224. fundur

14. mars 2018 kl. 08:15 - 11:00

í Upsa á 3. hæð í Ráðhúsi Dalvíkur

Nefndarmenn

Steinunn Jóhannsdóttir formaður

Þórunn Andrésdóttir varaformaður

Auður Helgadóttir aðalmaður

Valdemar Þór Viðarsson aðalmaður

Starfsmenn

Dóróþea Guðrún Reimarsdóttir starfsmaður

Hlynur Sigursveinsson sviðsstjóri

Fundargerð ritaði:

Hlynur Sigursveinsson Sviðsstjóri Fræðslu- og menningarsviðs

Dagskrá

1.

Sundlaugin í Árskógi

Málsnúmer 201210029

Skýrsla frá verkfræðistofunni Eflu um ástand sundlaugarinnar í Árskógi lögð fram til afgreiðslu. Sviðsstjóri fór yfir efni skýrslunnar og sagði einnig frá því að gengið hefði verið úr skugga um að frárennslislagnir eru í lagi.

Fræðsluráð leggur samhljóða til að farið verði í nauðsynlegar viðhaldsframkvæmdir svo fyrirhuguð sundkennsla geti farið fram í sundlauginni í Árskógi nú í vor. Sviðsstjóra er falið að vinna í samstarfi við umhverfis- og tæknivið að nákvæmri kostnaðaráætlun fyrir endurbætur á sundlauginni og leggja málið fyrir næsta fund ráðsins.

2.

Skóladagatöl 2018 - 2019

Málsnúmer 201802034

Tillögur að skóladagatölum leik- og grunnskóla fyrir skólaárið 2018-2019 lagðar fram.

Fræðsluráð samþykkir með 4 atkvæðum að fresta endanlegri afgreiðslu málsins til næsta fundar þegar búið verður að samræma skóladagatöl leik- og grunnskóla Dalvíkurbyggðar og Tónlistarskólans á Tröllaskaga eins og kostur er.

3.

Ráðning sálfræðings í hlutastarf

Málsnúmer 201709026

Með fundarboði fylgdi minnisblað frá Hlyni Sigursveinssyni, sviðsstjóra fræðslu-og menningarsviðs, sem varðar mögulega ráðningu sálfræðings til þjónustu við skólana í Dalvíkurbyggð.

Fræðsluráð samþykkir með 4 atkvæðum að fela sviðsstjóra að vinna áfram að málinu í samræmi við umræður á fundinum.

4.

Endurskoðuð stefna grunnskóla Dalvíkurbyggðar um þjónustu við börn með sérþarfir

Málsnúmer 201802035

Dóróþea Reimarsdóttir, sérfræðingur á fræðslusviði Dalvíkurbyggðar, kynnti endurskoðaða stefnu um þjónustu Dalvíkurbyggðar við börn með sérþarfir í grunnskólum sveitarfélagsins. Eldri stefna hefur verið í gildi frá árinu 2011.

Fræðsluráð samþykkir endurskoðaða stefnuna með 4 atkvæðum.

5.

Námsárangur

Málsnúmer 201503209

Með fundarboði fylgdi fundargerð 49. fundar vinnuhóps um bættan námsárangur í Dalvíkurskóla ásamt samanburði á stöðu Dalvíkurskóla og landsmeðaltali Lesferils, lesfimiprófs Menntamálastofnunar. Dóróþea Reimarsdóttir, sérfræðingur á fræðslusviði, gerði nánari grein fyrir málinu.

Lagt fram til kynningar.

6.

Umsókn um styrk vegna geðheilbrigðismála barna og unglinga

Málsnúmer 201802037

Á 856. fundi byggðaráðs var beiðni um styrkveitingu til geðheilbrigðismála barna og unglinga vísað til umsagnar í fræðsluráði. Með fundarboði fylgdi erindið sem barst frá Sólveigu Hlín Kristjánsdóttur, ódagsett en móttekið í rafpósti þann 12. febrúar 2018, þar sem óskað er eftir styrk vegna verkefnisins "Þinn besti vinur" - Hugræn atferlismeðferð fyrir unglinga og ungt fólk.

Fræðsluráð samþykkir með 4 atkvæðum að mæla með því að Dalvíkurbyggð styrki þetta verkefni.