Fræðsluráð

Í fundargerð frá 192. fundi fræðsluráðs 13.maí 2015 voru í lið 5 gerð mistök við bókun um sumarleyfi leikskóla sumarið 2016. Þar stendur að til standi að loka bæði Krílakoti og Kátakoti í fimm vikur sumarið 2016. Þetta á eingöngu við um Krílakot sem verður lokað í fimm vikur frá 4. júlí til 10. ágúst 2016 vegna framkvæmda við viðbyggingu. Kátakot verður aðeins lokað í fjórar vikur frá 11. júlí til 10. ágúst 2016.

Skýrsla um ytra mat Dalvíkurskóla, Árskógarskóla, Káta- og Krílakots og Tónlistarskóla Dalvíkurbyggðar var lögð fyrir fundinn. Skýrslan er unnin af fræðsluskrifstofu.Ákveðið var að skoða ytra mat Tónlistarskóla Dalvíkurbyggðar á næsta fundi þar sem Magnús skólastjóri skólans hafði boðað forföll og sat ekki fundinn.

Gísli Bjarnason, skólastjóri Dalvíkurskóla, lagði fram uppfærða innleiðingaráætlun Dalvíkurskóla vegna skólastefnu Dalvíkurbyggðar og greindi frá þeim breytingum sem á henni hafa verið gerðar.

Gísli Bjarnason skólastjóri Dalvíkurskóla gerði grein fyrir þeim skrefum sem stigin voru í skólanum varðandi teymiskennslu síðasta vetur.Hann sagði frá uppgjörsfundi kennara í tengslum við teymiskennsluna og því sem er á döfunni næsta vetur. Gísli lagði fram áætlun um teymiskennslu næsta vetrar.

Gísli Bjarnason skólastjóri Dalvíkurskóla greindi frá vinnu síðasta fundar starfshóps um bættan námsárangur og þeirri vinnu sem starfsfólk Dalvíkurskóla fór í við lok skólaársins.