Íþrótta- og æskulýðsráð

Lögð fram til kynningar bókun byggðaráðs
"Byggðaráð getur ekki séð að styrkur vegna heita vatnsins fyrir Dalvíkurvöll sé full nýttur miðað við gildandi samning ef fjárhæðin er borin saman við útsenda reikninga. Samningar við íþróttafélögin eru lausir um næstu áramót. Byggðaráð samþykkir samhljóða með 3 atkvæðum að vísa málinu til skoðunar í íþrótta- og æskulýðsráði."

Styrkur vegna reksturs vallarins á næsta ári verður tekin í heild undir málinu Starfs- og fjárhagsáætlun 2024 og þriggja ára áætlun 2025-2027- málsnúmer-202304162.

Íþrótta- og æskulýðsfulltrúi gerði grein fyrir því að búið aðilar frá AVH hafi verið fengnir á staðinn og meta aðstæður. Beðið er eftir tölum frá þeim til að hægt verði að skoða kostnað við viðhald á sundlaug.

Íþrótta- og æskulýðsráð fór yfir gjaldskrá fyrir málaflokk 06. Ráðið samþykkir með 5 atkvæðum fyrirliggjandi gjaldskrá sem tekur mið af 4,9% hækkun. Gjaldskráin tekur gildi 1. janúar 2024.

Íþrótta- og æskulýðsráð vann í styrktarsamningum og fjárhagsáætlun. Íþrótta- og æskulýðsráð gerir ekki athugasemdir við fyrirliggjandi fjárhagsáætlun. Óskað er eftir hækkun á ramma vegna aukins rekstrarkostnaðar.
íþrótta- og æskulýðsráð samþykkir með 5 atkvæðum starfsáætlun íþrótta- og æskulýðsmála árið 2024.
Íþrótta- og æskulýðsráð leggur til að hvatastyrkur árið 2024 verði kr. 40.000.-
Íþrótta- og æskulýðsráð samþykkir að gerðir verði samningar til eins árs við íþróttafélögin og um leið verði skiptaregla vegna félagsstarfs endurskoðuð fyrir lok þess samnings.
Íþrótta- og æskulýðsráð leggur til að ráðinn verði starfsmaður innan íþróttahreyfingarinnar og boðað verði til formannafundar með íþróttafélögum vegna þessa. Gert var ráð fyrir þeim kostnaði inn í tillögu að fjárhagsáætlun næsta árs.
Íþrótta- og æskulýðsfulltrúa falið að vinna minnisblað með fjárhagsáætlun til skýringar á ofangreindu.

Íþrótta- og æskulýðsfulltrúi gerði grein fyrir því að vinnuhópur um uppbyggingu á skíðasvæði hefur ekki enn skilað niðurstöðu þar sem beðið er eftir gögnum frá verkfræðistofu.

Unnið var í þessum lið undir starfs- og fjárhagsáætlun. Stefnt er að því að samningar verði gerðir fyrir árið 2024 og eftir það verði gerðir samningar til 4 ára.