Fræðsluráð

Á 187. fundi fræðsluráðs var ákveðið að óska eftir ábendingum frá foreldrum varðandi sumarlokun í leikskólum. Sumarlokunin hefur verið á svipuðum tíma síðustu ár, þ.e. 4 vikur frá miðjum júlí og fram yfir Fiskidag.

Sex ábendingar bárust frá foreldrum um mögulegar breytingar en þær voru af ólíkum toga en um 125 börn eru á leikskólunum.

Fræðsluráð sér ekki ástæðu til að leggja til breytingar á sumarlokun og samþykkir því óbreytt fyrirkomulag.

Gísli Bjarnason kom inn á fundinn.

Með fundarboði fylgdu drög að tveggja ára framlengingu samnings við Veisluþjónustuna um hádegisverð í skólum, sbr. ákvörðun á síðasta fundi ráðsins. Framlengingin mun gilda fyrir skólaárin 2015-2017.

Fræðsluráð samþykkir samninginn eins og hann liggur fyrir með fjórum greiddum atkvæðum og vísar honum til afgreiðslu sveitarstjórnar. Felix Rafn Felixson greiddi atkvæði gegn samningnum.

Með fundarboði fylgdu drög að tveggja ára framlengingu samnings við fyrirtækið Ævar og Bóas ehf. um skólaakstur nemenda í Dalvíkurskóla og Árskógarskóla, sbr. ákvörðun á síðasta fundi fræðsluráðs. Framlengingin gildir fyrir skólaárin 2015-2017.

Fræðsluráð samþykkir samninginn eins og hann liggur fyrir með fjórum greiddum atkvæðum og vísar honum til afgreiðslu sveitarstjórnar. Felix Rafn Felixson greiddi atkvæði gegn samningnum.

Magnús Guðmundur Ólafsson kom inn á fundinn.

Sviðsstjóri og kennsluráðgjafi upplýstu um að á næstu dögum muni uppsett og útprentuð skólastefna líta dagsins ljós en hún verður send inn á öll heimili í sveitarfélaginu.
Áframhaldandi umræða varð um innleiðingu á stefnunni.

Fræðsluráð óskar eftir innleiðingaráætlun frá hverjum skóla og að þær verði sendar fræðsluskrifstofunni fyrir marslok 2015.

Gísli Bjarnason og Drífa Þórarinsdóttir véku af fundi.

Magnús Guðmundur Ólafsson, skólastjóri Tónlistarskóla Dalvíkurbyggðar kynnti fyrirkomulag vegna 50 ára afmælis Tónlistarskólans sem haldið verður hátíðlegt á árinu.

Afmælisveislan verður haldin í Bergi laugardaginn 7. mars 2015 og verða þar flutt ýmis atriði í tilefni dagsins.

Magnús Guðmundur Ólafsson skólastjóri Tónlistarskóla Dalvíkurbyggðar óskaði eftir því að breytingar yrðu gerðar á skóladagatali skólans fyrir skólaárið 2014-2015. Uppskerutónleikar skólans færast frá 20. febrúar til 17. mars en þá verður Nóta Tónlistarskóla Dalvíkurbyggðar haldin í Bergi. Mánudagurinn 23. febrúar breytist vegna þessa úr kennsludegi í starfsdag.

Breytt skóladagatal verður sent öllum foreldrum barna í skólanum og skýringar á breytingunum.

Magnús Guðmundur Ólafsson skólastjóri Tónlistarskóla Dalvíkurbyggðar kynnti fyrirkomulag uppskeruhátíðar tónlistarskólanna Nótunnar 2015. Hátíðin verður með breyttu sniði þetta árið vegna áhrifa verkfalls tónlistarskólakennara og mun hátíðin fara fram innan hvers skóla eða í samvinnu nokkurra skóla í einu og skal henni lokið fyrir 1. maí 2015. Tónlistarskóli Dalvíkurbyggðar mun halda sína hátíð í Bergi.

Frestað til næsta fundar.