. mars og verður fundað jafnhliða því. c) Rætt um úthlutun úr afreks- og styrktarsjóði en úthlutað verður einu sinni á ári frá og með þessu ári. d) Tekið var fyrir erindi frá framkvæmdastjóra Dalvík/Reyni vegna meistaraflokks þar sem óskað er eftir að leikmenn fái að nýta ræktina í íþróttamiðstöð án endurgjalds. Íþrótta- og æskulýðsráð hafnar beiðninni en minnir á að Dalvíkurbyggð veitir 40% afslátt til iðkenda íþróttafélaga sem stunda æfingar undir leiðsögn þjálfara. e) Upplýst var um stöðu á vinnu við deiliskipulagið á íþróttasvæðinu.