Íþrótta- og æskulýðsráð
171. fundur
4. mars 2025
kl.
08:15
-
10:45
í Upsa á 3. hæð í Ráðhúsi Dalvíkur
Nefndarmenn
Elsa Hlín Einarsdóttir
formaður
Sigríður Jódís Gunnarsdóttir
varaformaður
Snævar Örn Ólafsson
aðalmaður
Kristinn Bogi Antonsson
aðalmaður
Jóhann Már Kristinsson
varamaður
Starfsmenn
Gísli Bjarnason
sviðsstjóri
Jón Stefán Jónsson
starfsmaður
Fundargerð ritaði:
Jón Stefán Jónsson
Íþróttafulltrúi
Dagskrá
1.
Sumarnámskeið 2025
Jóna Guðbjörg Ágústsdóttir, frístundafulltrúi kynnir stöðu verkefnisins fyrir ráðinu og niðurstöður foreldrakönnunar er gerð var í tengslum við hugsanleg sumarnámskeið árið 2025.
Íþrótta- og æskulýðsráð þakkar frístundafulltrúa kynninguna. Ráðið felur frístundafulltrúa að kostnaðargreina verkefnið og auglýsa eftir starfsmanni í 50% starfshlutfall tengdum verkefninu.
2.
Samfelldur náms- og tómstundadagur barna
Frístundafulltrúi og íþróttafulltrúi kynna þá vinnu sem nú fer af stað í tengslum við verkefnið í ný stofnuðum vinnuhópi þar um.
Lagt fram til kynningar
3.
Beiðni um hjólabrettaaðstöðu - park
Íþróttafulltrúi kynnir stöðuna á verkefninu og mögulegar staðsetningar á brettaparkinu.
Íþrótta- og æskulýðsráð fagnar því að vinna sé hafin við verkefnið og hugmyndir um staðsetningu séu komnar í ferli.
4.
Samstarf við CDalvík
Forsvarsmenn CDalvíkur koma og kynna hugmyndir sínar um samstarf við Íþróttamiðstöðina.
Íþrótta- og æskulýðsráð þakkar forsvarsmönnum CDalvíkur fyrir kynninguna. Íþróttafulltrúa er falið að skoða möguleika á frekara samstarfi íþróttamiðstöðvar Dalvíkurbyggðar og CDalvíkur.
5.
Endurskoðun rekstrarsamnings UMFS vegna ÍB-korta
Knattspyrnudeild UMFS hefur sent íþróttafulltrúa athugasemdir vegna ÍB-korta, kynningu þeirra og fyrirkomulagi. Íþróttafulltrúi kynnir ráðinu greinagerð vegna málsins og mögulegar aðgerðir til þess að koma til móts við sjónarmið Knattspyrnudeildar UMFS.
Íþrótta- og æskulýðsráð frestar erindinu. Íþróttafulltrúa er falið að afla frekari gagna um hvernig málum er háttað hjá öðrum íþróttafélögum og sveitarfélögum.
6.
Rekstrarsamningur knattspyrnuvallar
Íþróttafulltrúi kynnir samningin og helstu atriði hans fyrir ráðinu. Dalvíkurbyggð og UMFS hafa þegar samþykkt samninginn og hefur hann tekið gildi.
Lagt fram til kynningar
7.
Opnunartími Íþróttamiðstöðvar - sumar og vetraropnun
Íþróttafulltrúi ræðir stöðu málsins. Farið yfir mögulegar sviðsmyndir og stöðuna þegar kemur að vöktum starfsfólks með tilliti til styttingu vinnuvikunar og opnunartíma.
Íþrótta- og æskulýðsráð felur íþróttafulltrúa að koma með fullmótaðar tillögur um opnunartíma Íþróttamiðstöðvar á næsta fund ráðsins.
8.
Styrktarumsókn vegna sundþjálfara
Styrktarumsókn frá Sundfélaginu Rán vegna árskorts fyrir þjálfara félagsins tekin fyrir.
Íþrótta- og æskulýðsráð hafnar erindinu með fimm atkvæðum. Ráðið bendir forsvarsmönnum Ránar á ÍB-kort.
9.
Vorfundur íþróttafélaga 2025
Íþrótta- og æskulýðsráð samþykkir með fimm atkvæðum að boða til vorfundar íþróttafélaga þriðjudaginn 6. maí kl.17.00 í Árskógi.