Íþrótta- og æskulýðsráð

Þetta mál er komið á borð Eigna- og framkvæmdardeildar og verður klárað þaðan. Lagt fram til kynningar

Íþrótta- og æskulýðsráð þakkar erindið. Klefamál hafa verið í skoðun og er starfsfólk alltaf að leita leiða til að finna lausnir á klefamálum og þeim kröfum sem eru í nútímasamfélagi. Aðstæður eru hins vegar þannig að ekki er hægt að finna lausn á sér aðstöðu nema með framkvæmdum. Þetta þarf að skoða þegar og ef það verður farið í framkvæmdir við húsið í framtíðinni. Gert er ráð fyrir að kaupa sundfatavindur árið 2024.

Rætt um gjaldskrár. Áframhaldandi vinna á næsta fundi.

Byggðaráð hefur samþykkt að Dalvíkurbyggð er tilbúið að koma með krónu á móti hverri þeirri krónu sem Skíðafélagið safnar í styrki fyrir Töfrateppi en þó að hámarki kr. 10.000.000.
Lagt fram til kynningar.

Sviðsstjóri og íþrótta- og æskulýðsfulltrúi fóru yfir þær framkvæmdir sem framundan eru í sundlauginni á Dalvík.

Lagt fram til kynningar

Farið yfir samninga við íþróttafélögin sem renna út um áramót. Áframhaldandi vinna á næsta fundi.

Íþrótta- og æskulýðsráð mun hér eftir taka fyrir málefni tengd heilsueflandi samfélagi þar sem enginn stýrihópur er starfandi. Ráðið telur þá mikilvægt að lagt verði fjármagn í verkefnið í fjárhagsáætlun 2024 til að halda úti verkefnum sem hafa verið í gangi.

Farið yfir starfsáætlun og næstu skref rædd varðandi skil á starfs- og fjárhagsáætlun næsta árs.