174. fundur

10. júní 2025 kl. 08:15 - 09:30

í Múla á 3. hæð í Ráðhúsi Dalvíkur

Nefndarmenn

Elsa Hlín Einarsdóttir formaður

Snævar Örn Ólafsson aðalmaður

Kristinn Bogi Antonsson aðalmaður

Jóhann Már Kristinsson varamaður

Starfsmenn

Gísli Bjarnason sviðsstjóri

Jón Stefán Jónsson starfsmaður

Fundargerð ritaði:

Jón Stefán Jónsson Íþróttafulltrúi

Dagskrá

1.

Starfs- og fjárhagsáætlun 2026-2029

Málsnúmer 202505063

Gísli Bjarnason, sviðsstjóri fræðslu- og menningarsviðs kynnti upphaf af vinnu við fjárhagsáætlunargerð.

Lagt fram til kynningar. Fundur með kjörnum fulltrúum vegna fjárhagsáætlunar verður 26. júní kl.16.15 í Menningarhúsinu Bergi.

2.

Samstarf sundlauga Dalvíkurbyggðar og Fjallabyggðar

Málsnúmer 202503092

Erindi frá forstöðumönnum sundlauga í Fjallabyggð og Dalvíkurbyggð lagt fyrir. Í erindinu fellst ótímabundið samstarf sundlauga sveitarfélaganna á þeim grundvelli að korthafar á hvorum stað fyrir sig hafi aðgang að sundlaugum beggja sveitarfélaga í gegnum kort sín.

Íþrótta- og æskulýðsráð leggur til við sveitarfélagið að koma þessu máli í framkvæmd og felur íþróttafulltrúa að ganga frá formlegum samningi og leggja fyrir sveitarstjórn.

3.

Umsókn um hækkun á rekstrarstyrk fyrir árið 2025

Málsnúmer 202506037

Í kjölfar erfiðs rekstrar vegna óheppilegra veðuraðstæðna í fjallinu sækir Skíðafélag Dalvíkur um aukinn styrk til reksturs skíðasvæðisins.

Íþrótta- og æskulýðsráð óskar eftir að forsvarsmenn Skíðafélags Dalvíkur komi á fund með ráðinu ásamt byggðaráði til að fara yfir rekstur skíðasvæðisins.

4.

Umsókn um hækkun framkvæmdastyrks vegna troðarahúss

Málsnúmer 202506038

Skíðafélagið óskar eftir frekari styrk til byggingar troðarahúss þar sem það framkvæmdafé sem ætlað var til verksins er búið. Framkvæmdin við húsið er ekki komin það langt að það sé komið í nothæft og varðveisluhæft ástand.

Íþrótta- og æskulýðsráð óskar eftir að forsvarsmenn Skíðafélags Dalvíkur komi á fund með ráðinu ásamt byggðaráði til að fara yfir framkvæmd og framhald byggingar Troðarahússins.