Fræðsluráð

Gísli Bjarnason, sviðsstjóri fræðslu- og menningarsviðskynnti fundarboð frá Símey um ársfund sem hann mun sitja þann 10. apríl næstkomandi.

Friðrik Arnarson, skólastjóri Dalvíkurskóla kynnti viðmiðunarreglur skólans varðandi skólasókn og viðbrögð við ófullnægjandi skólasókn sem taka munu gildi næsta haust.

Kynning á Menningarminjakeppni Evrópu en markmið keppninnar er að vekja athygli barna og unglinga á menningarminjum hérlendis með því að vinna fjölbreytt verkefni sem snúa að minjum í umhverfi hvers og eins. Minjastofnun Íslands hvetur skóla til þátttöku í verkefninu.

Friðrik Arnarson, skólastjóri Dalvíkurskóla fór yfir fundagerðir fagráðs frá 18.mars og 8.apríl.

Skýrsla um úttekt á læsisstefnu sveitarfélaga kynnt. Úttektin sýnir meðal annars að 93% grunnskólabarna á íslandi og 87% leikskólabarna eru í skólum sem sett hafa sér læsisstefnu. Úttektin sýnir jafnframt einungis rúmlega þriðjungur allra sveitarfélaga hefur sett sér formlega læsisstefnu. Fræðsluráð Dalvíkurbyggðar samþykkti árið 2017 að læsisstefna Eyjafjarðar Læsi er lykillinn, yrði stefna sveitarfélagsins í læsi.

Stjórnendur leik-og grunnskóla lögðu fram skóladagatöl fyrir skólaárið 2019 - 2020.

Gísli Bjarnason, sviðstjóri fræðslu-og menningarsviðs lagði fram fjárhagslegt stöðumat á málaflokk 04, janúar til og með mars 2019.

Stjórnendur leik-og grunnskóla fóru yfir stöðu helstu verkefna sem og það helsta sem framundan er í starfinu.

Guðrún Halldóra Jóhannsdóttir, skólastjóri Krílakots fór yfir helstu niðurstöður úr foreldrakönnun sem lögð var fyrir í febrúar.

Guðrún Halldóra, leikskólastjóri Krílakots sagði frá styrkveitingu úr Sprotasjóði fyrir verkefnið orðaleik. Leikskólinn tekur þátt í verkefninu ásamt Miðstöð skólaþróunar og leikskólanum Iðavöllum. Markmið verkefnisins er að efla íslenskukennslu barna af erlendum uppruna í leikskólum og þróa aðgengilegt námsefni í íslensku fyrir leikskólabörn af erlendum uppruna.