Fræðsluráð

Skólastjóri Dalvíkurskóla, Björn Gunnlaugsson, fór yfir niðurstöður rafrænnar könnunar fyrir foreldra barna í 5. og 6. bekk sem er enn í gangi og fundar foreldra barna um skólabúðir fyrir 7. bekk í Dalvíkurskóla og Árskógarskóla. Niðurstöður bendir til að meirihluti foreldra kjósi að börn sín fari í skólabúðir á Reyki í Hrútafirði.

Greint var frá námsleyfi sem deildastjóri eldra stigs Dalvíkurskóla Friðrik Arnarson fékk úthlutað frá Námsleyfasjóði fyrir skólaárið 2014-2015. Guðný Jóna Þorsteinsdóttir mun leysa hann af.

Greint var frá hvatningarverðlaunum foreldraverðlauna Heimilis og skóla sem foreldrar, starfsfólk Káta- og Krílakots ásamt fræðslu- og menningarsviði Dalvíkurbyggðar hlutu í síðustu viku. Fulltrúar frá fræðslusviði, Kríla- og Kátakoti og úr foreldrahópi tóku við verðlaununum.

Fræðsluráð óskar öllum hlutaðeigandi til hamingju.

Helga Björt Möller kennsluráðgjafi sagði frá vinnu við skólastefnu Dalvíkurbyggðar. Vinnan er nú á seinni stigum.

Skóladagatöl fyrir skólaárið 2014-2015 voru lögð fyrir.

Dagatölin gera ráð fyrir sameiginlegum starfsdegi fyrir allt starfsfólk Dalvíkurbyggðar eftir hádegi 2. október 2014. Sá dagur er merktur inn á skóladagatöl allra skólanna.

Fræðsluráð samþykkir skóladagatölin eins og þau liggja fyrir.

Umræða var um veitingu launalausra leyfa og um jafnræði því tengdu. Þrír starfsmenn Dalvíkurskóla hafa óskað eftir launalausu leyfi næsta skólaár.

Með fundarboði fylgdu drög að breyttri gjaldskrá fyrir Tónlistarskóla Dalvíkurbyggðar. Magnús G. Ólafsson skólastjóri Tónlistarskóla Dalvíkurbyggðar greindi frá breytingum á gjaldskrá tónlistarskólans. Ekki er um að ræða almennar krónutöluhækkanir heldur breytingar á flokkum.

Fræðsluráð samþykkir breytingarnar.

Lögð var fyrir beiðni frá Sundsambandi Íslands um styrkveitingu vegna boðsundkeppni milli grunnskóla.

Fræðsluráð sér sér ekki fært að verða við beiðninni að þessu sinni.

Drífa Þórarinsdóttir skólastjóri Káta- og Krílakots upplýsti um að öllum börnum fæddum 2013 verið boðin leikskólavist frá hausti 2014 og tveimur börnum fæddum 2014.