Fræðsluráð
209. fundur
12. október 2016
kl.
08:15
-
12:00
í Upsa á 3. hæð í Ráðhúsi Dalvíkur
Nefndarmenn
Steinunn Jóhannsdóttir
formaður
Felix Rafn Felixson
aðalmaður
Auður Helgadóttir
aðalmaður
Valdemar Þór Viðarsson
aðalmaður
Þórunn Andrésdóttir
varamaður
Starfsmenn
Dóróþea Guðrún Reimarsdóttir
starfsmaður
Hlynur Sigursveinsson
sviðsstjóri
Fundargerð ritaði:
Dóróþea Reimarsdóttir
starfsmaður
Dagskrá
1.
Breyting á skipan fræðsluráðs 2016
Á 283. fundi sveitarstjórnar Dalvíkurbyggðar var staðfest breyting á hlutverkum fulltrúa í fræðsluráði en Lilja Björk Ólafsdóttir hafði óskað eftir að láta af störfum sem formaður. Steinunn Jóhannsdóttir tekur við formennsku í fræðsluráði og Lilja Björk Ólafsdóttir tekur sæti varaformanns.
Lagt fram til kynningar.
2.
Uppsögn á starfi leikskólastjóra
Drífa Þórarinsdóttir, leikskólastjóri á Krílakoti, hefur sagt upp störfum frá og með næstu áramótum. Þegar hefur verið auglýst eftir eftirmanni hennar og rennur umsóknarfrestur út 24. október n.k.
Lagt fram til kynningar.
3.
Starfs- og fjárhagsáætlun fræðslu- og menningarsviðs 2017
Með fundarboði fylgdi starfsáætlun fræðslusviðs ásamt drögum að skiptingu fjárhagsramma fræðslumála(04).
Sviðsstjóri kynnti breytingu á skipuriti fræðslu- og menningarsviðs, en sú breyting snýr ekki að ábyrgðarsviði fræðsluráðs, ásamt drögunum að fjárhagsrammanum. Gísli Bjarnason, Drífa Þórarinsdóttir og Gunnþór E. Gunnþórsson kynntu starfsáætlanir sinna stofnana fyrir næsta ár. Á fundinum voru gerðar lítils háttar breytingar á starfsáætlun. Fræðsluráð samþykkir starfsáætlunina með þeim breytingum sem gerðar voru á fundinum. Umræðu um fjárhagsrammann er vísað til næsta fundar þegar endanlegur fjárhagsrammi liggur fyrir.
4.
Gjaldskrár Dalvíkurbyggðar; tillögur fyrir árið 2017.
Sviðsstjóri gerði grein fyrir ákvörðun sveitarstjórnar um að almennt hækki gjaldskrár stofnana sveitarfélagsins um 3,9% milli áranna 2016 og 2017. Tekið er mið af verðbólguspá Hagstofu Íslands.
Fræðsluráð samþykkir 3,9% hækkun á þeim gjaldskrám sem undir ráðið heyra.
5.
Skólanámskrár 2016-2017
Með fundarboði fylgdu skólanámskrár og starfsáætlanir Krílakots, Árskógarskóla og Dalvíkurskóla fyrir yfirstandandi skólaár.
Gísli Bjarnason, Gunnþór E. Gunnþórsson og Drífa Þórarinsdóttir fóru yfir þær smávægilegu breytingar sem gerðar hafa verið á skólanámskránum frá síðasta skólaári. Unnið er að nýrri stefnumörkun varðandi heimanám í Dalvíkurskóla og mun hún taka gildi á skólaárinu. Fræðsluráð samþykkir skólanámskrár Dalvíkurskóla, Árskógarskóla og Krílakots eins og þær liggja fyrir.
6.
Þjóðarsáttmáli um læsi
Dóróþea Reimarsdóttir, kennsluráðgjafi, kynnti þá vinnu sem fram fór á starfsdögum læsisráðgjafa Menntamálaráðuneytisins með starfsfólki grunnskólanna 11. og 12. ágúst og starfsfólki leikskólanna 16. september. Fundarboði fylgdu glærur og fleiri gögn frá fyrirlestrum læsisráðgjafanna. Næsta skref er að vinna heildstæða lestrarstefnu fyrir sveitarfélagið og gera þjóðarsáttmálann sýnilegri í byggðarlaginu.
Lagt fram til kynningar.
7.
Námsárangur
Með fundarboði fylgdu fundargerðir 23., 24., 25. og 26. fundar vinnuhóps um bættan námsárangur í Dalvíkurskóla.
Lagt fram til kynningar.