Fræðsluráð
280. fundur
8. mars 2023
kl.
08:15
-
11:00
í Upsa á 3. hæð í Ráðhúsi Dalvíkur
Nefndarmenn
Sigríður Jódís Gunnarsdóttir
aðalmaður
Snæþór Arnþórsson
aðalmaður
Benedikt Snær Magnússon
varaformaður
Þorsteinn Ingi Ragnarsson
varamaður
Helgi Einarsson
varamaður
Starfsmenn
Gísli Bjarnason
sviðsstjóri
Fundargerð ritaði:
Gísli Bjarnason
Sviðsstjóri fræðslu - og menningarsvið.
Jolanta Krystyna Brandt, boðaði forföll og í hennar stað kemur Helgi Einarsson. Monika Margrét Stefánsdóttir, boðaði forföll og í hennar stað kemur Þorsteinn Ingi.
Benedikt Snær Magnússon, tók að sér fundarstjórn.
Aðrir sem sitja fundinn: Friðrik Arnarson skólastjóri Dalvíkurskóla og Árskógarskóla, Guðrún Halldóra Jóhannsdóttir leikskólastjóri á Krílakoti, Ágústa Kristín Bjarnadóttir aðstoðarleikskólastjóri á Krílakoti, Kristín Magdalena Dagmannsdóttir fulltrúi starfsmanna á Krílakoti, Hugrún Felixdóttir fulltrúi kennara í Dalvíkurskóla. Gunnar Anton Njáll Gunnarsson, fulltrúi foreldra á Krílakoti,
Dagskrá
1.
Vegna innritunarreglu á leikskólum Dalvíkurbæjar
Tekið fyrir bréf frá Þóru Rósu Geirsdóttur dags. 16. feb. 2023
Fræðsluráð,þakkar Þóru Rósu fyrir bréfið og tekur vel í erindið að breyta innritunarreglum í samræmi við lengd fæðingarorlofs.
2.
Ósk um breytingu á innritunarreglum í leikskóla í Dalvíkurbyggð
Guðrún Halldóra Jóhannsdóttir, fór yfir ósk um breytingu á innritunarreglum í leikskóla í Dalvíkurbyggð.
Fræðsluráð tekur vel í erindið og felur stjórnendum í leikskóla að vinna málið áfram og koma með fullmótaðar innritunarreglur í samræmi við lengd fæðingarorlofs á næsta fund.
3.
Fjárhagslegt stöðumat 2022 (Málafl. 04)
Gísli Bjarnason, sviðsstjóri fræðslu - og menningarsviðs, Guðrún Halldóra Jóhannsdóttir, leikskólastjóri á Krílakoti, fóru yfir frávik í fjárhagsáætlun fyrir fjárhagsárið 2022.
Hugrún Felixdóttir og Friðrik Arnarson, koma inn á fund.
Fræðsluráð þakkar stjórnendum fyrir yfirferð á frávikum fyrir fjárhagsáætlun 2022.
4.
Skóladagatöl skólanna 2023 - 2024
Friðrik Arnarson, skólastjóri Árskógar- og Dalvíkurskóla og Guðrún Halldóra Jóhannsdóttir, leikskólastjóri á Krílakoti, fóru yfir skóladagatöl skólanna fyrir skólaárið 2023 - 2024.
Fræðsluráð, samþykkir með fimm atkvæðum skóladagatal Dalvíkurskóla fyrir skólaárið 2023 - 2024. Sviðsstjóra falið að vinna með stjórnendum leikskóla að skóladagatali fyrir 2023 - 2024 og koma með tillögu á næsta fund hjá Fræðsluráði.
5.
Landsskýrsla Íslensku æskulýðsrannsóknarinnar 2022
Gísli Bjarnason, sviðsstjóri fræðslu - og menningarsviðs, fór yfir helstu niðurstöður í lokaskýrslu Íslensku æskulýðsrannsóknarinnar 2022.
Lagt fram til kynningar
6.
Þjóðfundur um framtíð skólaþjónustu
Gísli Bjarnason, sviðsstjóri fræðslu- og menningarsviðs, fór yfir upplýsingar frá þjóðfundi um framtíð skólaþjónustu, sem haldin var í Hörpu 6. mars og kom jafnframt með hugmynd um að halda umræðu áfram í Dalvíkurbyggð.
Fræðsluráð leggur til að Snæþór Arnþórsson verði í umræðuhópi varðandi skólaþjónustu.
7.
Innleiðing laga um samþættingu þjónustu vegna farsældar barna
Gísli Bjarnason, sviðsstjóri fræðslu- og menningarsviðs, fór yfir stöðu mála er varðar innleiðingu laga um samþættingu þjónustu vegna farsældar barna.
Ágústa, Guðrún Halldóra, Kristín Magdalena og Gunnar Njáll fóru af fundi.
Lagt fram til kynningar.
8.
Breyttir starfshættir í grunnskóla
Friðrik Arnarson, skólastjóri Árskógar- og Dalvíkurskóla, fór yfir vangaveltur varðandi breytingar á starfsháttum í grunnskólum í Dalvíkurbyggð.
Fræðsluráð, þakkar Friðriki fyrir yfirferðina á hugmyndum er varða breytta starfshætti.
9.
Innleiðingaráætlun fyrir nýja Menntastefnu Dalvíkurbyggðar
Umræður um innleiðingaráætlun fyrir nýja menntastefnu Dalvíkurbyggðar
Unnið er að stöðumati á innleiðingu á menntastefnu og verður kynnt fyrir fræðsluráði í apríl/maí 2023.
10.
Heimsóknir fræðsluráðs í leik- og grunnskóla
Fræðsluráð fer í heimsókn í Árskógarskóla.
Frestað til næsta fundar.