Fræðsluráð
198. fundur
11. nóvember 2015
kl.
08:15
-
00:00
í Upsa á 3. hæð í Ráðhúsi Dalvíkur
Nefndarmenn
Lilja Björk Ólafsdóttir
formaður
Felix Rafn Felixson
Aðalmaður
Valdemar Þór Viðarsson
Aðalmaður
Auður Helgadóttir
Aðalmaður
Steinunn Jóhannsdóttir
varaformaður
Starfsmenn
Dóróþea Guðrún Reimarsdóttir
starfsmaður
Fundargerð ritaði:
Dóróþea Reimarsdóttir
kennsluráðgjafi á fræðslusviði Dalvíkurbyggðar.
Dagskrá
1.
Breyting á skipan Fræðsluráðs Dalvíkurbyggðar
Á 273. fundi sveitarstjórnar Dalvíkurbyggðar þann 27. október s.l. var Lilja Björk Ólafsdóttir kjörin formaður fræðsluráðs í stað Þórhöllu Karlsdóttur og Steinunn Jóhannsdóttir kjörin nýr fulltrúi í fræðsluráði og jafnframt varaformaður.
Fræðsluráð býður nýjan formann og varaformann velkomna og þakkar Þórhöllu Karlsdóttur fráfarandi formanni samstarfið.
2.
Uppsögn á starfi sviðsstjóra fræðslu- og menningarsviðs
Hildur Ösp Gylfadóttir, sviðsstjóri fræðslu- og menningarsviðs Dalvíkurbyggðar, hefur sagt starfi sínu lausu frá og með næstu áramótum.
Fræðsluráð færir Hildi Ösp bestu þakkir fyrir störf hennar að fræðslumálum í Dalvíkurbyggð, þakkar henni samstarfið og óskar henni velfarnaðar í nýju starfi.
3.
Þróun nemendafjölda í Árskógarskóla
Gunnþór Eyfjörð Gunnþórsson, skólastjóri Árskógarskóla, gerði grein fyrir þróun nemendafjölda í Árskógarskóla frá árinu 2012 og spá um þróun hans fram til ársins 2020.
Fræðsluráð leggur til að stofnaður verði vinnuhópur um eflingu og framtíð Árskógarskóla og starfsemi í Árskógi. Lagt er til að hann skipi einn fulltrúi starfsmanna, sem þeir velja sjálfir, einn fulltrúi foreldra nemenda í Árskógarskóla og einn fulltrúi úr fræðsluráði. Starfsmaður fræðsluskrifstofu verði starfsmaður vinnuhópsins. Vinnuhópurinn skili niðurstöðum fyrir 1. apríl 2016.
4.
Breyting á skóladagatali Krílakots og Kátakots
Með fundarboði fylgdi bréf dags. 26. október 2015 frá Drífu Þórarinsdóttur, leikskólastjóra, þar sem óskað er eftir breytingum á skóladagatali leikskólanna Krílakots og Kátakots skólaárið 2015-2016. Óskað er eftir að í stað lokunar eftir hádegi mánudaginn 4. janúar verði lokað fyrir hádegi þriðjudaginn 3.maí og í stað lokunar föstudaginn 6. maí verði lokað mánudaginn 2. maí. Heildarlengd lokunar helst óbreytt.
Fræðsluráð samþykkir umbeðna breytingu.
5.
Þjóðarsáttmáli um læsi
Með fundarboði fylgdu greinargerðir stjórnenda leik- og grunnskóla Dalvíkurbyggðar, sömu og lágu fyrir síðasta fundi. Samkvæmt þeim rúmast kostnaður vegna sáttmálans innan fjárhagsramma Árskógarskóla nema til komi aukning á þörf fyrir sérfræðiþjónustu sem ekki er fyrirséð í dag. Dalvíkurskóli þarf viðbótarfjárveitingu upp á 6.700.000 krónur á ári vegna launakostnaðar til að bæta þjónustu við börn af erlendum uppruna. Innan fjárhagsramma rúmast 450.000 krónur vegna fræðslu starfsmanna. Leikskólarnir Krílakot og Kátakot þurfa 2.500.000 á ári vegna 50% aukningar í sérkennslu, 300.000 kr. til kaupa á málörvunarefni á næsta ári og 500.000 vegna Söguskjóða og námskeiða fyrir foreldra barna af erlendum uppruna. Ekkert af þessu rúmast innan núverandi fjárhagsramma.
Fræðsluráð vísar þörf fyrir viðbótarfjármagn áfram til afgreiðslu í Byggðaráði Dalvíkurbyggðar.
6.
Áætlun um spjaldtölvuvæðingu og upplýsingatækni í Dalvíkurskóla
Með fundarboði fylgdi tillaga að stefnu í upplýsinga- og tæknimennt í Dalvíkurskóla ásamt áætluðum kostnaði við innleiðingu stefnunnar. Gísli Bjarnason, skólastjóri Dalvíkurskóla, fylgdi stefnunni úr hlaði. Kostnaðurinn sem áætlaður er vegna næsta skólaárs er inni í fjárhagsáætlun ársins 2016.
Fræðsluráð samþykkir stefnuna eins og hún liggur fyrir og ætlast til að hún verði endurskoðuð samhliða endurskoðun skólanámskrár ár hvert. Fræðsluráð óskar eftir við skólastjóra að fá reglulega kynningu á framvindu stefnunnar.
7.
Námsárangur
Með fundarboði fylgdu fundargerðir 10. og 11. fundar starfshóps um bættan námsárangur í Dalvíkurskóla.
Lagt fram til kynningar.